• Home
• Canon Text
• Romanized
• śāstrapiṭaka
• lekha
• Vimalaratnalekhaḥ

Vimalaratnalekhaḥ

Technical Details

||Vimalaratnalekhaḥ||

bhāratabhāṣāyām
vimalaratnalekho nāma|

bhoṭabhāṣāyām

dri ma med pa rin po che-i phrina cesa vya va|

guruve namaḥ|
tārādevyai namaḥ||

(1)

mahāgati(?)kāyaṁ dṛṣṭvā
barddhayan buddhaśāsanam
dharmeṇa pālayan rājyaṁ
nayapālo nṛpo'bhavat||1||

tvaya pūrvvaṁ dānaṁ
daśa kuśalāni poṣadhaḥ|
kṣāntirvīryañcābhyastamiti
deva tvamadhunā sampannaḥ|| 2||

(2)

guruṇāmājñāṁ
dhammānugataṁ sūtrādikañcedam|
bhaktyā śirasā gṛhāṇa
ātmaparayorhitaṁ bhavet||3||

vivarjayan sarvvasaṁśayaṁ
siddhye kuru mahāyatnam|
nidrālutvaṁ tandrāñca vivarjayan
nityamudyamaṁ kuryā vīryāya||4||

(3)

smṛtijñānāpramādena
sadendriyadvārāṇi rakṣet|
ahorātraṁ punaḥpuna-
ścittasantānaṁ parīkṣeta|| 5||

svadoṣajñānaṁ cakṣuriva kuryāt
paradoṣajñānaṁ tvandhavat|
smṛtimanahaṅkāraṁ
śūnyatāñca sadā bhāvayet||6||

(4)

kuryāt svadoṣakīrttanaṁ
nāparasya bhrāntimanusandadhyāt|
kīrttayedaparasya guṇaṁ
ātmaguṇantu gopayet||7||

tyajellābhaṁ satkārañca
nityamātmakhyātiṁ tyajet|
maitrīṁ karuṇāñca bhāvayed
bodhicittaṁ sthiraṁ kuru||8||

(5)

daśākuśalāni heyāni
sadā śraddhā dṛḍhīkāryā|
manāgapi priyaṁ santoṣaḥ
kṛtānukampā ca smarttavyam|| 9||

krodho garvañca prahātavyaṁ
kāryā ca hīnacittatā|
mithyājīvikā vivarjanīyā
dharmajīvikā jīvitavyā||10||

(6)

sarvamāmiṣaṁ vivarjayed
āryadhanena (ātmānaṁ) sampannaṁ kuryyāt|
sadā samājaṁ tyajed
araṇye nivaset||11||

tyajed vācamasambaddhāṁ
nityaṁ syāt śuddhasaṁyataḥ|
gurūpādhyāyadaśane
śraddhayā paricaryāṁ kuryāt||12||

viśiṣṭe puruṣe
dharmacakṣuṣi pudgale|
ādikarmmikasattveṣu ca
śāstṛsaṁjñāmutpādayet||13||

(7)

duḥkhataptānāṁ
sarvveṣāṁ sattvānāñca darśane|
bodhicittamutpādya
mātṛpitāputrasaṁjñāñcotpādayet||14||

sarvaṁ lokakṛtyaṁ tyaktvā
nityaṁ samādhibhāvanāṁ kuru|
tyaja pāpamitraṁ
kalyāṇamitramā_ya||15||

(8)

duḥśīlabhikṣūṇām
anyeṣāṁ dharmmahīnānām|
pāpācārāṇāñca darśane
teṣāṁ nigrahānna viramet||16||

sarvverakalyāṇamitraiḥ
sarvvaiḥ pāpasahāyaiḥ|
ratnatraye gurā-
vupādhyāya ācārye ca śraddhāhīnaiḥ|| 17||

(9)

akṛtajñai-
raihikabuddhibhiḥ|
paratrālpaśraddhaiśca
dinatrayātikrameṇa na vaset||18||

duṣṭāmaśubhāṁ bhūmiṁ parityajya
yatra śubhaṁ gantavyam|
yatra rāgastat parityājyam
anāsaktaṁ vaset|| 19||

rāgo hi sugatimaprāpayan
mokṣajīvanaṁ chīnatti|
yatra kalyāṇamitraṁ vasati
tatra nityaṁ vaset|| 20||

