• Home
• Canon Text
• Romanized
• sūtrapiṭaka
• tantra
• yogottara tantra
• Śrīsarvabuddhasamāyogaḍākinījālasamvaranāmatantram

Śrīsarvabuddhasamāyogaḍākinījālasamvaranāmatantram

Technical Details

śrīsarvabuddhasamāyogaḍākinījālasamvaranāmatantram

oṁ namaḥ śrīvajrasattvāya|

rahasye parame ramye sarvātmani sadā sthitaḥ|

sarvabuddhamayaḥ sattvo vajrasattvaḥ paraṁ sukham||1||

asau svayambhū bhagavānekacaivādhidevatā|

sarvabuddhasamāyoga-ḍākinījālasaṁvaraḥ|| 2||

na rāgo na virāgaśca madhyamā nopalabhyate|

sarva-strīmāyāmudreyamayaṁ advayānamuktam|| 3||

sarvāsāmeva māyānāṁ strīmāyā praviśiṣyate|

prakṛtyaiva hi sā siddhā prabhāvena svabhāvataḥ|| 4||

anayā striyastriloke'smingauravyamupāyanti|

duścāriṇyo'pi siddhyante sarvalābhasukhotsavaiḥ||5||

sarvastrī-māyayā siddhāḥ svarūpaparivartanaiḥ|

vicitramāyā mudreya ḍākinīiti milicchayā||6||

ḍe vihāyasi gamane buddhadhātuvikalpitaḥ|

sarvākāśacarā siddhiṁ ḍākiniti prasiddhyati|| 7||

sarvato viśvamudrāṁ tu sarvato viśvasaṁvaraiḥ|

sarvabuddhasamāyogo ḍākinīti prasiddhyati|| 8||

ḍe vihāyasi gamane buddhadhātuḥ vikalpitaḥ|

sarvato gāmino siddhiḥ sarvabuddhātmaḍākinī||9||

(1)

sukhaṁ samiti vikhyātaṁ sarvabauddhaṁ mahāsukham|

sarvamāyā prayogaistu saṁvaraṁ tena saṁvaram|| 10||

sarvatra sarvataḥ sarvaṁ sarvathā sarvadā svayam|

sarva buddhādi sthiracalaṁ sarvabhāvaṁ bhavatyasau||11||

cittasattvaḥ samādhiśca bodhicaryāvicitradhā|

mārāṇarūpī caiva bodhibuddho bhavatyasau|| 12||

vajravajradharaṁ caiva padmaṁ padmadharaṁ tathā|

maṇiṁ maṇidharaṁ caiva bhavatyeṣāṁ kulāni ca|| 13||

saiva rāgo virāgaśca kāma mokṣa bhavatyapi|

trikālastribhavastrigra strilokastu tridhātukaḥ||14||

sthāvaraḥ sarva evāsau vicitra vividhā bhavet|

jaṁgamaḥ sarvato viśvaḥ sarvado hi bhavatyasau|| 15||

evamādyāmtvanantāgrā dharmadhātuḥ samāsamā|

ākāśadhātvaparyantaṁ sarvabhāvaṁ bhavatyasau|| 16||

sarvākāśāvakāśa śrīvajrasattvastathāgataḥ|

sarvabuddhasamāyoga-ḍākinījālasamvaraḥ|| 17||

yena mudrāvidhānena kalpāsaṁkhyeya koṭibhiḥ|

ā prāpya sarvabuddhatvaṁ prāpyatehaiva janmani|| 18||

tamahaṁ kalpayiṣyāmi sarvabuddhātma-samvaram|

ātmasādhanamatyantaṁ sarvabuddhātma-samvaram||19||

(2)

anantatyāntayogānāṁ devatālambanaṁ prati|

pratibimbamayāyogo niṣiktādiṣu jāyate|| 20||

sa tattvāśayayogānāṁ devatālambanaṁ prati|

ātmayogaḥ svasamayaḥ siddhyate paramākṣaraḥ||21||

na yoga pratibimbeṣu niṣiktādiṣu jāyate|

bodhicitta-mahadyogādyoginastvena devatāḥ|| 22||

bodhicittamidaṁ vajraṁ sarvabuddhasvamātmanaḥ|

tasmātsarvātmayogena sarvabuddhatvamāpnute||23||

ātmā vai sarvabuddhatvaṁ sarvasauritvameva ca|

svādhidevatayogena tasmādātmaiva sādhayet||24||

anena sarvabuddhatvaṁ sarvasauritvameva ca|

sarvavajradharatvañca siddhyatehaiva janmani||25||

ityāha bhagavāñchrīvajrasatvaḥ sarvabuddhasamāyoga-ḍākinījālasamvarāt

paramatattvāvalokaviṣayāvatāra-jñānamudrākalpaḥ prathamaḥ||1||

(3)

asau hi bhagavān yogo vajrasattvastathāgataḥ|

sarvabuddhasamāyoga-ḍākinījālasamvaraḥ|| 1||

vajrasattvātmasaṁyogaḥ sarvāveśaḥ prasiddhyati|

sarvabuddha-samāyoga-yogaiśvarya-mahāsukham||2||

ataḥ sukhaṁ sukhenaiva sarvabuddhatvamāpnute|

sarvabuddha-samāyoga-yogaiśvarya-mahāsukham||3||

nātra'sauca na niyamo na tapo na ca duṣkaram|

aduṣkarairaniyamaiḥ sukhairharṣaiśca siddhyati||4||

tasmādyatheṣṭavyāpārīsarvatrakasarvakṣaṁ tathā|

yathākāmakriyācārī yathābhuvi tathaiveṣṭhitaḥ||5||

utthito vā niṣaṇṇo vā caṁkramaṁ vā yathā sthitaḥ|

prahasanvā prajalpan vā yatra tatra yathā tathā||6||

amaṇḍala-praviṣṭo vā sarvāvaraṇavānapi|

svādhidevatayogātmāmandapuṇyo'pi siddhyati|| 7||

anena tattvayogena sādhayetsarvameva hi|

durbhuktaiḥ duṣkṛtaiḥ sarvaiḥ sarvathā na praduṣyati||8||

yena mudrā vidhānena aprāpyakalpa-koṭibhiḥ|

āmudraṇādavāpnoti sarvabuddhatvamuttamam||9||

tamahaṁ kalpayiṣyāmi svātma-sādhanamuktamam|

sarvabuddhasamāyoga-ḍākinījālasaṁvaram||10||

vajrasattvātmasaṁyoga-yathāveśa-pravarttanaiḥ|

sarvato viśvamudrātmā mandapuṇyo'pi siddhyati||11||

(4)

anayā mudraṇādeva sarvabuddhairadhiṣṭhyate|

svādhiṣṭhānādbhavatyeva sarvabuddhasamāgamaḥ||12||

sarvabuddha-samāyogātsarvabuddhamayo bhavet|

sarvabuddhamayatvācca sarvabuddha prasiddhyati||13||

yena paśyanti saṁyuktaṁ pūjayanti ca sarvathā|

dṛṣṭāntaiḥ pūjitāścaiva sarvabuddhā bhavanti hi|| 14||

darśana sparśanābhyāṁ ca sarvabuddhasya cāsya hi|

maṇḍala apraviṣṭo'pi dṛṣṭasatyā bhavanti hi|| 15||

darśanasparśanābhyāṁ ca śravaṇasmaraṇena ca|

sarvapāpaiḥ pramucyante yujyante sarvasiddhibhiḥ||16||

sarvabuddhasamāyogaiḥ sarvabuddhasya cāsya hi|

nāryāpi hi vimucyante buddhabodhiṁ spṛśanti ca| 17||

sarvatra sarvataḥ sarvaṁ sarvathā sarvadā svayam|

sarvabuddhamayaṁ siddhaṁ svamātmānaṁ sa paśyati|| 18||

sarvātmasaṁsthitaścaivaṁ pūjayanti tathāgatāḥ|

sarvapūjā mahāmeghavyūha-prasara-saṁcayaiḥ||19||

sarvātmapūjāyogaśrīvajrasattvatvamuttamam|

labhate sarvabuddhatmāsarvato'pi hi saṁvaram|| 20||

sarvayogopabhogaistu siddhyante śrīcaturguṇām|

sarvayogo hi bhagavān vajrasattvastathāgataḥ||21||

(5)

tasyopabhogaṁ sarvaṁ vai traidhātukamaśeṣataḥ|

sarvayogopabhogaistu sevyamānai yathāsukham||22||

svādhidevatayogena svamātmānaṁ prapūjayet|

pūjayennanu yogena sarvayoga sukhāni tu|| 23||

samāsvādayamānaśca svayamatiyogena siddhyati|

anenasarvabuddhātma-rasāyana-sukhena tu|| 24||

siddhayecchrīvajrasattvāyuyauvanārogyato satsukham|

sarvatra savartaḥ sarvaṁ sarvadā siddhyate hyasau||25||

sarvabuddhasamāyogaḍākinījālasaṁvaramityāha-bhagavāñchrīvajrasattvaḥ

sarvabuddhasamāyogaḍākinījālasaṁvarācchrīvajra-

sattvasaṁyogaḥ kalpaḥ dvitīyaḥ||2||

(6)

asau hi bhagavān yogo vajrasattvastathāgataḥ|

sarvabuddha-samāyoga-ḍakinījālasaṁvaraḥ||1|

śrīvajrasattvasaṁyogaḥ śrīmānsvasamayasukham|

sarvabuddha-samāyoga-yogaiśvarya-mahāsukham||2||

śrīvajrasattvasaṁyoga-prabhāvenaiva sarvataḥ|

svayaṁ pratyantasiddhyante sarvayogasukhotsavāḥ||3||

śrīvajrasattvasaṁyoga-prabhāvenaiva sarvataḥ|

svayaṁpratyanusiddhyanti sarvasiddhisukhotsavāḥ||4||

śrīvajrasattvasaṁyoga prabhāvanaiva sarvataḥ|

svayaṁ pratyanusiddhyante sarvaiśvarya-sukhotsavāḥ||5||

śrīvajrasattvasaṁyoga-prabhāvenaiva-sarvataḥ|

ākāśadhātuparyantā jāyante paramā striyaḥ||6||

tasya tāḥsamayodbhūtāḥ priyāḥ svasamayānugāḥ|

abhiyoga-mahāyoga-sarvātma-samayottamā||7||

ekasyai caikacāriṇyaḥ sahacaryāntacarāḥpriyāḥ|

sarvabuddhasamāyoga-ḍākinīparamojjvalaḥ||8||

sarvato viśvaramaṇaiḥ sarvamudrāmahāsukhāḥ|

sarvapūjāḥ paraṁ rājño devyaḥ paramaśāśvataḥ||9||

śrīvajrasattva saṁyogaḥ sarvadevī-samāgamaiḥ|

sarvato viśva-subhagaḥ sukhī pratyanusiddhyati||10||

(7)

anayā mudraṇādeva vajrasattvādhidevatāḥ|

ākaśadhātvaparyantāḥ sarvadevyo mahāsukhāḥ||11||

sarvayogasukhotsavāḥ prasajyabala mānavāḥ|

parasparaṁ praharṣayā ramanti puruṣā pi te||12||

pūjayanti ca sarvātma-sarvendriya-viniḥsṛtaiḥ|

sarvapūjā mahāmeghavyūha-prasarasaṁcayaiḥ||13||

sarvayogasukhātmakairahosukhaviniḥsṛtaiḥ|

sarvaratnaprakāraiśca sevayanti pramoditāḥ||14||

sarvadevyūpabhogaistu sevyamānaiḥ yathasukham|

svādhidaivatayogena svamātmānaṁ prapūjayet||15||

pūjayannantayogena sarvayogasukhāni tu|

samāścodayamānaśca svamatiyogena siddhyati|| 16||

anena sarvabuddhātma-rasāyanasukhena tu|

siddhyacchrīvajrasattvāyuyauvanārogyasatsukham||17||

sarvabuddhamahākāyaḥ sarvabuddhasarasvatī|

sarvabuddhamahācittaḥ sarvabuddhamahāmahaḥ||18||

sarvabuddhamahārājaḥ sarvavajradharādhipaḥ|

sarvalokeśvarapatiḥ sarvaratnādhipeśvaraḥ||19||

tābhiḥsauramyamāṇastu pātyatyutpanatīcchataḥ|

sarvadevī-mahāsiddhaścakravartī prasiddhyati||20||

(8)

na te kecidvarodārā dharmadhātusamāsamāḥ|

ākāśadhātvaparyantāḥ sarvaiśvaryasukhotsavāḥ||21||

yena yānāsya siddhyante janmanīhaiva sarvathā|

sarvabuddhasamāyogeśvarya-mahāsukhāḥ||22||

na te kecidvarodārā dharmadhātu-samāsamāḥ|

ākāśadhātuparyantāḥ sarvaiśvaryasukhotsavāḥ||23||

yena yānāsya siddhyante janmanīhaiva sarvathā|

sarvabuddhasamāyoga-ḍākinījālasaṁvaraiḥ||24||

ityāhabhagavāñchrīvajrasattvaḥ sarvabuddhasamāyogaḍākinījāla-

saṁvarātsarvadevīsamāyogasubhagaśrīvajra-

samayakalpastṛtīyaḥ||3||

(9)

