• Home
• Canon Text
• Romanized
• śāstrapiṭaka
• yoginītantraṭīkā
• Dveśavajrasādhana

Dveśavajrasādhana

Technical Details

p.1 

upodghātaḥ 

namaḥ śrīhevajrāya ||

śrīmaddherukaṁ nāthaṁ sukhapahalasaṁkulaṁ niḥsva bhāvasvabhāvaṁ śāntaṁ khasamaṁ paraṁ sarvagaṁ śūnyābhinnaṁ nairātmāgarbhasthitam |

nūrtaṁ caturānandaṁ nirvāṇagatiṁgataṁ virahitakaluṣaṁ śuddhaṁ dveṣamuṣitaṁ vande ḍākinīnāthaṁ kapālākulaṁ prabhum ||

namāmi herukaṁ nāthaṁ nairātmāsahavigraham |

tatsādhanam ahaṁ vakṣye mūlatantrānusārataḥ ||   

atha śrīmaddhevajraḍākinījālamahā tantrarāje yad uktam āste tasmād uddhṛtyāryasaroruhapādair astavyastenāmnāyogadeśarakṣaṇārthaṁ saṇgopyoktam abhisamayaṁ mithyāgarvitasattvān dṛṣṭvā ḍākinījālabhayāc ca | kiñcidūṣmaprāptikāle ced abhisamayaspaṣṭīkaraṇahetor mayā saroruhapādanaptṛsutaputreṇa bhadranāmnā prasiddhena kodālyādhye ṣitena vajraḍākinyādeśena tathā ca mūlatantre yad uktam āste tad dṛṣṭvā śrutvā sākṣātkṛtvā dveṣavajrasādhanaṁ vacmi | ye kecid arthinaḥ śrīmaddhevajraḍākinījālamahātantrarājena taddhetoḥ ||

p.2

sādhanam

atha prathamaṁ tāvat mantrī yathāgurvārādhanādiparipāṭyārādhya guroḥ samyag āmnāyopadeśān gṛhītvā tāvac cared guptena yāvat kiñcidlābhaprāptir na bhavet | prāpte sati yathoktāṁ prajñām utpādyātmasāmarthyena no vā nimittena labdhvā | śmaśānādau vanāraṇye vā gacced yogī yāvat mahāmudrālābhaḥ syāt ||

tareyaṁ bhāvanā guptayogena | sukhāsana upaviśya mantrī repheṇa sūryaṁ svahṛdaye vibhāvya | tadupari nīlavarṇahūṁkāraṁ pañcaraśmikaṁ dṛṣṭvā | tān raśmīn ākāśe saṁsphāryānantalokadhātūn avabhāsya - śīheruko 'yaṁ iti uccāraṇāt - sveṣṭadevatācakraṁ gurubuddhabodhisattvādīṁś cānīyāgre vicintyārghapādyādikaṁ dattvā | puṣpadhūpādibhir abhyarcya | tadanu sveṣṭadevatāṁ purataḥ  -

gaurī mṛgalāñcanaṁ dhrti caurī mārtaṁḍabhājanam |

vetālī vārihastā ca bhaiṣajyaṁ dharti ghasmarī ||

pukkasī balahastā ca śabarī rasadharī bhavet |

caṇḍālī ḍamarukaṁ vādayet ḍomby āliṇganaṁ pradarśayet ||

etābhis tāvat saṁpūjya | bhagavantaṁ sphuratsaṁhāravigrahaṁ dhyātvā | tasyāgrataḥ saptavidhānuttarapūjāṁ kuryāt ||

p.3

yad anādisaṁsāre janmāvartaviḍambanair yatra yatropapadya kṛtaṁ mayā pāpakaṁ karma tat sarvam pratideśayāmi bhagavadagrataḥ punarakaraṇāya | tad anyasya saṁsārajanmajanmopapadya kṛtakāritānumoditam | puṇyaṁ sattvānām anumodayāmi | ātmano 'pi tat sarvaṁ pariṇāmayāmi anuttarāyāṁ samyaksaṁbodhau sattvānāṁ bodhicittotpattyartham || sarvagam mahājñānaṁ hekāravajraṁ buddhaṁ | tena yad uktaṁ tantramantrādi dharmaṁ | taccakrasthitadevatīgaṇaṁ saṇgham śaraṇaṁ gatvā | bhagavan samanvāhāryatām akṣayaphalaṁ prāpnuyām iti kṛtvā bodhicittam utpādayet || paścāt sarvasattvārthakaraṇahetoḥ sarvākāravaropetaśūnyatāyāṁ cittaṁ nirūpyānena mārgāśrayaṇam | punas tebhya ātmānam ātmanā dānaṁ dattvā | paścāt sādhana caraṇam ārabhet ||

tadanu prathamaṁ bhāvayena maitrīm ekaputraprematāṁ sarvasattveṣu || dvitīye mahārṇavadurgatau karuṇā || tṛtīye mahac cittam utpādya sarve saṁbodhau mayā pratiṣṭhāpayitavyāḥ herukarūpeṇātmānaṁ siddhaṁ buddhvā hasatīti muditā || caturthe yaśo 'yaśolābhālābhasu khaduḥkhastutinindāgrahaṁ nāstīti upekṣā ||

evaṁ caturbrahmavihārabhāvanāparyante mṛtakākrāntam ātmānaṁ vibhāvya | jñānālokavajrasamādhiyogena prākṛtaśarīrābhāvaṁ 

