• Home
• Canon Text
• Romanized
• śāstrapiṭaka
• prajñāpāramitā
• prajñāhṛdayavyākhyā

prajñāhṛdayavyākhyā

Technical Details

p.1

prajñāhṛdayavyākhyā

namaḥ prajñāpāramitāyai

sugata - bhāṣita - dvitīya - dharmacakrasya samasto'rthaḥ saṁkṣepeṇa dvidhā - abhi - samayortho hṛdayārthaśca | tatra vistṛtamadhyamasūtratrayeṇa trividhaṁ pudgalam adhikṛtya prādhānyenābhisamayo deśitaḥ | saptaśatikādau tu hṛdayārthaḥ prādhānyena deśitaḥ | mārgābhisamayajñānenālambanaṁ prādhānyena deśitam | tatra vistara - madhyamatrayeṇa pradhānyeṇa abhisamaye deśite'pi hṛdayārtho deśitaḥ | saptaśatikādau prādhānyeṇa hṛdayārtho'bhihitaḥ | abhisamayastu prasaṅgato'bhihitaḥ | atrāpi hṛdayārthaḥ pradarśitaḥ | ayamapi vimala - mitrānusāram aṣṭārthaiḥ etatsūtrasyāśeṣārtho'bhihitaḥ | aṣṭārthasyāpi upodghātetyāditaḥ kāya - vyavasthā | tatrācārya - diṅnāgādibhiḥ sūtrārtho'nyathāpi bhāṣitaḥ - sūtrodbhava - heturmukhyasūtraśca | prathamo dvidhā - upoddhāto nidānañca | ayamubhayorviśeṣaḥ padodbhavapratyayaḥ sūtrodbhavahetuśca | sa ca bhūtapūrvo'nugataśca upoddhātaḥ | nidānaṁ dvidhā - sāmānyaṁ viśiṣṭaṁ ca nidānam | anayorbhedastusarvasūtreṣu samānatayā asti | asmin sūtre asti paratra ca nāsti | sāmānyaṁ caturvidham - kālaḥ, śāsta, sthānaṁ parṣacca | viśiṣṭanidānaṁ dvidhā-pradhānaṁ parṣatsamādhisamāpannañca | ayaṁ hi piṇḍārthaḥ | prayojanārthastu saṁgītakartuḥ svayaṁ pramāṇapuruṣabhūtārtham | tatkāla eteśāstāra, etechātrāḥ etāni parṣanti, asminnasthāne śrutamiti sākṣiṇi, arthe ca sahetuke ca śabde ukte, atha iyamuktiḥ idaṁ satyamiti saṁgītakartā āpto bhaveta |

tadyathā - loke'pi sākṣiṇo'rthasya liṅgasaukṣmyāt tasya tatsatya - miti bodhavat | tathoktam ācāryadiṅnāgena -

śraddhāvatāṁ pravṛtyaṅgaṁ śāstāparṣacca sākṣiṇī |

deśakālau ca nirdiṣṭau svaprāmāṇyaprasiddhaye ||

p.2

saṁgītikarttā loke hi deśakālopalakṣitam |

sasākṣikaṁ vadan vaktā prāmāṇyamadhigacchati || iti ||

( prajñāpāramitāpiṇḍārthaḥ 3 - 4 )

eṣāṁ padārthaḥ vigrahaśca spaṣṭaḥ | tasmāt sarvasūtraṁ tathā pratyava - marśitavyamiti aṣṭasāhasrikāpiṇḍarthe'bhihitaḥ | śeṣastu anukūlaḥ | atra vimalamitrasya tanniṣidhyate, svamataṁ dyotayituṁ prathamaṁ dūṣayati - tatra dvidhā doṣāḥ - asāmarthyaṁ asākṣibhūtaṁ ca | tatrāsāmarthyaṁ tu tatprayojanasādhanāsāmarthyam | tathāpi śraddhānusāriṇā pravṛtyaṅgapramāṇa - puruṣasādhanāya taduktam | sākṣiprayojanamapi paścāt tatra sandehādisambhave tanniṣṭham | evam ṛddhyabhi - jñānalabdhaiḥ sūtrārtho nirṇetuṁ na śakyate | kaścit sākṣī tu nirvṛtaḥ kaściccānyatra saṁsthitaḥ | tacca - 

