Digital Sanskrit Buddhist Canon
- (626) 571-8811 ext.321
- [email protected]
Śīlanirdeśaparivartaḥ
Technical Details
- Text Version:
Romanized
- Input Personnel:
DSBC Staff
- Input Date:
2004
- Proof Reader:
Miroj Shakya
- Supplier:
Nagarjuna Institute of Exact Methods
- Sponsor:
University of the West
- Parallel Devanāgarī version शीलनिर्देशपरिवर्तः
daśeme kumāra anuśaṃsāḥ pariśuddhaśīlasya bodhisattvasya mahāsattvasya | katame daśa ? yaduta jñānaṃ ca pariśodhayati paripūrayati | buddhānāṃ bhagavatāmanuśikṣate | agarhito bhavati paṇḍitānām | pratijñāto na calati | pratipattau tiṣṭhati | saṃsārāt palāyate | nirvāṇamarpayati | niṣparyutthāno viharati | samādhiṃ pratilabhate | adaridraśca bhavati | ime kumāra daśānuśaṃsāḥ pariśuddhaśīlasya bodhisattvasya mahāsattvasya ||
tatredamucyate -
jñānaṃ ca paripūreti buddhānāmanuśikṣate |
agarhitaḥ paṇḍitānāṃ bhoti nityaṃ viśāradaḥ || 1 ||
pratijñāto na calati pratipattau ca tiṣṭhati |
arpeti yena nirvāṇaṃ saṃsārātaḥ palāyate || 2 ||
niṣparyutthito viharati samādhiṃ labhate laghu |
adaridraśca bhavati śīlaskandhe pratiṣṭhitaḥ || 3 ||
jñānaṃ ca tasyo paripūrṇu bhoti
anuśikṣate cāti tathāgatānām |
na cāsya nindāṃ prakaronti paṇḍitāḥ
tathā hi tasyo pariśuddha śīlam || 4 ||
pratijñāto'sau na calāti paṇḍitaḥ
tathā hi śūraḥ pratipattiye sthitaḥ |
dṛṣṭvā ca saṃsāramanekadoṣaṃ
palāyate nirvṛti yena yāti || 5 ||
paryutthitaṃ cittu na bhoti tasya
tathā hyasau śīlabale pratiṣṭhitaḥ |
kṣipraṃ samādhiṃ labhate niraṅgaṇaṃ
pariśuddhaśīlasyimi ānuśaṃsāḥ || 6 ||
iti śrīsamādhirāje śīlanirdeśaparivarto nāma saptaviṃśatimaḥ ||
The rights of the materials herein are as indicated by the source(s) cited. Rights in the compilation, indexing, and transliteration are held by University of the West where permitted by law. See Usage Policy for details.
Our Address
Newsletter
Subscribe to our newsletter for latest updates about the canon text of our project