p.4

kṛtvā | tadanu jhaṭiti vaṁkāreṇa śaraccandrakarākāraṁ bhujadvayasuśobhanaṁ dharmamudrayā kārayugmam āpannaṁ vajraparyaṇkopaviṣṭaṁ śavopari candrasthaṁ bhāsitānantalokadhātukaṁ dvātriṁśallakṣaṇadharaṁ vyañjanāśītirājitaṁ sahajanāthaṁ prabhum atiśāntaṁ paśyet || 

tathā ca -

akṣarodbhavapiṇḍasya hūṁ-phaṭ-kārau na ceṣyate |

iti vacanāt | tataḥ -

svahṛdi bhāvayed rephaṁ tadbhavaṁ sūryamaṇḍalam |

taraiva hūṁkṛtiñ caiva prajñopāyasvarūpakam ||

kṛṣṇavarṇaṁ mahāghoraṁ hūṁkārād vajram udbhavet |

vajravaraṭake madhyasthaṁ hūṁtattvaṁ bhāvayet punaḥ ||

etat sarvaṁ pariṇamya yathopadeśāt | candrabimbaṁ vibhāvya | tatas tasmān niḥsṛtyordhve vajriṇaṁ mahābhīmam ākāśe dṛṣṭvā vakṣyamāṇopadeśataḥ | ātmānaṁ praveśya | sveṣṭadevatātmako bhavet ||

tathā coktaṁ bhagavatā mūlatantre -

hūṁkārapariṇataṁ dṛṣṭvā dveṣātmānaṁ vibhāvayet |

iti vacanāt | tasmāt sveṣṭadevatāpadaṁ niṣpādya sphārayet krodhān sarvān jvālāmālākulākulān yathāsthāneṣu tān dṛṣṭvā vikalpayet || yamāntakaṁ mahākṛṣṇaṁ vajramudgaradharaṁ savye pūrve cintayet ||

p.5

prajñāntakaṁ mahāśuklaṁ dakṣiṇe sitadaṇḍadharaṁ yāmyāṁ nyaset || padmāntakaṁ mahāraktaṁ vajrābjadharaṁ pradhāne paścime vibhāvayet || vighnāntakaṁ mahānīlaṁ karālavajradharaṁ savye cintayed uttaradiśi || acalarājaṁ mahākṛṣṇaṁ khaḍgadharaṁ dakṣiṇe aiśānyāṁ cintayet || ṭākkirājaṁ mahākṛṣṇaṁ pradhāna aṇkuśadharam āgneyāṁ vicintayet || nīladaṇḍaṁ mahākṛṣṇaṁ nīladaṇḍadharaṁ savye nairṛtyāṁ paśyet || mahābalaṁ mahākṛṣṇaṁ triśūlahastaṁ pradhāne vāyavyāṁ nyaset || ūrdhva uṣṇīṣacakravartinaṁ pītavarṇaṁ dakṣiṇe cakradharaṁ paśyet || adhare sumbharājaṁ dhūmravarṇaṁ bhayānakaṁ dakṣiṇe muṣaladharaṁ cintayet || ete krodhās trinetrā ūrdhvapiṇgalakeśā nānānāgopaśobhitā dvibhujaikamukhaḥ kharvalambodarā vāme trajanyāsaktavajrapāśadharā dhyātavyāḥ || kiṁ tu tanmadhye ṭakkyacalau lalitau vikṛtānanau | punaḥ sarve viśvābjasūrye pratyālāḍhapadena saṁcintyāḥ ||

oṁ sumbha nisumbha hūṁ 2 phaṭ || oṁ gṛhṇa 2 hūṁ 2 phaṭ || oṁ gṛhnāpaya 2 hūṁ 2 phaṭ || oṁ ānaya ho bhagavan vidyārāja hūṁ 2 phaṭ ||

ityādinājñāpya tān vajriṇā | ājñām ādāya | gatvā | tatra vināyakān gṛhītvā | yathāsthāneṣu sthitā iti vicintya | kīlam adhaḥ śūlāgram ūrdhve | amṛtarājākāraṁ jvālāmālākulaprabhaṁ saṁsthāpya | ājñāpya mantriṇā | krodhān ājñām ādāya | kīlayed vighnasaṁghātaṁ mantreṇānena dhīmān ||

p.6

oṁ gha gha ghātaya 2 sarvaduṣṭān phaṭ kīlaya 2 sarvapāpān phaṭ hūṁ 3 vajrakīla vajradharo ājñāpayati sarvaduṣṭavighnānāṁ kāyavākcittavajraṁ kīlaya hūṁ phaṭ |

kīlayitvā vighnān sarvān krodharājacihnena vajramudgaraṁ vicintya | oṁ vajramudgara vajrakīla ākotaya 2 hūṁ phaṭ | ity anenākoṭya nirvighnībhūya pāścāt -

repheṇa sūryaṁ purato vibhāvya

tasmin ravau hūṁbhavaviśvavajram |

tenaiva vajreṇa vibhāvayec ca 

prākārakaṁ pañjarabandhanañ ca ||

anena rakṣācakrānantare vakṣyamāṇopadeśena mahārakṣāṁ vibhāvayet | tanmadhye vyāpakāṁ dharmodayaṁ dhyātvā | tanmadhye yaṁkārādipariṇataṁ caturmahābhūtamaṇḍalam aṣṭaśmaśānamaṇḍitaṁ kūṭā gāraṁ ca bhāvayet ||