asau hi bhagavānyogo vajrasattvastathāgataḥ|

sarvabuddhasamāyoga-ḍākinījālasaṁvaram||1||

sarvadevīsamāyoga-subhagottama-kārmukaḥ|

sukhāsvādātisaṁyogaḥ sthiraśāśvata manmathaḥ||2||

sarvabuddha-mahārūpasvarāmoda rasotsvāḥ|

sarvabuddha-sukhasparśāścopabhogairbhunaktyasau||3||

bauddhāḥ pāramitāḥ siddhā dhāraṇyo bhūmayastathā|

ramante kiṁ punarnāyaḥ subhagā divyamāntathā||4||

amārāṁ duṣkarāṁ siddhāṁ buddhabodhiṁ mahāsukhām|

sukhāsvādātisubhagāṁ svayampratyanusiddhyati||5||

sarvasiddhi-samudbhūtāṁ sarvatāthāgatīṁ śriyam|

sarvopabhoga-subhagāṁ copabhogairbhunaktyasau||6||

vajriṇaḥparamāṁ siddhiṁ lokeśāmparamāṁ śriyam|

buddhebhyaḥ paramaṁ saukhyamapahṛtyopabhuṁjati||7||

sarvabuddha-mahārājyaṁ traidhātukamaśeṣataḥ|

prasahya balamāhṛtya pauruṣeṇopabhuṁjati||8||

sarvabuddhamahāsiddhi-paramaiśvaryamuktamam|

samākaṭyopabhukte'sau kimutānyo vibhūtayaḥ||9||

nārāyaṇātsthirāṁ lakṣmīharāṁ siddhiṁ smarādratīm|

prasahya balamāhṛtya bhaktebhyaḥ pradadātyasau||10||

brahmāviṣṇumaheśebhyaḥ pāramaiśvaryamuktamam|

samākaṭyadadātyāsu kimutonyā vibhūtayaḥ||11||

nādeyaṁ kiñcidasyāsti nākāryaṁ vidyate punaḥ|

sarvabuddhāna kāryāṇi dadāti ca karoti ca||12||

(10)

buddhatvaṁ bodhisattvamapahṛtya dadāti ca|

kiṁ punaḥ siddhyaścānyāḥkarmāgrāprasarāṇi ca||13||

amogha-prasarassiddhaḥ sarvasainya-prabhañjakaḥ|

sarvabuddha-mahāsiddhiścakravartī prasiddhyati||14||

sarvabuddhasamāyoga-ḍākinījālasaṁvaraiḥ|

sarvabuddhamahāsiddhiḥ vikurvansaṁpravartakaḥ||15||

kvacidbodhi-mahācittaṁ kvaciccaryā yathātathā|

kvacittuṣita-devebhyaḥ apakramaṇamuttamam||16||

kvacijjātiviśuddhaṁ hi kvacinniṣkramaṇaṁ purāt|

kvacidbodha-mahārātrā kvacinmāraparājayaḥ||17||

kvacidbodhyabhisaṁbodhiḥ kvaciccakrapravartanam|

kvacicca parabhītyānāṁ sahadharmeṇa nigrahaḥ||18||

sarvasiddhīśvaratvaṁ śrītrilokavijayaṁ kvacit|

kvacicca sarvakalpāgrya siddhaiśvaryamanuttaram||19||

evamādiranantāgraiḥ sarvabuddhātmasaṁvaraiḥ|

narnartti vinayopāya-ratikrīḍā-vikurvitaiḥ||20||

sarvottamamahāsiddhirmāhaiśvaryādhipaḥ sthiraḥ|

rūpāyurbalavarṇaśrīvajrasattva ivāparaḥ||21||

sevyamāno jagahitastu pūjyamānastathāgataiḥ|

sarvadevīśvaraḥ śrīmānvajrasattvaḥ prasiddhyati||22||

āmudrannaśeṣantu sattvadhātumanekadhā|

amārāṁ duṣkarāṁ bodhisattvebhyaḥ pradade sthirām||23||

aśeṣānavaśeṣāśca sarvakalpāṁ bhavetsvayam|

karoti sarvabuddhātmasaṁvaraiḥ buddhayogajaiḥ||24||

(11)

ityāha bhagavācchrīvajrasattvastathāgataḥ|

sarvabuddhasamāyogaḍākinījāla-saṁvarāt ||25||

sarvatoviśvasubhagottamasiddhināmaśrī-

samayakalpaścaturthaḥ||4||

(12)

asau hi bhagavān yogo vajrasattvastathāgataḥ|

sarvabuddhasamāyogaḍākinījālasamvaram||1||

eka eva hi saṁsiddho yathākāmaniyojitaḥ|

sarvakalpavidhāneṣu parāsiddhiranuttarā||2||

vicitrakarmayogena vicitravidhikāṁkṣiṇām|

sattvānāṁ vinayārthāya sarvasaukhyaprasiddhaye||3||

sa eva bhagavān yogaḥ sarvabuddhavikurvitaḥ|

vikurvansarvasattvārthaṁ sutarāmāśu sidhyati||4||

pratyahaṁ pratimāsaṁ vā pratisamvatsarantathā|

yathādhiṣṭhānato vāpi nāṭayed buddhasamvaraiḥ|| 5||

sarvadhātumayairvāpi jīvamūlamayaistathā|

svādhideva pratimukhaiḥ siddhammudrāpravarttitam||6||

yadyanmaṇḍalasevedviśvamudropahārataḥ|

tattacchiṣyagaṇaiḥ sarvaiḥ pūjayan tu mahāpayet||7||

ataḥ parampravakṣāmi sarvabuddhavikurvitam|

kathayā sarvakalpasya yathāyogavikurvitam||8||

rahasye parame ramye sarvātmani sadāsthitaḥ|

sarvabuddhamayaḥ sattvo vajrasattvaḥ paraṁ sukham||9||

asau hi bhagavān yogaḥ sthiraḥ paramaśāśvataḥ|

pratyutpannaḥ sadā caiva svabhāvo duratikramaḥ|| 10||

vicitrakarmayogena vicitravidhikāṁkṣiṇām|

buddhavajradharādyāstu kṛtakā vinayāḥ smṛtāḥ||11||

(13)

sarvabuddhādisthiracalā sarvabhāvā bhavatyasau|

sarvabuddhasamāyogaḍākinījālasaṁmvaram||12||

anena māyāyogena sarvato viśvamuttamam|

buddhādivinayaiḥ siddhaṁ sarvasattvārthamuttamam||13||

śrīvajrasattvāśvāsaḥ||

bhūtapūrvamatīte'dhve śāśvatasya mahātmanaḥ|

tathāgatasya pravacane prāgāsījjagataḥ sthitiḥ|| 14||

atyantaśūnyatāyuktāḥ sarvasattvāstadābhavan|

nirodhadharmatāyogāniruddhāḥ parinirvṛtāḥ|| 15||

sa eva bhagavān yogo vajrasattvastathāgataḥ|

sarvamokṣaviśuddhyarthaṁ buddhanirvāṇamāvatet||16||

na śūnyaṁ nāpi vā śūnyaṁ madhyamā nopalabhyate|

prajñāpāramitāyogādyupāyaḥ karuṇātmanā||17||

tataḥ sa karuṇopāyaprajñāpāramitāṁ sphuṭām|

avikalpādhimokṣe'pi kalpayaṁ sarvakalpanām|

sarvāvikalpeṣudharmeṣu sattvārthaparikalpanām||18||

pratiśrutkāra-samāntato'sau dharmavāgabhūt|

tato mahāmahāyāna-sadbhūtaguṇavistaraiḥ|

traiyadhvikāstrisamayā gītāḥ sarvatathāgatāḥ|| 19||

asamācalāssamantasāradharmiṇaḥ| karuṇātmakā jagatiduḥkha-

hāriṇaḥ asantasarvaguṇasiddhidāyino amalācalāssamavarāgra-dharmiṇaḥ|

(14)

gagaṇasamopamakatā na vidyate guṇaleśareṇuke'pyasīmake| sphuṭāsattvā-

dhātuvarasiddhidāyiṣu vigatopameṣu asamantasiddhiṣu| satatāmalā

karuṇāndhagatotthitā praṇidhānasiddhiranirodhadharmatā| jagato'thasādhana-

parā samantinī satatamvirocati mahākṛpātmanām| na hi rodhatāṁ

karuṇācārikā'calā vrajate trilokavarasiddhidāyikā| ame(mi)tābheṣu

samāptitāṁ matiṁ sugatiṁ gateṣvapi aho sudharmatā| trisamayāgrasiddhiṁ

varadā dadantu me varadānatāgragatitāṁ gatāni sadā| sakalā triloki-

varasiddhidāyikā nāthāḥ triyadhvagatikā abhāvyatā iti|

asau hi sarvabuddhānāṁ sadbhūtaguṇavistaraḥ|

dadāti sarvabuddhatvaṁ sakṛdduccārito'pi hi|| 20||

anena stotrarājñā vai sarvabuddhātmayogataḥ|

traiyadhvikāḥ sarvajināḥ siddhyanti samayaistribhiḥ||21||

darśayanti ca sarvātmāhyasecanakavigraham|

sādhukārāṇi siddhāni pradadanti varāṇi ca||22||

sarvātmasiddhayo ramyāḥ sarvāśāparipūrayaḥ|

dadanti paramaṁ yogaṁ sarvabuddhatvamuttamam||23||

athāsya śādhanaṁ vakṣye siddhimatyantaśāśvatīm|

yenāpnoti bhavehaiva siddhimatyantaśāśvatīm||24||

sarvabuddhasamājantu vajracchaṭāvimokṣaṇaiḥ|

sampatālasamājaistu tritālaṁ viniyojayet|| 25||

yadyadindriyāmārgatvaṁ yāyāttattatsvabhāvataḥ|

asamāhitayogena sarvabuddhamayaṁ vahet|| 26||

vādavādibhirgītaistu rāgaiścāpi yathotsukam|

tathaiva sarvatra sarvaṁ yathā vāparimitaṁ japet|| 27||

sarvatra sarvataḥ sarvaṁ sarvathā sarvadā svayam|

sarvabuddhamayaṁ siddhaṁ prapaśyansiddhyate varaḥ||28||

(15)

anena sarvabuddhatvaṁ sarvasauritvameva ca|

sarvavajradharatvaṁ (ca) siddhyatehaiva janmani||29||

sarvabuddhaguṇavistarastavastotrarājavaragādanāt kṣaṇe|

sarvagāṁ yogaśāśvatīṁ siddhimakṣayasukhamavāpnute||30||

anena strotrarājñā vai sarvātmayamayeśvaraḥ|

sarvato viśvavinayaḥ sarvataḥ sarvatathāgataḥ|| 31||

tatastrisamayādyaistu sarvakalpaniruttaraiḥ|

ākāśadhātvaparyantaḥ sattvadhātuvimokṣitaḥ|| 32|| iti||

śrīvairocanāśvāsaḥ||

bhūtapūrvamatīte'dhve śāśvatasya mahātmanaḥ|

tathāgatasya pravacane prāgājjagataḥ sthitiḥ|| 33||

atyantaduṣṭā raudrāgrāḥ sarvasattvāstadā'bhavan|

atyantaduṣṭaraudratayā raurave patitāḥ punaḥ|

tataścyutāśca te sattvāḥ sarveva sandhiyogataḥ|| 34||

atimahāduṣṭatarā jātāḥ mārādhiṣṭhāna-siddhibhiḥ|

jvarā viṣā graharogā ḍākinyopadravāgarāḥ|

mārā vināyakāścaiva mahāduṣṭatarābhavan||35||

nāśayanti tribhuvanaṁ bhakṣayanti ca sādhanaḥ|

dyāvayanti ca devādīnśāsanaṁ dhvansayanti ca|

tatastu sendrakā devā brahmāṇamupajagmu te|| 36||

brahmā ca sendrākā devā viṣṇave śaraṇaṁ gatāḥ|

brahmā viṣṇuśca devāśca mahādevamupāgatāḥ|

brahmā viṣṇumaheśvarāśca vajriṇaṁ śaraṇaṁ gatāḥ|| 37||

(16)

tatastha bhagavānvajrī vajracchaṭāmudrayā|

śrīvajrasattvayogena sarvabuddhānsamājayet||38||

bāhubhyāṁ vajrabandhānavajracchaṭāvimokṣaṇaiḥ|

śrīvajrasattvayogātmā sarvabuddhānsamājayet||39||

asyājñāmātracakitāḥ samayeccakrasañcayāḥ|

sarvabuddhāḥ samāyānti kā kathānayeṣurlabha(varta)te||40||

vajracchaṭāvimokṣaistu niḥśeṣā lokadhātavaḥ|

tilabimbakavatpūrṇāḥ sarvabuddhaiḥ savajribhiḥ|| 41||

atyantaduṣṭaraudreṣu saumyatā nopayujyate|

prajñopāyamayamanyucakraḥ sarvatathāgatāḥ|| 42||

manyuḥ krodhavatāṁ śīlaṁ trailokyamapi nirddahan|

kiṁ punaḥ sarvabuddhānāṁ traidhātukamaśeṣataḥ|| 43||

tatastu nāsikāgrebhyo manaḥ saṁdhārya vai dṛḍham|

dīrghoṣṇanāsā niśvāsaṁ mudrāyogaṁ jitāḥmyahuḥ||44||

sa eva bhagavān yogo vajrakrodha vinisṛjan|

śrīheruka-mahāvajra-bhagasya pralayojjvalaḥ|| 45||

nīlajvālāmayaḥ sattvo raktajvālābhamaṇḍalaḥ|

mahāpralayakālāgraśmaśānāgnirivāparaḥ|| 46||

dīptakeśa-mahājvāla-kapālamakuṭotkaṭaḥ|

mahāpralayakālāgraśmaśānamiva bhīṣaṇam||47||

(17)

