• Home
• Canon Text
• Romanized
• śāstrapiṭaka
• madhyamaka
• Madhyamakāvatārabhāṣya

Madhyamakāvatārabhāṣya

Technical Details

Madhyamakāvatārabhāṣya

|| namo bhagavate buddhāya||

madhyamakaśāstrasyāvatārāya madhyamakāvatāramārabdhukamo buddhatvasyā-

dyahetusampado'śeṣasaṁsāracārakāvaruddhātrāṇasattvaparitrāṇalakṣaṇāyā

bhagavatyā mahākaruṇāyāḥ samyaksambuddhairbodhisattvaiścāpi prathamataḥ

stutyarhatāṁ pratipādayañślokadvayamāha-

munīndrajāḥ śrāvakamadhyabuddhāḥ sambodhisattvaprabhavāśca buddhāḥ|

kāruṇyaceto'dvayadhīśca hetuḥ sambodhicittaṁ ca jinātmajānām||

ityādi| tatra niruttaradharmaiśvaryasampadā śrāvakapratyekabuddhabodhisattve-

bhyo'pi paramaiśvaryasampannatayā śrāvakādīnāṁ tadājñāvaśavartitvācca mu-

nīndrā ityucyante buddhā bhagavantaḥ| tebhyo jātā munīndrajāḥ śrāva-

kādayaḥ| kathaṁ kṛtvā| sati hi buddhānāmutpāde'viparītapratītyasa-

mutpādadeśanāyāḥ sampravṛtteḥ| tacchravaṇacintābhāvanākramataśca yathā-

dhimukti śrāvakādīnāṁ pariniṣpatteḥ| yadyapi pratītyasamutpādopadeśa-

śravaṇādadhigataparamārthaśravaṇā api na dṛṣṭa eva janmani kecinnirvāṇa-

madhigacchanti| tathāpi niyatavipākasyeva karmaṇo janmāntare yathā-

(1)

bhilaṣitaphalapariṇatimāsādayantyavaśyameva tadupadeśasya kartāraḥ|

yathoktam āryadevena-

iha yadyapi tattvajño nirvāṇaṁ nādhigacchati|

prāpnotyayatnato'vaśyaṁ punarjanmani karmavat||

iti| ata eva madhyamake'pi nirdiṣṭam-

sambuddhānāmanutpāde śrāvakāṇāṁ punaḥ kṣaye|

jñānaṁ pratyekabuddhānāmasaṁsargātpravartate||

iti| tatra samyagavavādaphalaṁ śrāvayantīti śrāvakāḥ| tathā hi- kṛtaṁ

karaṇīyam| nāparamasmādbhavaṁ prajānīma ityādi| atha vā- agrapha-

lamanuttarasamyaksambuddhamārgaṁ vā tathāgatebhyaḥ śrutvā tadarthibhyaḥ śrāva-

yantīti śrāvakāḥ| yathoktam āryasaddharmapuṇḍarīkasūtre-

(2)

adyavvayaṁ śrāvakabhūta nātha saṁśrāvayiṣyāmayatha cāgrabodhim|

bodhīya śabdaṁ ca prakāśayāmaste-....||

... jalapākānāmādimadhyāvasāneṣu prādhānyādupayogitvam| evaṁ ka-

ruṇāyāḥ kālatraye'pi jinasasyasampadupayogitvaṁ dyotayati| kāru-

ṇiko hi paraduḥkhaduḥkhitayā niyatameva duḥkhitāśeṣasattvaparitrāṇāya

(3)

bodhicittamutpādayati - sakala evāyaṁ loko'vaśyaṁ mayā duḥkhāduddhṛ-

tya buddhatve niyojanīya iti| iyaṁ ca pratijñā na tiraskṛtādvayajñānena

śakyā sādhayitumityadvayajñāne'pi niyogata eva pravartate| itaḥ karu-

ṇaiva bījaṁ sarvabuddhadharmāṇām| yathoktam-

karuṇāpūrvakāḥ sarve vispandā jñānanirmalāḥ|

uktā yatra mahāyāne kastannindet sacetanaḥ||

iti| utpāditabodhicitto'pi yadyuttarakālaṁ karuṇāsalilapariṣekaṁ

na muhurmuhurāsādayet|  niyatamayamanupacitavipulaphalasañcayaḥ śrāvaka-

pratyekabuddhaparinirvāṇena nirvṛtaḥ syāt| samāsāditānantaphalāva-

stho'pi yadi kāruṇyaparipākarahitaḥ syāt| nāyaṁ cirakālamupabhu-

jyeta| na ca pāramparyāvicchinakramo mahānāryaphalapracayaściramabhivardhe-

ta||

idānimālambanaviśeṣapravṛttyāpi karuṇāyāḥ svarūpātiśayamabhidyo-

tya tasyai namaskāramārabdhukāma āha-

(4)

purāhamityātmani sanniviṣṭe mamedamityāhitabhāvasaṅge|

bhramaddhaṭīyantra ivāsvatantre jagatyabhūdyā karuṇā name tām||

ātmīyābhiniveśāt prāgevāhaṅkāreṇāsantamātmānaṁ santamityupaka-

lpyedaṁsatyābhiniviṣṭo mamedamityahaṅkāraviṣayādanyasmin bhāvajāte

sakala evāyaṁ loko'bhiniviṣṭaḥ| sa cāyamātmātmīyābhiniviṣṭo

lokaḥ karmakleśarajjvā gāḍhataramavabaddho vijñānayantravāhākṣepaparāyatta-

vṛttir ā bhavāgrādavīciparyantaṁ nimne mahati saṁsārakūpe'navaratavāhya-

mānaḥ svarasata evāaghogamanavṛttiryatnataḥ kathamapyutthāpanīyo 'jñānā-

dikleśakarmajanmasaṅkleśatraye'pyanavadhāryamāṇapūrvāparamadhyakramo duḥkha-

duḥkhatāvipariṇāmaduḥkhatābhyāmahanyahani paribhidyamānatvādaraghaṭṭagha-

ṭīyantrāvasthāmanitivṛtyāvasthitaḥ| bodhisattvastadduḥkhaduḥkhitayā ta-

matīva karuṇayālambya yatastaṁ trātumutsahate| ataḥ prathamatarameva bha-

gavatīṁ mahākaruṇāṁ praṇauti sma| eṣā ca sattvālambanā bodhisattvānāṁ

karuṇā||

dharmālambanāmanālambanāṁ ca karuṇāmālambanata eva dyotayannāha-

antaścaladvāriṇi candravaccalaṁ svabhāvaśūnyaṁ ca jagadvipaśyataḥ|

(5)

yā karuṇā name tām ityanena sambandhaḥ| tathā hyativiprasanne'mbhasi

nātipracaṇḍamārutoddhūyamānāvayavavisarpiṇyantarindoḥ pratibimbake

prāgupalabhyamānādhāradeśasahabhaṅgini samakṣamivopalabhyamānātmabhāvo-

daye svamātmānaṁ prakaṭayadivedaṁ dvayamavasthitaṁ paśyanti santaḥ| yaduta

pratikṣaṇānityatāṁ svabhāvaśūnyatāṁ ca| evaṁ bodhisattvā api satkāya-

darśanasarasyayoniśovikalpānilapracalāvidyābhinīlavipulajalānta-

rvartinaḥ svakarmapratibimbakāniva purato nirvartamānānpaśyantaḥ sattvā-

npratikṣaṇamanityatāvyasanasampātinaḥ svabhāvaśūnyāṁś ca tadanitya-

tāvyasanasya vyasanamiva saddharmāmṛtarasātiśayapānahetuṁ sakalaviparyā-

sakalpanoparatilakṣaṇaṁ sakalajagadbandhutāsvabhāvaṁ samavāptuṁ buddhatvama-

bhilaṣante karuṇāparatantrāḥ||

eteṣāṁ yāḥ karuṇāḥ sattvālambanā dharmālambanā anālambanāśca| tāḥ

praṇamya bodhisattvānāṁ bodhicittasya daśadhā bhedaṁ vivakṣurādyaṁ tāvadbo-

dhicittamadhikṛtyāha-

(6)

kṛpāsvatantraṁ jagatāṁ vimuktaye samantabhadrapraṇidhipraṇāmitam||

yadasya ceto muditāpratiṣṭhitaṁ jinātmajasya prathamaṁ taducyate|

jñānameva hi bodhisattvānāṁ kāruṇyādiparigṛhītamanāsravaṁ bhāgaśo

vibhajyamānaṁ bhūmyākhyāṁ pratilabhate guṇapratiṣṭhābhūtatvāt| taccottarotta-

raguṇasaṅkhyāprabhāvātiśayāvāptidānādipāramitādhikyavipākotkarṣabhe-

dato daśadhā vyavasthāpitaṁ pramuditādibhūmibhāgena| na tvasya svarūpā-

tiśayakṛto bhedo'sti|  yathoktam-

yathāntarīkṣe śakuneḥ padaṁ buddhairvaktuṁ na śakyaṁ na ca darśanāya|

tathaiva sarvā jinaputrabhūmayo vaktuṁ na śakyāḥ kuta eva śrutum||

iti| tatra pramuditā bodhisattvabhūmirādyacittotpādo bodhisattvānāṁ

yāvad dharmameghā daśamaścittotpāda iti| tatra yathoktena nyāyena jaga-

nnaiḥ svābhāvyaṁ paśyato bodhisattvasya karuṇāviśeṣaṇatvenopāttasya yac

cittaṁ karuṇāsvatantraṁ samantabhadrabodhisattvapraṇidhipariṇāmitaṁ pramudi-

tābhidhānādvayajñānaṁ tannimittaphalopalakṣitaṁ ca| tat prathamam itya

ucyate| bodhisattvasya tatra daśamahāpraṇidhānapramukhāni daśa praṇidhā-

(7)

nāsaṅkhyeyaśatasahasrāṇi yāni bodhisattvaḥ prathamacittotpādika utpā-

dayati tāni samantabhadrabodhisatvapraṇidhāne'ntargatāni| niravaśeṣa-

praṇidhānopasaṅgrahārthaṁ samantabhadrapraṇidhiviśeṣaṇopādānam| tatra yathaiva

śrāvakayāne pratipannaphalamārgāvasthābhedenāṣṭau śrāvakabhūmayo vyava-

sthāpyante| tathā mahāyāne'pi bodhisattvānāṁ daśa bodhisattvabhūmayaḥ|

yathā cotpannanirvedhabhāgīyāvasthaḥ śrāvako naivādyaphalapratipannakāvastha

iṣyate| evaṁ bhāvī bodhisattvaḥ| yathā ratnameghasūtre - yad adhimātrā-

dhimukticaryādharmatayā prathamabhūmipratilambhāya samanantarāvasthānam

iyaṁ bodhisattvasthānutpāditabodhicittabhūmirityuktam| tadadhimuktica-

ryākṣaṇāvasthitaśca tatraiva vyākhyātaḥ - tadyathāpi nāma kulaputra rājā

cakravartī samatikrāntaśca bhavati mānuṣyakaṁ varṇamasamprāptaśca bhavati di-

vyaṁ varṇam| evameva bodhisattvaṁ samatikrāntaśca bhavati sarvalaukika-

śrāvakapratyekabuddhabhūmīrasamprāptaśca bhavati pāramārthikabodhisattvabhūmī-

riti| yadā tvayaṁ pramuditākhyādyabhūmipraviṣṭo bhavati|

ataḥ prabhṛtyeva hi tasya lābhataḥ sa bodhisattvadhvaninaiva kathyate||

(8)