p.7

ata āha -

pūrve tiṣṭhati caṇḍograṁ taruśirīṣaśobhitam |

gajānanaṁ yakṣaṁ khyātaṁ śakraṁ tatra niyojayet ||

nāgaṁ ca vāsukīyuktaṁ meghaṁ garjitabhūṣitam |

merupavatarājaṁ ca caityaṁ rājati śāśvatam ||

dakṣiṇe punaḥ karaṇkaṁ cūtapādapamaṇḍitam |

mahiṣāsyaṁ yakṣaṁ khyātaṁ yamaṁ dikpatisaṁsthitam ||

padmaṁ nāma nāgaṁ tatra meghāvartakamaṇḍitam|

malayaparvatarājaṁ ca piśunacaityaṁ yojayet ||

pṛṣṭhe jvālākulaṁ nāma pādapāśokamaṇḍitam |

makarāsyaṁ yakṣaṁ tatra varuṇena kṛtojjvalam ||

ahiṁ karkoṭakaṁ tatra ghorameghaṁ vicintayet |

parvataṁ tu kailāsaṁ ca saṁjñācaityaṁ niyojayet ||

gahvaraṁ cottare deśe aśvatthavṛkṣabhūṣitaṁ |

narānano yakṣas tatra kuberaṁ ca vicintayet ||

nāgaṁ ca takṣakaṁ khyātaṁ meghaṁ ca ghūrṇitānvitam |

giriṁ mandarasaṁvṛttaṁ cittacaityaṁ niyojayet ||

lakṣmīvanam tu aiśānyāṁ vaṭapādapamaṇḍitam |

gomukho yakṣas tatrastho maheśvaraṁ vicintayet ||

p.8

śaṇkhapālam nāgaṁ khyātaṁ caṇḍameghena śobhitam |

mahendragirim atrāpi caityam advayam eva ca ||

aṭṭaṭṭahāsam āgneyyāṁ tarur bhāti karañjakam |

ajānano yakṣaḥ khyāto  hutāśanena maṇḍitam ||

nāgaṁ punar mahāpadmaṁ ghanameghena bhūṣitam |

gandhamādanam atrasthaṁ kāyacaityaṁ vicintayet ||

ghorāndhakāraṁ nairṛtyāṁ latā parkaṭimaṇḍitam |

mṛtakāsyaṁ yakṣaṁ proktaṁ rākṣasendreṇa rājitam ||

nāgaṁ punar anantaṁ ca meghapūraṇamaṇḍitam |

hemaparvatarājaṁ ca ratnacaityaṁ niyojayet ||

kilikilāravaṁ vāyavyāṁ vṛkṣapārthivānvitam |

kuraṇgāsyo yakṣaḥ khyāto marutā kṛtam ujjvalam ||

nāgaṁ ca kulikaṁ proktaṁ varṣaṁegheṇa pūritam |

śrīdharaṁ girirājaṁ ca dharmacaityaṁ niyojayet ||

etāni śmaśānāni mahārakṣācakramadhye vṛyadināmepacanvitāni ghoragahvarāṇi bhayānakāni vetālabhūtasaṁghair yakṣakumbhāṇḍarākṣasaiḥ sarpavyāghrāsthikapālamālākulaiḥ paripūritāni śṛgālāravoc -

p.9

calitāni vicintya | tanmadhye "caturasraṁ caturdvāraṁ catustoraṇa maṇḍitam" aṣṭastambhopaśobhitaṁ caturvedikāsamanvitaṁ hārārdhahāropaśobhitaṁ pakṣinīkramaśīrṣānvitaṁ kūṭāgāraṁ bhāvayet || prabhāsvaraṁ cintayitvā | tattvataḥ -

bhāvyante hi jagat sarvaṁ manasā yasmān na bhāvyate |

sarvadharmaparijñānād bhāvanā naiva bhāvanā ||

etena sarvatraidhātukam api nirābhāsaṁ dṛṣṭvā mahāmantrarājaṁ paṭhet - oṁ śūnyatājñānavajrasvabhāvātmako 'ham ||

tadanu hekāravajrālambanaṁ prati pañcākārābhisaṁbodhikramaṁ cintayed ākāśataḥ || tatrākārādya kṣarapariṇatādarśajñānacandraḥ | kālipariṇataḥ samatājñānasūryaḥ | anayor madhye gataṁ hevajracihnaṁ pratyavekṣaṇam ucyate | sarvair ekam anuṣṭhānaṁ bimbaniṣpattiḥ śuddhadharmatā || ebhir ekībhūya niṣpannaṁ sveṣṭadevaṁ ṣoḍaśabhujaṁ ṣaḍbhujaṁ caturbhujaṁ dvibhujaṁ vā | ardhaparyaṇkanāṭyāvasthitaṁ ṣaṇmudropetam ūrdhvapiṇgalakeśaṁ muṇḍamālāvirājitaṁ kṛṣṇavarṇaṁ mahāghoraṁ trailokyaikamūrtidharaṁ nairātmyāyogasamāpannaṁ mahāsukharatiyuktaṁ paśyet ||

tato nāṇḍaleyān vikalpayet | pañcākāraprayogataḥ ||

p.10

tatra pūrve gaurīṁ dhyāyāt caurīṁ dakṣiṇato nyaset |

paścime vetālī khyātā ghasmarīm avasavyake kalpayet ||

tadanu aiśānyādikoṇeṣu yathānukrameṇa pukkasyādicaturdevīr vinyasya vakṣyamāṇakraṁeṇa cintayed aṣṭamāt || bhūcarī khecarī nairātmā ca kāya vākcittapadmeṣu yathākrameṇātra svakāyamadhye draṣṭavyā mūlatantrānusārataḥ || idaṁ maṇḍalacakraṁ punaḥ sādhyasya rūpam uktam eva | sveṣṭadevaṁ dveṣākṛtiṁ niṣpādya ḍākinīcakraṁ vicintya gandharvasattvaṁ praveśya vajrī sukhānurāgeṇa svavidyayā saha drutāpanno 'bhūt ||

