• Home
• Canon Text
• Romanized
• śāstrapiṭaka
• pramāṇa
• Viśālāmalavatī Pramāṇasamuccayaṭīkā

Viśālāmalavatī Pramāṇasamuccayaṭīkā

Technical Details

Viśālāmalavatī pramāṇasamuccayaṭīkā
Chapter 2

dve eva pramāṇe pratyakṣamanumānaṁ cetyuktam| tatra pratyakṣaṁ vyutpāditam|
samprati prāptāvasaramanumānaṁ vyutpādayitumāha- anumānaṁ dvidhetyā-
di| svārtham  yena svayaṁ pratyeti| parārtham yena yarān pratyāya-
yati||

nanu parārthasya lakṣaṇa pṛthagavācyameva| gamakalakṣaṇavidhānenaiva hi
pratipipādayiṣorvacanānukramo darśita eva anyathābhidhāne gamakadha-
rmādyotanāt| na hi ye yathā yamarthaṁ vidanti vacanajñāḥ te tatprati-
pādane punarupadeśāntaramapekṣante||

satyametat| tathāpi bālavyutpādanārtho'yamārambhaḥ| yathāvastu
pratipādyamānā api hyanyathā nigadanto dṛṣṭāḥ upayogino'pyavi-
nābhāvasyāvacanādanupayogināmapi ca sādhyopanayanigamanānāṁ prayo-
gāt||

trirūpāditi hetau pañcamī abhighātāc chabda iti yathā| atha va
lyablope yathā prāsādamāruhya prekṣate prāsādāt prekṣate| tathā trirūpaṁ
liṅgaṁ dṛṣṭvārthadarśanam- trirūpāl liṅgato'rthadṛgiti||

(1)

nanu trirūpagrahaṇamanarthakam atrirūpasyāliṅgatvāt| kiṁ ca lī-
no'rtho liṅgyate'neneti liṅgam| tac ca trairūpyaṁ vinā na sambhavati|
ato'pi gatārthatvāt trirūpāditi na vācyam||

naiṣa doṣaḥ| atrirūpamapi kecil liṅgamicchanti| atas tadvipra-
tipattinivṛttaye trirūpagrahaṇam||

tatrāhrīka āha-

anyathānupapannatvaṁ yasyāsau heturiṣyate|
ekalakṣaṇakaḥ so'rthaś caturlakṣaṇako na vā|

iti| anyatheti sādhyena vinetyarthaḥ| anupapannatvamaklṛptirasambhavaḥ|
nanu cāvinābhāvitvamevedaṁ syāt| netyahrīkaḥ| avinābhāvitvaṁ hi sā-
dhyād bahiriṣyate anyathānupapannatvaṁ tu dharmiṇyeva sādhya eveti|
ślokamapyāha-

vinā sādhyādadṛṣṭasya dṛṣṭānte hetuteṣyate|
parairmayā punardharmiṇyasambhūṣṇorvināmunā||

(2)

iti| etac caikameva rūpam| sati va trairūpye'nyathānupapannatvaṁ caturthaṁ
rūpameṣṭavyam| trairūpyamātre hi sa deśāntaragataḥ śyāmaḥ caitraputra-
tvādityasyāpi hetutvaṁ syād iti||

tatra yaduktam- avinābhāvitvaṁ hi paraiḥ sādhyādbahiriṣyata iti
eṣo'dhyāropaḥ| sarvopasaṁhāreṇa hi yatra yatra sādhanadharmaḥ tatra tatra
sādhyadharma ityaṣā vyāptiravinābhāvitvam| ataḥ sādhye'pi tadiṣyata
eva| yadi ca sādhyadharmiṇyeva yaḥ sādhyadharmeṇāvinābhāvī sa heturi-
ṣyate evaṁ sati yasya bahirapi sādhyenāvinābhāvas tasya hetutvaṁ na
syāt| vyabhicāryapi ca hetuḥ syāt tasyāpi dharmiṇyanyathānupapanna-
tvasya sambhavāt| tasmādayuktametat| ata evāsyāyuktatvān na catu-
rlakṣaṇo heturupapadyate||

yat punaruktam- trairūpyamātre hi sa syāmaḥ caitraputratvāditya-
syāpi hetutvaṁ syāditi tadayuktam| svabhāvakāryānupalambhaviśe-

(3)

ṣāṇāmeva hi trairūpyamupapadyate nānyeṣām| na cāyaṁ teṣvantarbhavati|
tata kutaḥ sa prasaṅgaḥ||

anyas tu dvirūpo heturiti darśayannāha-

ajñāto dharmiṇo dharmo dharme sanneva yatra hi|
jñāyate jñāpyate caiṣa heturvidhiniṣedhavān||

iti| ajñāto dharmo jijñāsito'nityatvādir dharmiṇaḥ śabdāderyatra
jñāyate kṛtakatvādau dharme| jñātatvaṁ sāmarthyalabhyam| sanneveti pramātrā
ghaṭādiṣu svayaṁ smaryate paro va smāryate parārthānumāne| sanneva nāsa-
nnityetau vidhiniṣedhau yasya staḥ sa vidhiniṣedhavānhetuḥ| etena
dharmidharmatvaṁ satsādhyadharmatvaṁ cetyetad dvairūpyamuktam||

atra sādhyadharmo yatra sanneva nāsanniti bruvatā tadevānvayavyatire-
kavattvamuktaṁ bhavati yasmādevaṁ sa tatra sanneva bhavati yadi tadabhāve
heturna bhavatyeva| tataś ca trairupyamevākārāntareṇoktamiti na dvirūpo
hetuḥ||

(4)