sarvathā pṛthagjanabhūmeratikrāntāvasthāyāṁ bodhisattvadhvaninaiva vacanīya-

staccittalābhī| nānyathā| tasya tadānīmāryatvāt| yathoktaṁ bhagava-

tyāmardhatṛtīyasāhasryām- bodhisattva ityanubuddhasattvasyaitadadhivaca-

nam| yena sarvadharmā anubuddhā jñātāḥ| kathaṁ jñātāḥ| abhūtā asambhū-

tā vitathāḥ| naite tathā| yathā bālapṛthagjanaiḥ kalpitāḥ| naite tathā|

yathā bālapṛthagjanairlabdhāḥ| tenocyate bodhisattva iti| tatkasya he-

toḥ| avikalpitā hi bodhiḥ| aviṭhapitā hi bodhiḥ| anupala-

mbhā hi bodhiḥ| na hi suvikrāntavikrāmiṁstathāgatena bodhirlabdhā|

alābhāt sarvadharmāṇām| anupalambhataḥ sarvadharmāṇāṁ bodhirityucya-

te| evaṁ hi buddhabodhirityucyate | na punaryathocyate| ye suvikrāntavi-

krāminbodhāya cittamutpādayanti - idaṁ cittaṁ bodhāyotpādayiṣyāma

iti| bodhiṁ manyante- astyasau bodhiḥ|  yasyāṁ vayaṁ cittamutpādayi-

ṣyāma iti| na te bodhisattvā ityucyante| utpannasattvāsta ityucya-

nte| tatkasya hetoḥ| tathā hyutpādābhiniviṣṭāścittābhiniviṣṭā bodhi-

mabhiniviśanta ityādi| bhūyo'pyuktam- alakṣaṇā hi bodhirlakṣaṇa-

svabhāvavinivṛttā| ya evamanubodhaḥ| iyamucyate bodhiriti| na punarya-

(9)

thocyate| eṣāṁ hi suvikrāntavikrāmindharmāṇāmanubuddhatvādbodhisattva

ityucyate| yo hi kaścitsuvikrāntavikrāminnimāndharmānaprajānannana-

vabudhyamāno bodhisattvo bodhisattva ityātmānaṁ pratijānīte| dūre ta-

sya bodhisattvabhūmiḥ| dūre sa bodhisattvadharmāṇām| visaṁvādayati sa-

devamānuṣāsuraṁ lokaṁ bodhisattvanāmnā| sacet suvikrāntavikrāmin

vāṅmātreṇa bodhisattvo bhavet| tena sarvasattvā api bodhisattvā bhave-

yuḥ| naitatsuvikrāntavikrāmin vākkarmamātram| yaduta bodhisattvabhūmi-

rityādi||

na kevalaṁ yathoktabodhicittalābhī tasyāmavasthāyāṁ bodhisattvadhvaninai-

va kathyate| api ca

jātaḥ kule bhavati caiṣa tathāgatānāṁ

saṁyojanatrayamapi kṣatamasya sarvam|

(10)

modaṁ bibharti ca paraṁ sa hi bodhisattva

ālokadhātuśatakampanajātaśaktiḥ||

sarvaśaḥ pṛthagjanaśrāvakapratyekabuddhabhūmyatikramātsamantaprabhābhidhānata-

thāgatabhūmyanuyāyimārgotpādācca bodhisattvastathāgatakule jāto bhava-

ti| ātmano nairātmyasamakṣadarśitvātsatkāyadṛṣṭivicikitsāśīla-

vrataparāmarśākhyaṁ saṁyojanatrayamapyasyāpunarutpādādvigataṁ tadānīm|

atattvadarśino hyatmasamāropātsatkāyadarśanaṁ syāt| tathaiva vici-

kitsayā mārgāntaragamanamasya sambhāvyeta| nānyasyeti| niyāmāva-

krāntyā ca taddhetuguṇalābhato bhūmivipakṣadoṣavigamataścāsādhāraṇaprī-

tiviśeṣotpādāt sa bodhisattvaḥ prāmodyabahulatvāt paraṁ pramodaṁ bibha-

rti| viśiṣṭapramodasadbhāvācceyaṁ bhūmiḥ pramuditākhyāṁ pratilabhate| śa-

knoti ca lokadhātuśataṁ kampayitum||

(11)

ūrdhvaṁ prayāti ca bhuvo bhuvamādadāno

ruddho'sya durgatipathaḥ sakalastadānīm|

kṣīṇāḥ pṛthagjanabhuvaśca tadāsya sarvā

āryo yathāṣṭamaka eṣa tathopadiṣṭaḥ||

yathādhigatadharmaparijityā dvitīyādibhūmyavakrāntau mahotsāhatvācca

bhūmerbhūmimākrāmann ūrdhvam ayaṁ prayāti| saṅkṣepato yathaiva srota-āpa-

nnasyāryasya svānurūpāryadharmādhigamāddoṣavigamo guṇasambhavaśca| tathai-

vāsyāpi bodhisattvasya bhūmyadhigamātsvārūpaguṇasambhavo doṣakṣaya-

śca srota-āpannadṛṣṭāntena paridīpitaḥ||

ayaṁ cāparo viśeṣaḥ| yadayaṁ bodhisattvaḥ

pratyekabuddhānsamunīndraghoṣajānpuṇyādhipatyena jayanvivardhate|

sambodhicitte prathame'pi hi sthitaḥ

yathoktam āryamaitreyavimokṣe- tadyathā kulaputra acirajāto rājaputro

rājalakṣaṇasamanvāgato mūrdhaprāptānsarvavṛddhāmātyānabhibhavati kulamā-

hātmyādhipatyena| evamevācirotpannabodhicittastathāgatadharmarājaku-

(12)

lapratyājāta ādikarmiko bodhisattvaściracaritabrahmacaryān śrāvakapra-

tyekabuddhān abhibhavati bodhicittamahākaruṇādhipatyena| tadyathāpi

kulaputra yo'cirajātasya mahāgaruḍendrapotasya pakṣavātabalaparākramo

nayanapariśuddhiguṇaśca| sa sarvaśarīrapravṛddhānāṁ tadanyeṣāṁ pakṣigaṇānāṁ na 

saṁvidyate| evameva yaḥ prathamacittotpādikasya tathāgatamahāgaruḍe-

ndrakulagotrasambhavasya bodhisattvamahāgaruḍendrapotasya sarvajñatāci-

ttotpādabalaparākramo 'dhyāśayanayanapariśuddhiguṇaśca| sa kalpaśata-

sahasraniryātānāṁ sarvaśrāvakapratyekabuddhānāṁ na saṁvidyata ityādi||

dūraṅgamāyāṁ tu dhiyāpi so'dhikaḥ||

yathoktam āryadaśabhūmake- tadyathāpi nāma bho jinaputrā rājakulapra-

sūto rājaputro rājalakṣaṇasamanvāgataḥ sa jātamātra eva sarvāmātya-

gaṇamabhibhavati rājādhipatyena| na punaḥ svabuddhibalavicāreṇa| yadā

punaḥ sa saṁvṛddho bhavati| tadā svabuddhibalādhānataḥ sarvāmātyakriyāma-

tikrānto bhavati| evameva bho jinaputrā bodhisattvaḥ saha cittotpāda-

mātreṇa sarvaśrāvakapratyekabuddhānabhibhavatyadhyāśayamāhātmyena| na punaḥ

(13)

svabuddhibalavicāreṇa| asyāṁ tu saptamyāṁ bodhisattvabhūmau sthito bo-

dhisattvaḥ svaviṣayajñānamāhātmyāvasthitatvātsarvaśrāvakapratyekabuddha-

kriyāmatikrānto bhavatīti| tadevaṁ dūraṅgamāyā eva prabhṛti svabuddhiba-

lādhānenāpi bodhisattvaḥ śrāvakapratyekabuddhānabhibhavati| nārvāgbhūmi-

ṣvati jñeyam| ata evāgamācchrāvakapratyekabuddhānāmapi sarvadharmanaiḥ-

svābhāvyajñānamapyastīti sphuṭamavasīyate| anyathā hi bhāvanaiḥsvā-

bhāvyaparijñānarahitatvāllaukikavītarāgā iva te'pi prathamacittotpā-

dikenāpi bodhisattvena svabuddhivicāreṇāpyabhibhūyeran| bāhyavadeva cai-

ṣāṁ traidhātukāvacarasarvānuśayaprahāṇaṁ na syāt| rūpādisvarūpopalambhe-

na viparyastatvāt| ātmanairātmyabodho'pi na syāt| ātmaprajñaptyu-

pādānaskandhopalambhāt| yathoktaṁ ratnāvalyām-

skandhagrāho yāvad asmāt tāvadevāhamityapi|

ahaṅkāre sati punaḥ karma janma tataḥ punaḥ||

trivartmaitad anādyantamadhyaṁ saṁsāramaṇḍalam|

alātamaṇḍalaprakhyaṁ bhramatyanyonyahetukam||

(14)

svaparobhayatasyasya traikālye cāpyalabdhitaḥ|

ahaṅkāraḥ kṣayaṁ yāti tataḥ karma ca janma ca||

iti| punaścoktam-

alātacakraṁ gṛhṇiti yathā cakṣurviparyayāt|

tathendriyāṇi gṛhṇinti viṣayānsāmpratāniva||

indriyāṇīndriyārthāśca pañcabhūtamayā matāḥ|

pratisvaṁ bhūtavaiyarthyādeṣāṁ vyarthatvamarthataḥ||

nirindhano'gnirbhūtānāṁ vinirbhāge prasajyate|

samparke lakṣaṇābhāvaḥ śeṣeṣvapyeṣa niścayaḥ||

evaṁ dvidhāpi bhūtānāṁ vyarthatvātsaṅgatirvṛthā|

vyarthatvātsaṅgateścaivaṁ rūpaṁ vyarthamato'rthataḥ||

vijñānavedanāsañjñāsaṁskārāṇāṁ ca sarvaśaḥ|

pratyekamātmavaiyarthyādvaiyarthyaṁ paramārthataḥ||

sukhābhimāno duḥkhasya pratīkāre yathārthataḥ|

tathā duḥkhābhimāno'pi sukhasya pratighātajaḥ||

(15)

sukhe saṁyogatṛṣṇaivaṁ naiḥsvābhāvyātprahīyate|

duḥkhe viyogatṛṣṇā ca paśyato muktirityataḥ||

kaḥ paśyatīti ceccittaṁ vyavahāreṇa kathyate|

na hi caittaṁ vinā cittaṁ vyarthatvānna bhaviṣyati||

vyarthamevaṁ jaganmatvā yāthābhūtyānnirāspadaḥ|

nirvāti nirupādāno nirupādānavahnivat||

atha syāt - bodhisattvā eva naiḥsvābhāvyamevaṁ paśyantīti| etacca

nāsti| śrāvakapratyekabuddhānadhikṛtyaivaṁvacanāt| kathametajjñāyata iti

cet| ucyate - anantarameva bodhisattvānadhikṛtya -

bodhisattvo'pi dṛṣṭvaivaṁ sambodhau niyato mataḥ|

kevalaṁ tasya kāruṇyādā bodher bhavasantatiḥ||

ityādyabhidhānāt| śrāvakopadeśasūtreṣu ca śrāvakāṇāṁ kleśāvaraṇaprahā-

ṇārthaṁ phenapiṇḍodakabudbudamarīcikājalakadalīskandhamāyādyupamānai-

rnirūpitāḥ saṁskārāḥ-

(16)