atha pukkasyādicaturdevatyo 'tiviṣaṇṇāś cakrapater abhāvaṁ dṛṣṭvā punaḥ svacittaṁ prabodhya vajragītaiḥ saṁcodayanti prabhum | prabhur api praṇidhānāvedhasāmarthyena svapnaprabodhitavad vajragītaṁ śrutvottiṣṭhet | pañcajñānamayabodhicittotthānakiraṇaiḥ sacarācaram ānīya tatra praveśya cakradevatāś ca gṛhītvā samarasībhūyopadeśāt sahajabimbaṁ trailokyaikamūrtiṁ mahāśāntaṁ candrakānta maṇiprabhaṁ paśyet | anuyogaṁ niṣpādyaivaṁ | tataḥ skandhadhātvāyataneṣu bījanyāsaṁ karoti vajrī | vajrādi khecarya-ntaparyantam || [āṁkāraṁ vinyased] rūpe | iṁ vedanāyāṁ smṛtam | punar īṁkāraṁ saṁjñāyām | saṁskāre uṁ nyaset | punar aṁkāraṁ 

p.11

vijñāne | pañcaskandhasvabhāvataḥ || uṁkāraṁ māṁse [nyaset | rakte ] ṛṁkāraṁ punar bhavet | ṝṁkāraṁ bodhicitte | majjamedayor ḻṁ punaḥ ||   ḻṁkāraṁ rūpabhāge ca śabde [eṁkāram cintayet] | aiṁkāraṁ gandhaviṣaye | rase tu oṁkāraṁ punaḥ | sparśe auṁkāraṁ vicintya | aṁkāraṁ dharmadhātutaḥ || anenātiyogaṁ niṣpādya mahāyogaṁ samārabhet ||

nābhau hṛdi kaṇṭhe lalāṭe padmacatuṣṭayaṁ [dhyātva | aṁ hūṁ oṁ haṁ] tatra vinyasya | kāyāditraya dhiṣṭhānaṁ cintayet | akṣararājaṁ śuklavarṇaṁ dhyātvā śirasi raśmiṁ niścārya tasmāt kāyasamūhena gaganam āpūrya saṁhārya tatraiva pūrvabīje praveśya kāyavajro bhavet |

oṁ kāyavajradharātmakāḥ sarvadharmāḥ kāyavajrātmako 'ham ||

āḥkāraṁ vākpathe dhyāyāt | raktavarṇaṁ vibhāvayet | raśmiṁ saṁsphārayitvā tasmād vāgvajrasamūhena gaganam āpūrṇaṁ dṛṣṭvā saṁhārya tatraiva prāgbīje praviṣṭaṁ vicintya vāgvajradharo bhavet |

oṁ vāgvajradharātmakāḥ sarvadharmāvāgvajrasvabhāvātmako 'ham ||

trailokyabījaṁ dhyāyāt | cittapathe kṛṣṇavarṇaṁ vibhāvayet | raśmiṁ saṁsphārya bījāt tasmāc cittavajrasamūhena gaganam āpūrṇaṁ dṛṣṭvā tatraivāntarlīnaṁ vicintya bījarāje praveśya cittavajradharo bhavet |

oṁ cittavajradharātmakāḥ sarvadharmāś cittavajradharātmako 'ham ||

p.12

tathā ca mantrakulapaṭale oṁ āḥ hūṁ kāyavākcittādhiṣṭhānaṁ śabdenoktaṁ bhagavatā iti me vacanāt ||

kāyavākcittam adhiṣṭhāya dveṣavajrapadaṁ dhyāyāt | anena mahāyogaṁ niṣpādya pūrvoktakrameṇa dhyātvā dveṣātmako bhavet | kṛṣṇavarṇaṁ mahāghoraṁ māracatuṣṭayākrāntaṁ ṣaṇmudropetaṁ nairātmāsamopetam ātmānaṁ paśyet || evam uktaṁ kutaḥ |

sattvabimbasaṁbhūtaṁ maṇḍaleśaṁ vibhāvayet |

iti vacanāt ||

idānīṁ yathāvidhiyogena varṇacihnādikaṁ dhyātvā trisamayātmako 'haṁ iti paṭhitvā trisamayātmako bhūtvā vidyāsādhanam ārabhet || manasā yadīpsitā vidyā cittavajrasaṁbhūtā | anyāpi sarvalakṣaṇopetā ca prajñādharā acalā guṇaśekharā loke sallajjā sattvavatsalā sādhake bhaktiyuktā tasyāḥ sādhanaṁ vakṣye yathāyogaṁ prayogataḥ || oṁkāraṁ śirasi dhyātvā | hṛdi hūṁ kāraṁ vinyaset | svākāraṁ cintayen nābhau | ūruyugme ca āḥkāram | kākāraṁ pādayor vinyasya bhagavadaṇganyāsaṁ yathā kṛtaṁ tathā bhagavatyāś ca kuryāt ||

rūpe vajrā sadākhyātā gaurī vedanāyāṁ smṛtā |

saṁjñāyāṁ vāriyoginī saṁskāre vajraḍākinī ||

p.13

vijñānasaskandhe nairātmyā bījanyāsena tattvataḥ ||

caturdhātuṣu pukkasyādicaturdevībījaṁ nyaset | cakṣurādyāyataneṣu gauryādayaḥ prakīrtitāḥ || evaṁ bhagavatīskandhadhātvāyataneṣu nyāsaṁ kṛtvā padmavajrādhiṣṭhānaṁ kuryāt || āḥkāreṇa padmaṁ dhyāyād dharmoda yākāram etanmadhye hūṁkārajaṁ kamalakośakiñjal-kasuṣiraṁ vicintya | tadanu hūṁkārasaṁbhavaṁ vajraṁ vibhāvya | oṁkāreṇa tanmaṇisuṣiraṁ dhyātvā | mantreṇādhitiṣṭhet |