raudrādi-rasasaṁyogavicitramukha-vibhramaiḥ|

savibhramabhrū-bhṛkuṭi-pradīptāloka-narttitaḥ||48||

sarudrasendra-sopendra-sacandrārka-yamaṁsakam|

samujvālya tribhuvanaṁ bhasma pralayotānnayet||49||

savajravajrakhaṭvāṅgaṁ ghaṇṭākakkhara-svaraiḥ|

samāveśya punaḥ sarvaṁ sa bhasmamapi jīvayet||50||

tasya jvālārka-sambhūtāḥ cchāyāḥ paramadāruṇāḥ|

sṛṣṭā niḥśeṣa-mārādi-duṣṭāsyarakta-bhakṣaṇakṣamāḥ||51||

sa tābhiḥ sahito rājāśmaśānapravikurvati|

sa vajra vajra-samāyogaḍākinīmaṇḍalojjvalaḥ||52||

atyantaduṣṭaraudrāgraṁ sattvadhātuṁ viśodhya vai|

śuddheṣu buddhakṣetreṣu buddhaṁ bodhau niveśayet||53||

śrīvajrakāmakrodhādyaiḥ sarvakalpairanuttaraiḥ|

ākāśadhātvaparyantaḥ sattvadhātuḥ prasādhitaḥ||54||iti||

śrīherukāśvāsaḥ||

bhūtapūrvamatīteghve śāśvatasya mahātmanaḥ|

tathāgatasya pravacane prāgāsījjagataḥsthitiḥ||55||

mithyādṛṣṭi-pratiṣṭhāstu sarvasattvāstadā'bhavan|

atyantadurdṛṣṭitayā mahārauravamāpatat||56||

sa eva bhagavān yogo bodhicitta-viśuddhaye|

padmarāgamayo yogo vajradharmapratiṣṭhitaḥ||57||

(18)

yathā raktamidaṁ rāgadoṣairna lipyate|

asyāvalokanādeva parameśvaratāṁ jināḥ|

avalokiteśvaraḥ śrīmānvajrasattvastathāgataḥ||58||

sarvarāgaviśuddhyā tu bhagavān varadaḥ param|

vicitravinayopāyairvicitravinayotsavaiḥ|| 59||

avalokiteśvaro rājā padmanarteśvaro bhavet|

padmajālasamāyogaḍākinījālasamvaraiḥ ||60||

śrīpadmanarteśvarādyaiḥ sarvakalpairanuttaraiḥ|

ākāśadhātvaparyantaḥ sattvadhātu-viśodhitaḥ|| 61|| iti||

śrīpadmanarteśvarāśvāsaḥ||

bhūtapūrvamatītedhve śāśvatasya mahātmanaḥ|

tathāgatasya pravacane prāgāsījjagataḥ sthitiḥ||62||

atyantaduṣṭalubdhāśca sarvasattvāstadā'bhavan|

atyantamātsaryatayā pitṛṇā narake'patan||63||

tataścyutāḥ punarbhūyo mahādāridryamāpnuvan|

kṣutpipāsādi-doṣaistu jighātsustaiḥ parasparam||64||

sa eva bhagavān yogaḥ paramārtho mahādhanaḥ|

atyanta-duṣṭa-śuddhyarthaṁ vajrasūryādayo bhavet||65||

ākāśagarbhaḥ sarvāśaḥ sarvāśāparipūrakaḥ|

ākāśa-stryādi-sadratnasarvaratna-pravarṣakaḥ|| 66||

atyantaduṣṭaraudreṣu saumyatā nopayujyate|

prajñopāyamayaḥ sūryaḥ pratāpaḥ sarvasādhakaḥ|| 67||

karaṇairvāraṇaiścāpi haraṇaiśca viśeṣataḥ|

vijitya sarvārthacaryāṁ saṁhared bhuvana trayam|| 68||

(19)

triloka-vijayādyaistu sarvakalpairanuttaraiḥ|

ākāśadhātvaparyantaḥ sattvadhāturvimocitaḥ|| 69|| iti||

śrīvajrasūryaśvāsaḥ||

bhūtapūrvamatītedhve śāśvatasya mahātmanaḥ|

tathāgatasya pravacane prāgāsījjagataḥ sthitiḥ|| 70||

atyantahīna-vīryāstu sarvasattvāstadā'bhavan|

atyantahīna-vīryatayā avīcau narake'patan||71||

sa eva bhagavān yogo vajrasattvastathāgataḥ|

haṭhayogaviśuddhau śrīparamāśvo(dyo)'dvayo'bhavan|| 72||

sarvaśuddhyadhimokṣeṇa prasajyabalamānaḥ (saḥ)|

pañcāyudhavibuddhaiśca sarvalokāñjayettadā| 73||

vijitya sa parākramākramaṇato sarvalokānpramarddayan|

atyantaduṣṭa-raudrāgraṁ sattvadhātumanekadhā|

jayāśco(ccā)paraivaskandaiḥ sarvameva viśodhaya|

cchalena sāhasāccaiva prasajya-balamānaḥ|| 74||

balaṁ siddhaṁ jagatsthāvarajaṁgamaṁ...............||

vicitravinayopāyaiḥ svarājyaṁ nitya pālayan|| 75||

kāminīnāṁ bhavetkāmo raudrāṇāṁ raudramuttamam|

saumyānāmparamaḥ saumyo haṭhānāṁ dṛḍhavikramaḥ|| 76||

parameśvaramākramya prasajyabalamānaḥ|

bhīmādevīṁ samākaṭyacopabhogairbhunaktyasau|| 77||

nārāyaṇaṁ samākaṭyampaprasajya balamānaḥ|

rukmiṇīntu samākaṭyaśco(co)pabhogairbhunaktyasau|| 78||

(20)

prajāpatiṁ samākramya prasajya balamānaḥ|

praśāntī-devīṁ samākaṭyacopabhāgairbhunaktyasau||79||

kāmadevaṁ samākramya prasajya balamānaḥ|

ratiprītidhṛtyaiśvaryañcopabhogairbhunaktyasau|| 80||

evamādyātvanantāgrā dharmadhātusamāsamāḥ|

ākāśadhātvāparyantā vajrakarmāgra-vikramāḥ||81||

sarvākāśāvakāśe śrīvajrasattvapratisthitāḥ|

sādhitā haṭhayogena nayapauruṣa-sādhanaḥ||82||

trailokyarājyamakhilaṁ samāvāpya sa vajradhṛk|

bodhicittamanantāgraṁ haṭhayogena-sādhayet||83||

sarvaśuddhyadhimokṣeṇa prasajyabalamānaḥ|

parākramākramaṇato buddhabodhiṁ pramarddayet||84||

amarāṁ duṣkarāṁ siddhāṁ buddhabodhiṁ mahāsukhām|

samāvāpya svayogātmā parāṁ paramaśāśvatīm||85||

amudrayannaśeṣantu sattvadhātumanekadhā|

amarāṁ duṣkarāmbodhiṁ sattvebhya pradade sthirām|| 86||

aśeṣānavaśeṣāṁśca sarvakalpāṁ bhavetsvayam|

karoti sarvasattvārthaṁ paramārthavikurvitaiḥ|| 87||

tataḥ śrīparamāśvā(dyā)dyaiḥ sarvakalpairanuttaraiḥ|

ākāśadhātuparyantaḥ sattvadhātuḥ praśādhitaḥ|| 88|| iti||

(21)

śrīparamāśvāśvāsaḥ||

evamādyāstvanantāgrā dharmadhātu-samāsamāḥ|

ākāśadhātvaparyantāḥ kathāmudrāḥ svayaṁbhuvaḥ|| 89||

sarvākāśā cakāśa śrīvajrasattve pratiṣṭhatāḥ|

samādhi(di)sa(śa)nti sarvātma-siddhyaiśvarya-prasiddhibhiḥ||90||

ityāha bhagavacchrī-vajrasattvastathāgataḥ

sarvabuddhasamāyogaḍākinījālasaṁvarātkathāmudrā-

jñānakalpaḥ pañcamaḥ||5||

(22)

ataḥ paraṁ pravakṣyāmi sarvato viśvamuttamam|

sarvabuddhasamāyoga-ḍākinījālasaṁvaram||1||

rahasye parame ramye sarvātmani sadāsthitiḥ|

sarvabuddhamayaḥ śrīmānvajrasattvodayaḥ sukham||2||

tathāgatamahādivyaratnarājādyalaṁkṛte

ghaṇṭāvasaktasatketu-vitāne vitatottame||3||

vajragītopahārādi-nṛtyavādya-vikurvitaiḥ|

puṣpadhūpaprayogādi-dīpakādi samanvite||4||

prasādayanti bhuvanaṁ svodyānādiṣu vā punaḥ|

sarvabuddhasamāyoga-ḍākinījālasamvaram||5||

tatrāsanaṁ niveśyaiva mṛdusaṁsparśajaṁ mukham|

viśvapadmapaṭacchinna-sarvaśuddhyāsanaṁ hi tat||6||

śrīvajrasattvadevāstu vikurvanti hi yatra vai|

sarvabuddhasamāyoga-yogaiśvaryavikurvitaiḥ||7||

sarvataścāsanaṁ svasya yathādhiṣṭhānatastathā|

caturasraṁ caturdvāraṁ dvārapālasamanvitam||8||

svādhideva-pratimukhaiḥ suprasādhitayoṣitam|

svamudrācihnasubhagaṁ kalpayed gaṇamaṇḍalam||9||

mānuṣarudhiraṁ siddhaṁ mahāraktamiti smṛtam|

prakṛtyaiva hitaṁ siddhaṁ prabhāveṇa svabhāvataḥ||10||

vajrodakaṁ savajrantu mahārudhira-sādhitam|

prabhāvātsiddhatarakaṁ padmabhāṇḍe niveśayet||11||

(23)

mahārāgo hi bhagavān vajrasattvastathāgataḥ|

vajrahṛtsarvabuddhānāṁ samayo duratikramaḥ||12||

tadasaṁrudi(dha)raṁ tasya mahārudhira-sādhitam|

mahārāgodbhava tvācca mahāraktamiti smṛtam||13||

mahāraktaṁ sakarpūraṁ raktacandana-yojitam|

gaṇamadhye pratiṣṭhaṁ śrīsarvāntiṣṭha-rasāyanam||14||

anāmāṁguṣṭha-vaktrābhyāṁ svādhidevātmayogavān|

somapānavadāsvādya siddhimāpnoti śāśvatīm||15||

anena sarvabuddhātmarasāyana-sukhena tu|

siddhaśrī vajrasattvāyuyauvanārogyasatsukham||16||

atra raṁgapratiṣṭhastu yāmyatyutpatatīcchataḥ|

sarvabuddhasamāyogaḍākinījālasamvaraiḥ||17||

sarvatra sarvataḥ sarva sarvathā sarvadā svayam|

sarvatra buddhādisthiracalāṁsarvabhāvabhavatyasau||18||

anayā kṛtarakṣāśca śrīvajrasattva ivāparaḥ|

siddhyate sarvabuddhātma-ḍākinījālasamvaraiḥ||19||

tataḥ snātaḥ sugandhāṅgo vicitrābharaṇāvṛtaḥ|

vicitra-vastra-samvītaḥ sragvī surabhidānataḥ||20||

sarvato viśvasubhagaḥ utthāpyayantā(payan vā) śaraiḥ (kṣaṇaiḥ)|

paṭṭāvatāra-yogena codayaḥ saṁprasūcyate||21||

saṁbuddhacandrasūryārṇāṁ udayasya na tu darśanāt|

mucyate sarvapāpebhyaḥ sarva puṇyaiśca siddhyati||22||

(24)

dhruvamārgasamāyuktāṁ vinirvṛtti-vibhūṣitām|

utthāpanīṁ dhruvāṁ siddhāṁ sarvatotthāpanīṁ sukham||23||

śūnyātiyoga-sadasatprabhavairākāśatāṁ apagataḥ|

samayaḥ utthāpayaṁtī sugatāḥ śrīsugataśrīvajrasattvasubhaga

sattvamaham||24||

iyaṁ hi gīyamānatve atyantaparinirvṛtām|

mṛtān tadutthāpayed bhūyaḥ kiṁ punaśca punarbhavā||25||

caturmārgasamāyuktaṁ vinirvṛttivibhūṣitam|

viśvāsāvitarkaṁ(tathaṁ) siddhaṁ bhūrbhuvaḥ svaḥ prasādhakam||26||

bhūrbhuvaḥsvaḥ vandito bhūrbhuvaḥ svaḥ śāsvakaḥ|

bhūrbhuvaḥsvaḥ bhūtīndro(tiṁdaḥ) bhūrbhuvaḥ svaḥ siddhya me||27||

śrīvajrasattva-saṁyogaḥ sarvadevī-samāgamaiḥ|

sarvato viśvasubhagaḥ sarvāralliḥ prasiddhyati|| 28||

ākāśadhātu-paryantaḥ sarvadevī-sukhotsavaḥ|

śrīvajrasattva-saṁpūrṇa-candrasūryodayaḥ sphuṭaḥ|| 29||

śrīvajrasattva-saṁyogaḍākinī-saṁvarodayaḥ|

sakṛdvailakṣamāṇastu sarvasiddhisukhodayaḥ|| 30||

utthāpanī dhruvāṁ siddhāṁ viśvāsāritakantathā|

gāndharvamādravairgāyaṁ sādhayedviśvavarttinam||31||

tataḥ parama-tatvena sarvamokṣa-pramohitam|

śrīvajrasattvamātmānaṁ gītenānena codayet|| 32||

bahuvividhā tu rāgarati padmaviśuddhimahaiḥ|

sphuṭamanupūjitaḥ paramaśāśvatayogasukhaiḥ||33||

(25)