phenapiṇḍopamaṁ rūpaṁ vedanā budbudopamā|

marīcisadṛśī sañjñā saṁskārāḥ kadalīnibhāḥ|

māyopamaṁ ca vijñānamuktamādityabandhunā||

ityādinā| amumevārthaṁ pratipādayatācāryeṇoktam-

anutpādo mahāyāne pareṣāṁ śūnyatā kṣayaḥ|

kṣayānutpādayoścaikyamarthataḥ kṣamyatām idam||

tathā

kātyāyanāvavāde ca| asti nāstīti cobhayam|

pratiṣiddhaṁ bhagavatā bhāvābhāvavibhāvinā||

iti|

yas tu manyate - yadi śrāvakayāne'pi dharmanairātmyaṁ deśitaṁ syāt|

tadānīṁ mahāyānadeśanāvaiyarthyaṁ syāditi| tasyāpi tanmatamevaṁ yuktyā-

gamavidhuramupalakṣyate| na ca dharmanairātmyamātrameva mahāyānadeśanā pra-

tipādayati| kiṁ tarhi bodhisattvānāṁ bhūmipāramitāpraṇidhānamahākaru-

ṇādipariṇāmanāsambhāradvayācintyadharmatāmapi| yathoktaṁ ratnāvalyām

(17)

na bodhisattvapraṇidhirna caryāpariṇāmanā|

uktā śrāvakayāne'smād bodhisattvaḥ kutastataḥ||

bodhicaryāpratiṣṭhārthaṁ na sūtre bhāṣitaṁ vacaḥ|

bhāṣitaṁ tu mahāyāne grāhyamasmādvicakṣaṇaiḥ||

iti| dharmanairātmyadyotanārtho'pi mahāyānopadeśo yujyata eva| vi-

starābhidhānasya vivikṣitatvāt| sūcanāmātraṁ tu śrāvakayāne dharmanairā-

tmyasya| yathoktam ācāryapādaiḥ-

animittamanāgamya mokṣo nāsti tvamuktavān|

atastvayā mahāyāne tatsākalyena deśitam||

iti| alaṁ prasaṅgena||

ata evānākuladhiyo'rthatattvaṁ svayam avaboddhuṁ samarthā iti prakṛtame-

vānuvarṇyate|

tadādhikaṁ tasya hi dānameva sambuddhabodheḥ prathamaṁ nidānam|

(18)

tasya hi pramuditābhūmilābhino bodhisattvasya dānaśīlakṣāntivīrya-

dhyānaprajñopāyapraṇidhibalajñānābhidhānābhyo daśabhyaḥ pāramitābhyo

dānapāramitaivādhikatarā bhavati| na tvasyā anyā na santi| tacca dā-

naṁ sarvajñatāyāḥ prathamaṁ kāraṇam||

adṛśyadṛṣṭau ca nimittabhūtaṁ svamāṁsadāne'pi kṛtādarasya||

ye'pi hi bodhisattvasyādṛśyā guṇā bhūmyadhigamādayaḥ| te'pi bāhyā-

dhyātmikavastutyāgaviśeṣānumānata eva tadānīṁ spaṣṭataraṁ tasyānumī-

yante dhūmāderivāgnyādayaḥ||

yathā ca bodhisattvānāṁ dānaṁ prathamaṁ buddhatvasya kāraṇamapratyakṣaguṇāva-

sāye liṅgaṁ ca| evaṁ pṛthagjanānāṁ śrāvakapratyekabuddhānāmapi duḥkhapratī-

kārātyantikasukhāvāptikāraṇamapīti pratipādayitum āha-

sukhābhilāṣī sakalo jano'yaṁ

sukhaṁ nṛṇāṁ cāsti vinā na bhogaiḥ|

bhogāṁśca dānaprabhavānavetya

muniḥ purā dānakathāścakāra||

(19)

duḥkhapratīkāramātra eva bhavagatisukhodayaḥ| tannibandhane viparyāsamā-

tropakalpitātmasantāne kṣutpipāsāvyādhiśītādipratipakṣanirastopa-

nipāte'sukhātmake gāḍhataramabhiniviṣṭo lokaḥ| tasya cetthaṁsukhābhi-

laṣiṇo yat sukhaṁ duḥkhapratīkāramātrasvarūpam| tan na vinā duḥkhapra-

tipakṣabhūtābhilaṣitaviṣayaviparyāsātmakabhogādupajāyamānamupalabdha-

m||

te'pi ca duḥkhapratīkārahetavo viṣayā nānupacitadānamayapuṇyakriyā-

vastūnāmupajāyanta ityavetya viditāśeṣajagadāśayasvabhāvo bhagavā-

nśīlādikathābhyaḥ prathamataraṁ dānakathā eva karoti sma||

idānīṁ dātṛsattvavairūpye'pi svavyāpārānurūpato dānasya māhātmyamu-

dbhāvayannāha-

kāruṇyahīnā atirūkṣacittāḥ

svārthāntarā eva bhavanti ye'pi|

teṣāmapīṣṭāḥ prabhavanti bhogā

dānāddhi duḥkhopaśame nidānāt||

(20)

ye'pi hi vaṇija ivālpataradhanaparityāgato vipulataradhananicayapha-

lavāñchayārthibhyo'pyadhikataramarthitāmāpannā ditsāmādriyante| no tu

khalu sugatatanayā iva karuṇāpāratantryāddānaphalenāpyanarthina evābhi-

sambadhnanto ditsayā prītyutsavamabhivardhayanti| teṣāmapi tad dānaṁ do-

ṣagrahaṇavimukhaṁ guṇamātragrahaṇalabdhapāṭavamaniṣṭamevātiśayinyā bhoga-

sampadā śārīraṁ kṣutpipāsādiduḥkhamupaghnadbhavati duḥkhopaśame nidā-

nam||

yaścāyaṁ kāruṇyavirahātsvaduḥkhapratīkārāpekṣayaiva ditsāmādriyate|

kadācideṣo'pi hi dānasaṅgātkvacil labhetāryajanena saṅgam|

tataḥ samucchidya bhavapratānaṁ śivaṁ prayāyādapi tannidānam||

dātā dānapatiḥ sadbhiścānugamyata iti vacanād dānaprasaṅgādāryajanena

saṁsargāttadupadeśato viditasaṁsāranairguṇyo'vidyāṁ prahāyāmalāryamārga-

sammukhībhāvādanādikālapravṛttaṁ janmamaraṇaparamparayā saṁsārapratānam

utsṛjya śrāvakapratyekabuddhayānena parinirvāṇaṁ yāti dānādhimuktaḥ| e-

vaṁ tāvadabodhisattvānāṁ dānaṁ saṁsāranirvāṇasukhāvāptikāraṇam||

(21)

jagaddhitāṅgīkṛtamānasāstu labhyaṁ labhante na cireṇa dānāt|

yathoktaṁ hi dānaphalamabodhisattvā na dānasamakālaṁ niyogādupabhuñjate|

tadeṣāmasamakṣadānaphalatvādapravṛttirapi dāne sambhāvyeta| bodhisattvā-

stu dānasamakālamevārthijanamanaḥ paritoṣādabhilaṣitadānaphalasampadā

pramodamudvahanto'dyaiva dānaphalamupabhuñjate| ataḥ sarvadaiva dānapriyā

jāyante||

tadevaṁ yathopavarṇitena nyāyenābhyudayaniḥ śreyasaheturdānaṁ sarveṣāṁ

kṛpātmanāmapyakṛpātmanāṁ ca yatastato dānakathaiva mūlam||

kīdṛśaḥ khalu bodhisattvānāmarthināṁ bhogasaṁvibhāgairmanāṁsi toṣayatāṁ

prītiviśeṣodayaḥ| yata ete sarvadaiva dānamādriyanta ityucyate-

tyāgena sarvasya śamapraveśaḥ sukhaṁ vidhatte na tathā munīnām|

dehīti śabdaśrutibhāvanāyāḥ sukhaṁ yathodeti jinātmajānām||

arthināṁ dehīti śabdaśrutimeva tāvadbhāvayatāmamī māṁ yācanta ityave-

tya muhurmuhurbodhisattvānāṁ yat sukhamutpadyate| tadeva tāvannirvāṇasu-

khādapi sātiśayam| kimuta bāhyādhyātmikavastutyāgādarthijanaṁ to-

(22)

ṣayatāmiti| kiṁ punarādhyātmikamapi vastu tyajatāṁ bodhisattvānāṁ 

śārīramapi duḥkhaṁ notpadyate| yata evamabhidhīyata ityāha- naiva hi ma-

hātmanāmacetanānāmiva cchidyamānānāṁ śarīraduḥkhodayasambhavaḥ| ya-

thoktam āryagaganagañjasamādhau- tadyathāpi nāma - syānmahāśālava-

nam| tasmin kaścidāgatya śālaṁ chindyāt| tatra teṣām avaśiṣṭānāṁ

śālānāṁ naivaṁ bhavati- eṣa cchinnaḥ| vayamacchinnā iti| na teṣāmanu-

nayaḥ| na pratighaḥ| na kalpaḥ| na vikalpaḥ| yaivaṁ kṣāntiḥ| iyaṁ bodhi-

sattvasya paramā gaganasamā kṣāntipariśuddhiriti|

uktaṁ ca ratnāvalyām-

śarīraduḥkhaṁ naivāsya duḥkhaṁ syātkena mānasam|

lokaduḥkhaṁ karuṇayā tenaivāsya sthitiściram||

iti||

yasyāpyaprāptaniḥ saṅgatāvasthasya dehasthitivirodhiviṣayasampātādava-

śyamutpadyate śārīraṁ duḥkham| tadapi tasya sattvārthakriyāsvadhikatarapra-

vṛttihetutvenaivāvatiṣṭhata ityāha-

(23)

chittvā śarīraṁ sa dadatsvaduḥkhairduḥkhaṁ pareṣāṁ narakādikaṁ hi|

paśyansvasaṁvedanayaiva tasya cchityarthamevāśu karoti vīryam||

narakatiryagyoniyamalokadigatisaṅkaṭāvaruddheṣvanavaratatīvrataraduḥkho-

pabhidyamānaśarīreṣu śarīriṣu svaśarīracchedaduḥkhātsahasraśo'pyadhika-

taropacīyamānāsahyaduḥkheṣu duḥkhiṣu duḥkhaṁ svasaṁvedanayaiva paśyan bo-

dhisattvaḥ svaśarīracchedanaduḥkhamapyavigaṇayya narakādiduḥkhopacchittau

sattvānām āśutaraṁ vīryam ārabhate||

yathoktasya dānasya pāramitāvibhāgaṁ khyāpayannāha-

deyapratigrāhakadātṛśūnyaṁ lokottarā pāramiteti dānam|

nirucyate

tatra pāramucyate| saṁsārārṇavasya yatparaṁ tīraṁ niravaśeṣakleśajñeyāvaraṇa-

prahāṇarūpaṁ buddhatvam| pāram itā gatā pāramiteti| aluguttarapada

ityanena lakṣaṇena karmavibhakteraluki rūpam| pṛṣodarāditvād vā mā-

ntatvanipātanam| prajñāṁ gṛhītvā vyutpattiḥ| dānādayastu pāramitā

iva pāramitāḥ| pariṇāmaviśeṣaiśca pāragamane niyogataḥ sthāpitatvā-

ddānaṁ pāramitākhyāṁ pratilabhate| evaṁ śīlādayo'pi vakṣyamāṇā vedita-

(24)