gambhīrāmitasūtrāntaratnaśravaṇatṛṣṇayā |

lokadhātuṣvananteṣu bhramanti kṛtino yataḥ ||iti||

nayena kasyacit tu atropaviṣṭasyāpi darśanāvasaro nāsti | yathā mahākāśyapādīnām | dvitīyo doṣaḥ - sa prayojana - pratipattau samartho'pi sākṣyeva na bhaviṣyati | sākṣibhāvaḥ - idam idamiti pariṣannāmopadeśena sākṣibhāvākāṁkṣā | subhūtītyādisākṣātnāmopadeśena evaṁ sākṣibhāvādhīnatve etatsūtravad pariṣannāmābhāve kathaṁ sākṣī bhaved ityucyate - tasmādevam uktam | bhūtapūrvanidānasahitasūtrākhyānāt pūrvam kṛta upāddhātaḥ evam mayāśrutamākhyātam | anena tu anyūnaṁ saṁśrutaṁ darśitam | tena parṣadbhiḥ aviparyastūpadiṣṭajñānatvāt saṁgītakartṛṣu suśravaṇārpaṇādiḥ | samprati yadāśritya etatsūtrodbhavāvasaraḥ tadāramyate | tasyāpi pravartanaṁ tu ekasmin samaye bhagavānityādinā | atha tādṛśāvasaramāśritya udbhavasūtrādhikṛtaḥ pudgalaḥ kīdṛśa ityevābhidhātumāptāntarbhāvaḥ | mahatā bhikṣusaṁghena ityādiṣu dharmaśravaṇabhavyasā - kalyāntarbhūtam iti |

p.3

viśiṣṭanidānaṁ katamat tena khalu samayenādinā pradhānānucaraśaḥ samādhidvaya - samāpannatā darśitā | athaitannidānadvayahetukaraṇenodbhavasūtrārambhaḥ katamaḥ ? praśnottaradveyana deśanā tu atha ityato evaṁ śikṣitavyamiti yāvad darśitā | tathāgatena athānuktatvāt kimidam ? avalokiteśvareṇa vyākhyātamidam iti parṣadvipratīpattinivṛttyartham śākyamuninā evama - nujñātam | athāyamapi pañcakaṣāyotkarṣakāle sambuddhatvād anyabuddhebhyaḥ prabhālpatvāt tadvadevāsti na vā iti, anumodyate tathāgatairarhadbhiriti tanmātramiva ityabhipretam | etadvayaṁ tu anujñātam | athavā tathāgatairarhadbhirapītyādinā tu anumodanā saṁyujyate | tathā ca sūtraratnabhāṣye praharṣamutpādya anumodanākaraṇaṁ tu bhagavatā ityādi |

tattu sāmānya - piṇḍārthamātram | tatra pṛcchā tu atha ityādi | asyārthastu ye kecid adhiṣṭhānapudgalaṁ manyante viśeṣataḥ pratipattiṁ cittotpādaṁ ca bodhisattvaḥ kathaṁ śikṣitavyaḥ | sambhāramārga - prayogamārga - darśanamārga - bhāvanāmārga - aśaikṣamārgaiḥ | ete'pi pañca āśaya - prayoga - sākṣātkārapratipatti - adhigametyādīnāṁ prakṛtiḥ | tatra ava - vādastvayam - kaulikapudgalaḥ bodhau cittotpādāt pañca mārgeṣu kathaṁ śikṣitavya iti pṛcchārthaḥ | uttaraṁ tu - pañcavidhamārgā vibhajyadeśitvād ekādaśa bhaveyuḥ | tatrāpi dvidhātvam - mṛdvindriyādhikṛtaḥ tīkṣṇendriyādhikṛtaśca | tatra mṛdvindriyastu pañcamārgeṣu śikṣamāṇaḥ pratimārgamadhikṛtyāpi sarvalakṣaṇaḥ paripūrṇadeśanāyām apekṣyate | tadadhikṛtya pañcamārgeṣu śikṣānayavibhāge daśa bhaveyuḥ | tīkṣṇendriyastu uddhṛtajñaḥ, tadarthaṁ daśasaṁkṣepārthadeśanāḥ | tā eva saṁkṣipya mantrārtho'bhihitaḥ | evaṁ visarjitā ekādaśa bhaveyuḥ | sāmānyatayā etadubhayamapi tīkṣṇendriyam astu, tatrāpi viśeṣatvād bhedo dvidhā | atra mṛdvindriyābhidhānaṁ, tadapi mṛdvindriyāntaramapekṣya guhyamantraṁ bhavati |