oṁ padma sukhādhāra mahārāgasukhaṁdada |

caturānandabhāg viśva hūṁ 3 kāryaṁ kuruṣva me ||

oṁ vajra mahādveṣa caturānandadāyaka |

khagamukhaikaraso nātha hūṁ 3 kāryaṁ kuruṣva me ||

evaṁ vidhiyogena padmavajram adhiṣṭhāyānurāgayet | bāhye 'py evaṁ kṛtvā sevayed abhilāṣataḥ | mahāratisukhasamāpattiparyantenādiyogo nāma samādhiḥ ||

tatas tena pañcaskandhāhaṁkāraṁ kṛtvā vāgvajrād anurāgayet | samāpattito mahārāgānurāgataḥ || tato mahāsukhodbhavabodhicittaṁ kamalakoṣāntargataṁ dṛṣṭvā saṁskārābhiniveśena vajrābjasaṁbhūtarasaṁ rasanendriyeṇāloḍyānīya prīṇayed ātmānam | yāvat sarvatathāgatavajrayoginīkrodhādīnām areanā bhavet ||

p.14

tadanu śeṣaṁ yat kiñcil lavaleśasthitaṁ bodhicittaṁ tasambhavaṁ sacakrabhaṭṭārakaṁ vibhāvya mātṛpuramadhye hūṁvajraṁ niścāryānīya vajraḍākamārgeṇa praveśya payaḥ pānīyaṁ yathā tathā bhagavatīṁ ca aṁkāreṇotsṛjed iti cintayet ||

tataḥ sveṣṭadevaṁ mahākṛṣṇam ūrdhvapiṇgalakeśaṁ ṣaṇmudropetaṁ śirasi pañcakapālālaṁ kṛtamālāpaṭṭabaddhordhordhvajūṭam ardhaparyaṇkatāṇḍavadharaṁ nagnaṁ navanāṭyarasair yutam ||

śṛṇgāra 1 vīra 2 bībhatsa 3 raudra 4 hāsa 5 bhayānaka 6 karuṇā 7 adbhuta 8 śāntarasa 9 ||

mūrdhni visvavajrāṇkitaṁ sabhrūbhaṇgavikṛtānanaṁ trinetraṁ mahābhīmaṁ pralayānalajvālākulaṁ prabhuṁ bhagavantaṁ caturmārākrāntaṁ naraśiromālālaṁkṛtagātraṁ dviraṣṭavarṣākṛtilalitasva-vidyāyutaṁ paśyet || yadvad bhagavantaṁ tadvad bhagavatīṁ ca bhāvayet | kiṁ ca pañcamudropetā śuṣkanaraśiromālālaṁ kṛtagātrā kartikapālakaravyagrā || śeṣaṁ bhagavadvad boddhavyam iti || hastyaśvakharagāvoṣṭramanujaśarabhotukā dakṣiṇāṣṭakapāleṣu kramaśo jñātavyāḥ | tathā vāmāṣṭakapāleṣu pṛthivīvaruṇavātāgnicandra-sūryayamakuberān dhyāyāt | prathamaṁ mukhaṁ kṛṣṇaṁ | vā - 

p.15

maṁ raktaṁ | dakṣiṇaṁ śuklam | ūrdhvāsyaṁ dhūmraṁ vikṛtaṁ | śeṣamukhacatuṣṭayaṁ bhṛṇgasannibham || ṣoḍaśabhujacatuścaraṇasya ||

prathamavāmabhuje triśūlaṁ punar vāmabhuje vajraghaṇṭādharaṁ dakṣiṇe dvibhujābhyāṁ vajrakartidharam | mukhatrayam | pradhānamukhaṁ kṛṣṇaṁ vāmaṁ raktaṁ dakṣiṇam atiśuklaṁ mṛtakākrāntaṁ śeṣadvibhujābhyām vajraśṛṇkhalāsamāpannaṁ paśyet || ṣaḍbhujasya ||

vāmena kapālaṁ dakṣiṇena vajraṁ śeṣadvibhujābhyāṁ vajravārāhīsamāpannam ekānanaṁ śavākrāntaṁ dhyāyāt | caturbhujasya ||

vāme kalālakhaṭvāṇgaṁ dakṣiṇe jvaladvajraṁ śavākrāntaṁ dhyāyāt || dvibhujasya ||

sarve pūrvoktavarṇālaṁkṛtagātrā hūṁbhavāḥ || dvibhujasya prajñā vajrā sarvatas tādṛśī nairātmyā yathā saṁjñāmātrabhinnā || viharaṇakālopadarśitaṁ khaṭvāṇgam āliṇgya | iti sarve bhaṭṭārakāḥ prajñāyuktā ardhaparyaṇkanāṭyasthāḥ ||

ata evaṁbhūtaṁ bhagavantam ātmānaṁ dṛṣṭvā sveṣṭākāreṇa tadanu manthamanthānayogād devīcakram utsarjayet | gaṁ caṁ vaṁ ghaṁ paṁ 