vyāḥ| taccaitaddānaṁ pāramitābhidhānaṁ deyapratigrāhakadātṝṇāmupalambhavi-

rahe sati lokottarā pāramitetyuktaṁ bhagavatyāṁ prajñāpāramitāyāṁ lo-

kādatikrāntatvādanupalambhasya| upalambhasya ca vyavahārasatyasaṅgṛhī-

tatvena laukikatvānnaitadaprāptabodhisattvāvasthaiḥ śakyamāsthātum| api 

tu

tattrayajātasaṅgaṁ sā laukikī pāramiteti diṣṭam||

tadeva dānaṁ trayopalambhe sati laukikī dānapāramitetyupadiṣṭam||

idānīṁ yathābhihitabhūmyabhidhānajñānaviśeṣasya guṇānuvādenātiśayamu-

dbhāvayannāha-

jinatanayamanaḥ pratiṣṭhiteyaṁ jayati sadāśrayalabdhakāntiśobhā|

bahalamapi tamo vidhūya sarvamiti muditā śaśino maṇiryathaiva||

itiśabdo yathopavarṇitaprakāradarśanārthaḥ| muditeti bhūmernāmasaṅkīrtana-

m| jayatīti vipakṣānparājitya tiṣṭhatītyarthaḥ| saiṣā jñānasvabhāva-

tvāj jinatanayamanaḥ pratiṣṭhitatvāduccaiḥ sthitā satī bahalamapi tamo

vidhūya sarvaṁ yathopavarṇitena nyāyena jayati pramuditā bhūmiḥ| yathopava-

rṇitamevārthaṁ dṛṣṭāntena spaṣṭayannāha- śaśino maṇiryathaiveti||

(25)

madhyamakāvatāre pramuditābhidhānaḥ prathamacittotpādaḥ||

(26)

uktaḥ prathamacittotpādo bodhisattvasya| idānīṁ dvitīyamadhikṛtyāha-

svapne'pi dauḥśīlyamalaprahīṇaḥ sa śīlasampadguṇaśuddhiyogāt|

bhūmyabhidhānajñānaviśeṣasya sarvasyaivaikasvābhāvyāttadavinābhāviśīla-

pāramitādiguṇotkarṣata eva dvitīyādicittotpādaviśeṣamudbhāvayati|

tatra kleśānadhivāsanātpāpāpravṛttyā ca cetaso vipratisārāgnyupaśamena

śītalatvāt sukhahetutvena vā sadbhiḥ sevanīyatvācchīlam| tacca sapta-

viratilakṣaṇam| alobhādveṣasamyagdṛṣṭayastu trayo dharmāstatsamutthāpa-

kā iti śīlādhikāre daśa karmapathā vyākhyāyante| śīlasampac

chīlaprakarṣaḥ| guṇānāṁ śuddhiḥ śīlasampadā guṇaśuddhi riti vigrahaḥ|

svaguṇapariśuddhitvācchīlameva viśiṣyate| tadyogātsa bodhisattvaḥ

svapnāvasthāyāmapi dauḥśīlyamalairna saṅgṛhyate| kathaṁ punarasyaivaṁ śīla-

sampadguṇapariśuddhirbhavatītyāha - yasmāddvitīyāyāṁ bodhisattvabhūmau pra-

tiṣṭhito'yaṁ bodhisattvaḥ

saṁśuddhavākkāyamanaḥ pracāro daśāpi satkarmapathāṁścinoti||

(27)

yathoktaṁ dvitīyāyāṁ bodhisattvabhūmau- tatra bhavanto jinaputrā vi-

malāyāṁ bodhisattvabhūmau sthito bodhisattvaḥ prakṛtyaiva prāṇātipātā-

tprativirataḥ khalu punar bhavati nihatadaṇḍo niharaśastro nihatavairo

lajjāvāndayāpannaḥ sarvaprāṇibhūteṣu hitasukhānukampī| amaitrasaṅkalpe-

nāpi prāṇivihiṁsāṁ na karoti| kaḥ punarvādaḥ parasattveṣu sattvasañjñi-

naḥ sañcintyaudārikakāyaviheṭhayā||

adattādānāt prativirataḥ khalu punarbhavati svabhogasantuṣṭaḥ parabhogā-

nabhilāṣyanukampakaḥ| sa paraparigṛhītebhyo vastubhyaḥ paraparigṛhīta-

sañjñī steyacittamupasthāpyāntaśastṛṇaparṇamapi nādattamādatte| kaḥ

punarvādo'nyebhyo jīvitopakaraṇebhyaḥ||

kāmamithyācārātprativirataḥ khalu punarbhavati svadārasantuṣṭaḥ paradārā-

nabhilāṣī| sa paraparigṛhītāsu strīṣu parabhāryāsu gotradharmadhvajarakṣi-

tāsvabhidhyāṁ notpādayati| kaḥ punarvādo dvīndriyasamāpattyā vānaṅga-

vijñaptyā vā||

(28)

anṛtavacanātprativirataḥ khalu punarbhavati satyavādī kālavādī bhūta-

vādī yathāvādī tathākārī| so'ntaśaḥ svapnāntaragato'pi vinidhāya

dṛṣṭiṁ kṣāntiṁ ruciṁ matiṁ prekṣāṁ visaṁvādanābhiprāyo nānṛtāṁ vācaṁ niścāra-

yati| kaḥ punarvādaḥ samanvāhṛtya||

piśunavacanātprativirataḥ khalu punarbhavatyabhedāviheṭhanāpratipannaḥ sarva-

sattvānām| sa netaḥ śrutvāmutrākhyātā bhavatyamīṣāṁ bhedāya| nāmutaḥ

śrutvehākhyātā bhavati teṣāṁ bhedāya| sa na sahitān bhinatti| na bhi-

nnānāmanupradānaṁ karoti| na vyagrārāmaḥ| na vyagrarataḥ| na vyagrakaraṇīṁ

vācaṁ bhāṣate sadbhūtāṁ vā asadbhūtāṁ vā||

paruṣavacanātprativirataḥ khalu punarbhavati| sa yeyaṁ vāgadeśā| karkaśā|

paruṣā| parakaṭukā| parābhisañjananī| anvakṣā| anvakṣaprāgbhārā|

grāmyā| pārthagjanikī| nelā| akarṇasukhā| krodharoṣaniścāritā|

hṛdayaparidahanī| manyujananī| manaḥsantāpakarī| apriyā| amanā-

(29)

pā| amanojñā| svasantānaparasantānavināśanī| tathārūpāṁ vācaṁ pra-

hāya yeyaṁ vāksnigdhā| mṛdvī| manojñā| priyakaraṇī| hitakaraṇī| a-

nelā| karṇasukhā| hṛdayaṅgamā| premaṇīyā| paurī| varṇavispaṣṭā| vijñe-

yā| śravaṇīyā| aniśritā| bahujaneṣṭā| bahujanakāntā| bahujanapri-

yā| bahujanamanāpā| vijñapraśastā| sarvasattvahitasukhāvahā| samāhi-

tā| mana-ullāpanakarī| manaḥprahladanakarī| svasantānaparasantānapra-

hlādanakarī| rāgadveṣamohasarvakleśapraśamanakarī| tathārūpāṁ vācaṁ ni-

ścārayati||

sambhinnapralāpāt prativirataḥ khalu punarbhavati suparihāryavacanaḥ| kā-

lavādī| bhūtavādī| arthavādī| dharmavādī| nyāyavādī| vinayavādī|

(30)

sa nidhānavatīṁ vācaṁ bhāṣate kālena sāvadānām| sa cāntaśa itihā-

sapūrvakamapi vacanaṁ parihāryaṁ pariharati| kaḥ punarvādo vāgvikṣepeṇa||

anabhidhyāluḥ khalu punarbhavati| sa parakīyeṣu bhāgeṣu paravittopakara-

ṇeṣu paraparigṛhīteṣu spṛhāmapi notpādayati| kiṁ punaryatpareṣāṁ tanmama

syāditi| na prārthayate| na praṇidadhāti| na lobhacittamutpādayati||

avyāpannacittaḥ khalu punarbhavati sarvasattveṣu maitracitto hitacitto da-

yācittaḥ sukhacittaḥ snigdhacittaḥ sarvajagadanugrahacittaḥ sarvasattvahi-

tānukampācittaḥ| sa yānīmāni krodhopanāhakhilamalavyāpādaparidā-

hasandhukṣitapratighādyāni| tāni prahāya yānīmāni hitopasaṁhitāni

maitropasaṁhitāni sarvasattvahitasukhāya vitarkitānyupacitāni| teṣā-

manuvitarkayitā bhavati||

(31)

samyagdṛṣṭiḥ khalu punarbhavati samyakpathamupagataḥ kautukamaṅgalanānāpra-

kārakuśīladṛṣṭivigata ṛjudṛṣṭiraśaṭho'māyāvī buddhadharmasaṅghaniyatā-

śaya ityādi||

tatra kāyenādyāṁstrīnkuśalānkarmapathānniṣpādayati| vācā madhyāṁścatu-

raḥ| manasā trīnantyānityevaṁ daśāpi kuśalānkarmapathāṁścinoti||

kiṁ punaḥ prathamacittotpādiko bodhisattva etānkarmapathānna cinoti|

asāvapi cinoti| kiṁ tu

panthāna ete kuśalā daśāpi

tasyādhikaṁ śuddhatarā bhavanti|

na tathā prathamacittotpādikasya bodhisattvasya||

śāntyā ca kāntyā ca sa tairvibhāti

sadā viśuddhaḥ śaradīva candraḥ||

śāntirindriyasaṁyamaḥ| kāntirbhāsvaccharīratā| itthampariśuddhaśī-

lo'pi

sa hi svabhāvaṁ yadi śīlaśuddheḥ

paśyedataḥ syātsa na śuddhaśīlaḥ||

(32)

yathoktam āryaratnakūṭasūtre- iha kāśyapa ekatyo bhikṣuḥ śīlavānbha-

vati| prātimokṣasaṁvarasaṁvṛtaḥ| ācāragocarasampannaḥ| aṇumātreṣva-

vadyeṣu bhayadarśī| samādāya śikṣate śikṣāpadeṣu| pariśuddhakāyavāṅmana-

skarmasamanvāgato bhavati| pariśuddhājīvaḥ| sa ca bhavatyātmavādī|

ayaṁ kāśyapa prabhamo duḥśīlaḥ śīlavatpratirūpakaḥ| yāvat- punar-

paraṁ kāśyapa ihaikatyo bhikṣurdvādaśadhutaguṇānsamādāya vartate| upala-

mbhadṛṣṭikaśca bhavati| ahaṅkāramamakārāvasthitaḥ| ayaṁ kāśyapa catu-

rtho duḥśīlaḥ śīlavatpratirūpaka iti||

ato bhavatyeṣa sadaiva samyak

traye'pi hīnadvayadhīpracāraḥ||

yebhyaḥ sattvebhyo viratiṁ karoti yaśca karoti yāṁ ca karoti| traye'pi

tasmin bhāvābhāvādidvayabuddhivigato bhavati||

(33)