ṣaḍlakṣaṇo heturityaparaḥ| trīṇi caitāni- abādhitaviṣayatvaṁ viva-
kṣitaikasaṅkhyatvaṁ jñātatvaṁ ceti| tatrābādhitaviṣayatvaṁ tāvan na rūpānta-
ram bādhāvinābhāvayorvirodhāt| avinābhāvo hi hetoḥ sādhyadharme
satyeva bhāvaḥ| kathaṁ ca sa tallakṣaṇo dharmiṇi hetuḥ syāt na cātra
sādhyadharmo bhavet| ten na bādhāvinābhāvayoḥ sahabhāvaḥ| tena nābā-
dhitaviṣayatvaṁ rūpāntaram||

vyavacchedyābhāvād vivakṣitaikasaṅkhyatvamapi na lakṣaṇāntaratvena vā-
cyam| tad viruddhāvyabhicāriṇo hetutvaprasaṅganivṛttyarthamucyate| sva-
lakṣaṇayuktayoś ca hetvorekatra virodhinorupanipāte viruddhāvyabhi-
cāritvaṁ bhavati| na ca yathoktalakṣaṇānāṁ kāryasvabhāvānupalambhānāṁ
pratyanīko hetuḥ sambhavati| kathaṁ hi nāma ekaḥ svasādhyabhāva eva
bhāvāt tenāvyabhicārī tatraiva cānyo'pi tadbādhakasya bhāva eva
bhāvād viruddhas tena sambhavet| api ca sa heturyadi svabhāvata eva
taddharmabhāvī tadārthāntaropanipāte'pi kathamanyathā syāt| na hi

(5)

vastūnāṁ svabhāvānyathābhāvasya viruddhasvabhāvadvayasya ca sambhavaḥ|
atha svabhāvato'taddharmabhāvī evaṁ satyanyadāpi na sādhanaṁ kasyacit|
tasmāt svabhāvata eva svasādhyāvinābhāvino yathoktalakṣaṇasya
hetos tallakṣaṇaḥ pratiheturna sambhavatītyalakṣaṇamekasaṅkhyāvivakṣā|
viruddhāvyabhicāryavacanaprasaṅga iti cet vastubalapravṛttaṁ liṅgaṁ pratīṣṭa-
tvādadoṣaḥ| viṣayaś cāsya parastān nivedayiṣyate||

jñānaṁ punaraliṅgadharmaḥ| kathaṁ liṅgasya lakṣaṇaṁ syāt| kiṁrūpāl
liṅgādarthaḥ pratipattavya iti cintāyāṁ pratipatturavisaṁvādakasya rūpamu-
cyate yaddarśanādayaṁ sādhanāsādhane pravivecya tasyeṣṭārthasādhanapratyayāt
pravartate| tatra yadasya liṅgasyātmarūpam tal lakṣaṇam na pararūpa-
m pratipattijanmanyupayogamātrāt tallakṣaṇatve'tiprasaṅgāt| evaṁ hi
prameyapuruṣādīnāmapi tallakṣaṇatvaṁ syāt| na hi teṣvapyasatsu liṅgini

(6)

jñānaṁ bhavati| tasmāj jñānamapi na liṅgalakṣaṇameṣṭavyamiti sthitame-
tat- trirūpa eva heturiti||

pūrvavat phalamiti| yathā pratyakṣe dvidhā phalamuktaṁ viṣayasaṁvittiḥ
svasaṁvittiś ca tathehāpi pratyakṣavadavyatiriktamanumānasyādhigamā-
tmakaṁ phalamiti bruvatānumānamapyadhigamasvabhāvamityuktaṁ bhavati||

ataḥ pṛcchati- yadi dvayamapītyādi| arthas tu rūpaṁ cātulya-
metayoriti| tuśabdo'vadhāraṇārthaḥ- etadeva dvayamatulyam adhiga-
marūpatā tu tulyeti| nanu cādhigamas tayo rūpam| tac cedabhinnam
tat kimanyadrūpam yaducyate- rūpaṁ cātulyametayoriti| yat
tadviṣayasārūpyaṁ pramāṇaṁ vyavasthāpitam tadatulyamityuktam| tathā
hi- tat pratyakṣasya spaṣṭam aspaṣṭaṁ tvanumānasya||

viṣayo hītyādi| viṣayaśabdenātrālambanaṁ vivakṣitam na tu prā-
māṇyasya viṣayaḥ| anumānasyāpi hyavisaṁvādalakṣaṇaṁ prāmāṇyaṁ vastu-
viṣayameva| tasmādālambanabhedāt pramāṇayorviṣayabhedamāha| kathaṁ puna-
rālambanabhedaḥ| pratibhāsasya bhinnatvāt| na hi tāvekasya vilakṣaṇā-
vākārau yujyete| bhinna iti cābhinnapratiṣedha eva draṣṭavyaḥ na tu nā-

(7)

nāviṣayatā anumānavikalpasya nirviṣayatvāt| tac ca anumāna-
sya sammato yo viṣayaḥ tasya tattvato'pariniṣpannatvāt||

tadākāraviśeṣāc ceti| taditi pratyakṣānumānayorviṣayaḥ
parāmṛśyate| tasyākāraḥ svabhāvaḥ ākriyate paricchidyata iti
kṛtvā| tadākārasya viśeṣo bheda ityarthaḥ| viśeṣagrahaṇaṁ cāviśeṣapra-
tiṣedhapratipādanaparaṁ veditavyam| na tu nānāsvabhāvatānena pratipadyate
sāmānyasya vikalpitatvenāsattvāt| tadetat sūcitaṁ bhavati- yasmāt
pratyakṣasya bahirviṣayo'sti yatas tasya spaṣṭo viṣayapratibhāso
bhavati na tvanumānasya yas tu tasyāsphuṭo viṣayākāraḥ sa sva-
bījabalādeva jāyate tasmāt pratyakṣānumānayoryathoktaṁ svarūpaṁ bhinna-
miti| atha vā pratyakṣasya svalakṣaṇaṁ sākṣāt spaṣṭasvākārajanakaṁ
prameyaṁ svarūpeṇa anumānasya tu tadeva pāramparyeṇāsphuṭaviṣayā-
kārajanakaṁ pararūpeṇa prameyam| pratyakṣasyāpi pararūpeṇetyapare| tadevaṁ
yataḥ pratyakṣānumānayorbhinno viṣayaḥ atas tatsvabhāvaviśeṣāt
spaṣṭāspaṣṭaviṣayākāratayā svarūpamapi bhinnamiti||