p.16

śaṁ caṁ ḍaṁ iti bījākṣareṇotsṛjya | pūrve gaurīṁ kṛṣṇāṁ dakṣiṇe kartidharāṁ vāme rohitakarāṁ brahmākrāntāṁ rūpaskandhasvabhāvāṁ cintayet | dakṣiṇe caurīṁ raktāṁ savye kṛpīṭam avasavye vārāhaṁ śavākrāntāṁ vedanāskandhasvabhāvāṁ bhāvayet | paścime vettālīṁ dakṣiṇe kūrmahastāṁ vāme karoṭakadharāṁ taptacāmīkaradyutivarṇāṁ saṁjñāskandhasvabhāvāṁ narasiṁhārūḍhāṁ paśyet | uttare ghasmarīṁ maraktamaṇinibhāṁ savye sarpadharām avasavye yogapātrikādhṛtiṁ rudrārūḍhāṁ saṁskāraskandhasvarūpāṁ cintayet | aiśānyāṁ pukkasīṁ nīlavarṇāṁ dakṣiṇe siṁhadharāṁ pradhāne parśukarāṁ kṛtārūḍhāṁ pṛthivīdhātusvabhāvāṁ kalpayet | āgneyyāṁ śabarīṁ śuklāṁ pradhāne bhikṣudharām uttare khikkhiridharāṁ vittanāyakārūḍhām abdhātusvarūpāṁ sṛjet | nairṛtyāṁ caṇḍālīṁ gaganābhāṁ dakṣiṇe cakradharāṁ vāme lāṇgalahastāṁ rākṣasāsīnāṁ tejodhātusvabhāvāṁ sthāpayet | vāyavyāṁ ḍombinīṁ viśvavarṇāṁ | dakṣiṇe jvaladvajro vāme tarjanikā smṛtā | vemacitrisamārūḍhāṁ vāyudhātusvabhāvāṁ cintayed yogavit || bhūcarī khecarī nairātmā ca punar bhaṭṭārakotsargānupraveśāt praviṣṭā dhyātavyāḥ pūrvoktasthāneṣu yathākrameṇa ||

p.17

etāḥ sarvās trinetrā ūrdhvapiṇgalakeśāḥ pañcamudropetā nagnā ardhaparyaṇkatāṇḍavasthā raudrā dviraṣṭavarṣākṛtayaś candrāsanāsīnā draṣṭavyāḥ ||

evaṁ niṣpādya cakraṁ tanmadhyagato vajrī svakāyavinirgataraśmi-jālākiraṇair anantalokadhātum āpūrṇaṁ dṛṣṭvā tanmadhye māyānirmāṇavad ātmānaṁ cintayitvā svahṛdbījāt kiraṇajālair anantāparyantākāśaṁ gatvā svasamayacakrasadṛśaṁ jñānacakram ānīya purato dṛṣṭvārghapādyādikaṁ dattvā yathākrameṇa svasamayacakre praveśya śrīmaddhekārākāraṁ kuryāt ||

tadanv ekīkaraṇasamaye svakāyavinirgatakiraṇān niḥsṛtya | sarvatathāgatavajrayoginībo dhisattvakrodhādīn saṁmukhaṁ dṛṣṭvā | abhiṣekaṁ prārthayet || abhiṣiñcantu māṁ sarvatathāgatā iti kṛtvā taiḥ pañcatathāgataiḥ -

yathā hi jātamātreṇa snāpitāḥ sarvatathāgatāḥ |

tathāhaṁ snāpayiṣyāmi śuddhadivyena vāriṇā ||

oṁ sarvatathāgatābhiṣekasamayaśriye hūṁ ||

anena sanāpyanti te || vajraḍākinībhir jayajayākāraṁ kurvanti | bodhisattvāḥ saṁtuṣṭā ātmānaṁ paśyanti | krodhādayo 'bhivadanty ākāśāt || nānāvādyaśabdadhvanikolāhalāny uccalanti | kuṇkumacandanasuvarṇādiratnāni varṣantīti vicintya śirasi citteśaḥ syād | bhagavatyāś ca | citteśaśāśvataratneśāmitābhair gauryādayo mudrayitvā dveṣa -

p.18

mohapiśunarāgaiḥ pukkasyādīnāṁ śirasy aṇkayet || tato hṛṣṭamānasātmikā locanādayaḥ stuvanti gītyā ||

tuhuṁ pariveṭṭia joīṇisatheṁ tuhuṁ varaladdho appaṇa cittem | tai jā sāla carācara sohia karuṇācitteṁ sata saṁbohia |

māapapañce sāhasi kajja tuṭṭa ho maṇe siriheruarajja ||

tato vidyāgaṇamadhye prajñāyuto vajrī bhojanāmṛtam utpādayati || yaṁkāreṇa maruccakraṁ dhanvākāraṁ nīlaṁ tasyopari pāvakaṁ ravibījasaṁbhūtaṁ raktaṁ trikoṇākāraṁ tadupari tryakṣaramadhye padmabhājanaṁ muṇḍatrayaṁ tadadhare dhyāyāt | bhājanaṁ punar apy āḥkārādhiṣṭhitam || buṁkārādimantraṁ dhyātvā | tatra oṁkāraṁ punar ūrdhve matvā hūṁ tasyopari cintayet || anena dhyānāgninā dravīkṛtya pañcāmṛtapañcapradīpaṁ pāradarasākāraṁ paśyet || hūṁkārakiraṇair anantāparyantabuddhabodhisattvān anurāgya | jñānāmṛtam ānīya | ekīkṛtya | hūṁbhavavajreṇāloḍya | vilīno vajro 'mṛte gataḥ | oṁkāreṇoddīpyāḥkāreṇa bodhayitvātiśītalaṁ paśyet || tadanu bhujaśruvayā trikākṣareṇākṛṣyāmṛtaṁ kuṇḍodare juhoti | tanmāṇḍaleyān tadvad dhyāyāt ||