evaṁ tāvadbodhisattvānāṁ śīlasampadyogamudbhāvya sāmānyena tadanyeṣā-

mapi śīlasampado dānādibhyo'pyatimahattvaṁ sarvaguṇasampadāṁ cāspada-

bhūtatvamataḥ paraṁ pratipādayannāha-

dānena bhogāḥ kugatāvapi syuḥ

śīlakramapraskhalitasya jantoḥ|

yata eva hi dānācchīlavato'sya sato dānapaterdevamanuṣyeṣu viśiṣṭeṣu

bhogasampadudayaḥ| tata evāsya śīlacaraṇaskhalitād apāyagatipa-

titasya pratyekanarakagavāśvagajavānaranāgādipretamaharddhikādiṣūpapanna-

sya syādeva vicitrabhogasampadāṁ samudayaḥ| tataśca

salābhamaulāyaparikṣayācca na tasya bhogāḥ punarudbhaveyuḥ|| 

yo hi svalpatarabījavāpātsamāsāditavipulaphalodayaḥ| sa phalāya

bhūyo'pi tato bahutarakaṁ bījamāvapati| tasya yathākālamupacīyamā-

nāvicchinnakramo mahāphalopacayaḥ sambhāvyate| yastu prāktanīmapi

bījamātrāṁ jaḍatayā kṛtaghnacarita upabhuṅkte| tasya saha lobhena mau-

lasyāpy āyasya parikṣayāt kuto bhāvī phalasampadāmupacayaḥ||

(34)

evaṁ śīlavirahādasthāne bhogānupabhuñjānasyātidhandhatayāpūrvabhogākṣepa-

virahātprāgākṣiptaniḥśeṣopabhogācca na sambhāvyeta bhūyo bhogānāmuda-

yaḥ| na ca kevalaṁ bhogodayaniṣpattirasyātidurlabhā| śīlakramarahita-

syāpāyagatasyotthitirapyatidurlabheti pratipādayannāha-

svatantravṛtiḥ samasaṁsthitaśca bibharti nātmānamayaṁ tadā cet|

prapātayātaḥ paratantravṛttistataḥ samutthāsyati kena bhūyaḥ||

icchayāparādhīnavṛttirayaṁ devamanuṣyādigatisaṁsthito muktagraha iva sa-

madeśasaṁsthitaḥ śūro nātmānaṁ cet tadānīṁ dhārayati| ayamapāyayātaḥ

śūra iva baddhātimahāgiridarīprakṣiptaḥ kena nāma bhūyaḥ samutthāsya-

tītyapāyenaivāvāsikatvamevāsya niyatamāpadyate| ata evoktam-

atha cenmanuṣyeṣūpapadyate dvau vipākāvabhinirvartayatīti||

yataśca dauḥśīlyamevamatibahudoṣasamudāyāspadabhūtam|

ato jino dānakathāṁ vidhāya śīlānvayā eva kathāścakāra|

ata eva dānakathākālasamanantaraṁ vijitasakalapāpadharmo jino dā-

nādiguṇāvipraṇāśārthaṁ śīlakathā eva cakāra| yasmāt

(35)

śīlakṣitāveva guṇā vivṛddhā bhavantyavicchinnaphalopabhogāḥ||

sarvaguṇapratiṣṭhābhūtatvāc chīlameva kṣitiḥ| tasyāṁ dānādayo guṇā vi-

vṛddhā uttarottarāvicchinnakramahetuphalaparamparayopacīyamānaphalapraca-

yāścirakālamupabhoktuṁ śakyāḥ| nānyatheti||

tadanena nyāyena

pṛthagjanānāmatha ghoṣajānāṁ pratyekabodhau niyatātmanāṁ ca|

jinātmajānāṁ ca paraṁ na śīlānniḥ śreyasāyābhyudayāya cāsti||

yathoktam- eṣāṁ daśānāmakuśalānāṁ karmapathānāṁ samādānahetor a-

dhimātratvānnirayaheturmadhyatvāttiryagyoniheturmṛdutvādyamalokahetuḥ|

tatra prāṇātipāto nirayamupanayati| tiryagyonimupanayati| yamaloka-

mupanayati| atha cenmanuṣyeṣūpapadyate| dvau vipākāvabhinirvartayati-

alpāyuṣkatāṁ ca bahuglānyatāṁ ca| adattādānaṁ nirayamupanayati|

(36)

yāvat parīttabhogatāṁ ca sādhāraṇabhogatāṁ ca| kāmamithyācāro nira-

yamupanayati| yāvad anājāneyaparivāratāṁ ca sasapatnadāratāṁ ca| mṛ-

ṣāvādo nirayamupanayati| yāvad abhyākhyānabahulatāṁ ca parairvisaṁvā-

danatāṁ ca| paiśunyaṁ nirayamupanayati| yāvad bhinnaparivāratāṁ ca hīnapa-

rivāratāṁ ca| pāruṣyaṁ nirayamupanayati| yāvad amanāpaśravaṇatāṁ ca

kalahabahulatāṁ ca| sambhinnapralāpo nirayamupanayati| yāvad anādeya-

vacanatāṁ cāniścitavacanatāṁ ca| abhidhyā nirayamupanayati| yāvad

atuṣṭitāṁ ca mahecchatāṁ ca| vyāpādo nirayamupanayati| yāvad ahi-

taiṣitāṁ ca parotpīḍanatāṁ ca| mithyādṛṣṭirnirayamupanayati| tiryagyo-

nimupanayati| yamalokamupanayati| atha cenmanuṣyeṣūpapadyate| dvau vi-

pākāvabhinirvartayati - kudṛṣṭipatitaś ca śaṭhaśca māyāvī| evaṁ khalu

mahato'parimāṇasya duḥkhaskandhasyeme daśākuśalāḥ karmapathāḥ samu-

dāgamāya vartante||

(37)

daśānāṁ punaḥ kuśalānāṁ karmapathānāṁ samādānahetormanuṣyopapattimādiṁ

kṛtvā yāvadbhavāgramityupapattyāyatanāni prajñāyante| tata uttarameta e-

va daśa kuśalāḥ karmapathāḥ prajñākāreṇa paribhāvyamānāḥ prādeśikaci-

ttatayā traidhātukoktrastamānasatayā mahākaruṇāvikalatayā parataḥ śra-

vānugamena ghoṣānugamena ca śrāvakayānaṁ saṁvartayanti| tata uttarakālaṁ

pariśodhitā aparapraṇeyatayā svayambhūtvānukūlatayā svayaṁsambodhanata-

yā parato'parimārgaṇatayā mahākaruṇopāyavikalatayā gambhīredampra-

tyayānubodhena ca pratyekabuddhayānaṁ saṁvartayanti| tata uttari pariśodhi-

tā vipulāpramāṇacittatayā mahākaruṇopetatayopāyakauśalyasaṅgṛhīta-

tayā sunibaddhamahāpraṇidhānatayā sarvasattvāparityāgitayā buddhaprajñāna-

vipulādhyālambanatayā sarvabodhisattvabhūmipariśuddhipāramitāpariśu-

ddhicaryāvipulatvāya saṁvartanta iti vistaraḥ||

tadanena nyāyenaitāndaśa kuśalānkarmapathānparityajya pṛthagjanaśrāva-

kapratyekabuddhabodhisattvānāṁ yathāsambhavamabhyudayasya sāṁsārikasukha-

syāduḥkhāsukhasvabhāvasya niḥśreyasasya ca mokṣalakṣaṇasyānyaḥ prāptyu-

(38)

pāyo nāstīti spaṣṭamādarśitaṁ bhavati| yastvayaṁ dvitīyacittotpādiko

bodhisattvaḥ | sa eṣaḥ

yathā samudraḥ kuṇapena sārdhaṁ

yathā ca lakṣmīḥ saha kālakarṇyā|

tathādhiśīle'dhikṛto mahātmā

na vāsamanvicchati tadvipattyā||

kālakarṇyalakṣmyāḥ paryāyaḥ||

yathoktasya śīlasya pāramitāvibhāgamāha-

yāṁ yaś ca yebhyo viratiṁ karoti

trayopalambhe sati vai niruktam|

laukikyadaḥ pāramiteti śīlam

etac chīlaṁ trayopalambhe sati laukikī pāramitetyuktam|

lokottarā tattrayasaṅgaśūnyam||

yathoktatrayānupalambhe sati tadeva śīlaṁ lokottarapāramitetyuktam||

yathopavarṇitabhūmiguṇānuvādena śīlapāramitādhikāraṁ parisamāpayannā-

ha-

(39)

iyamapi vimala malavyapetā śaradi niśākaracandrikā yathaiva|

apaharati jane manonidāghaṁ jinatanayendubhavābhavā bhavaśrīḥ||

vimaleti daśakuśalakarmapathavaimalyādarthānujātā sañjñā dvitīyāyā

bodhisattvabhūmeḥ| yathā malavyapetā śaradi niśākarajyotsnāpaharati

janasya nidāgham| evam iyamapi vimalā jinatanayenduprabhavā dauḥ-

śīlyajanitamanaḥparidāham apaharati| sā ceyam abhavā| saṁsārā-

paryāpannatvāt| api ca bhavaśrīḥ| sarvaguṇasampadāṁ tadanvayatvāccaturdvī-

paiśvaryasampaddhetutvācceti||

madhyamakāvatāre vimalākhyo dvitīyaścittotpādaḥ||

(40)

idānīṁ tṛtīyaṁ cittotpādam adhikṛtyāha-

prabhākarī bhūmiriyaṁ tṛtīyā niḥśeṣabodhyendhanadāhino'gneḥ|

prabhodayāt

prabhākarīti tṛtīyāyā bodhisattvabhūmernāma| kasmātpunariyaṁ prabhākarī-

tyanvarthatāṁ pratipādayati- aśeṣajñeyendhanadāhino jñānāgneḥ śāntā-

tmakasyāsyāṁ prabhodayādiyaṁ bhūmiḥ prabhākarītyākhyāyate| tasya tṛtī-

yacittotpādikasya

tāmra ivāvabhāso raverivāsyāṁ sugatātmajasya||

yathaiva hi ravestāmrāvabhāsa udyātprāgavasthāyāmupajāyate| evaṁ bo-

dhisattvasya jñānāvabhāso'syām utpadyate| tasya cetthañjñānāvabhāsa-

lābhino bodhisattvasya kṣāntipāramitāyā ādhikyamudbhāvayannāha-

asthānakopī yadi tasya kaścit

kṣureṇa māṁsaṁ palaśo'pi dehāt|

chindyātsahāsthnāticiraṁ tadāpi

kṣamādhikaṁ chettari jāyate'sya||

(41)