(8)

atha kasmāditi| kiṁ kāraṇaṁ svārthaparārthabhedenānumānameva dvidhā
bhidyate na tu pratyakṣamityavadhāraṇena darśayati| etaduktaṁ bhavati-
svayaṁ pratyakṣīkṛtasyārthasya parāvabodhanāya yad vacanam tat parārthaṁ
pratyakṣaṁ dvitīyaṁ kasmān neṣyata iti||

yasmādityādi| anumānasya hi sāmānyaṁ viṣayaḥ| tatra ca yādṛ-
śamanumānamātmanaḥ tādṛśameva parasantāne vācā kriyata iti yuktaṁ
tasya dvaividhyam| pratyakṣasya tu svalakṣaṇaṁ viṣayaḥ| na ca tatra yādṛśa-
mātmanaḥ pratyakṣajñānam tādṛk śabdena santānāntare janayituṁ śa-
kyate tasyānirdeśyatvāt| anyathāndhādīnāmapi śabdāt tathāvigha-
meva sphuṭapratibhāsi jñānaṁ syāt| kasmāt tadanirdeśyamityāha-
grāhyabhedāditi| pratyakṣasya hyasādhāraṇaṁ grāhyam| na ca tac chakyate
nirdeṣṭum tasya pūrvamadṛṣṭatvāt| anumānasya tu tadviparītam| tasmāt
tasyaiva grāhyaṁ nirdeśyam na pratyakṣasya||

svātmavadityanenaitat sūcayati- pratyakṣānumānayoḥ svarūpaṁ
bhinnam| pratyātmavedyametat sarvasya| na cābhinnaviṣayatve svaviṣayā-
kāramanukurvatos tadupapadyate| tasmād yathā tayoḥ svarūpaṁ bhinnam

(9)

tathā viṣayabhedo'pi draṣṭavyaḥ| tato nānumānavat pratyakṣasya viṣayo
nirdeśya iti||

anye tvāhuḥ - vṛttabhaṅgabhayādatra yat paścād vaktavyam tat pūrvamu-
ktam| tasmādevamatha grantho vijñeyaḥ- kasmādanumānameva dvidhā bhi-
dyate na pratyakṣamiti pṛṣṭe kāraṇamāha- grāhyabhedādityādi| yadi
grāhyabhedādanumānaṁ dvighā bhidyate evaṁ sati pratyakṣamapi dvidhā bhidye-
tetyāha- svalakṣaṇamanirdeśyamiti| etaduktaṁ bhavati- īdṛśamidaṁ
pratyakṣānumānayorgrāhyamiṣyate yatraikaṁ nirdeśyamanyadanirdeśyamiti|
tasmādanumānameva dvidhā bhidyate yasya viṣayo vācā parasmai pratipā-
dayituṁ śakyate na tu pratyakṣamiti||

nanu cārthas tu rūpaṁ cātulyametayorityanena prāgeva pramāṇayorviṣa-
yabhedaḥ pratipāditas tadbhedāc ca svarūpabhedaḥ| tat kimidamupanya-
stam- bhinnaṁ hi pratyakṣānumānayoḥ svātmavad grāhyamityādi|
pūrvamanyārtho'yamartha uktaḥ idānīmanyārtha ityadoṣaḥ||

yadi cetyādinā svalakṣaṇasyānirdeśyatvaṁ pratipādayati| sa tenaiva
śabdenānumeyaḥ syāditi sa eva pratyakṣagrāhyo'rthas tataḥ śabdāt

(10)

pratīyetetyarthaḥ| na caivam| mā bhūdandhāderapi pratyakṣeṇaiva tasyārthasya
darśanamiti| paras tu jāḍyādimaṁ doṣamanavagacchan svayamabhyupagata-
pramāṇaikaviṣayatvasya dṛṣṭānuvidhāyitāṁ darśayanniṣṭamevaṁ me taditi nanu
cetyādinā sūcayati| sparśo hi pratyakṣasyārthaḥ| sa eva ca rūpeṇānu-
mīyata iti manyate| kadāciditi yadā sparśa indriyeṇa na spṛśyate
tadetyarthaḥ| na tu yathā pratyakṣamiti| pratyakṣaṁ hi bhedāntaravimarśavi-
vekena pratiṣṭhitenaiva rūpeṇa sparśaṁ paricchinatti anumānaṁ tu smārtā-
kṛṣṭapūrvānusandhānataḥ- so'yaṁ mayā pūrvamanena rūpeṇa saha prāgupala-
bdha iti sparśasāmānyamasparśavyāvṛttam| tad yatheti pūrvadṛṣṭānusa-
ndhāne dṛṣṭāntamāha| yathā rūpaṁ na pratyakṣato gṛhyata ityeva svalakṣaṇā-
kāreṇa liṅgaṁ bhavati viśeṣasyānanvayāt api tu sāmānyākāreṇaiva
pūrvadṛṣṭānusaṁhitena tathā na sparśaḥ pūrvapratyakṣeṇa gṛhīta ityeva svala-
kṣaṇato'numeyaḥ kiṁ tu sāmānyākāreṇaivānumānayogyeneti
darśayati||

(11)

kathaṁ dṛṣṭādivyavahāra iti| yadi yathānubhūtamācakṣate evaṁvyava-
hārā āryā yujyante| tvanmatena tu svalakṣaṇamupalabhyānyadeva kathayatāṁ
vyavahārā anāryāḥ syuḥ| tataś cābhyupetabādhā||

dṛṣṭamityādinaitat kathayati - darśanādikriyānimittā dṛṣṭādiśa-
bdāḥ| te ca sati svasminnimitte āryaiḥ prayujyante nāsatītyāryā
vyavahārā abhyupeyante na tu svalakṣaṇābhidhānāditi nābhyupetabādhe-
ti||

yat tarhītyādi| śāstravirodhamāha| nanu ca naiva cakṣurvijñānā-
nubhūta eva kṣaṇo manovijñānenānubhūyate| kiṁ tarhi| kṣaṇāntaramityuktaṁ
prāk| tat kathamevamuktam| naiṣa doṣaḥ| cakṣurvijñānānubhūtamevārtham
iti svalakṣaṇopalakṣaṇaparametat svalakṣaṇameveti yāvat| tulyajā-
tīyatvāc ca pūrvottarayoḥ kṣaṇayorabhedavivakṣayaivamabhihitaṁ syāt| atha
vānuśabdo'yaṁ sahārthe vartate bhūtaśabdo'pyutpanne| tataś ca cakṣurvi-
jñānena sahotpannamevārthaṁ vijānātītyayamatrārtha ityadoṣaḥ| yadi yat