sukhamanusiddhya he paramasaukhyamayaḥ|

paramasukhātiyogasubhagaḥ paramasukhaḥ||34||

rama ramaṇa hoḥ svasamayāṁ nirddoṣāṁ śāśvatām|

svasamaya tvāmparamarahasyādhipateḥ paramarahasyottamādevyaḥ||35||

vividhavicitra santatijagatasphuṭavinayapaṭa| sthiracala-sarva-

bhāvabhava| sarvabhāvamayaḥ| sarvajinātmayogena sukha-ḍākinījāla,

mahādarśayi siddhye he paramaśāsvatasiddhi haiḥ| jaḥ hū vaṁ hoḥ saṁvarya ho

sukhoddharavikurva hū dīpeti a la la la la la hoḥ (ho) śiṣyopaviśa

sarvatathāgata-vicitra-ḍākinījālaiḥ||

asau hi gītarājā vai śrīvajrasattve pratisthitaḥ|

siddhyabhyaśeṣaniḥśeṣa-sarvato jālasamvaraiḥ||36||

anena gīyamānena sarvatoviśvamaṇḍalam|

dṛśyabhyaśeṣaniḥśeṣasarvabuddha-vikurvitam|| 37||

bahuvidha-rāgasantatyaśeṣaniḥśeṣasattvavinayavidagdhe| sarva-

tathāgata-jālapravikurvavikurvasarvasamvarajālaiḥ tena te te hū| bahu-

vividhasurasantatyaśeṣaniḥśeṣasattvavinayavidagdhe||

sarvatathāgatajālapravikurvavikurvasarvasamvarajālaiḥ| hū hū hū| bahu-

vividharaudrasantatyaśeṣaniḥśeṣasattvavinayavidagghaiḥ| sarvatathāgatajālaiḥ-

pravikurvavikurvasarvasamvarajālaiḥ hū rulurulubhyoḥ hū bahuvividhajīva-

santatyaśeṣaniḥśeṣasattvavinayavidagdhe sarvatathāgatajālaiḥ pravikurva-

vikurvasarvasamvarajālaiḥ hū| śiṣyāviśa hū|

(26)

evamādyāḥ tvanantāgrā dharmadhātu-samāsamāḥ|

ākāśadhātvaparyantā gītamudrā svayaṁbhuvaḥ|| 38||

sarvākāśāvakāśe śrīvajrasattve pratisthitāḥ|

samādhisantisarvātmasiddhyaiśvaryaprasiddhibhiḥ||39||

a(ā)bhistu gīyamānābhiḥ sarvadevīpracoditāḥ|

siddhyanti sarvabuddhātma-ḍākinījāalasamvaraiḥ|

pūjayanti ca sarvātma-sarvendriya-viniḥsṛtaiḥ||40||

sarvapūjā mahāmeghavyūha-prasara-saṁcayaiḥ|

siddhyatyaśeṣaniḥśeṣasarvabhāvātmamūrtibhiḥ||41||

sarvabuddhasamāyoga-ḍākinījāla-samvaraiḥ|

nāryopi hi samāviśya mudrāveṣeṇa śāsinām||42||

svavajracihna-dhāriṇyo yoginyaḥ prabhavanti hi|

svādhideva-pratimukhādhiṣṭhānāveśitā stutāḥ||43||

siddhyabhyapūrvasaṁgīta-vādyanṛtyavikurvitaiḥ|

divyarūpasvarāmodarasasparśasukhotsavaiḥ||44||

svādhidevata mātmānaṁ paśyanti pūjayanti ca|

divyapūjāsamāyoga-subhagottama-kāmukaḥ|

sarvato viśvasubhagaṁ sukhaṁ saṁvāhayati hi|| 45||

śrī vajrasattva-saṁyoga-sarvasiddhi-sukhāni tu|

buddhajālāsvadhiṣṭhānānmaṇḍale tu bhavanti hi||

śrīvajrasattva-saṁyoga-prabhāvenaiva sarvataḥ||46||

(27)

sarvato viśva-subhagasukhenaiva prasiddhyati|

sarvabuddha-mahārūpasvarāmodarasaḥ sukhaiḥ|

śrīvajrasattvamātmānaṁ prapaśyanpūjatyasau||47||

sarvapūjāsamāyoga-subhagottama-manmathaḥ|

siddhabhyaśeṣaniḥśeṣa sarvabuddhātma-siddhibhiḥ||48||

sarvabuddha-samāyogaḍākinījālasamvaraiḥ|

sarvabuddhātma-nṛtyaistu vikurvandṛśyate varaḥ||49||

tataḥ svaguhya-tattvena yoṣitābhiścatasṛbhiḥ|

nṛtyamudropahāreṇa sarvapūjāṁ nivedayet||50||

gaṇaveṣṭiṇu suradāpayet| paramatathāgatasiddha draṁ uṁ ū hū||2||

mahusiddhasamayottama| sarvamahāmahusiddha draṁ uṁ ū hū||2||

iyaṁ hi gītamudrā śrīvajrasattve pratiṣṭhitā|

pūjyate'śeṣaniḥśeṣapūjā-prasarakarmasu||51||

yasya siddhirbhavennaiva na ca pūjā samṛddhyati|

anayā mudrayā pūjya sarvapūjā susiddhyati|| 52||

anena pūjāyogena yoṣitābhiścatasṛbhiḥ|

pūjāṁ puṣpādibhiḥ kṛtvā sarvaśiṣyānpraveśayet||53||

anṛtyajya puṭāścaiva yathecchāsiddhikāminaḥ|

vicitravastra-saṁcchanna-vadanāṁ saṁpraveśayet||54||

(28)

puṣpāṇi kṣepayecchiṣyān yathecchāsiddhimāvahet|

patanti yasyāndivyāṁ tu śā(sā)sya siddhyati devatā||55||

tatastu mukhamuddhāṭya dakṣiṇāṁ gṛhya cottamām|

buddharatnābhiṣekaṁ tu yathāvadabhiṣecayet|| 56||

mahāraktaṁ sakarpūraṁ raktacandanayojitam|

gaṇamadhye pratiṣṭhantu svavajravāmacihnadhṛk||57||

anāmāṅguṣṭhavaktrābhyāṁ svādhidevatayogavān|

somapānavadāsvādya siddhimāpnoti śāsvatīm||58||

amudryaścāpramodyaśca abhakṣaśca bhavatyasau|

sarvabuddhasamāyoga-ḍākinīnāṁ gaṇairapi|| 59||

tatastu sa yathā(mayaṁ tyaktvā) dadyātsamayasamvaram|

sarvabuddhaiḥ samādattāṁ ājñāṁ paramaśāśvatīm||60||

yāvantassarvabuddhā vai bodhisattvaśca vijriṇaḥ|

devatāśca manuṣyāśca sādhavo yoginastathā||61||

tāṁ dugdhāndhamahāraktaṁ hṛdayebhyaḥ pibedbhavam|

sarvabuddhasamāyogasamvaraṁ yadyatikramet|| 62||

aśeṣasattva-dhātvarthaṁ atyantapariśuddhaye|

anirodhadharmatāyogānnityameva tu sādhayet||63||

svamātmānaṁ parityajyatapobhirna ca pīḍayet|

yathāsukhaṁ sukhaṁ dhāryaḥ saṁbuddhāya manogataḥ|

sarvayogopabhogaistu ramatha sa kutobhayaḥ|

mā bhaiṣṭa nāsti vaḥ pāpaṁ samayoduratikramaḥ|| 64||

ekasyaika carā siddhā sahacaryā tu cāriṇī|

sadā sevīsutattvena buddhabodhiranuttarā||65||

(29)

ityāha jñāpayati śrīmānvajrasattvastathāgataḥ|

ājñāpayati saṁsiddhāḥ sarvabuddhāḥ sa vajriṇaḥ|| 65||

mudrājñānaṁ svayammudrā śiṣyebhyaḥ pradadetsukham|

sayogaṁ sarahasyañca yathāveśa-pravarttanaiḥ|| 66||

tataḥ prabhṛti sacchiṣyā mudrājñānāntu saṁgrahān|

siddhyate sarvabuddhātmā vairocana ivāparaḥ||67||

tato rasāhāra-sanṛtya gīta-vādyopahārādibhiḥ vījya nādhaṁ .....

niryātite vajramahāgurustaiḥ saṁpūjayetsvarucitaparāñca|

tatastu svayamāviśya sarvācārya-pratiṣṭhitam|

dharmaṁ satyañca vai kuryādyathāveśa-pravarttanaiḥ||68||

śrīvajrasattva-viṣayaḥ sarvakalpa-prasādhakāḥ|

sarvakalpaprayojyāśca svabhāvatvānmahottamāḥ|| 69||

vicitra-karmayogena vicitravinayātmanām|

sattvānāṁ vinayārthāya tadanyaviṣayaḥ smṛtāḥ|| 70||

sa eva bhagavān yogo vajrasattvastathāgataḥ|

sarvamokṣa-viśuddhyarthaṁ mokṣāralpodayo bhavet||71||

svādhi-deva-pratimukhādhiṣṭhānāveśamudrayā|

yathāmudrānusāreṇa buddhanirmāṇamāvahet||72||

punaścabhagavān yogaḥ sarvayogīśvaraḥ paraḥ|

samayadviṣāṁ viśuddhyarthaṁ vajrāralpodayo bhavet||73||

punarapyatiyogastu subhagaḥ paramākṣaraḥ|

viśvapadma-viśuddhyarthaṁ padmajālodayo bhavet||74||

punaśca bhagavān yogaḥ sarvākāśamahāmaṇiḥ|

paramārthaviśuddhyai śrīvajrasūryādayo bhavet||75||

(30)

sa eva bhagavan yogo hayagrīva-parākramaḥ|

haṭhayogaviśuddhyarthaṁ paramāśvodayo bhavet||76||

svādhideva-pratimukhādhiṣṭhānāpi samudrayā|

pratibimba-mayo yogo mudrāyogena nāṭayet||77||

sarvato viśvasamaye evaṁ krīḍā prasiddhyati|

sarvabuddha-samāyogaḍākinījālasamvaraḥ|| 78||

sarvatra sarvataḥ sarvasarvañca sarvadā svayam|

sarvabuddhādisthiracalāṁ sarvabhāvāṁ bhavatyasau||79||

sarvataḥ sarvabuddhānāṁ sarvabuddha-vikurvatiḥ|

vikurvadarśayatyātmā sarvadevī-samāgamaiḥ||80||

buddhakṣetreṣvaśeṣeṣu buddhanirmāṇamāvahet|

darśayed buddhakāryāṇi buddhanirmāṇa......||81||

traidhātuke hyaśeṣāntu sarvabhāvāṁ bhavatyasau|

sarvavajrasamāyoga-ḍākinījālanarttitaiḥ|| 82||

buddhavajradharādīnāṁ viśvarūpa-kriyākramaiḥ|

santoṣayejjagacccharvaṁ padmajālavikurvitaiḥ||83||

traidhātuka-mahārājyaṁ sarvaṁ kāryāṇi darśayet|

sandhivigraha-siddhāni rājamāyāvikurvitaiḥ||84||

traidhātuka-mahārājyamavaṣṭabhya svasāhasaiḥ|

pramarddayaṁ jagatsarvaṁ darśayedaśva-narttitaiḥ||85||

evamādyairanantāgraiḥ dharmadhātusamāsamāḥ|

ākāśadhātvaparyantāḥ sarvato viśvasamvaraiḥ|| 86||

sarvākāśāvakāśaśrīvajrasattvastathāgataḥ|

vikrīḍanti(ti) vicitraiḥ śrīratikrīḍāvikurvitaiḥ||87||

(31)

sarvato viśvasubhagaiḥ sarvato viśvasamvaraiḥ|

sarvato viśvavinayaḥ sattvadhātumprasādhayet||88||

evamādyāstvanantāgrā dharmadhātusamāsamāḥ|

ākāśadhātvaparyantāḥ sarvabuddhādayo parāḥ||89||

sarvākāśāvakāśe śrīvajrasattva-pratisthitāḥ(ṣṭhitāḥ)|

samāviśanti sarvāme siddhaiśvaryaprasiddhyaḥ||90||

ityāha bhagavānśrīvajrasattvastathāgataḥ|

sarvabuddha-samāyogaḍākinījālasamvarāt||

sarvabuddhasamāyogaḍākinījālamaṇḍalakalpaḥ ṣaṣṭamaḥ||

(32)

ataḥ paraṁ pravakṣyāmi sarvacakra-vikurvitam|

śrīvajrasattvadevānāṁ sarvato viśvamuttamam||1||

rahasye parame ramye sarvātmani prasādhayet|

vivikte bhuvane cāpi svodyānādiṣu vā punaḥ||2||

sarvato viśvasubhagaḥ sarvato viśvasamvaraiḥ|

sarvato viśvakāryāṇi sādhayet yathāsukham||3||

vihārāraṇyāyatane girimūrddhaṣu sarvataḥ|

sādhayed buddhakāryāṇi vicitra-vividhāni ca||4||

śmaśāne devāyatane mātṛsthānādisaṁsthitaḥ|

śrīvajradhara-kāryāṇi siddhyanti vividhāni tu||5||

padmodyāneṣu ramyeṣu saritsaṁgamaneṣu ca|

śrīpadmadharakāryāṇi siddhyanti paramārthataḥ||6||

rājadhānīṣu ramyāsu rājodyāneṣu caiva hi|

sādhayedrājakāryāṇi vicitravividhāni ca||7||

śikhareṣu vicitreṣu nadītīreṣu caiva hi|

pararāṣṭreṣu siddheṣu sādhayedvajravājinaḥ||8||

sarvato viśvanepathyaṁ sarvato viśvasādhanaiḥ|

śrīvajrasattvakāryāṇi maṇḍalādiṣu sādhanam||9||

buddhānāṁ padmaraktaṁ tu vicitraṁ vajrapāṇinaḥ|

śuklavarṇaṁ tu lokeśe pītaṁ śrīvajrabhāskare||10||

sarvavarṇa yathā vāhyā vitānadhvajabhūṣaṇam|

prasādhanaṁ hi sarvaṁ śrīparamāśvasya vajriṇa||11|| iti||

(33)