(10)

guruṁ sadāśritya
nityaṁ sūtranikāyamavalokayet|
ādau yadārabdhaṁ
prathamaṁ tadeva sādhayitavyam|
anyathā nobhayaṁ sidhyati||21||

anyeṣu pāpadeśanāyāṁ
paramapuṇye ca yateta|
vṛttānukūlaṁ lokaṁ
sadā paralokacittañca rakṣet||22||

(11)

yadā cittamunnataṁ jāyate
tadā garvaṁ chindyāt|
apramādavirahe
gurūpadeśaḥ smarttavyaḥ|| 23||

līnacitte jāte
cittonnatimapi praśaṁset|
smṛtvā prajñāpāramitāṁ
nikhilaprapañcopaśamaṁ kuryāt||24||

(12)

yadā rāgadveṣaviṣayo jāyate
māyāprapañcavat paśyet|
nindāvākyaśravaṇe
pratiśrutkāvajjānīyāt||25||

(13)

kāyapīḍodbhave
pūrvakarmāvalokayet|
prāntāraṇye pravasan
mṛgaśavavat|| 26||

yatra kenāpi na jñāyate
[ tatra] ātmanātmānaṁ gopayet|
sadeṣṭadevatāmāśrayet
kāme vyāpāde middhe styāne|| 27||

ālasye tandrāyāñca yadā cittamutpadyate
tadā svapāpaṁ gaṇayet|
vrataṁ hṛdi smared
anityatāṁ mṛtyuñca bhāvayet|| 28||

anyasya purato'vasthānakāle
śāntamṛju ca bhāṣeta|
bhrūkuṭimukhena hāsyaṁ prahātavyaṁ|
sadā smitena sthātavyaṁ
nityamanyeṣu prītiśca kāryā||29||

(14)

amātsaryeṇa tyāge prītiṁ kuryāt|
nityamīrṣyā prahātavyā|
anyasya cittaṁ rakṣet|
sarvve vādāḥ prahātavyāḥ|| 30||

paricayena vinā nūtanena saṅgaṁ na kuryāt|
sadā mantre samarthaḥ syāt|
sadā kṣāntimān
alpakāmaśca san santoṣaṁ kuryāt||31||

(15)

caṇḍāladāsasaṁjñaḥ syāt
lajjājñāne'patrapāyāṁ|
tasyāṁ paralokārādhanāyāñca yateta|
ātmasaṁyamaṁ kuryāt|| 32||

parāvajñā prahātavyā
śraddhāśīlena tiṣṭhet|
paropadeśakaraṇe
kāruṇyopakāracittaḥ (tat) kuryāt||33||

(16)

buddhadharmme śraddhāṁ
saddharmmañca na jātu tyajet|
nityaṁ ratnatraye śraddhāṁ
saṁsāratrayaṁ ca pariśuddhaṁ kuryāt|| 34||

pūrvaṁ karuṇāgato
'horātraṁ trikṛtvaḥ|
prasiddhasyārādhanāsaptakasya
skandhatrayaṁ gṛhṇīyāt||35||

jagadduḥkhanirākaraṇakāma
udārapraṇidhānaṁ sthāpayet|
sattvaparipākaṁ bodhiñcecchet|
sarvaṁ mahābodhau pariṇamayet|| 36||

(17)

ciraṁ pratijñāya
sadodyogī bhavet|
evaṁ kṛte dvivargaḥ
sampadyata āvaraṇadvayañca kṣīyate||37||

naradehalābhaḥ sārthako bhavati|
dṛṣṭadharmme nirvvāṇaṁ bhavati|
svaparārthaḥ sampadyate|
paramatattvaṁ ca prāpyate|| 38||

(18)

nidāghakokilapotaḥ madhuraṁ kūjatīti
kiṁ mayūrapoto na madhuraṁ kūjati|
yadyapi bahubhiḥ paṇḍitairuktaṁ
(tathāpi) rājñāṁ vyasanacchedāya likhitamidam||39||

_____ kathāṁ śreyo'bhiprāyeṇa kuru|
anyasmāyapi matimate janāya kathaya|

(19)

nityaṁ ṣaḍdevatāḥ smara śuddhaṁ vratamācara|
rājaṁ dharmmeṇa pālaya ātmānaṁ ca kṣamaṁ kuru|| 40||

vimalaratnalekho nāma
sthaviramahāpaṇḍitadīpaṅkaraśrījñānād
rājñe nayapālāya preritā ślokacatvāriṁśat sampūrṇā||

tasminneva kāle tenaiva guruṇā
parivarttakena bhikṣuṇā jayaśīlena ca parivartitā
ślokacatvāriṁśat||

(20)