(12)

tanmanovijñānānubhūtaṁ svalakṣaṇam tadanirdeśyam kathaṁ mano nīlaṁ
ca vijānāti nīlamiti cāviṣṭābhilāpaṁ tadeva| tatrāpīti śāstre|

ākārāntaravirdeśyanāmajñatvādityādi| svalakṣaṇākārādākā-
rāntaraṁ sāmānyākāraḥ| tena nirdeśyam na svalakṣaṇena| tasya nāma
nīlamitīyaṁ sañjñā| tac ca vijānāti na kevalaṁ svalakṣaṇam|
tasmād dvidhā śāstre mana iṣyate||

anīlavyudāseneti tamākārāntaraṁ darśayati| vyavahartṝṇāmabhiprā-
yānurodhādanīlavyudāsenetyuktam| te hi tattvādhyavasāyena vyavahara-
ntītyuktametat| anyathā parasparavyāhatametat syāt| tathā hi-
yadyākārāntareṇa mano nirdiśati na tarhi tena cakṣurvijñānānubhūtameva
nirdiṣṭaṁ bhavati| atha tadeva svalakṣaṇaṁ nirdiśati na nāmākārāntare-
ṇeti||

asāmānye'pīti| apiśabdāt sāmānye'pyanityatvādau||
vāyvādisvabhāva iti| ādiśabdenākāśādayo'pratyakṣā
gṛhyante| yathāheti| kaṇādaḥ| asya sūtrasya sambandhaḥ- kṣitija-

(13)

lānanavadagrahaṇāt sparśamātraṁ vāyuriti pareṇākte tatparihārāyāha-
adṛṣṭasyāpi liṅgataḥ samadhigamaṁ kariṣyāmaḥ| kiṁ punas tasya
liṅgamiti| taducyate- sparśaś ca| na ca dṛṣṭānāṁ sparśa ityadṛṣṭa-
liṅgo vāyuriti| sparśaś ca samupalabhyate śītoṣṇatvaviśeṣarahitaḥ|
caśabdāc chabdadhṛtikampāś ca| nirvṛkṣakṣupe deśe śukaśukāśabdaḥ
samupalabhyate tṛṇādināṁ ca dhṛtiḥ| teṣāṁ dravyāntareṇāsati pratibandhe
gurutvāt pātaḥ syāt| sthitiś ca viyati lakṣyate| latādīnāṁ ca
kampaḥ| na cāyaṁ dṛṣṭānāṁ kṣityādīnām| caśabdān na cādṛṣṭānāmā-
kāśādināma| ato dṛṣṭādṛṣṭeṣvadṛṣṭatvāt sparśaviśeṣo'dṛṣṭaḥ| so'sya
liṅgamityadṛṣṭaliṅgo vāyuḥ| na cāsau pūrvaṁ dṛṣṭaḥ tatprathamataḥ sparśavi-
śeṣeṇa grahaṇādityasāmānyaviṣayamanumānam||

na tatsāmānyasūcanāditi| tacchabdena sparśa eva sambadhyate
 na tu vāyuḥ||

(14)

ata evāha- na hi tad vāyvādiṣvityādi| sparśasya sāmā-
nyamāśritatvaṁ guṇotvena sūcyate| yo guṇaḥ sa āśritaḥ gandhavat|
guṇaśa ca sparśaḥ| svabhāvaḥ||

atha vā tacchabdena vāyureva sambadhyata iti darśayannāha- na vā
vāyvādisvabhāveṣvityādi| asyārthaḥ- yo guṇaḥ sa dravyāśritaḥ
gandhavat| guṇaś ca sparśa iti svabhāvaḥ| sparśasya guṇatvād dravyā-
śritatve'numite dravyatvamātramarthataḥ sidhyati| tad yathā cakṣurādīnāṁ
pārārthye siddhe paro'pyarthataḥ sidhyatītyabhiprāyaḥ||

pariśeṣāditi| pariśeṣasiddhiranumānameva liṅgajatvāditi manya-
te| yathāhetyādi| nāyaṁ sparśaḥ pṛthivyāḥ gandhādyasahacāritvāt|
nāptejasoḥ anuṣṇāśītatvāt| nāpyākāśādīnāmadṛṣṭānām| teṣāṁ
hi sparśavattvād ghaṭādīnāṁ tatra pratighātaḥ syāt| na manasaḥ anume-
yaguṇatvāt| aṇutvamekatvaṁ cāsyānumeyau guṇau| ayaṁ tu pratyakṣaḥ| na
ca nirāśrayo guṇaḥ samasti| tasmāt pariśeṣād vāyorevāyaṁ sparśa
ityeṣā pariśeṣasiddhiḥ||

(15)

na tatsattvāsiddheriti| tacchabdena vāyuḥ sambadhyate| yasmād-
nyeṣāṁ yasyāsambhavaḥ tatra siddhasattāke tasyāstitvaṁ sambhāvyate|
yasya tu sattvamevāsiddham kathaṁ tatra pariśeṣāt so'stīti sambhā-
vyate| na hi- yadānyena tatra sannihitena puruṣeṇedaṁ kāryaṁ na kṛtamiti
sambhāvyate tadā vandhyāsutena pariśeṣāt kṛtametaditi yuktaṁ sambhā-
vayitum| teṣveva tu kenedaṁ kṛtamiti saṁśayo bhavati||

pratiṣedhatulyatvāc ceti| siddhe'pi tasya sattve pratiṣedhasya tu-
lyatvān na yuktamanumānam| yathaivāyaṁ sparśaḥ pṛthivyādiṣu na dṛṣṭacara
iti teṣāṁ na bhavati tathā vāyāvapi prāṅna dṛṣṭa iti tasyāpi mā bhūt|
kathaṁ tarhi vāyoḥ pariśeṣasiddhirityāha- siddhe hītyādi| yathotpa-
ttimatāṁ ghaṭādīnāṁ sattvaṁ siddham tathā yadi vāyvādīnāṁ jijñāsitā-
nāṁ sattvaṁ siddhaṁ bhavati evaṁ sati hetoḥ siddhatvaṁ labhyate nānyathā|
pratiṣedhāsambhave citi| siddhe'pi teṣāṁ sattve yadi sa dharmaḥ pramāṇena
bādhyate'gnāviva śaityam evamapyasiddha eva hetuḥ syāt viparyayāt
tu siddha ityevaṁ yathā hetoḥ siddhatvaṁ janyate tathā darśitam| guṇavi-
śeṣasambandhāditi| guṇaviśeṣo dharmaviśeṣo hetutvenābhimataḥ| tasya
sambandhaḥ sādhyenāvinābhāvaḥ| guṇasāmānyamujjhitveti dharmasāmā-