yathāsthāne yathācakraṁ yathāvyuhaṁ yathājagat|

parṣatsanniveśasyatādṛkcakrasṛjavaraḥ||12||

śrīvajrasattvadevānāṁ cakraṁ pratyakṣa-darśanāt|

yādṛśaṁ śāśvataṁ puṇyaṁ paścāllikhite tathā||13||

maṇḍalaṁ sūtrayetprājñaḥ sarvadiksamatāvaham|

prākpratīcyuttarā vā dikcatuḥsūtrāṣṭamaṇḍalam||14||

maṇḍalāni yathātathyaṁ kaḥ samarthaḥ prakalpitum|

svādhidevatayogena siddhā maṇḍala-kalpanāḥ|| 15||

svādhidevātmayogena sarvasiddhi-prakalpanāḥ|

nyūnādhikavidhirvāpi siddhyate na ca duṣyati||16||

sarvato viśvasubhagaṁ sarvato viśvacakriṇaḥ|

sarvato viśvasiddhaṁ tu sarvato viśvamaṇḍalam||17||

maṇḍalamaṇḍalaṁ bauddhaṁ vajriṇo'(hya)rddhacandravat|

padmākāraṁ supadmasya ratnākāraṁ suratninaḥ|

yathākāmaṁ yathābāhyā yathākālaṁ yathāsukham||18||

maṇḍalaṁ vajrapāṇeḥ śrīparamāśvāsyasaṁsthitam|

na hi maṇḍalahīnasya samayo varjitasya vā|| 19||

siddhyate śādhanaṁ kiñcittattvaguhyamajānataḥ|

na hi prāṇivadhaḥ kāryaṁ triratnanna parityajet|| 20||

bodhicittaṁ na saṁtyājyaṁ ācāryasubhago dhruvam|

nānāvādyaṁ sumaṁgalaṁ satyañcāpi tyajennahi|

daśakuśalaṁ gītaṁ ca sarvaṁ cāpi tathā punaḥ|| 21||

(34)

satvatoviśvasubhagaḥ subhaga svātmasādhanāt|

nairātmyadharmatāyuktādurbhagāḥ samayadviṣaḥ|| 22||

subhago bhagavānbuddhaḥ atyantabhavaśodhanāt|

durbhagāḥ śrāvakā loke atyantaparinirvṛtāḥ|| 23||

śrīvajrapāṇisubhagaḥ sarvakalpa-prasādhanāt|

durbhagāḥ pratyekajināḥ śūnyatāyātiyogataḥ|

avalokiteśaḥ subhagaḥ sarvarāga-viśuddhitaḥ||24||

durbhagāstīrthikā loke mithyādṛṣṭi-samanvitāḥ|

śrīvajrasūryaḥ subhagaḥ paramārthāgra-sañcayāt||25||

durbhagāstāpasāḥ sarve niḥsargāḥ svatanāvapi|

subhagaḥ paramāśva-śrīsarvarājyāgra-saṁgrahāt|

durbhagā yatayaḥ sarvanirātmāniṣparigrahāḥ||26||

sarvācāryastu subhagaḥ sarvasaukhyātma-sādhanāt|

durbhagāḥ sarvaśiṣyāstu durdṛṣṭā samayadviṣaḥ|| 27||

anena guhyatattvena vijñātena sphuṭārthataḥ|

siddhyate sarvabuddhatvaṁ sarvabuddhavaco yathā|| 28||

sarvācārya-pratiṣṭhastu pūrvato maṇḍalārthinām|

guhyatattvamanantāgraṁ śiṣyādibhyo vadetsphuṭam|| 29||

cakrapraveśakāleṣu pṛcchetkastvaṁ he bho priya|

praveśenāpi vaktavyaṁ subhago'hamiti priyaḥ||30||

guhyatattve guhyattvaṁ tu dakṣiṇena praveśayet|

praviṣṭamaṇḍalañcaiva tathā vai dattadakṣiṇām||31||

(35)

guhyatattva-vidhijñaśca siddhyate paramākṣaraḥ|

sarvato viśva-gurave siddhimuttama-dakṣiṇam|

yasya yadparityājyaṁ taduttamamiti smṛtam||32||

yadyadiṣṭataraṁ kiñcidviśiṣṭatarameva vā|

tattad hi gurave deyaṁ tadevākṣayamicchatā||33||

athāsyābhimataṁ syādvai cittaṁ kāryamathāpi vā|

tad deyamathavā kāryaṁ svalābho'pyuttamaṁ hi tat|| 34||

athottamambhavedasya sa ca dadyācca dakṣiṇām|

sarvācāryāpamānena sa nityaduḥkhamāpnute|| 35||

kanyāṁ svalaṁkṛtāṁ kṛtvā bhāryāṁ cāpi priyāntathā|

datvā tu mokṣayetmūlyaṁ buddhabodhāgradakṣiṇām|

mahāpaśunivedyaṁ ca punarmūlyena mokṣayet||36||

śrīvajradharasaṁyoga .............................dakṣiṇām|

śuddhāmuktāvalī caiva suśuklaṁ vastrasaṁyutam|

svetaṁ turaṁgamaṁ caiva padmino varadakṣiṇām||37||

rājyabhogyavividhāni vastrālaṁkāra-saṁcayāḥ|

sarvapūjā tathaiva ca vajrasūryasya dakṣiṇām||38||

aśvaṁ svalaṁkṛtaṁ kṛtvā hastinaṁ vā sukalpitam|

rathaṁ ratna-prapūrṇaṁ ca saptirājasya dakṣiṇām|| 39||

sarvadhātumayairvāpi jīvamūlyamayaistathā|

buddharatnābhiṣekaistu vicitraṁ kalpayed budhaḥ|| 40||

mūrdhni caiva lalāṭe ca pārśvayoḥ pṛṣṭhatastathā|

sarvabuddhamahāratnamakuṭaḥ paramākṣaraḥ|| 41||

(36)

sarvadhātumayairvāpi(mayo vā'pi) jīvamūlmayaistathā|

kapālaratnamukuṭabuddhacūḍhāmaṇistathā||42||

sarvato viśvagurave sarvācāryāya sarvadā|

siddhyatyaśeṣaniḥśeṣa-sarvarājyā susiddhitaḥ|| 43||

ekaratnamayaṁ bimbaṁ vicitraṁ tu ratnaṁ tathā|

buddhapadmābhiṣekaiśca sarvaśiṣyābhiṣekena(kataḥ)|| 44||

buddhānāṁ ratnavajraṁ tu vajraṁ vajrakule tathā|

buddhakāyāvalokeśe maṇimaṇidharastathā||45||

buddharatnaṁ tathā padmaṁ vajraṁ cintāmaṇiṁ tathā|

sarvāgraparamāśve(ca) svābhiṣekasamuccayaḥ||46||

niṣiktāḥ ghaṭitā vāpi saṁskṛtā vātha citritāḥ|

vicitrāḥ pravicitrāśca cihnamudrāḥ prakalpayet||47||

sarvatoviśvasubhagāḥ cihnamudrāḥ svayaṁbhuvaḥ|

ākāśadhātvaparyantāḥ sarvadevyo mahāsukhāḥ|| 48||

dhanurbāṇaṁ tathā caiva subhagaḥ subhagastathā|

kapālaṁ caiva khaṭvāṅgaṁ viśvavajraṁ tathaiva ca||49||

viśvapadme'mitāyuśca sarvabuddhāyusādhakaḥ|

sarvadevīgaṇaḥ siddhaḥ cihnamudrāgaṇaḥ param||50||

bāṇaṁ brahmaśirañcaiva cakramudrā tathaiva ca|

vajraṁ triśūlamudrāgraṁ kalpavṛkṣalatāstathā||51||

padmaheyocchrayagrīvaharitāśvamukhāstathā|

varāhadaṁṣṭrā siddhā ca candrasūryau tathaiva ca||52||

(37)

guhyatattva-vidhijñaśca siddhyate paramākṣaraḥ|

sarvato viśva-gurave siddhimuttama-dakṣiṇam|

yasya yadparityājyaṁ taduttamamiti smṛtam||32||

yadyadiṣṭataraṁ kiñcidviśiṣṭatarameva vā|

tattad hi gurave deyaṁ tadevākṣayamicchatā||33||

athāsyābhimataṁ syādvai cittaṁ kāryamathāpi vā|

tad deyamathavā kāryaṁ svalābho'pyuttamaṁ hi tat||34||

athottamambhavedasya sa ca dadyācca dakṣiṇām|

sarvācāryāpamānena sa nityaduḥkhamāpnate||35||

kanyāṁ svalaṁkṛtāṁ kṛtvā bhāryāṁ cāpi priyāntathā|

datvā tu mokṣayetmūlyaṁ buddhabodhāgradakṣiṇām|

mahāpaśunivedyaṁ ca punarmūlyena mokṣayet||36||

śrīvajradharasaṁyoga ....................... dakṣiṇāam|

śuddhāmuktāvalī caiva suśuklaṁ vastrasaṁyutam|

śvetaṁ turaṁgamaṁ caiva padmino varadakṣiṇām||37||

rājyabhogyavividhāni vastrālaṁkāra-saṁcayāḥ|

sarvapūjā tathaiva ca vajrasūryasya dakṣiṇām||38||

aśvaṁ svalaṁkṛtaṁ kṛtvā hastinaṁ vā sukalpitam|

rathaṁ ratna-prapūrṇaṁ ca saptirājasya dakṣiṇām||39||

sarvadhātumayairvāpi jīvamūlyamayaistathā|

buddharatnābhiṣekaistu vicitraṁ kalpayed budhaḥ||40||

mūrdhni caiva lalāṭe ca pārśvayoḥ pṛṣṭhatastathā|

sarvabuddhamahāratnamakuṭaḥ paramākṣaraḥ||41||

(38)

sarvadhātumayairvāpi(mayo vā'pi) jīvamūlmayaistathā|

kapālaratnamakuṭabuddhacūḍhāmaṇistathā||42||

sarvato viśvagurave sarvācāryāya sarvadā|

siddhyatyaśeṣaniḥśeṣa-sarvarājyā susiddhitaḥ||43||

ekaratnamayaṁ bimbaṁ vicitraṁ tu ratnaṁ tathā|

buddhapadmābhiṣekaiśca sarvaśiṣyābhiṣekena(kataḥ)|| 44||

buddhānāṁ ratnavajraṁ tu vajraṁ vajrakule tathā|

buddhakāyāvalokeśe maṇimaṇidharastathā||45||

buddharatnaṁ tathā padmaṁ vajraṁ cintāmaṇiṁ tathā|

sarvāgraparamāśve(ca) svābhiṣekasamuccayaḥ||46||

niṣiktāḥ ghaṭitā vāpi saṁskṛtā vātha citritāḥ|

vicitrāḥ pravicitrāśca cihnamudrāḥ prakalpayet||47||

sarvatoviśvasubhagāḥ cihnamudrāḥ svayaṁbhuvaḥ|

ākāśadhātvaparyantāḥ sarvadevyo mahāsukhāḥ||48||

dhanurbāṇaṁ tathā caiva subhagaḥ subhagastathā|

kapālaṁ caiva khaṭvāṅgaṁ viśvavajraṁ tathaiva ca||49||

viśvapadme'mitāyuśca sarvabuddhāyusādhakaḥ|

sarvadevīgaṇaḥ siddhaḥ cihnamudrāgaṇaḥ param||50||

bāṇaṁ brahmaśirañcaiva cakramudrā tathaiva ca|

vajraṁ triśūlamudrāgraṁ kalpavṛkṣalatāstathā||51||

padmaheyocchrayagrīvaharitāśvamukhāstathā|

varāhadaṁṣṭrā siddhā ca candrasūryau tathaiva ca|| 52||

(39)

viśvapadmamahābhāṇḍe buddhabimbarasāyanam|

sarvātmāsvādasubhagaṁ cihnamudrāgaṇaḥ paraḥ||53||

vaṁśaṁ ca sarvavīṇā ca mukundā murajastathā|

puṣpaṁ dhūpaṁ tathā dīpaṁ viśvavāsaṁ tathaiva ca||54||

evamādyāstvanantāgrā dharmadhātusamāsamāḥ|

ākāśadhātvaparyantāḥ cihnamudrāgaṇā varāḥ||55||

sarvākāśovakāśe śrīvajrasattva-pratiṣṭhitāḥ|

samādhiṁ sati sarvātma-siddhyaiśvarya-prasiddhibhiḥ||56||

cīvaraṁ caiva pātraṁ ca tathā caivaṁ tu khiṅkharī|

saddharma pustakañcaiva cihnamudrāgaṇaḥ paraḥ||57||

jihvā mudrā tathā caiva kāṁśikā vādyameva ca|

vajraṁ ratnakaraṇḍañca cihnamudrāgaṇaḥ paraḥ||58||

buddhabimbaṁ tathā caiva darpaṇaṁ vāyu-tarpaṇam|

vajrāśani-sameghaśca netramudrā tathaiva ca||59||

jvālā vajrañca khaṭvāṅgaṁ kapālaṁ caṣakaṁ tathā|

mahāraktaṁ mahāmedaṁ mahāmānsaṁ mahāmadhu||60||

tīkṣṇaṁ bāṇaṁ tathā karṣaḥ madyaṁ vāri tathaiva ca|

latā ca mārutoddhūtā paṭañcaiva hutāśanaḥ|| 61||

śrīvajrakodharājā vai sarva-duṣṭādi-bhakṣaṇe|

cihnamudrāgaṇaḥ siddho yoga-siddhi-prasādhakaḥ||62||

viśvapadmaṁ ca raktañca haritañca tathā sitam|

nīlaṁ pītañca mañjiṣṭha-padmacihnāgra-saptakam||63||

(40)