p.19

tato 'ṣṭaśmaśānamadhye bhagavantaṁ sphuratsaṁhāravigrahaṁ dhyātvānena vineyān vinīya tatraivāntarlīnaṁ vicintya || iti maṇḍalarājāgrī nāma samādhiḥ || ||

prathamaṁ bhāvayet kṛṣṇam yathāyogaprayogataḥ |

ṣaḍaṇgaṁ bhāvayitvā tu paścād varṇaṁ visarjayet ||

ṣaḍaṇgānantare vakṣyamāṇasūkṣmayogaṁ dhyātvā visarjanam iti | prabhāsvaraṁ cintayen mantrī pañcaskandhasvarūpataḥ || saṁharen māṇḍaleyān sattvān | gṛhītvā skandhaviṣayaṁ tato gauryādayo bodhicittavinirgatā iti viditvā |

gaurī syād bhagavadrūpe caurī vedanāyāṁ gatā |

vettālī ca saṁjñāskandhe saṁskāre ghasmarī punaḥ ||

pṛthivī caṇḍalī tāsāṁ vāte ca ḍombinī sthitā ||

yathopadeśāt saṁhṛtya ḍākinīgaṇamelakaṁ paścād ātmānaṁ cintayet | prabhāsvarapadaṁ param || nairātmyāṁ vijñāne matvā bījaraśmīn sphārayet punaḥ | tenaikīkṛtya bhagavān svabījāvasthāyāṁ sthitaḥ || tadanu candrasūryabījāny ekībhūya jhaṭiti prajvalitaṁ raśmipuñjākāraṁ dhyātvā krameṇa dīpaśikhāvad abhūt | tadanu kadalīgarbhaikākāraṁ dhyāyāt tāvad yāvad anupalambho bhavet || ata eva -

p.20

āi ṇa anta ṇa majjha tahiṁ ṇaū bhava ṇaū ṇibbāna |

ehu so paramamahāsuha ṇaū para ṇaū appāṇa ||

prabhāsvaragatiṇgata utthānaṁ ca vicintayet |

jhaṭity akārayogena cakranāthaṁ vibhāvayet ||

kiṁ tu "sattvabimbasaṁbhūtaṁ kathitaṁ śākyamahāmunibhāvakena bhāvayed evaṁ yathākramopadeśataḥ || ||

idānīṁ mantrajāpabalitattvasūkṣmayogā avatāryante || bhagavatīmukhād vinirgatāni saraśmikāni svamukhe praviśyāvadhūtīpathena gatvā vajramārgeṇa bhagavatīpadme praviśya mantrākṣarāṇi punar bhagavatīmukhāt svamukham anena krameṇa khedaparyantaṁ śāntikādibhedena varṇayogāj japet | dolājāpaḥ || hṛtsūrye maṇḍalākāreṇopaviṣṭāni mantrākṣarāṇy ūrdhvaśiraskāni cintayet | piṇḍajāpaḥ || dīrghanādenoccaranti sarve mantrākṣarāṇi | iti samayajāpaḥ || jāpaṁ ca kartavyaṁ punar mahad dhṛdayopadeśataḥ -

jñānamūrtidharo vajrī acintyaṁ bhāvayet sadā ||

p.21

oṁ deva picuvajra hūṁ 3 phaṭ svāhā | ṣoḍaśabhujasya ||

oṁ trailokyākṣepa hūṁ 3 phaṭ svāhā | dvibhujasya ||

oṁ jvala2bhyo hūṁ 3 phaṭ svāhā | caturbhujasya ||

oṁ kiṭi 2 vajra hūṁ 3 phaṭ svāhā | ṣaḍbhujasya ||

sarveṣām evaṁ hṛdayam || upahṛdayaṁ punaḥ |

oṁ vajrakartarihevajrāya hūṁ 3 phaṭ svāhā ||

oṁ aṣṭānanāya piṇgalordhvakeśavartmane caturviṁśati netrāya ṣoḍaśabhujāya kṛṣṇajīmūtavapuṣe kalālamālānekadhāriṇe ādhmātakrūracittāya ardhendudaṁṣṭriṇe māraya 2 kāraya 2 garjaya 2 tarjaya 2 śoṣaya 2 saptasāgarān bandha 2 nāgāṣṭakān gṛhṇa 2 sarvaśatrūn ha hā hi hī hu hū he hai ho hau haṁ haḥ phaṭ svāhā |

bhagavato mūlamantraḥ ||

oṁ aṣṭānanāya hūṁ 2 phaṭ | oṁ piṇgordhvakeśavartmane hūṁ 2 phaṭ |

oṁ caturviṁśatinetrāya hūṁ 2 phaṭ | oṁ ṣoḍaśabhujāya hūṁ 2 phaṭ |

oṁ kṛṣṇajīmūtavapuṣe hūṁ 2 phaṭ | oṁ kapālamālānekadhāriṇe hūṁ 2 phaṭ | oṁ ādhmātakrūracittāya hūṁ 2 phaṭ | oṁ ardhendudaṁṣṭriṇe hūṁ 2 phaṭ |