(16)

nyaṁ vyabhicāri hitvā| guṇaviśeṣeṇeti yathoktena sādhyadharmiṇi si-
ddhasattākenānvayavyatirekavatā dharmeṇa| dravyaviśeṣānumānaṁ kriyata
iti pariśeṣād vāyuranumīyata ityarthaḥ| tatrāpi sāmānyākāreṇeti
veditavyam na tu svarūpeṇa yasmāt prāgevānumānasya svalakṣaṇavi-
ṣayatvaṁ niṣiddham| viśeṣagrahaṇaṁ tu pṛthivyādidravyanirāsārtham| tatrāyaṁ
prayogaḥ- yo yataḥ siddhasattākādanyeṣāṁ na sambhāvyate vastudharmas
tatra ca pramāṇenābādhitaḥ sa tasya bhavati| tad yathotpattimadbhyaḥ
siddhasattākebhyo'nyeṣāmasambhāvyamānamanityatvaṁ vastudharmas tatra pra-
māṇenābādhitaṁ bhavati| vāyoḥ siddhasattākādanyeṣāṁ na sambhāvya-
te'nuṣṇāśītasparśo vastudharmas tatra ca pramāṇenābādhita iti sva-
bhāvaḥ| evaṁ sparśasya pariśeṣād vāyusambandhitve siddhe vāyuḥ kvacid
deśaviśeṣe kālaviśeṣe vā sidhyati| tvanmatena tveṣāṁ pariśeṣasiddhirna
bhavatīti darśayannāha- sattvaṁ tvasiddhamityādi| yasmāt sattvama-
siddhaṁ tulyaś ca pṛthivyādibhiḥ pratiṣedhaḥ tasmādguṇaviśeṣābhā-
vaḥ trairūpyavato dharmasyābhāva ityarthaḥ| tato guṇaviśeṣābhāvāt tatra

(17)

kuto'numānam| naiva| evaṁ tāvad dṛṣṭādṛṣṭebhyaḥ pratiṣedhamabhyupetyānu-
mānābhāva uktaḥ||

samprati pratiṣedha evāyukta iti darśayannāha- yadyadarśanamātre-
ṇetyādi| mātragrahaṇenopalabdhilakṣaṇaprāptasya yadadarśanam tata
evābhāvaḥ sidhyatīti sūcayati| nanūpalabdhilakṣaṇaprāpteḥ sparśasya
yukta eva pratiṣedhaḥ| na yuktaḥ dṛśyatatsvabhāvamātrāpratiṣedhāt|
pṛthivyādisāmānyaṁ gṛhītvā bhavān pratiṣedhamāha| tatra ca tūlopalapa-
llavādiṣu tadbhāve'pi sparśabhedadarśanāt kvacid viśeṣasyāpi
sambhavāc chaṅkayā bhāvyamiti sarvatrādarśanamātreṇāyuktaḥ pratiṣedhaḥ||

adṛṣṭebhyo'pi na yukta iti darśannāha- na hyadṛṣṭebhya ityādi|
hiśabdaḥ samuccaya'vadhāraṇe vā| amurtimatāmanabhighātāditi|
abhighātasya vāyaṁ pratiṣedhaḥ syāt tadviparītasya vā vastuno vidhiḥ|
yadi pratiṣedhaḥ abhighātasparśaviśeṣayoḥ kāryakāraṇabhāvo vyāpya-
vyāpakabhāvo vā vācyaḥ yato hetuvyāpakāveva nivartamānau svaprati-
baddhe kāryavyāpye nivartayataḥ anyathātiprasaṅgāt| kāryakāraṇavyā-
pyavyāpakabhāvau ca na sidhyataḥ vināpyabhighātena sparśaviśeṣasya
bhāvādarthāntaratvāc ca| athāmūrtimatāmanabhighātādityanenānabhi-

(18)

ghātākhyaṁ vastvevocyate paryudāsavṛttyā tasya tarhi vyomādhibhiḥ
sambandhaḥ sādhyaḥ sparśaviśeṣeṇa ca virodhaḥ| anyathā kathaṁ tadasa-
mbaddhamaviruddhaṁ ca tenaitat tatra bādhata atiprasanṅgo vā||

tatra tāvat sambandho na sidhyati| tathā hi- teṣu tasya vṛttirvā
sambandhaḥ syāt tajjanyatā vā| na tāvad vṛttiḥ sidhyati teṣāmatī-
ndriyatvāt| n hyatīndriyeṣu kasyacid vṛttirupalabhyate| na ca vino-
palambhenātredaṁ vartata iti śakyate niścetum| nāpi tajjanyatā
sidhyati vyatirekāsiddheḥ| na hyanvayamātrāt kāraṇasya sāmarthyaṁ
gamyate api tu vyatirekādapi| sa ceha nāsti nityatvāt sarvagata-
tvāc ca vyomādināṁ tadabhāve tadabhāvāsambhavāt| tadevamanabhighātā-
khyamākāśādisambandhi vastveva na sidhyati||

kutaḥ punas tasya sparśaviśeṣeṇa virodhaḥ| tathā hi- ātapādiṣu
ghaṭādināmanabhighāto'sti| atha ca te sparśavantaḥ| tasmān na tataḥ
pratiṣedhaḥ sidhyati||

guṇānumeyatvāc ceti| tatpuruṣo'yam| manasi ca guṇopajani-
tavyatirekanibandhanā ṣaṣṭhī nānumeyāpekṣā| manaso guṇānāmanumeya-
tvāditi vākyārthaḥ| guṇasya guṇāpekṣāyā nityatvāt  sāmarthyābhāvado-
ṣo'pi nāsti| ayamapyahetuḥ avirodhāt| tathā hi- yathātmano