padma śūcī nārīmudrā dharmacakraṁ tathaiva ca|

śūlaṁ śriyāvahaṁ vajraṁ padmacihnagaṇaḥ param||64||

dhanurvāṇamasiścaiva tejojvālā tathaiva ca|

abhiṣeko'bhiṣeke tu pūjā vā cihna-saṁcayaḥ||65||

viśvapadmaṁ tathā caiva viśvavajraṁ tathaiva ca|

cihnamudrādvayaḥ siddhaḥ sarvarājya-pramardanī||66||

sarvabuddhādi sthiracalaḥ sarvabhāvā hyaśeṣataḥ|

ākāśadhātvaparyantāḥ cihnamudrāḥ svayambhuvaḥ||67||

ityāha bhagavācchrīvajrasattvastathāgataḥ|

sarvabuddha-samāyogaḍākinījālasamvarāt||

sarvamaṇḍalamudrājñānakalpaḥ saptamaḥ||

(41)

ataḥ paraṁ pravakṣyāmi sarvapūjāvikurvitam|

śrīvajrasattvadevīnāṁ sarvatoviśvamuttamam||1||

vāmadakṣiṇapāṇibhyāṁ śarīrāgrāntanarttitaiḥ|

vāmagarvādharaḥ śrīmān dakṣiṇatripatākayā|

sa vibhramā vilāsāgrasasmitā lokalocanaḥ||2||

śrīvajrasattvamātmānaṁ namedāśaya kampitaiḥ|

saṁbuddhavajradhṛk-padmavajrasūrya-tridhātukam|

praṇāmayetkṣaṇādeva darppoddhṛteṣu kā tathā||3||

sarudrasendrasopedraḥ sacandārkayamaṁsakam|

praṇamya vinayabhyāśu sarvakarmasu yojayet||4||

buddhapūjāṁ samādhāya namedāśaya-kampitaiḥ|

siddhatyaśeṣa-niḥśeṣa-śrīvajravalitāñjaliḥ||5||

vāmabhrūtkarṣa-yogena prahasaṁlāpitaiḥ|

sa brahmopendra-rudraṁ tu nāśayed bhuvana-trayam||6||

kuṅmalāñjalitaḥ padmaṁ hṛdibadhvā svayogatān|

dvyaṅguṣṭhāntyā catuṣpatraḥ protsphullanamitairnamet||7||

sarvāṁgamaṁgaṁ praṇatodharaṇyāṁ supratiṣṭhitaḥ|

hṛdi vaktre tathā mūrdhni aṁjalyā nāmayennaman||8||

vajragarvādharaḥ śrīmān cakṣubhyāṁ prahasannamet|

praṇāmayet tribhuvanaṁ balodvṛtteṣu kā kathā||9||

iti pramāṇamudrājñānam||

yāvantyānṛtya śāstreṣu karaṇābhinayāstathā|

śrīvajrasattvamudrāstā svārthasiddhi-prasādhikāḥ||10||

(42)

salīlā gatayaḥ sarvāḥ sarvāveśa-pravarttanaiḥ|

viśvamaṇḍalikā-nṛtyaiḥ sarvapūjāṁ nivedayet||11||

vāmadakṣiṇapāṇibhyāṁ śarīrāgrānta-narttitaiḥ|

vāmāgra khaṭako dvāro dakṣiṇatripatākayā||12||

anayā mudrayā mudrya sarvabuddhasamāgamaḥ|

sarvottamamahāsiddhi-māheśvaryaiḥ prasiddhyati||13||

sarvabuddha-samāgamaḥ śrīsubhagānāmamudrā||

tāṁ samutkṣipya yogena sodvahantu mahāgrahaḥ|

parivarttya kapāle tu mūrddhni sarvāṇi veśayet||14||

tatovatārya narttatve sarvāveśapranarttanaiḥ|

hūkāragītasubhagaḥ sarvapūjāṁ nivedayet||15||

sarvabuddhasamāyoga-subhaga-śrīmahāsukhānāmamudrā||

vāma-dakṣiṇa pāṇibhyāṁ śarīrāgrānta narttitaiḥ|

vajrāñjaliṁ samādhāya valitā vāmatastathā||16||

tānsamutkṣipya yogena murddhni sandhau niveśayet|

oṁkāra-gīta-subhagaḥ sarvapūjānivedayet||17||

śrīvajravalitāṁjali-buddhapūjānāmamudrā||

vāmadakṣiṇapāṇibhyāṁ śarīrāgrānta-narttitaiḥ|

vajrāṁjalyūrddhavicā sarvapūjābalividhiḥ||18||

anayā mudrayānarttaśmaśānāveśa-narttitaiḥ|

vajrāṁgahāsa-subhagaḥ sarvapūjānnivedayeta||

śrīherukavajra-kapālāñjaliḥ sarvapūjā-balividhiḥ||19||

(43)

vāmadakṣiṇapāṇibhyāṁ śarīrāgrānta-narttitaiḥ|

savyāva(pa)savya-tālaistu sarvapūjāṁ nivedayet||20||

śrīpadmanāla-nartteśvarīnāmamudrā||

vāmadakṣiṇapāṇibhyāṁ śarīrāgrānta-narttitaiḥ|

cakraratnāñjaliṁ badhvā sarvapūjāṁ nivedayet||21||

sarvāśāparipūrṇa-śrīvajraratnānāmamudrā||

ūrdhvakṣepā adhaḥkṣepā bhrāmitā lepatastathā|

puṣpadhūpapradīpāgragandhapūjā-pravarttikāḥ||22||

saṁpūrṇā vā'tha riktā vā yathālābhena vā punaḥ|

sarvapūjā prasiddhyante samaṁ samaya-sādhanaiḥ||23||

abhimudrābhirāmudrā sarvabuddhāḥ prapūjitāḥ|

pratipūjayanti sarvān siddhyaiśvarya-prasiddhibhiḥ||24||

tāsāṁ kācidvarodārādharmadhātu-samāsamāḥ|

ākāśadhātvaparyantāḥ sarvapūjāḥ svayambhuvām||25||

yā kṛtā na bhavettena na caivopacitā bhavet|

sarvabuddha-samāyoga-yogaiśvarya-mahāsukhā||26||

tāsāṁ kiṁcidāsādhyaṁ hi siddhikarmasukhaṁ tathā|

susiddhyatyaśeṣaniḥśeṣamudrā prasarasiddhibhiḥ||27||

ityāhabhagavācchrīvajrasattvastathāgataḥ|

sarvabuddhasamāyogaḍākinījālasamvarāt||28||

sarvapūjāsamāyogasubhagaśrīsamayakalpo'ṣṭamaḥ||

(44)

ataḥ paraṁ pravakṣyāmi sarvabuddhavikurvitam|

śrīvajrasattvadevānāṁ sarvatoviśvamuttamam||1||

rahasye parame ramye sarvātmani sadāsthitaḥ|

sarvabuddhamayassattvaḥ vajrasattvaḥ paraṁ sukham||2||

sarvasaukhyāruṇatvācca sarvasaukhya-viśuddhitaḥ|

pūrṇacandrāruṇavapuḥ vajrasattvaḥ paraṁ sukham||3||

mahārāgo hi bhagavān sarvarāgāntarāgaṇāt|

śrīvajrasattvamudreyaṁ raktacittojvalaprabhaḥ||4||

buddharatna-samannāsti ratnamanyaṁ tridhātuke|

sarvabuddhamahāratnamakuṭānena vai varaḥ||5||

aparaṁ ca asaṁhāryaṁ ca śuddhaṁ divyena vāriṇā|

prakṛtyaiva hi tatsiddhaṁ prabhāveṇa svabhāvataḥ||6||

kapālamālāmukuṭo buddhacūḍāmaṇistathā|

saṁkliṣṭa-lokadhātvīśaḥ sahādiṣu sa siddhyati||7||

śrīvajrasattvasaṁyogaḥ sarvadevī-samāgamaiḥ|

sarvatoviśvasubhagaḥ sarvāralliḥ prasiddhyati||8||

saṁbuddhavajradhṛkpadmacakra sūryaṁ tridhātukam|

mudrā pramohya votthāpya sarvakarmasu yojayet||9||

anayā mudrayāmudryapātayetyutpatatīcchataḥ|

sarvadevīvaraḥ śrīmān vajrasattvaḥ prasiddhyati||10||

(45)

paramatātiyoga subhagaḥ śrīvajrasattvasamvarakelikilānāmamudrā||

savyāvasavyayogena sukhāveśa-pravarttanaiḥ|

sattvaparyaṅkamābhujya sarvasainyāṁ prabhañcati||11||

śrīvajrasattvarājaparyaṁkānāmamudrā||

candravarṇasmitamukhāḥ sarvaśuddhiviśuddhitaḥ|

padmarāgaviśuddhyā tu raktagaurorumadhyamāḥ||12||

palāśanīlāgrabhujāḥ saukhyasyaiśvaryatastathā|

sukhasparśaiśvaryatvācca śvetapītorusaṁgamāḥ||13||

yatra varṇavidhikāryamadastatra prayojitaḥ|

devyo viśvamahāvarṇā viśvajvālākulaprabhāḥ||14||

viśvapadma-pratiṣṭhānāḥ sarvaśuddhi-pratiṣṭhitāḥ|

buddhapadmādi-sadratna-vicitrābharaṇāmbarāḥ||15||

sarvabuddhasamājena bhūṣitaiśca sahādayaḥ|

karaṇairvāraṇaiścāpi hāraṇaiśca viśeṣataḥ||16||

sarvāṅgāharaṇī siddhā svapariṣvaṁga-mudrayā|

anayā mudrayā mudraye(drya) pātyetyutpatatīcchataḥ||

sarvakāmīśvaraḥ śrīmānvajrasattvaḥ prasiddhyati||17||

paramaratātiyogasubhagaḥ śrīvajrasamvarakelīkilānāmamudrā||

vicitra-samayāsaktasukhāveśa-pravarttanaiḥ|

svapariṣvaṁga-mudrāgramadhyotkṛṣṭādhidevatā||

(46)

anayā mudrayā yogī pātyetyutpatīcchataḥ|

mahāsukheśvaraḥ śrīmānvajrasattvaḥ prasiddhyati||18||

paramaratātiyoga-subhagaḥ śrīvajrasattvasamayasamvarakelīkilā-

nāmamudrā||

yajñopavītayogena vajrakhaṭvāṅgasaṁgrahaḥ|

sapadmaviśvavajrāgrasvapariṣvaṅgamudrayā||19||

anayā mudrāyā mudrayā(drya) pātyetyutpatatīsthitaḥ|

sarvayogīśvaro rājā vajrasattvaḥ prasiddhyati||20||

paramaratātiyoga-subhagaḥ śrīvajrasattva-yogasaṁvarakelīkilā-

nāmamudrā||

sarvabuddha-siddha-caṣakaḥ supariṣvaṁgamudrayā|

śrīvajrasattvasaṁyogamadhyotkṛṣṭādi-devatā||21||

anayā mudrayā mudrya (yogī) pātyetyutpata(tī)cchataḥ|

vajrāyuḥ yauvanaḥ śrīmānvajrasattvaḥ prasiddhyati||22||

paramaratātiyogasubhagaḥ śrīvajrāyuḥ samvarakelīkilānāmamudrā|

evamādyāstvanantāgrā dharmadhātu-samāsamāḥ|

ākāśadhātvaparyantā viśvamudrā svayambhuvaḥ ||23||

sarvākāśāvakāśe śrīvajrasattva-pratiṣṭhitāḥ|

samāviśanti sarvātma-siddhyaiśvarya-prasiddhibhiḥ||24||iti||

sarvabuddha-samāyoga-ḍākinījālasamvarātmūlamudrāgaṇaḥ||

yathā śāstrāntasāreṇa śrīpūrṇāyatanarttitaiḥ|

caturbāṇa-parikṣepāccaturmāra-parājayaḥ|| 25||

mahābrahmaśiraḥ śrīvajrasāyakānāmamudrā||

pādāvakṣeparikṣepa-saṁkṣepokṣepa-vikramaiḥ|

cakramudrā samutkṣepātsiddhaṁ trailokyalaṁghanam||26||

(47)

śrīvajranārāyaṇīnāmamudrā||

karaṇaivāraṇaiścāpi haraṇaiśca viśeṣataḥ|

pranarttanviśvamudrābhiḥ saṁhared bhuvana-trayam||27||

śrīvajratālanartteśvarīnāmamudrā||

yasya tasya latāṁ gṛhya svapariṣvaṁga-mudrayā|

rāmayaṁ sarvanāryastu kalpavṛkṣaḥ prasiddhyati||28||

śrīvajrakāmadevīnāmamudrā||

sarudropendra-sendraśca candrārkayamaṁsakam|

samāsvādanamūtkāraistrailokyamapi śoṣayet||29||

śrīvajrapadmavaḍa(śva)vāmukhānāmamudrā||

sarudrasendrasopendrasacandrārkayamaṁsakam|

nāsikāsvādasītkāraiḥ saṁhared bhuvanatrayam||30||

śrīvajravārāhīnāmamudrā||

sarudrasendrasopendrasacandrārkayamaṁsakam|

samāsvādanadṛṣṭyā tu trailokyamapi bhakṣayet||31||

śrīvajrasūryacandrahutāsanānāmamudrā||

sarudrasendrasopendrasacandrārkayamaṁsakam|

sarvātmāsvādanatayā bhasmamapi jīvayeta||32||

śrīvajradhātu-punaḥsaṁjīvanīnāmamudrā||

vaṁśābhinayayogena yathāveśaprava(na)rttanaiḥ|

sabrahmopendrarudraṁ tu vaśīkuryājjagattrayam||33||

(48)