paracittānurakṣitvādbodhisattvastathāvidhajñānasadbhāvācca naiva tathājā-

tīyāṁ kāyavāṅmanaḥpravṛttimāmukhīkaroti| yathā pareṣāṁ traikālyānartha-

śaṅkinām āghātavastutāṁ vrajed ityato viśeṣyate-

asthānakopī yadi tasya kaścit

iti| yady evaṁvidho'pi sattvas tasya bodhisattvasya dehāt sahāsthnā

māṁsaṁ viśramya viśramya palaśaḥ sucirataraṁ chindyāt| tathāvidhe'pi

cchettari na kevalaṁ bodhisattvasya na vyāroṣacittatā bhavati| adhika-

taraṁ kṣamaivopajāyate tatpāpakarmapratyayaṁ narakādiduḥkhamadhyālambamāna-

sya|| 

api ca

sambodhisattvasya nirātmadṛṣṭeśchidyeta kiṁ kena kadā kathaṁ vā|

dharmāśca tena pratibimbakalpā dṛṣṭā yatastena titikṣate'sau||

na kevalaṁ tatpāpakarmapratyayaṁ narakādiduḥkhamadhyālambyātitarāṁ titi-

kṣate| dharmāśca tena yataḥ pratibimbakalpā dṛṣṭāḥ| ato'pyātmātmīya-

(42)

sañjñāvigamātsutarāṁ titikṣata iti| caśabdaḥ kṣamākāaraṇasamuccayā-

rthaḥ| na kevalaṁ bodhisattvānāṁ titikṣā samutthito dharmaḥ| tadanyeṣāma-

pyayaṁ sakalaguṇagaṇārakṣāheturapīti vyāroṣādasūyāvato nivartayituṁ

yuktimāha-

kṛte'pakāre yadi tasya khedo nivartate kiṁ kṛtamasya khedāt|

vyarthastataḥ kheda ihāsya nūnaṁ lokaḥ paraścāpi bhavedviruddhaḥ||

yadi tāvadayaṁ vyāroṣāvakāśadāyī kṛtāpakārāya parasmai krudhyati| ta-

dāpakṛtasyānivāryatvāttadālambanaḥ khedodayo niḥprayojana eva| bhavi-

tavyasya bhūtatvāt| na kevalaṁ tadānīm asya khedodayo niḥprayojanaḥ|

paralokaś ca virudhyate| sati pratighodaye'niṣṭavipākākṣepāt|

yo'syāpi svayaṅkṛtaduścaritaphalavipākāvaśeṣamupabhuñjānasya mohāda-

paro māmapakarotīti kalpayato'pakāriṇi kheda upajāyate| pratyapa-

kāreṇa ca yāsyāpakāravijigīṣā| tāmapi nivartayannāha-

(43)

purākṛtasyākuśalasya karmaṇaḥ phalaṁ yadeva kṣayakṛdvivakṣitam|

parāpakāreṇa ruṣā ca bījatāṁ tadeva duḥkhāya kathaṁ hi nīyate||

yad apīdaṁ niśitaśastradhārāpātena tasyātimahaddehakṣativaiśasamarāti-

bhirupasaṁhriyate| tadapi purākṛtaprāṇātipātādikarmaṇāṁ narakatiryagyo-

niyamalokādyanubhūtātitīvravipākaphalānāmavaśiṣyamāṇaniṣyandapha-

lakleśānāmaśeṣāniṣṭaphalanivṛttihetuścaramaḥ phalodayaḥ| sa kathaṁ jaṭha-

ragatarogāpagamakāraṇamiva paścimabhaiṣajyāpānaṁ punarapi vikriya-

yā'tikrāntāniṣṭaphalādapyadhikataropaghātakāriṇi phalodaye hetutā-

mupanīyeta vyāroṣaparāpakārābhyām ityato yuktaṁ tasya rogāpagamahetau

niśitaśastrakarmakāriṇi vaidya ivāpātaduḥkhodayanibandhane sutarāṁ ti-

tikṣitum||

na kevalaṁ yathopavarṇitena nyāyenāniṣṭavipulavipākākṣepaheturasūyā|

ciropāttapuṇyapracayaparikṣayaheturapīti pratipādayannāha-

(44)

śubhaṁ hi dānādatha śīlataśca hantyakṣamā kalpaśatairupāttam|

yasmātkṣaṇenāpi jinātmajeṣu nāto'kṣamāyāḥ paramasti pāpam||

pudgalaviśeṣāvasāyavirahādavasāye'pi kleśābhyāsaparāyattavṛttitayā

yadyayamutpāditabodhicitteṣu kṣaṇam api sadbhūtāsadbhūtadoṣādhyāropataḥ

kuryātpratighātāśayam| ityatāpi kalpaśatopacitaṁ puṇyapracayaṁ puropa-

diṣṭadānaśīlapāramitābhyāsaparamapy upahanyāt| mahābodhisa-

ttvo'pi| kimutābodhisattvo bodhisattveṣviti| nātra vipākasya ma-

ryādā śākyā niyantuṁ palasaṅkhyayeva mahāsamudrajalaparimāṇasya| tadevam

akṣamāyā utkṛṣṭaṁ pāpam aniṣṭavipākākṣepakaṁ śubhopaghātakaṁ ca nāpa-

ramasti| uktaṁ hi bhagavatā - pratighaḥ pratigha iti mañjuśrīḥ kalpaśata-

sahasrasañcitaṁ puṇyaṁ pratihanti| tenocyate- pratigha iti||

(45)

api ceyamakṣamā parāpakārāsamarthānāmātmānamevopaghnatī śaktānāṁ

cāghṛṇānāmātmānaṁ parāṁśca nighnatyudaya eva

karoti vairūpyamasādhutāṁ nayennayānayajñānavicāraṇāṁ haret||

uttarakālaṁ tu nikāyasabhāgatyāgāt

prapātayed durgatimāśu cākṣamā|

yadyakṣamāyā ete doṣāḥ| tadvirodhinyāstitikṣāyāstu ke guṇā ityāha

kuryātkṣamā tūktavirodhino guṇān||

prāsādikaḥ sādhujanapriyaśca nayānayajñānavicakṣaṇaśca|

ataḥ paraṁ devamanuṣyajanma titikṣayā syādaśubhakṣayaśca||

akṣamāyā ye doṣā uktāḥ| tadvirodhinyāstitikṣāyā ete guṇā vedi-

tavyāḥ||

tadevam

roṣakṣamādoṣaguṇānavetya pṛthagjanenātha jinātmajena|

hitvākṣamāmāśu niṣevaṇīyā kṣāntiḥ sadaivāryajanapraśastā||

(46)

roṣaśca kṣamā ca roṣakṣame| doṣāśca guṇāśca doṣaguṇāḥ| roṣakṣamayor

doṣaguṇā iti vigrahaḥ| roṣadoṣānyathoktān avetya kṣamāguṇāṁśca vi-

paryayeṇa buddhākṣamāṁ parityajya kṣamaiva sarvakālaṁ niṣevaṇīyā||

idānīṁ pāramitāvibhāgaṁ kṣamāyā darśayannāha-

trayopalambhe sati laukikīyaṁ sambuddhabodhau pariṇāmitāpi|

yā ca titikṣā yaśca titikṣate yeṣu ca sattveṣu titikṣate| etasya tra-

yasyopalambhe satīyaṁ kṣāntirbuddhatvapariṇāmitāpi laukikī kṣāntipā-

ramitetyucyate||

lokottarā pāramiteti buddhā uśanti tāmeva vinopalambham||

yathā ca kṣāntipāramitā viśuddhā bhavatyasyāṁ bhūmau bodhisattvasya| e-

vam

dhyānānyabhijñā bhuvi buddhasūno rāgasya doṣasya parikṣayaśca|

asyāṁ bhavatyeṣa ca kāmarāgaṁ lokasya hantuṁ satataṁ samarthaḥ||

dhyānānīti dhyānaśabda upalakṣaṇārthaḥ samāpattyapramāṇānyapi grāhaya-

ti| yathoktaṁ tṛtīyāyāṁ bodhisattvabhūmau - so'syāṁ prabhākaryāṁ bodhisa-

(47)

ttvabhūmau sthito bodhisattvo viviktaṁ kāmairviviktaṁ pāpakairakuśalairdharmaiḥ

savitarkaṁ savicāraṁ vivekajaṁ prītisukhaṁ prathamaṁ dhyānaṁ samāpadya vihara-

ti| sa vitarkavicārāṇāṁ vyupaśamādadhyātmasamprasādāccetasa ekotī-

bhāvādavitarkamavicāraṁ samādhijaṁ prītisukhaṁ dvitīyaṁ dhyānamupasampadya

viharati| sa prītervirāgādupekṣako viharati smṛtimānsamprajānan|

sukhaṁ ca kāyena pratisaṁvedayate| yattadāryā ācakṣate- upekṣakaḥ smṛ-

timānsukhavihārīti| niṣprītikaṁ tṛtīyaṁ dhyānamupasampadya viharati|

sa sukhasya ca prahāṇādduḥkhasya ca prahāṇātpūrvameva saumanasyadaurmana-

syayor astaṅgamādaduḥkhāsukhamupekṣāsmṛtipariśuddhaṁ caturthaṁ dhyānamupa-

sampadya viharatīti catvāryetāni dhyānāni||

catasra ārūpyasamāpattayaḥ| tadyathā - sa sarvaśo rūpasañjñānāṁ sama-

tikramātpratighasañjñānāmastaṅgamānnānātvasañjñānāmamanasikārādana-

ntamākāśamityākāśānantyāyatanamupasampadya viharati| sa sarvaśa

ākāśānantyāyatanasamatikramād anantaṁ vijñānamiti vijñānāna-

(48)

ntyāyatanam upasampadya viharati| sa sarvaśo vijñānānantyāyatanasa-

matikramānnāsti kiñcidityākiñcanyāyatanamupasampadya viharati| sa

sarvaśa ākiñcanyāyatanasamatikramān naivasañjñānāsañjñāyatanam

upasampadya viharatītyetāścatasra ārūpyasamāpattayaḥ||

catvāryapramāṇāni| tadyathā - sa maitrīsahagatena cittena vipulena maha-

dgatenādvayaniḥśritenāpramāṇenāvaireṇāsapatnenānāvaraṇenāvyāvadhyena sa-

rvatrānugatena dharmadhātuparame loke ākāśadhātuparyavasāne sarvāvantaṁ

lokaṁ spharitvopasampadya viharati| evaṁ karuṇāsahagatena muditāsaha-

gatenopekṣāsahagatena cittena vipuleneti pūrvavat||

pañcābhijñāḥ| tadyathā- so'nekavidham ṛddhividhiṁ pratyanubhavati| pṛ-

thivīmapi kampayati| eko bhūtvā bahudhā bhavati| bahudhā bhūtvaiko bhava-

ti| āvirbhāvaṁ tirobhāvamapi pratyanubhavati| tiraḥkuḍyaṁ tiraḥprākā-

(49)