(19)

vibhutvaṁ nāma guṇo'numeyaḥ atha ca sukhādayaḥ pratyakṣāḥ tathā mana-
so'pyaṇutvamekatvaṁ cānumeyametadguṇadvayaṁ syāt ayaṁ ca sparśaḥ
pratyakṣo guṇaḥ syāditi na kaścid virodhaḥ||

idānīṁ yadatra yuktam tat pratipādayitumāha- kiṁ tarhītyādi|
caśabdo'vadhāraṇārthaḥ| kathaṁ punar- dṛṣṭeṣu ca dṛṣṭatvādityetaduktam
yāvatā sa sparśaviśeṣo dṛṣṭeṣvapi naiva dṛṣṭaḥ||

naiṣa doṣaḥ| dṛṣṭeṣu tāvat sparśasāmānyaṁ sambhavadviśeṣaṁ dṛṣṭam|
adṛṣṭeṣu tu tasyāpi darśanaṁ nāsti| yo yatra dṛṣṭasāmānyaḥ sa tatra
sambhavati| yathāmalakeṣu madhuro rasaḥ| dṛṣṭasāmānyaś ca dṛṣṭeṣu
sparśaviśeṣaḥ| atha vā yo yatra dṛṣṭaḥ sa tatra sambhavadviśeṣaḥ|
yathāmalakeṣu rasaḥ| dṛṣṭaś ca sparśo dṛṣṭeṣviti svabhāvau| ubhayatra
cābādhake satīti viśeṣaṇaṁ draṣṭavyam| vāyvādau tu sadvyavahāra-
pratiṣedhāyānupalambho vācyaḥ| yadyevaṁ niścayena bhavitavyam- atrai-
vāyaṁ sambhavatīti| saṁśayas tu dṛṣṭaḥ| tasmānnāyaṁ dṛṣṭeṣu sambhavatī-
tyata āha- teṣāṁ cetyādi| anekatvāt saṁśayaḥ na tu tatrāsambha-
vādityarthaḥ||

tairapi vāyorānumānikatvaṁ nirastamiti darśayannāha- āptasañjñā-
vidhānenetyādi| na vāyorānumānikatvamityatrādhyāhāryam| dravyasā-
mānyānumāne satīti| sparśena guṇena dravyāśritenāsti kimapi

(20)

dravyam yadayamāśrita iti dravyamātrānumānam  tat parityajya|
āptasañjñāprāmāṇyāditi| yasmāt kṣīṇadoṣairnavaiva dravyasañjñā
vihitāḥ tatra pṛthivyādiṣvaṣṭāsu dravyeṣvaṣṭau sañjñā niveśitāḥ
vāyusañjñaivāvaśiṣyate na cānyad dravyamasti daśamam tasmād
yasyāyaṁ sparśaḥ sa vāyurityevaṁ pṛthivyādibhyo'nyasya daśamāder dra-
vyasya pṛthivyādeś cānyasya pratiṣedhena vāyusattvamavagacchati||

na bhedasyāpi sambhavāditi| śābdasya pramāṇāntaratvanirākara-
ṇāya pramāṇāntaravādī tāvaduttaraṁ dāyikaḥ svayaṁ tūttaratra dāsyati|
prasiddhivaśeneti| sapakṣavipakṣayoḥ sadasattve śrotuḥ siddhe iti dṛṣṭā-
ntānabhidhānam| dṛṣṭāntagrahaṇamavayavopalakṣaṇārtham avayavānāmanu-
padeśāditi yāvat| tadetaduktaṁ bhavati- yadanupadiṣṭāvayavam
tadanumānād bhinnam pratyakṣavat| tathā ca śābdamiti svabhāvaḥ||

evamapīti| vyabhicāramāha| dṛṣṭāntasyaikasyeti| śeṣāvayavāpe-
kṣayā dṛṣṭāntasyaikatvam na tu dṛṣṭāntāpekṣayā| tataś cāyamarthaḥ-
yadṝṣṭāntasyaivānabhidhānamiti| dvayorveti| vāśabdaś cārthe vartamāno-
'nuktasamuccayaṁ karoti trayāṇāṁ caturṇāṁ pañcānāṁ cetyarthaḥ| tena

(21)

yadāpi sādhāraṇaṁ hetuṁ karoti tadāpi svārthānumānenānekānto
bhavati| śābdaprasaṅga iti| parasya śābdamanumānād bhinnaṁ pratītam
tena śābdavat prasaṅgaḥ anumānād bhinnatvaprasaṅga ityarthaḥ| yathābhūtaṁ
śābdam tathābhūtaṁ tadapi prāpnotīti yāvat| vināpi hi vatinā
tadartho gamyata ityuktaprāyam||

anye tvāhurityādi| śabdo hi svarūpeṇābhinnarūpamevārthaṁ
pratyāyayati na tvevaṁ dhūmādayaḥ| na hi dhūmādagniṁ pratiyan pratyāyaya-
nvā dhūmarūpeṇa pratyeti pratyāyayati vā| kathamarthe'numānamiti|
arthasyānekarūpatvāt| tatra kiṁ svarūpeṇa so'rtho gamyata uta sāmā-
nyarūpeṇa| sarvathaivānupapattiṁ manyate| tathā hi- yadi vṛkṣādayaḥ
śabdāḥ sattvādibhiḥ sāmānyākārairvṛkṣādikamarthaṁ pratipādayeyuḥ
sarvaśabdānāmekārthatā prasajyeta sāmānyākārāṇāmanekārthasādhā-
raṇatvāt| atha viśeṣarūpeṇa tadayuktam asādhāraṇasya rūpasya
pratipādayitumaśakyatvāditi sarvathā śabdārthatvābhāvaḥ| vṛkṣaśabdābhi-
dheyo'nyo'rthe na bhavatīti| yathaiva tava śabdārtho'nyāpoḍhaḥ sāmā-