śrīvajravaṁśavaśaṁkarīnāmamudrā||

vīṇābhinayayogena yathāveśaprava(na)rttanaiḥ|

siddhyatyaśeṣasiddhyāśukarmaprasarasiddhibhiḥ||34||

śrīvajravīṇāsukhapramohanīnāmamudrā||

mukundābhinayairyogī yathāveśaprava(na)rttanaiḥ|

jvara-graha-viṣāsaṁga sarvaduḥkhānkṣaṇād haret||35||

śrīvajramukundā sarvaduḥkhāpahāriṇīnāmamudrā||

mṛdaṅgābhinayairyogī yathāveśaprava(na)rttanaiḥ|

āveśayetkṣaṇādeva samastabhuvanatrayam||36||

śrīvajramṛdaṅgonmādanīnāmamudrā||

mudrānṛtyopahāreṇa nṛtyapūjāḥ svayambhuvān|

siddhyatyaśeṣaniḥśeṣasarvapūjā prava(na)rttanaiḥ||37||

jvarā viṣā garārogā ḍākinyopadravagrahāḥ|

viśvamaṇḍalikānṛtyaiḥ śāmayanti kṣaṇena hi||38||

sarudrasendrasopendrasacandrārkayamaṁsakam|

mudritaṁ mohitaḥ bhuktaṁ kṣaṇātsaṁjīvayanti hi||39||

evamādyāstvanantāgra dharmadhātu-samāsamāḥ|

ākāśadhātvaparyantā devīmudrāsvayambhuvaḥ||40||

sarvākāśāvakāśe śrīvajrasattva-pratiṣṭhitāḥ|

samāviśanti sarvātmasiddhyaiśvarya-prasiddhibhiḥ|

sarvabuddha-samāyogaḍākinījālasamvaraiḥ||41||

gītairatyantasaṁsiddhaiḥ prāptā siddhiranuttarā|

athāsya mudrājñānasya sarvakarma-prasādhakam|

śrīvajrasattva saṁgītaṁ atyantabhavasādhakam||42||

(49)

śrīmukhavajrasattva subhagastvāmahaṁ pratipadye, buddha he vividha-

vicitrasantati jagaddhitāyottamasiddhi siddhya mām| sarva-

tathāgatātma-sukhaḍākinījālavicitrasamvara| a la la la la hoḥ|

pradarśaya vicitra-tathāgatayoga-nāṭakam| jaḥ hū va hoḥ samaya ho

sukhoddhara vikurva hū dīpeti| a la la la la hoḥ śiṣyāviśa sarva-

tathāgatavicitraḍākinījālaḥ sarvatra sarvataḥ sarvaṁ anena suprasiddhyati|

sarvabuddhasamāyogaḍākinīyogamaṇḍalamudrājñānam||

sa eva bhagavān yogo vajrasattvastathāgataḥ|

sarvamokṣaviśuddhyai śrībuddhamudrā-pratiṣṭhitaḥ||43||

paramārthaviśuddhatvāttaptakāñcanavarṇadhṛk|

virāgādi-mahārāgācchukracitrojvalaprabhaḥ||44||

dharmaratnādṛte nāsti dharmarāja-prasādhakam|

bodhicittamahāyānaṁ vajraratnīhṛtojinaḥ|

dakṣiṇāṅguṣṭha-jeṣṭhābhyāmvāmāgra-khaṭakasya tu||45||

sarvāṅguli-parāmarśān mūlamudreti siddhyati|

iyaṁ sā sarvabuddhānāṁ prajñāpāramitā sphuṭā|

bodhicitta-mahotpāda-dharmacakrapravarttanī||46||

anayā mudrayāmudraya prajñāpāramitānayam|

ākāśadhātvaparyantaṁ bhavatyevaṁ pravarttitam||47||

(50)

bodhicittamahotpāda-dharmacakra-pravarttakaḥ|

buddha eva hi boddhavyo buddhaḥ paramaśāśvataḥ|

yainaṁ paśyanti saṁyuktaṁ pūjayanti ca sarvathā||

dṛṣṭāstaiḥ pūjitāścaiva buddhaḥ paramaśāśvataḥ||48||

saha cittotpādita samyakdharmacakrapravartana śrīsamayānāmamudrā||

dakṣiṇāṅgaṁ samākrāntā vāmasarvāṅganirjitaḥ|

sattvaparyaṅkamākramya sarvamārān prabhañjiti||49||

śrīsattvaparyaṅkam||

vajramuṣṭiṁ samādhāya saṁcchannāvāmapāṇinā|

siddhyatyaśeṣaniḥśeṣabuddhasaṁgītisiddhibhiḥ||50||

śrīherukamahāvajramuṣṭi-saṁcchāditā tathā|

siddhtyatyaśeṣaniḥśeṣasaurisaṁgītisiddhibhiḥ|||51||

padmanārīmayīmuṣṭiḥ vāmacchannā tathaiva ca|

siddhyatyaśeṣaniḥśeṣabodhicaryā-prasiddhibhiḥ||52||

ratnagrahaṇamuṣṭistu saṁcchannā vāmapāṇinā|

siddhyatyaśeṣaniḥśeṣasarvabuddhārthasiddhibhiḥ||53||

buddhamuṣṭisamādhāya saṁcchannā vāmapāṇinā|

siddhyatyaśeṣaniḥśeṣasarvabuddhasusiddhibhiḥ ||54||

nārīmudrāṁ samādhāya saṁcchannā vāmapāṇinā|

siddhyatyaśeṣaniḥśeṣa-sarvasiddhyāsusiddhibhiḥ||55||

śrīparamāśvamuṣṭistu saṁcchannā vāmapāṇinā|

siddhyatyaśeṣaniḥśeṣa-sarvakarma prasiddhibhiḥ||56||

(51)

śrīsiddhalocanāmuṣṭiḥ saṁcchannā vāmapāṇinā|

siddhyatyaśeṣaniḥśeṣa-sarvāloka-prasiddhibhiḥ||57||

prathamā buddhasaṁgītiḥ dvitīyā sau(śau)riṇī tathā|

samantabhadrā tṛtīyā caturthākṣayakaraṇḍakāḥ(kā)||58||

śrīsarvabuddhā bhagavatī sumukhā dhāraṇī tathā||

saptamī ca mahāmeghā aṣṭamī gagaṇa-locanā||59||

sarvadhāraṇīmudrā||

mudrājñānasya cāsyāgra-sarvakalpa-prasādhakam|

buddhanirmāṇa-saṁgītaṁ siddhyate paramākṣaraḥ||60||

utthāpanī dhruvā siddhā viśvā sāritakaṁ tathā|

ṣaḍaṅgagrāmeṇa vai gāya dhairavatagrāsamāvahet||61||

sphuṭā paramāṇusaṁkhya-bahuloke dhātuvistaraiḥ|

sphuṭā paramāṇusaṁkhya-jinasarvārthagatayaḥ||62||

sphuṭā paramāṇusaṁkhya-parinirmitakāya cayaiḥ|

sphuṭā paramāṇusaṁkhya-suvikurva tathāgata hoḥ||63||

atyantabhava-mahāsukha-sarvatathāgata-vikurvitavividhaḥ|

śrīvairocanayoga a la la la la hoḥ prasiddhyādya mām||64||

asau hi gīyamānastu siddhyate nātra saṁśayaḥ|

sarvākāśa-samāyoga-ḍākinījālasamvaraḥ||65||

(52)

tataḥ svaguhyatattvena yoṣidbhiścacatasṛbhiḥ|

pūjāṁ puṣpādibhiḥ kṛtvā yathāvidhivadvistaraḥ||66||

tathāgatamudrājñānam||

sa eva bhagavān yogo vajrasattvastathāgataḥ|

sa yadviṣāṁ viśuddhyai śrīmudrāśmaśānakī sphuṭāḥ (ṭāma)||67||

atyantaduṣṭa-raudreṣu saumyatāropayujyate|

prajñopāyamayo yogo yogasamvaramuttamam||68||

buddhamatyudbhavakrodha-bhasma pralayamuttamaḥ|

nīla-jvālāmayaḥ sattvo raktajvālābhamaṇḍalaḥ||69||

aparasvamahāryaṁ ca śuddhaṁ divyena vāriṇā|

prakṛtyeva hi tatsiddhaṁ prabhāvena svabhāvataḥ||70||

mahāvastraṁ mahāsekaṁ mahāmānsaṁ mahāmadhu|

sarvāśmaśānekībhūtāṁ(śānakībhūtā)mudrāśrī-pārameśvarī||71||

atyantaduṣṭaraudrāgra-sattvadhātuviśuddhaye|

śrīherukamahāvajra-mudreyaṁ pārameśvarī||72||

kapālamālāmakuṭo buddhacūḍāmaṇistathā|

siddhyatyaśeṣaniḥśeṣa-sarvarājya-prasiddhibhiḥ|

savajrakhaṭvāṅga-vajraghaṇṭā-kaṇakaṇasvaraiḥ||73||

śrīherukasamāveśaviśvamudrā-vikurvitaiḥ|

saṁbuddhaṁ vajradhṛk padmaṁ vajrasūryaṁ tridhātukam|

mudrya pramohya bhuktvā taṁ sa bhasmapi jīvayet||74||

śrīhetukamahāvajrāveśavikurvā padmanarteśvarīnāmamudrā||

(53)

yajñopavītayogena khaṭvāṅgā pārśvayoḥ śritā|

kapālavāmahaste tu dakṣiṇe tripatākayā||75||

ākāśamudrayā yogī sarvākāśavaro bhavet|

ākāśātstriyādi-sadratna-sarvabhāva-pravarttakaḥ||76||

anayā mudrayā mudryapātanābhinayaiḥ sukham|

khago nipātya vai sarvaṁ svopabhogairbhunaktatyasau||77||

sarudropendrasacandrārkaḍākinīgaṇamakṣayam|

khago nipātya māyābhiḥ niḥśeṣaṁ bhakṣayatyasau||78||

sarvākāśasamatāsamāyogasubhagaśrīvajraḍākinīsamvarā-

nāmamudrā||

savyāvasavyayogena sukhāveśa-prava(na)rttanaiḥ|

arddhaparyaṅkamābhujyamvāruṇā cakrametkramam||79||

sarudrasendrasopendrasacandrārkayamaṁsakam|

mudraya pramohya cottthāpya narttayitvā tu bhakṣayet||80||

anayaiva tu yogena tatorumukhapīḍanaiḥ|

prapīḍya cūrṇayitvā tu pravikīrya samāpibet||81||

anayaiva tu māyābhiḥ tadūrvantaraspandanaiḥ|

samayetsarvanāryo'sau subhagā divyamānuṣāḥ||82||

sarvasukhasparśasamāyogasubhaga-śrīvajraraudrāsamānāmamudrā||

ataḥ paraṁ pravakṣāmi viśvamudrā pratisthitāḥ|

śrīheruka-samāveśa-buddhaḍākinimaṇḍale||83||

(54)

saumyaraudra-pramohāgraharṣanṛtyasavibhramāḥ|

mṛta va vaṇa(mṛtotthānana)yāścaivasukhamudrā pratiṣṭhitāḥ|

śāntaraudra-pramohotthatyānṛtyāsana mūrttayaḥ||84||

dṛṣṭimudrāḥ paraṁ siddhāḥ rahasyā yogasamvaraiḥ|

puṣpadhūpaprayogāgra-madyodakalatāstathā||85||

paṭāgnidānātsiddhā hi mudrayanti viśeṣataḥ|

ekāgratā samāyogādyogāṅkā na sukhapradā||86||

atyukṣacchaṭikādāya proddha śvāsasya nāsanaiḥ|

vāmadṛṣṭiḥ karākarṣā cūcanā(cumbanā)liṅganāstathā||87||

narttanaṁ sukhamohaśca bhakṣaṇaṁ guhyamūrttayaḥ|

mahābrahmaśiraścaiva tathā trailokyalaṁghanam||88||

pṛthivyuddharaṇañcaiva svamudrābhinayastathā|

śmaśāne narttanañcaiva vātamaṇḍalikāstathā||89||

mahā-pralaya-dāhaśca karmamudrāḥ pratiṣṭhitāḥ|

prathamā mudriṇī mudrā dvitīyā hṛdyakaṭṭinī|

pramohanī tṛtīyā tu caturthyutthāpanī tathā||90||

pañcamī nartanī mudrā ṣaṣṭhī caiva tu māraṇī|

saptamī bhakṣaṇīmudrā karmamudrā tathāṣṭamī|

athāsāṁ sarvamudrāṇāṁ pratimudrāṁ niruttarām||91||

(55)

pravakṣyāmi viśeṣeṇa sarvamudrātmabhedikām|

śrīvajrapadmāntiṣṭhāṁ samādhāya vajragīta prava(nṛ)rnattanaiḥ||92||

mudritaṁ bhuktaṁ sarvadā bhasma (cā)pi sa jīvayet|

athāsya mudrājñānasya sarvakarmaprasādhakam|

śrīvajrayogasaṁgītaṁ pravakṣyāmi viśeṣataḥ||93||

vividha vicitra vibhramāvalokitaiḥ pramudrya|

vividhavicitra-cumbanāliṅganaiḥ pramodhya||94||

vividhavicitra-sarvasukha-bhojanaiḥ prabhakṣya|

vividhavicitrasamvaramaho pradarśayasva||95||

mudrya pramohaya bhakṣaya saṁvārya mahāsukha praviśya hū dīyeti|

alalalala hoḥ pravikurva vikurva yoga-samvarajālaiḥ|

pa i sa du sa a lu sa ma ha sarvā ā su jo u|

bha kṣa du sa a lu santā ā sa jo u|| 96||

anena gīyamānena siddhyati nātrasaṁśayaḥ|

sarvavajra-samāyoga-ḍākinījālasamvaram||97|| iti||

śrīherukavajramudrājñānamiti||

sa eva bhagavān yogo vajrasattvastathāgataḥ|

sarva rāgaviśuddhyai śrīpadmamudrā pratiṣṭhitā|

paramākṣara-siddhatvācchuddhasphaṭika-sannibhaḥ||98||

(56)