aguhyasyāpi raho'nuśāsakatvaṁ gatatvāt | guhyāguhyo'pi saḥ buddhau vidyamānatvāt, bhāve tu sevitavye na viśeṣaḥ | śāstari tu muṣṭerabhāvaḥ | tasmādatrāpi guhyamantrārthaḥ kathitaḥ | sa eva pūrvamapi guhyānuśāsanavad pravṛttyā mantraniruktiyuktaḥ | tatra prathamaṁ sūtrāśritakaulikapudgalena agrabodhe cittotpādastu mārgotpādaḥ, āśraya -

p.4

pudgalatvāt taduktam | śāriputra ityāhvānam yaḥ kaścit kulaputro kuladuhitā vā ityādibhiḥ kaulika - pudgalābhidhānam | gambhīrāyāṁ prajñāpāramitāyāṁ ceti caryāṁ cartukāmaḥ iti dvayena upālambhaviṣayaṁ chandolakṣaṇaṁ cittotpādadvayamucyate yathākramam | anena tu mṛdutīkṣṇendriyamanadhikṛtya sāmānyato darśitam | mṛdvindriyādhikṛta - daśottarāṇyapi āryasandhinirmocane | caturvidhālambanabhāṣyasārārthaṁ atra sthāpayāmi | savikalpapratibimbaṁ vipaśyanālambanam, nirvikalpapratibimbaṁ śamathālambanam, vastuparyantam ālambanam, kāryapariniṣpattiścālambanam | ebhiścaturbhiḥ sambhāramārgaḥ, prayogamārgo, darśanamārgaḥ, aśaikṣamārgaśca catvāraḥ kramaśo nirdiṣṭā jñeyāḥ | atra bhāvanāmārgastu pūrvatrayālambanalambanātirikta - śeṣānyālambanābhāvatvāt pṛthak na darśitaḥ | evam ca maitreyanāthena -

cintātulanānidhyānānyabhīkṣṇaṁ bhāvanāpathaḥ |

nirvedhāṅgeṣu dṛṅmārge bhāvanāmārga eva ca   ||ityuktam |

tatra savikalpapratibimbaṁ vipaśyanālambanam tu tena evaṁ vyavalokitavyam ityādibhiḥ darśitam | anena tu sambhāramārgāvasthāyāṁ vidyamānasya tathatā - pratyavekṣaṇa - prajñā darśitā | darśanamārgastu sarvālambānāṁ samatvenāvagatvād vividhākārālambano nāvekṣyate | atra tu śūnyatādiḥ vividhākāravastuṣu satyam abhiniviśya utprekṣyate, vikalpanāstu vividhaṁ kalpyante | evaṁ saiva kalpitā prajñā samādhyabhāvād vipaśyanā - mātraprakṛtiḥ |

darśanamārgodbhūtasya nirvikalpapratibimbamātratvāt savikalpa - pratibimbaḥ vipaśyanālambanam ityucyate | tena vyavalokitavyamiti udbhavastu vividhākāreṇa pratyavekṣitavya iti nidarśitam | pṛcchāvasthāyāmapi ākhyātam | evaṁ sambhāra - mārgotpāde sati jñānasya anyavyavadhānarahitoṣmādinirvedhajñānatvād anena sūtrapadena nirvikalpapratibimbaṁ śamathālambanamapi etenaiva vyākhyātam | tatra nirvikalpastu 