bhagavato 'ṣṭapadamantraḥ ||

oṁ aṁ nairātmye hūṁ phaṭ | oṁ vajraḍākinīye aṁ hūṁ phaṭ svāhā |

hṛdayopahṛdayau ||

p.22

oṁ aṁ āṁ iṁ īṁ uṁ ūṁ ṛṁ ṝṁ ḻṁ ḻṁ eṁ aiṁ oṁ auṁ aṁ phaṭ svāhā | 

bhagavatīmūlamantraḥ ||

oṁ aṁ āṁ hūṁ 2 phaṭ | oṁ iṁ īṁ hūṁ 2 phaṭ | oṁ uṁ ūṁ hūṁ 2 phaṭ | oṁ ṛṁ ṝṁ hūṁ 2 phaṭ | oṁ lṁ ḻṁ hūṁ 2 phaṭ | oṁ eṁ aiṁ hūṁ 2 phaṭ | oṁ oṁ auṁ hūṁ 2 phaṭ | oṁ aṁ hūṁ 2 phaṭ |

bhagavatyaṣṭapadamantraḥ ||

oṁ gaṁ vajragaurīyai hūṁ 2 phaṭ ||

oṁ caṁ vajracaurīyai hūṁ 2 phaṭ ||

oṁ vaṁ vajravettālīyai hūṁ 2 phaṭ ||

oṁ ghaṁ vajraghasmarīyai hūm 2 phaṭ ||

oṁ puṁ vajrapukkasīyai hūṁ 2 phaṭ ||

oṁ śaṁ vajraśabarīyai hūṁ 2 phaṭ ||

oṁ caṁ vajracaṇḍālīyai hūṁ 2 phaṭ ||

oṁ ḍaṁ vajraḍombinīyai hūṁ 2 phaṭ ||

evaṁ yatheccayā mantraṁ japet purvoktakrameṇa || kiṁ tu tanmadhye bhagavato mūlamantraṁ japec ca stutikāle stutim || tathāgataiḥ stutiṁ kuryāt ||

tadanu jñānālokavajrasamādhikrameṇa dveṣavajrapade sthitvā yathānurūpataḥ | ājñāya krodhān | traidhātu kagatān vināyakān ānīya -

oṁ inda jama jala jakkha bhuda vahni vāu rakkha |

canda sujja mada bappa talapātāla addhasappa sāhā ||

p.23

ity anenā bhimantrya mahāmokṣapuratrayeṣu praveśya purvoktakrameṇa śūnyam utpādya tryakṣareṇa tān niṣpādya kāyavākcittākāreṇā-dhiṣṭhāyātmanaṁ tadbhujamu khākāreṇa dṛṣṭvā puṣpadhūpagandhā-dibalyupahārakāle paramasamayagītikāṁ kākalikayā gātavyāṁ sarvasiddhisāṁnidhyakareṇārthaṁ yathopadeśato vajraghaṇṭādhareṇa mantriṇā | tadanantare -

idaṁ baliṁ bhuñja jiṁgha phulladhūpa māṁsa viṁgha |

amha kajja savva sādha khanti khuṇi pheḍa gāda ||

ity anena balyupahāraṁ dadyāt | tān bhuñjayed ātmānaṁ ca prīṇayet ||

oṁ akāro mukhaṁ sarvadharmāṇām ādyanutpannatvāt | oṁ āḥ hūṁ phaṭ svāhā || anena saṁtoṣya mūlamantreṇa stutvā śatākṣaraṁ paṭhet || tadanu "oṁ vajra muḥ" vāratrayena visarjayitvā saṁdhyāgītā ca gātavyā punaḥ || etena karmarājāgrī nāma samādhiḥ || ||

tato bhāvanāśaktyā vātagṛhīto yadā tadā prathamaṁ vaktavyaṁ tasya pratīkārahetoḥ | śirasy oṁkārajenduṁ dhyātvā mahāmṛtavṛṣṭyātmānaṁ puṣṭaṁ paśyed yāvat svāsthyaṁ prāpnoti ||

p.24

atha svacihnaṁ dharme vicintya | tanmadhyapadme sacakracakravartinaṁ vibhāvya | cihnapramāṇaṁ sarṣapasthūlamātraṁ tatra nirūpya | evam atra samādhināthaṁ sacakrātmakaṁ prabhum eva matvā | sūkṣmāt sūkṣmataraṁ sadā bhavet | tatra niyojayec cittaṁ yadā tatra nityaṁ sthirībhavati niścitam | cakreśvaraṁ pharen nityaṁ syāt ḍākinijālakulākula | gaganam āpūrṇaṁ paśyed acintyatvaṁ sarvabhāvataḥ || ityanantaraṁ sannāhadvayaṁ vakṣye dharmapādaprasādataḥ |

akṣobhyaś cakrirūpeṇāmitābhaḥ kuṇḍalātmakaḥ |

ratneśaḥ kaṇṭhamālāyāṁ haste vairocanaḥ sthitaḥ |

mekhalāyāṁ sthito 'moghaḥ sarvāṇge vajradhṛkpaśyet ||

cakṣuṣor mohavajrī syāt śrotrayor dveṣavajrikā |

ghrāṇe mātsaryakī khyātā vaktre ca rāgavajrikā |

kāye īrṣyāvajrī ca mano nairātmyayoginī ||

etad arthaṁ yathopadeśato buddhvā mahāsannāhasannaddhībhūya hared yogī trailokyāgāramadhye sahajahevajrayogataḥ ||

p.25

avasānam

gopitaṁ yatnād rāhulapādasya matpādaguror gurūṇāṁ sattvā bhaviṣyanti sattvāśeṣacittatair uktam eva satyam |

spaṣṭīkṛtaṁ bhāvakasukhahetave yatnāt tan mayā kramam 

ānandantu yoginīnayādhimuktāḥ sukhena bhadranāmnā ||

iti ||

|| || dveṣavajrasādhanaṁ samāptam || kṛtir iyaṁ

siddhācāryaśrīmadbhadrapādānām iti || ||