sarvarāganirākarttuṁ nānājvālākula prabhaḥ|

buddho yaḥ ratnapratyupta-vicitrābharaṇāmvaraiḥ|

sarvabuddhāḥ samājena(samāsena)sukhavatirivottamāḥ||99||

vicitrakaraṇoduhana parāvṛtya pranarttitaiḥ|

sapadmapadmacihnāya cakrīkṛta-bhujaśataḥ||100||

saṁbuddha-vajrasūryaṁ tu tridhātukaṁ viśeṣataḥ|

viśodhya padmajālābhirbuddhaṁ bodhau niveśayet||101||

vicitravinayopāya-subhaga-śrīpadmanarteśvarīnāmamudrā||

savyāvasavyayogena arddhaparyaṅka-saṁsthitam|

rājaparyaṅkamākramya sarvopāyān vyapohati||102||

śrīvajrapadmāsanānāmamudrā||

garvayāgṛhya vāmena raktapadmaṁ yathāsukham|

svahṛdyutkarṣayogena padmapatra-vikāsinī||103||

garvayāgṛhya vāmena pālāśa kamalaṁ mukham|

svahṛdyutkarṣayogena nārīmudrāṁ samudvahet||104||

garvayāgṛhya vāmena śvetapadmaṁ yathāsukham|

vajramudrāṁ samādhāya dharmacakraṁ pravarttayet||105||

garvayāgṛhya vāmena nīlapadmaṁ yathāsukham|

dikṣiṇena pranarttena vāmena tripatākayā||106||

(57)

garvayāgṛhya vāmena pītapadmaṁ yathāsukham|

dakṣiṇena pranarttena makārābhinayocchrayā||107||

garvayāgṛhya vāmena māñjiṣṭaṁ padmamuttamam|

svahṛdyutkarṣayogena vajramudrāṁ samudvahet||108||

vilokinyā viśuddhaśrīsabhāryā bodhimuttamā|

bhūriṇyā cakravarttitvaṁ bhṛkuṭyā pratimudraṇam|

mahāśrīpadmavāsinyā kāmaiśvaryā jagattrayam||109||iti||

śrīpadmarāgavidyādevatāḥ||

athāsya mudrājñānasya sarvakarmaprasādhakam|

śrīpadmarāgasaṁgītaṁ pravakṣyāmi viśeṣataḥ||110||

sarvatathāgatādivividhānnānārūpadharām|

vividhavicitrasattvavinayottamasiddhiparām||111||

darśaya śuddhasattva kamalottamajāla ratim|

a la la la la hoḥ pranartteśvara mokṣaratim||112||

buddhohaṁ vajradharohaṁ brahmāviṣṇumaheśvaraścāham|

candrasūryaścāhaṁ a la la la la hoḥ padmajālaśrīḥ||113||

bahu viha viṇa akaraṇa vihṇahyāṇa suddhaṇahyā-i a la la la la hoḥ

pa u ma sa ma ṇa hyā sa ru buddha| rāya vivāhaṇa aḥ su pu lu sa ha ma 

vimohaṇa aḥ suṇa hyā haṇa hyāṇaḥ aḥ| su sasi agra iya umaharasma|

(58)

anena gīyamānena siddhyate nātra saṁśayaḥ|

viśvapadma-samāyogaḍākinījālasamvaram||114||

śrīpadmanarteśvaramudrājñānam||

sa eva bhagavān yogo vajrasattvastathāgataḥ|

paramārtha viśuddhyai śrīsūryamudrā pratiṣṭhitā||115||

ākāśagarbhaḥ sarvāsaḥ(śāḥ) sarvāsā(śā)-paripūrakaḥ|

ākāśāsaṁntryādi sadratna sarvaratna pravarṣakaḥ|| 116||

atyantaduṣṭaraudreṣu saumyatānāmupayūte(nopapadyate)|

prajñopāyamayaḥ sūryaḥ pratāpaḥ paramārthataḥ||117||

pratāpavinayo lokaḥ pratāpenaiva siddhyati|

sūryarūpamahātejoliṁgeryāpatha iṣyate||118||

vajrakārmukavāṇāgra-samutkarṣaṇa tatparaḥ|

savibhrama..................................... locanaḥ||119||

sarudrasendrasopendrasacandrārkayamaṁsakam|

pratāpenaiva vijayet samantaṁ bhuvanatrayam||120||

śrītrilokavijayanāmamudrā||

jānubhyāṁ vajrabandhena samākramya svamāsanam|

vajraparyaṅkamābhujya sarvavighnaṁ vināśayet||121||

śrīvajraparyaṅkā||

abhiṣekonive(dhe)ścaiva dhvajāṅgī ca mahāmahā|

yathābhinamato(tā)kṣepātsvārthasiddhi-prasādhikā||122||

(59)

athāsya mudrājñānasya sarvakarma-prasādhakam|

rājamāyā-mahāgītaṁ pravakṣyāmi viśeṣataḥ||123||

tribhuvana-sarvarājya-vividhottama kāryāvatīm|

bahu-vividhasanti vigraha-viśeṣatayuddhajayām||124||

vividhavicitramoha-virūpottama-hetuvatīm|

darśaya vajrasūryanṛpa-samvarajāla-tayā|

saṁbodhisattva-meghāṁ pradāna-saṁbhāraviśva-varṣavatīm||125||

sarvāśāmeva sādhayet a la la la la hoḥ darśaya āśu| ati se

uṇi hāṇu akku-u vimudrama hū| a se su mahilāvara ra-aṇaḥ sukāraṇe su

vu i mu visesu sarvacchu ra a la sa rantā| takkara aṇu vidhamahilā vara ra 

aṇu suddha bhujaḥ| su i mu mullusa thu|

anena gīyamānena siddhyate nātrasaṁśayaḥ|

sarvarājya-samāyoga-ḍākinījāla-samvaram|| 126||

śrīvajrasūryamudrājñānam||

sa eva bhagavān yogo vajrasattvastathāgataḥ|

haṭhayoga-viśuddhyai śrīsaptimudrā pratiṣṭhitā||127||

sarvaśuddhya-vimokṣaṇa-prasajya-vaśamānaḥ|

parākramākramaṇataḥ sarvalokānpramarddayet||128||

(60)

kāminīṣu bhavetkāmaṁ duṣṭo duṣṭeṣu vai tataḥ|

saumyaḥ saumyeṣu bhavet haṭhayogrāhaṭheṣu ca||129||

caturmukhaścaturbāhuścaturpādaścatuḥ karaḥ|

hayagrīvo mahārājā siddhyate parameśvaraḥ||130||

viśvapadmadharaḥ śrīmāmvāmāgra-khaṭakena tu|

savajrottiṣṭha siddhistu dakṣiṇatripatākayā|131||

anayā mudrayāmudrya atyanta-patitānapi|

samutthāpya kṣaṇādeva sarvottiṣṭhāṁ praśādhayet||132||

sarvasiddhi-samāyoga subhagaśrīvajrottiṣṭhānāmamudrā||

savyāvasavya yogena pratyālīḍha-prayogataḥ|

krodhaparyaṅkamābhujya sarvalokān pramarddayet||133||

śrīvajrakrodhāsanānāmamudrā||

athāsya mudrājñānasya sarvakarma-prasādhakam|

śrīparaśvasaṁgītaṁ pravakṣyāmi viśeṣataḥ||134||

madana-sahasrātireka-sukhakāmarūpadarśano|

vinaya-vaśādyamasrahasrādhika sukāma bhīṣaṇaḥ|| 135||

punarapi saumyavapuṣābrahma sahasrādhikataraḥ|

sarvottamamaṇḍale tu siddhyanti me sarvatathāgataḥ||136||

sarvaśuddhyadhimokṣaiḥ prasajyabalasāparākramaṇaiḥ|

hīḥ hi hi hi hi hīḥ pramardda 2 parameśvara ! sarvān||137||

(61)

parameśvaramākramya prasajyabalasāparākramākramaṇaiḥ|

tryakṣānti siddhimākaṭyākaṭyā hulu 2 mahāyogaḥ||138||

nārāyaṇamākramya prasajyabalasāparākramākramaṇaiḥ|

hṛdayācchriyamākaṭyākaṭyaruṭmaṭ samāyogaḥ|| 139||

brahmāṇaṁ samākramya prasajyabalasāparākramākramaṇaiḥ|

adhimuktairmuktimākaṭyakaṭya smara-samāyogaḥ||

surateśvaramākramya prasajyabalasāparākramākramaṇaiḥ|

sarvātmano ratiṁ kaṭyākaṭya a la la la la hoḥ|| 140||

samāyogaḥ atyantaduṣṭaraudrapracaṇḍasattvāsamuddhara hetoḥ| a la la

la la hoḥ sidhyādhiśāstram| oṁ śumbhaniśumbha hū phaṭ| kapyākapya

parikhaṇḍa ujāhi priyamāṇḍa(ṇu) sujā-u| taṁ puṇḍaṇa hu vilalima oṁ

kotha tahi priyavādu| kajjākajjāparikhaṇḍajaḍi prārambha ujā-u| taṁ

prārambha ujā-u| taṁ prārambha vilalima tu kotha tahi sudravīṣu|

anena gīyamānena siddhyate nātra saṁśayaḥ|

śrīparamāśva-samāyoga-ḍākinījāla-samvaram||141|| iti||

sarvodayamudrājñānam||

tarjanyaṅguṣṭhamāveṣṭya svāṅguṣṭhena ca tarjanī|

śrīsiddharo(lo)canā mudrā tarjanī-supratākakām||142||

(62)

vajrāñjali samādhāya vajranetradvayena tu|

saṁpuṭā tu nibaddhā ca siddhā śrīvajralocanā||143||

anayā sarvabuddhatvaṁ sarvasauritvameva ca|

sarvavajradharatvaṁ ca siddhyatehaiva janmani||144||

śrībuddhalocanā siddhā sarvasattva-vaśaṁkarī|

siddhatyaśeṣa-siddhyāśukarma-prasara-siddhibhiḥ||145||

vajrāṁjaliṁ samādhāya samākuñcita-vigrahā|

samāṅguṣṭha-praviṣṭāgraṁ saṁpuṭā paramākṣarā||146||

anayā kṛtarakṣastu sarvasandhi-praviṣṭayā|

sidhyatyaśeṣa-niḥśeṣa-buddhasiddhiriti smṛtā||147||

sarvāṣṭāṣamudrā||

vajrāṁjalyorddhva-vikacā samākuñcita-vigrahā|

dvayaṅguṣṭha-daṁṣṭrāvikaṭā karalā vajrayakṣiṇī|

mārādi-bhakṣaṇaṁ siddhaṁ kaṁvilīkaraṇantathā||148||

sarvāveśa-prasiddhyatvaṁ tato vijñāna-sādhanam|

nidhānotpātanaṁ caiva sarvasvaharaṇaṁ tathā||149||

śrīvaiśravaṇa samākramya śriyā kaṭanameva ca|

kiṁkarāṁkramaṇaṁ caiva yakṣiṇī-māraṇaṁ tathā|

senāpatitvaṁ yakṣāṇāmanayā siddhyate laghu||150||

śrīvajrayakṣamudrā||

vajrājaliṁ samādhāya samamadhyā prasiddhyati|

dvayaṅguṣṭhamasya catuḥpatra protphula kamalāmalā||151||

(63)

anayā śuddhyate pāpaiḥ pāpaśuddhyā prabuddhyate|

buddhabodhyabhisaṁbuddho vajrasattvatvamāpnute||152||

śrīpadmarājamudrā||

vajrāṁjaliṁ samādhāya samāgryā bāhya-kuñcitā|

aṁguṣṭheva vajrāsanā śrīvajramaṇirityapi||153||

anayā mudrayāmudrya sarvākālā(śā)mā prasiddhyati|

ākāntādisadratna sarvabhāvā bhunaktyasau|

vajrāṁjaliṁ samādhāya sāmātyānāmavibhramāḥ|| 154||

samāgrā-kuṁcitaśrī vā paramāśveti siddhyati|

anayā mudrayāmudrya buddhabodhiṁ pradarśayet||155||

kiṁ punaḥ sarvarājāḥ śrīsubhagāṁ divyamānuṣām|

samayamudrājñānam||

kāyavākcittavajrastu cihnamudrā-samanvitā|

sarvodayaḥ tu yogena svādhidevaḥ svayaṁ bhavet||156||

ābhiḥ śrīsarvabuddhatvaṁ sarvasauritvameva ca|

sarvavajradharatvaṁ ca siddhayatehaiva janmani||157||

natā kāṁcidvarodārā dharmadhātu-samāsamā|

ākāśadhātu-paryantā sarvabuddhātma-siddhayaḥ|| 158||

yā na siddhyantu cābhīṣṭaṁ na samṛddhyati caiva hi|

sarvabuddhasamāyogaḍākinījālasamvaraḥ ||159|| iti|

mahāsamayamudrājñānam||

(64)

śrīvajrasattva-saṁyogayathāsaṁsthānamutthitam|

sarvātmānaṁ sukhenaiva sarvātmani niveśayet||160||

anayā mudrayā yogī pātyetyutpatatīcchataḥ|

sarvabuddhamayo rājā vajrasattvaḥ prasiddhyati|| 161||

(65)