(22)

nyam tathā mamāpi| etāvāṁs tu viśeṣaḥ - mayā tac chabdākāropa-
raktaṁ pratīyata ityabhyupagatamiti darśayati| vṛkṣaśabdābhidheyo yo'rthaḥ
so'nyo ghaṭādirna bhavati| anyaśabdārthābhāvenātra vṛkṣaśabdābhidheyo
bhāgo lakṣyate| etaduktaṁ bhavati- arthāntaravyāvṛttyupalakṣito yo
vastuno bhāgaḥ sa eva vṛkṣaśabdasyārtha iti tenaiva tasya sārūpyāt|
na tu sattvādibhiḥ sādhāraṇairākārairasādhāraṇena vā rūpeṇeti manyate||

anyeṣāṁ pāṭho vṛkṣaśabdābhidheyo'nyārtho na bhavatīti| vṛkṣaśa-
bdārtho yaḥ sa śabdāntarasyārtho na bhavati| paryāyaśabdānāmekārthatve-
nānanyatvamevetyabhiprāyaḥ| atrāpi vṛkṣaśabdārthasya śabdāntarānabhidhe-
yatāṁ darśayatā śabdāntarārthavyāvṛttyupalakṣitaṁ vṛkṣatvamātraṁ vṛkṣaśabda-
syārtha ityuktaṁ bhavatīti sa evārthaḥ||

nanu ca dravyaśabdenāpi śākhādimānarthaḥ pratyāyyate| na cāsau
tadrūpaḥ| tataś cāsārupye'pyabhidheyatvadarśanān na śabdasārūpyeṇā-
rthapratyāyanamityata āha- yadyapītyādi| apiśabdena dravyaśabdo
dravyabhedānāṁ vyabhicārādavācaka eva| abhyupetya tūttaramucyata ityartha-
māviṣkaroti| rūpāntaramākārāntaram tasyaiva vastunaḥ kaścid
bhāgaḥ| tena ca saha dravyaśabdasya sārupyamastyevetyabhiprāyaḥ| tat

(23)

punā rūpāntaramadravyanivṛttyopalakṣyata iti darśayitumidamuktam-
adravyanivṛttyeti||

nanu cetyādi| na kevalaṁ dravyaśabdenādravyanivṛttyupalakṣitaṁ vastuno
rūpāntaraṁ dravyaśabdasārupyaprāptiyogyaṁ gamyate api tu vṛkṣaśabde-
nāpi| tathā hi- sāmānādhikaraṇyaṁ dṛśyate- dravyaṁ vṛkṣa iti| na hi
bhinnārthayos tadupapadyate| na ca tena saha tasya sārūpyamiṣyate| tataḥ
sa eva doṣaḥ asārūpye'pi śabdārthatvadarśanāt| nābhidhānasya sā-
rūpyeṇārthābhidhānamityabhiprāyaḥ||

arthāt na śabdāditi| vṛkṣaśabdārthādevādravyanivṛttyavinābhā-
vinaḥ sā pratīyate| mūḍhas tu śabdādeva gamyata iti manyate| sāmā-
nādhikaraṇyaṁ tu viśeṣasahitasya viśeṣe vartamānatvāt| na tu vṛkṣa-
śabdenādravyanivṛttirabhidhīyate| yadi vṛkṣādipadānyevetyādi| suba-
ntānyeva padāni yadi śabdanibandhane pramāṇa ucyeran na syād
doṣaḥ| tathā hi- teṣāṁ pariniṣpannarūpo'rtha idaṁ taditi pratyavamarśa-
yogyo buddhau sanniviśata iti tena sahābhedopacāraḥ sambhavati
śabdasya| na tu nāmapadānyeva pariniṣpannārthābhidhāyīnyucyante| kiṁ

(24)

tarhi| taṅantānyapi yadāha- ākhyātaśabdairapītyādi| ākhyā-
taśabdaiḥ pacati paṭhatītyevamādibhiraliṅgāsaṅkhyā pūrvāparībhūtāvayavā
pariniṣpannasvarūpā kriyocyate| na ca tathāvidhasyārthasyedaṁ tadityagṛ-
hītasya buddyā śakyo'bhedopacāraḥ kartum| nāpi pariniṣpannarūpaḥ
śabdātmā śādyamānākāratāṁ pratipadyate||

yeṣāṁ ca vākyameva śabda iti| tenārthasya śabdanāt| yadi vākya-
meva śabdaḥ padānāmupādānaṁ kimarthamityāha- tadadhigamopāyaś
cetyādi| tatsamudāyātmakatvāt yathā varṇāḥ padānāmiti manyate|
teṣāṁ nāstītyādi| vākyārtho hi bāhyo vā syāt sādhyasādhanasamba-
ndhātmā sādhanaśaktiniveśāanugṛhītā niravayavā kriyā vā ānta-
ro va pratibhālakṣaṇaḥ||

trayamapi caitadasattvabhūtamidaṁ taditi pratyavamarśātikrāntam| na ca
tathābhūtenārthena so'yamityabhedopacāraḥ śakyaḥ kartumiti||

viśeṣaleśamiti| dṛṣṭāntānabhidhānaṁ śabdena cābhedopacāro viśe-
ṣaleśaḥ||

(25)

yadi tarhi na bhidyate tvayā cāgamikatvaṁ vāyvādīnāṁ pratipādayatā
svalakṣaṇaviṣayatvaṁ śābdasya pratipāditam evaṁ satyāgamānumānayo-
rabhedāt siddhiṁ svalakṣaṇaviṣayatvamityāha- tatra śabdavinirmuktami-
tyādi| tatreti śāstre śāstranimittamityarthaḥ| etaduktaṁ bhavati- bha-
vatāṁ svalakṣaṇaviṣayaṁ śāstramityabhyupagamaḥ| tato yadetadamumānaṁ spa-
rśaś ca| na ca dṛṣṭānāṁ sparśa ityādinopanyastam etad yuṣma-
cchāstrādeva nimittādasvalakṣaṇaviṣayamuktam| āgamikatvaṁ bhavatāmeva
prasiddhaṁ bruvatā na tu svaprasiddhimiti kiṁ sandhāyaivamuktamityāha- śa-
bdaminirmuktaṁ liṅgamabhisandhāyeti| śabdenāgamākhyena tyaktametal
liṅgaṁ sparśākhyam| tannirapekṣa eva sa yasmād vāyoḥ sattāṁ
sādhayati| tadevaṁ tvadabhyupagataśāstravaśādakiñcitkaraṁ liṅgamabhipretya
tajjamanumānaṁ mayedamasvalakṣaṇaviṣayamuktam na punaḥ svayamāgami-
katvaṁ vāyvādīnāmicchatetyacodyam| evaṁ tarhi śābdamapi yathā svala-
kṣaṇaviṣayaṁ na bhavati pratipādyatāmityataḥ pratipādayitumāha- śābda-
mapi tvityādi| sambandhābhāva iti saṅketakāle| śabdārthasambandhā-