p.5

pūrvadaśitaṁ śrutacintājñānaṁ parāvartya vividhālamban | tadevaṁ kalpanā avikalpya ekatvena adhyātma eva kalpyate | sā cāpi sarvadharmasamatāvabodhā vipaśyanā dṛṅmārgodbhūtatādṛśābhāve'pi śamathaprakṛtibhūtatvān nirvikalpapratibimbā śamathālambanā pūrvavat | evam ālambanadvayaṁ vyākhyātam |

atha tṛtīyaṁ vastuparyantālambanaṁ darśyate | tatra vastu tu rūpādi | tasya paryantastu prakṛtirdharmatā vā | tadālambanaṁ tu vastuparyantālambanam | ayaṁ hi darśanamārgaḥ | tatrāpi trividhātvam - ālambanam tadālambanapravṛtyākāraḥ tadākāravyavalokitaṁ phalam | tatra pañcaskandhāṁstān svabhāvaśūnyān samanupaśyati | evaṁ hi pūrvaṁ yathānirdiṣṭaṁ vastu - paryanta - tadālambanāni ceti trayāṇāṁ deśanātvāt darśanamārgālambanaṁ nirdiṣṭam | padārthastu vṛttau sphuṭaḥ | tadālambane yenākāreṇa pravṛttau samanudṛṣṭāyāma viparyastaṁ paśyati iti rūpaśūnyatā ityādi | atrāpi trividhātvam - pratyākāralakṣaṇam, saṁkhyāniścayaḥ, kramaniścayaśca | tatra prathamastu spaṣṭaḥ | saṁkhyāniścayaḥ - atra sārārthobhāṣitaḥ | sārārthaprādhānye'pi vimokṣadvāratrayam | vimokṣadvāratrayamapi aṣṭagambhīrārthasaṁgṛhītam | bhāvānāṁ svabhāvaśūnyatā, vimokṣadvāraśūnyatā | śunyatānimittobhayenāpi svabhāvaśūnyaṁ sāmānya-bhāvaśūnyaṁ ca dvayaṁ proktam | darśanamadhikṛtya taddvayasya sarvaśūnyatārthe saṁgṛhītatvāt tadbhāṣitam | alakṣaṇatvaṁ tu nimittarahitattvam | heturapi kāryam apekṣya kāraṇa avasthāpitam | so'pi saṁkleśahetuphale, vyavadānahetuphale ca dvayoḥ saṁgrahītatvād anutpannaḥ, aniruddhaḥ, amalo, vimalaśca yathākramam | apraṇihitaṁ tu - kārya - praṇidhiviṣayo dvividhaḥ doṣāpagataṁ guṇasamanvāgatam ca praṇidhānam | tadubhayorviyoge'praṇihitam | tasmāt tri-vimokṣadvāra-prakṛtau aṣṭau niṣedhāḥ niṣiddhākārā api aṣṭāveva niyatāḥ | ayaṁ hi saṁkhyāniścayāḥ | kramaniścayastu sarvasūtreṣu sugatena śūnyatāvimokṣapūrvamabhihitaḥ, atha animittamante cāpraṇidhānam | atra tenaivaṁ niścayaḥ | buddhena dṛṣṭiḥ, caryā, phalaṁ ca trayaṁ kramaśo janitam | tattriṣu abhiniveśasya trayaḥ pratipakṣā yathākramaṁ nidiṣṭāḥ | tataḥ saṁkhyāniścaya eva kramasyāpi niścayaḥ | tena etatsūtrasya mukhyābhidheyo'pi aṣṭagambhīrārtho'yameva iti vimalamitreṇa vyākhyātam | samprati tadālambane etadaṣṭavidhadvārato vyavalokanaphalaṁ jñānāvabhāsaḥ kathamutpadyate, 