ram asajjan gacchati| tadyathāpi nāmākāśe| ākāśe'pi paryaṅkena

krāmati| tadyathāpi nāma pakṣī śakuniḥ| pṛthivyāmunmajjananimajjanaṁ

karoti| tadyathāpi nāmodake| udake 'pyamajjangacchati| tadyathāpi

nāma pṛthivyām| dhūmāyatyapi prajvalatyapi| tadyathāpi nāma mahā-

nagniskandhaḥ| udakamapi kāyātpramuñcati| tadyathāpi nāma mahāmeghaḥ|

yena vāriṇā trisāhasramahāsāhasryāmādīptāyāṁ nirvāpayati| imāvapi

candrasūryāvevaṁ mahānubhāvāvevaṁ maheśākhyau pāṇinā parāmṛṣati parimā-

rjayati| yāvadbrahmalokamapi kāyena vaśaṁ vartayatītyeṣā ca ṛddhyabhi-

jñā||

sa divyena śrotradhātunā viśuddhenātikrāntamānuṣyakeṇobhayāñśabdā-

ñśṛṇoti divyānmānuṣyakān| sūkṣmān audārikāṁśca| ye vā dūre ye

(50)

vāntike| antato daṁśamaśakakīṭapakṣikāṇām api śabdāñśṛṇo-

ti| eṣā divyaśrotrābhijñā||

sa parasattvānāṁ parapudgalānāṁ cetasaiva cittaṁ spharitvā yathābhūtaṁ prajā-

nāti| sarāgaṁ cittaṁ sarāgaṁ cittamiti yathābhūtaṁ prajānāti| vītarā-

gaṁ cittaṁ vītarāgaṁ cittam iti yathābhūtaṁ prajānāti| evaṁ sadoṣaṁ vi-

gatadoṣaṁ samohaṁ vigatamohaṁ sakleśaṁ niṣkleśaṁ parīttaṁ vipulaṁ mahadgatamapra-

māṇaṁ saṅkṣiptaṁ vikṣiptaṁ samāhitaṁ asamāhitaṁ vimuktamavimuktaṁ sāṅgaṇama-

naṅgaṇaṁ audārikaṁ cittamaudārikaṁ cittam iti yathābhūtaṁ prajānāti|

anaudārikaṁ cittamanaudārikaṁ cittam iti yathābhūtaṁ prajānātīti hi

(51)

parasattvānāṁ parapudgalānāṁ cetasaiva cittaṁ yathābhūtaṁ prajānāti| eṣā pa-

racittajñānābhijñā||

so'nekavidhaṁ pūrvanivāsamanusmarati| ekāmapi jātimanusmarati| dve

tisraścatasraḥ pañca daśa viṁśattriṁśac catvāriṁśatpañcāśaj jātiśata-

mapi| jātisahasramapi, anekānyapi jātiśatāni| anekānyapi

jātisahasrāṇi| anekānyapi jātiśatasahasrāṇi| anekānyapi

jātikoṭīniyutaśatasahasrāṇyanusmarati| saṁvartakalpamapi| vivarta-

kalpamapi| saṁvartavivartakalpam api| anekānyapi saṁvartavivartaka-

lpānyanusmarati| kalpaśatamapi| kalpasahasramapi| kalpaśatasahasra-

mapi| kalpakoṭīsahasramapi| yāvadenekānyapi kalpakoṭīniyutaśata-

sahasrāṇyanusmarati| amuko'hamāsamevannāmaivaṅgotra evañjātya evaṁvarṇa

evamprāgbhāra evamāyuṣpramāṇa evañcirasthitika evaṁsukhaduḥkhapratisaṁve-

(52)

dī| so'haṁ tataścyuto'mutropapannaḥ| tataścyuta ihopapanna iti sākāraṁ

sanimittaṁ soddeśamanekavidhaṁ pūrvanivāsamanusmarati| iyaṁ pūrvanivā-

sānusmṛtyabhijñā||

sa divyena cakṣuṣā viśuddhenātikrāntamānuṣyakeṇa sattvānpaśyati|

cyavamānānupapadyamānān suvarṇāndurvarṇānsugatāndurgatānhīnānpraṇī-

tān yathākarmopagānsattvānyathābhūtaṁ prajānāti| ime bhavantaḥ sattvāḥ

kāyaduścaritena samanvāgatāḥ, vāgduścaritena samanvāgatāḥ, manoduśca-

ritena samanvāgatāḥ, āryāṇāmapavādakā mithyādṛṣṭayo mithyādṛṣṭika-

rmasamādānahetos taddhetostatpratyayaṁ kāyasya ca bhedātparaṁ maraṇādapā-

yadurgativinipātaṁ narakeṣūpapadyante| ime punarbhavantaḥ sattvāḥ kāyasu-

caritena samanvāgatā yāvad āryāṇāmanapavādakāḥ samyagdṛṣṭayaḥ sa-

(53)

myagdṛṣṭikarmasamādānahetos taddhetostatpratyayaṁ kāyasya ca bhedātparaṁ

maraṇātsugatau svargaloke deveṣūpapadyanta iti divyena cakṣuṣā viśuddhe-

nātikrāntamānuṣyakeṇa sākāraṁ soddeśaṁ sanidānaṁ sarvasattvānpaśyati|

cyavamānānupapadyamānānsuvarṇāndurvarṇānyāvad yathākarmopagān sa-

ttvānyathābhūtaṁ prajānāti||

sa imāni dhyānāni vimokṣānsamādhīnsamāpattīśca samāpadyate ca vyu-

ttiṣṭhate ca| na ca teṣāṁ vaśenopapadyate| anyatra, yatra bodhyaṅgaparipūriṁ

paśyati, tatra sañcintya praṇidhānavaśenopapadyate| tatkasya hetoḥ| ta-

thā hi tasya bodhisattvasyopāyakauśalyābhinirhṛtā cittasantati-

riti||

(54)

evam  asyāṁ bhūmau bodhisattvasya dhyānānyabhijñāścotpadyante| kathaṁ

rāgadveṣayoḥ parikṣayaḥ| caśabdo'nuktasamuccayārthaḥ| mohaparikṣayaścā-

sya bhavati| katham| etadapi yathāsūtram, yathoktam- sarvadharmāṇām

asaṅkāntitāṁ cāvināśitāṁ ca pratītyapratyayatayā vyavalokayati|

tasya bhūyasyā mātrayā sarvāṇi kāmabandhanāny atra na bhavanti| dveṣa-

bandhanāni, sarvāṇi rūpabandhanāni, sarvāṇyavidyābandhanāny atra na

bhavanti| dṛṣṭikṛtabandhanāni cāsya pūrvameva prahīṇāni bhavanti| ta-

syāsyāṁ prabhākaryāṁ bodhisattvabhūmau sthitasya bodhisattvasyānekāni

kalpaśatāni, anekāni kalpasahasrāṇi, anekāni kalpaśatasahasrā-

ṇi, anekāni kalpaniyutaśatasahasrāṇi, anekāḥ kalpakoṭyo yā-

vad anekāni kalpakoṭīniyutaśatasahasrāṇyanupacayaṁ mithyārāgapra-

(55)

hāṇaṁ gacchati| anupacayaṁ mithyādveṣaprahāṇam, anupacayaṁ mithyāmo-

haprahāṇaṁ gacchati| evamasya rāgadveṣamohaparikṣayo bhavati||

katham

kāmarāgaṁ lokasya hantuṁ satataṁ samarthaḥ||

yathoktam- tatra bhavanto jinaputrā bodhisattvasya prabhākarī nāma tṛ-

tīyā bodhisattvabhūmiḥ, yayā sa nirdiśyate, yasyāṁ pratiṣṭhito bodhisa-

ttvo bhūyastvenendro bhavati, devarājaḥ, tridaśādhipatiḥ kṛtī prabhuḥ sa-

ttvānāṁ kāmarāgavinivarttanopāyopasaṁhārāya kuśalaḥ sattvānkāmapa-

ṅkādabhyuddhartum iti| evam eṣa kāmarāgaṁ lokasya hantuṁ samartho bhavati

jinaputra iti| evamayaṁ bodhisattvastṛtīyāyāṁ bodhisattvabhūmau kṣānti-

(56)

pāramitāpariśuddhiṁ dhyānāpramāṇasamāpattyabhijñā rāgādiparikṣayaṁ ca

niyogataḥ pratilabhata iti||

idānīṁ kṣāntipāramitāvasānasya pāramitātrayasyāśrayaviśeṣasambhāra-

svābhāvyaphalapariniṣpattivyavasthāṁ dyotayannāha-

dānādayo'mī gṛhiṇāṁ trayo'pi prāyaḥ praśastāḥ sugatena dharmāḥ|

sambhāra eṣo'pi ca puṇyanāmā sambuddharūpātmakakāyahetuḥ||

yadyapi bodhisattvā eva yathopavarṇitadānādyāśrayāḥ, tathāpi gṛhipravra-

jitabhedāddvaitasambhavameṣāmapekṣyaivamucyate| tatra gṛhiṇāṁ prāyaśa ete

dānādayastrayo dharmāḥ sukhasādhyāḥ, pravrajitānāṁ vīryadhyānaprajñāḥ| na

tvitareṣāmitaro na sambhavati| dvau ca sambhārau buddhatvasya hetuḥ, yaduta

puṇyasambhāro jñānasambhāraśca| tatra puṇyasambhāraḥ, etāśca tisraḥ pāra-

mitāaḥ| jñānasambhāro dhyānaṁ prajñā ca| vīryaṁ tūbhayaheturiti vyavasthā|

tatra yo'yaṁ puṇyasambhāraḥ, sa sambuddhānāṁ bhagavatāṁ śatapuṇyalakṣaṇa-

syādbhutasyācintyasya viśvarūpiṇo rūpakāyasya hetuḥ| dharmātmaka-

sya tu kāyasyānutpādalakṣaṇasya jñānasambhāro hetuḥ||

(57)

idānīmāśrayādimāhātmyena māhātmyamudbhāvya tṛtīyāyā bodhisattva-

bhūmer adhikāraṁ parisamāpayannāha-

abhilaṣati jagattamonighātaṁ svagatatamāṁsi purā vidhūya samyak|

jinatanayaravau prabhākarīyam

sugatatanayaravau sthiteyaṁ prabhākarī bhūmiḥ svāśrayagatamajñānamātmo-

tpādavibandhabhūtamutpadyamānāvasthāyāmeva nirasyābhilaṣati tadanyeṣāṁ

tathāvidhopadeśadānāt tṛtīyabhūmyutpādavibandhatamonirghātam| sa cā-

yaṁ bodhisattvaḥ

iha bhuvi tīkṣṇataro'pi naiti kopam||

guṇopaghātidoṣāndhakāraghātena raviriva tīkṣṇataravṛttir apyayaṁ doṣa-

vati jane naiti kopam, adhikatarakṣamābhyāsātkāruṇyasnigdhasantāna-

tvācceti||

madhyamakāvatāre prabhākaryākhyas tṛtīyaścittotpādaḥ||

(58)

idānīṁ dānaśīlakṣāntipāramitābhyo vīryapāramitādhikyodbhāvanena ca-

turthaṁ cittotpādamadhikṛtyāha-

vīryānvayā eva guṇā aśeṣāḥ sambhārayoḥ puṇyadhiyośca hetuḥ|

vīryaṁ hi yasyāmupayāti dīptimarciṣmatī bhūmirasau caturthī||

kuśale karmaṇyanutsāhavataḥ sarvathā dānādiṣu pravṛttyabhāve sarvaguṇoda-

yāsambhavaḥ| prāgupāttaguṇopacayasyotsāhavatastvadhigatānadhigatavṛ-

ddhyadhigamasambhavādvīryameva hetuḥ sarvaguṇānām| sambhāradvayahetutvaṁ prā-

geva vyākhyātam| tad vīryaṁ yasyāṁ bhuvi svaguṇapariśuddhyādhikāṁ dīpti-

mudvahati, seyam arciṣmatī nāma caturthī bodhisattvabhūmiḥ||

kasmātpunareṣārciṣmatītyākhyāyata iti sañjñāpravṛttinimittam udbhā-

vayannāha-

tāmrāvabhāsādadhiko'vabhāsaḥ sambodhipakṣyādhikabhāvanājaḥ|

ājāyate'syāṁ sugatātmajasya

(59)

yasmād asyāṁ bhūmau bodhisattvasya saptatriṁśato bodhipakṣāṇāṁ bhāva-

nāyāḥ prāguktatāmrāvabhāsādadhiko'vabhāsa utpadyate| ataḥ samya-

gjñānāgnyarciṣa udayādarciṣmatīti nāmāsyā bodhisattvabhūmeḥ||

tatra saptatriṁśadbodhipakṣyāḥ, yaduta catvāri smṛtyupasthānāni, catvāri

samyakprahāṇāni, catvāra ṛddhipādāḥ, pañcendriyāṇi, pañca balāni,

sapta bodhyaṅgāni, āryāṣṭāṅgo mārga iti||

tatra catvāri smṛtyupasthānāni| yathoktam - sa khalu punarbhavanto ji-

naputrā bodhisattvo'syāmarciṣmatyāṁ bodhisattvabhūmau pratiṣṭhitaḥ sann

adhyātmakāye kāyānudarśī viharati, ātāpī samprajānansmṛtimā-

nvinīya loke 'bhidhyādaurmanasye| bahirdhākāye kāyānudarśī viharati,

ātāpī samprajānansmṛtimānvinīya loke'bhidhyādaurmanasye| a-

dhyātmabahirdhākāye kāyānudarśīti pūrvavat| evamadhyātmavedanāsu, ba-

hirdhāvedanāsu, adhyātmabahirdhāvedanāsu, adhyātmacitteṣu, bahirdhāci-

(60)

tteṣu, adhyātmabahirdhācitteṣu viharatīti pūrvavat| adhyātmadharmeṣu, ba-

hirdhādharmeṣu, adhyātmabahirdhādharmeṣu viharati, ātāpī samprajānann

iti vistaraḥ||

catvāri samyakprahāṇāni, tadyathā- so'nutpannānāṁ pāpakānāmakuśa-

lānāṁ dharmāṇāmanutpādāya cchandaṁ janayati, vyāyacchate, vīryamārabhate,

cittaṁ pragṛhṇāti, samyakpraṇidadhāti| utpannānāṁ pāpakānāmakuśalānāṁ

dharmāṇāṁ prahāṇāyeti pūrvavat| anutpannānāṁ kuśalānāṁ dharmāṇām

utpādāyeti pūrvavat| utpannānāṁ kuśalānāṁ dharmāṇāṁ sthitaye'sampra-

moṣāya vaipulyāya bhūyobhāvāya paripūryai cchandaṁ janayati vyāyacchata

iti pūrvavat||

catvāra ṛddhipādāḥ, tadyathā- chandasamādhiprahāṇasaṁskārasamanvāga-

tamṛddhipādaṁ bhāvayati vivekaniśritaṁ virāganiśritaṁ nirodhaniśritaṁ vya-

(61)

vasargapariṇatam|| evaṁ vīryasamādhiprahāṇasaṁskārasamanvāgatamṛddhipādaṁ

bhāvayati| cittasamādhiprahāṇasaṁskārasamanvāgatamṛddhipādam iti pū-

rvavat| mīmāṁsāsamādhiprahāṇasaṁskārasamanvāgatamṛddhipādam iti pū-

rvavat||

pañcendriyāṇi, yaduta- śraddhendriyaṁ bhāvayati vivekaniśritam iti vi-

staraḥ| evaṁ vīryendriyaṁ bhāvayati| smṛtīndriyaṁ bhāvayati| samādhī-

ndriyam, prajñendriyaṁ bhāvayati vivekaniśritaṁ virāganiśritam ityādi|

pañca balāni tānyeva nirjitavipakṣāṇīti pūrvavat||

(62)

sapta bodhyaṅgāni, yaduta - sa smṛtisambodhyaṅgaṁ bhāvayati vivekaniśri-

tam ityādi| evaṁ dharmapravicayasambodhyaṅgam, vīryasambodhyaṅgam, prīti-

sambodhyaṅgam, prasrabdhisambodhyaṅgam, samādhisambodhyaṅgam, upekṣāsa-

mbodhyaṅgaṁ bhāvayati vivekaniśritam iti pūrvavat||

āryāṣṭāṅgo mārgaḥ yaduta - samyagdṛṣṭiṁ bhāvayati vivekaniśritāṁ virā-

ganiśritāṁ nirodhaniśritāṁ vyavasargapariṇatām| samyaksaṅkalpaṁ bhāva-

yatīti pūrvavat| samyagvācam, samyakkarmāntam, samyagājīvam, sa-

myagvyāyāmam, samyaksmṛtim, samyaksamādhiṁ bhāvayati vivekaniśri-

tam iti pūrvavat||

na kevalaṁ bodhipakṣabhāvanāsyāṁ bhūmāvupajāyate|

svadṛṣṭisamparkaparikṣayaśca||

(63)

asyām eva bhūmāvasya svadṛṣṭikṣayaśca jāyate, yathoktam - tasya khalu

punarbhavanto jinaputrā bodhisattvasyāsyāmarciṣmatyāṁ bodhisattvabhūmau

sthitasya yānīmāni satkāyadṛṣṭipūrvaṅgamānyātmasattvajīvapoṣapuruṣa-

pudgalaskandhadhātvāyatanābhiniveśasamutthāny unmiñjitanimiñjitāni

vitarkitāni vicāritāni kelāyitāni mamāyitāni dhanāyitāni

niketasthānāni, tānyasya sarvāṇi vigatāni bhavanti||

madhyamakāvatāre 'rciṣmatyākhyaścaturthaścittotpādaḥ||

(64)

idānīṁ pañcamaṁ cittotpādamadhikṛtyāha-

sarvaiḥ sa mārairapi naiva jetuṁ śakyo mahātmā bhuvi durjayāyām|

pañcamyāṁ bodhisattvabhūmau pratiṣṭhito bodhisattvaḥ sarvalokadhātuvyavasthi-

tair api devaputramārair aśakyo jetum, kiṁ punastadanyairmārakiṅkarādyai-

rityata evāsyā bhūmeḥ sudurjayeti nāma| eṣa ca bodhisattvo veditavyaḥ

dhyānādhikaḥ sanmatisatyasūkṣmasvarūpabodhe'pyatikauśalāptaḥ||

daśabhyaḥ pāramitābhyo dhyānapāramitaivāsyādhikatarā jāyate| sanma-

taya ucyanta āryāḥ| teṣāṁ satyāni sanmatisatyānyāryasatyānītya-

rthaḥ| svarūpaṁ svabhāvaḥ| sūkṣmajñānagamyaṁ svarūpaṁ sūkṣmasvarūpam| sa-

nmatisatyānāṁ sūkṣmasvarūpaparijñāne mahadasya kauśalamupajāyate| tatra

catvāryāryasatyāni duḥkhasamudayanirodhamārgākhyāni| nanu ca dve eva

satye bhagavatā nirdiṣṭe, yaduta saṁvṛtisatyaṁ paramārthasatyaṁ ca| yathoktaṁ

pitāputrasamāgamasūtre-

(65)

satya ime duvi lokavidūnā diṣṭa svayamaśruṇitva pareṣā|

saṁvṛti yā ca tathā paramārthaḥ satyu na vidyati kiṁci tṛtīyam||

iti|

madhyamake'pyuktam-

dve satye samupāśritya buddhānāṁ dharmadeśanā|

lokasaṁvṛtisatyaṁ ca satyaṁ ca paramārthataḥ||

iti| tatkutaḥ satyadvayavyatirekeṇāparāṇi catvāryāryasatyānītyāha-

yadyapyevam, tathāpi heyopādeyayoḥ pratyekahetuphalabhāvasandarśanārthaṁ ca-

tvāryāryasatyānīhopadiśyante| tatra heyapakṣaḥ saṅkleśaḥ| tasya phalaṁ

duḥkhasatyam| hetuḥ samudayasatyam| upādeyapakṣo vyavadānam| tasya

(66)

phalaṁ nirodhasatyam| tatprāptyupāyo mārgasatyam| tatra saṁvṛtisatyā-

ntargatāni duḥkhasamudayamārgasatyāni| paramārthasatyasvarūpaṁ nirodha-

satyam| evamanyadapi yatkiñcitsatyajātam, tadapi satyadvayāntargata-

meva yathāsambhavamavaseyam||

kiṁ punaḥ satyacatuṣṭayavyatirekeṇānyadapi satyamasti| astītyāha

yathoktaṁ pañcamyāṁ bodhisattvabhūmau - idaṁ duḥkhamāryasatyamiti yathābhūtaṁ

prajānāti| ayaṁ duḥkhasamudayaḥ, ayaṁ duḥkhanirodhaḥ, iyaṁ duḥkhanirodha-

gāminī pratipad āryasatyamiti yathābhūtaṁ prajānāti| evaṁ saṁvṛtisa-

tyakuśalaśca bhavati| paramārthasatyakuśalaśca bhavati| lakṣaṇasatyakuśa-

laśca bhavati| vibhāgasatyakuśalaśca bhavati, nistīraṇāsatyakuśalaśca

vastusatyakuśalaśca prabhavasatyakuśalaśca kṣayānutpādajñānasatyakuśala-

śca mārgajñānāvatārasatyakuśalaśca| sarvabodhisattvakriyānusandhiniṣpā-

danatayā yāvattathāgatajñānasamudayasatyakuśalaśca bhavati| sa parasa-

ttvānāṁ yathāśayasantoṣaṇena saṁvṛtisatyaṁ prajānāti| ekanayasamavasa-

(67)

raṇātparamārthasatyaṁ prajānāti| svasāmānyalakṣaṇānubodhāllakṣaṇasatyaṁ

prajānāti| dharmavibhāgavyavasthāpanānubodhādvibhāgasatyaṁ prajānāti|

skandhadhātvāyatanavyavasthāpanānubodhān nistīraṇāsatyaṁ prajānāti|

cittaśarīraprapīḍanopanipātitvād vastusatyaṁ prajānāti| gatisa-

ndhisambandhāt prabhavasatyaṁ prajānāti| sarvajvaraparidāhānāmatyantopa-

śamātkṣayānutpādajñānasatyaṁ prajānāti| advayābhinirhārānmārgajñānā-

vatārasatyaṁ prajānāti| sarvākārābhisambodhātsarvabodhisattvabhūmi-

kriyānusandhiniṣpādanatayā yāvattathāgatajñānasamudayasatyaṁ prajānā-

tīti||

madhyamakāvatāre sudurjayākhyaḥ pañcamaścittotpādaḥ||

(68)