p.6

taddarśayitum tasmāttarhi śāriputra śūnyatāyām ityādi | tasmāt iti tu yathākhyātākāraiḥ tadālambanasya vyavalokitatvāt | tena khalu tu tatkālena vyavalokanakālena kaḥ phalodbhava iti | śūnyatāyāṁ na rūpam ityādināma | śūnyatādarśane rūpādisamanupalambhajñānaṁ janyate | tasmāt tadālambane etadaṣṭavidhadvāreṇa bhāvite sati śūnyatāyām etādṛśāvabhāsajñānotpādastu darśanamārgaphalam iti nidarśitam | evam darśanamārgotpāde bhāvanāmārgajanmatvāt sa deśitaḥ | tasmāttarhi śāriputra, ityādi | vṛttau spaṣṭam | tatpaścād ānantaryamārge'sya vajropamasamādhi - janmābhidhānam | tasmin anabhihite buddhabhūmiprahāṇa - māhātmyopadeśe bhāvanāmārgasya āvaraṇadvayaprahāṇe prahāṇamāhātmyam iṣyet | sa tu bhāvanāmārgasambaddhatājñānārthaṁ bhāvanāmārgamanudarśitaḥ | atra sa prahāṇo'pi ekavelam | sa tu cittāvaraṇaṁ nāsti ityato niṣṭhāparyantaṁ spaṣṭam | ānantaryamārga-darśanārtham tryadhvasu ityata āśritya iti paryantam | sarvabuddheṣu ityatra buddhastvasti kintu samyaksambuddho nāsti iti sthitau daśabhūmi - viśiṣṭamārgasthito bodhisattvaḥ | tadadhvani vajropamasamādhiḥ sthito vṛttau sphuṭaṁ bhāṣitaḥ | atra sūtre tu adhigamamahattva - cittamahattvayoḥ prādhānyadeśanāprasaṅge ayamavyavahito heturapi prasaṅgena darśitaḥ | evam prahāṇātmatāṁ darśayitvā adhigamātmatāṁ dvividhāṁ darśayitum anuttara ityādi asti | tacca dvividham - yāvajjñānaṁ yathāvajjñānañca | cittamāhātmyamadhigamamāhātmyaṁ ca dvayoḥ sthāpitam | tatrānuttara ityādinā ālambyaviṣayaḥ, tatpaścāt pratipattihetuśca anuttara - phalalābhaḥ | etattribhiḥ yāvajjñānaṁ darśitam | tattrayayuktatvāt sarvaṁ jñeyavastu karatalāmalakavatsthitaṁ jñeyam | samyaksambodhimabhisambuddhā ityādibhiḥ yathāvajjñānaṁ darśitam | vṛttau sphuṭaṁ darśitam | evam mṛdvindriyamadhikṛtya sambhāramārgaḥ prayogamārgaḥ, ekaikaḥ uttaro darśanamārgaśca trayaḥ bhāvanāmārga ekaḥ, ānantaryamārga ekaḥ | buddhabhūmiḥ tisraḥ ceti | evam daśapratividhānebhya pañcamārgeṣu śikṣānayaḥ subhāṣitaḥ | samprati tīkṣṇendriyamadhikṛtya prajñāpāramitārthaṁ saṁkṣipya guhyamantrārthavyākhyānaṁ tu tasmāttarhi śāriputra ityādinā | tatpañcamārgā jñānārthaṁ trāṇārthaṁ ca | taddvayānuśaṁsā mantrasyaiva vyākhyā | tattu ekādaśamuttaram | sā hi praśnāvasthā kathaṁ śikṣitavyā iti pṛcchottaraṁ parisampannam iti darśayitum evam śikṣitavyam iti darśitam |

p.7

bhikṣuṇā sādhuprajñenābhyārthito dīpaṅkaraśrījñānaḥ

idaṁ subhāṣitavān tadartho mayā granthe likhitaḥ |

adyātra bhoṭadeśe pūrvakunītyāsakte

adyāpi satām avavāde subhāṣitvājñānam |

tathāpi prajñāvatāṁ hitam iti karuṇāśayā likhitam |

jinajananīsamyagjñātāraṁ dveṣena na vadet |

bhāratīyopādhyāyena dīpaṅkaraśrījñānena lokacakṣuṣā bhikṣuśīlajinena ca anūdya, saṁśoddhya ca nirṇītaḥ |