(26)

bhijño hi saṅketakālānubhūtārthasāmānyameva pratipadyate śabdāt na
svalakṣaṇam tasya pūrvamadṛṣṭatvāt| prayogakāle viśeṣaviṣayatvāśaṅkā
na bhavatyeva| saṅketakāle tu pratyakṣaṁ svalakṣaṇamiti sambhavati tadviṣa-
yatvāśaṅkā| ataḥ sambandhābhāva ityāha||

dṛṣṭārthaṁ yatrārthaḥ pratyakṣeṇa dṛśyate adṛṣṭārthaṁ viparyayāt| dṛṣṭārthe
sañjñāvyutpattiriti| yathāyaṁ panasa ityatra sambandhavyutpattireva
bhavati nānumānam arthasya pratyakṣatvāt| adṛṣṭārthe svargādāvarthavi-
kalpamātramiti| na hi svargādiśabdāḥ svargādīnāṁ saṅketakāle'nya-
dā vā svalakṣaṇaṁ buddhāvarpayanti anatīndriyatvaprasaṅgāt| kevalaṁ
tatpratipādanābhiprāyaiḥ prayuktāḥ śrotaryapratibhāsamānatatsvabhāvamartha-
bimbamarpayantyasti kaścit surādhivāsaviśeṣa ityevamādikam| na
caivaṁ svalakṣaṇaṁ pratipannaṁ bhavati pratipāditaṁ vā svargādiśravaṇe tada-
nubhāvināmiva pratibhāsabhedaprasaṅgāt| apratipadyamāno'pi ca tatsva-
bhāvaṁ tathābhūta eva vikalpapratibimbe tadadhyavasāyī santuṣyati

(27)

tathābhūtatvādeva śabdārthapratipatteḥ| atra ca sambandhābhāva ityeta-
nnāpekṣyate| kiṁ tu dṛṣṭārtheṣveva| tatra hi dṛṣṭatvād viśeṣasya tasyaiva
vācyatāśaṅkyeta| tatas tannivṛttyarthamuktam- sañjñāvyutpattiriti||

kathaṁ tarhi tasyānumānatvamiti| api nāmāgamāt puruṣopayo-
ginamarthamatīndriyaṁ niścitya yathārhamanutiṣṭhannāsādayeyamityāgamo
mṛgyate| tataś cedarthavikalpamātraṁ bhavati na viśiṣṭārthapratītiḥ
tasyānumānatvameva hīyata ityabhiprāyaḥ| nanu ca yathānāptaprayuktānāṁ
śabdānāṁ vivakṣālakṣaṇaṁ yadarthamātraṁ tadvacanādevānumānatvam na tu bā-
hyasyārthasyābhidhānāt tathāptaprayuktānāmapi syādityata āha- na
hītyādi| evaṁ manyate- nāptavacaso vivakṣāmātre prāmāṇyameṣṭavyam
api tu bāhye'pyarthe| anyathā kas tasyānāptavacanād viśeṣaḥ
syāt| tasmānnāptaprayuktaiḥ svargādiśabdairarthamātramucyate| kiṁ tarhi|
laukikaśabdāsādhāraṇo bāhyo'pyartha iti||

na svalakṣaṇavacanādāgamānāmanumānatvam| kiṁ tarhi| tathāvidham
arthavikalpamātramupajanayatāṁ sāmānyākāreṇārthaprakāśanāt tatra cā-

(28)

visaṁvādāditi darśayannāha- āptavādāvisaṁvādasāmānyādityādi|
āptavacaso'tyantaparokṣārthaviṣayasyetareṇa pratyakṣānumānadṛṣṭārthaviṣa-
yeṇāptavacanenāvisaṁvādasāmānyādanumānatvamiti vākyārthaḥ||

nanu ca śabdānāmartheṣvapratibandhāt puruṣātiśayasya na niścetuma-
śakyatvādbāhye'rthe prāmāṇyamevāyuktam| satyametat| ayaṁ punaratrābhi-
prāyaḥ- nāyaṁ puruṣo'nāśrityāgamaprāmāṇyamāsituṁ śaktaḥ atyakṣa-
phalānāṁ keṣāñcinmahānuśaṁsāpāyaśravaṇāt tadbhāve virodhādarśanāc
ca| tat sati pravartitavye varamevaṁ pravṛttiriti| ataḥ parīkṣayā
prāmāṇyamāha| tatra puruṣārthasya śakyasya ca tadupāyasya yat pratipā-
danasamartham tac chāstraṁ parīkṣārhamiti tadeva parīkṣyeta anyatrāva-
dhānasyaivāyuktatvāt| tad yadi na visaṁvādabhāgbhavati pravartamānaḥ
śobheta||

(29)

āptavacanaṁ gṛhītvetyādi| āptavacanaṁ gṛhītvāvisaṁvādādhigamahetuṁ
tasyānumānatvamuktam| kasmāt punas tasyānumānatvamarthāvisaṁ-
vādatulyatvāditi vyākhyeyam| kaḥ punarasyāvisaṁvādaḥ| pratyakṣā-
bhimatānāṁ tathābhāvo'tathābhimatānāṁ cāpratyakṣatā| tathānumānaviṣa-
yābhimatānāṁ tathābhāvo'tathābhūtānāṁ cānanumeyatā| seyaṁ śakyapari-
cchedāśeṣaviṣayapariśuddhiravisaṁvādaḥ| tatsāmānyamanumīyate pratyakṣā-
numānāgamye'pyartha āptavacanatvamupalabhya- yadāptavacanam tadavisaṁ-
vādi tadanyāptavacanavat| āptavacanaṁ cātyantaparokṣaviṣayaṁ kiñcid
vacanam| svabhāvaḥ| tataś ca svalakṣaṇamaviṣayīkurvatāmapyāgamānāṁ
na tadanyaśabdavad vivakṣāmātre prāmāṇyam| kiṁ tarhi arthe'pi||

atha vānyathāptavacanasyāvisaṁvādād anumānatvamucyate- heyo-
pādeyatadupāyānāṁ tadupadiṣṭānāmavaiparītyamavisaṁvādaḥ| tathāsya puru-
ṣārthopayogino'nuṣṭhānārhasyāvisaṁvādād viṣayāntare'pi tathātvopaga-
mo na vipralambhāya anuparodhān niṣprayojanavitathābhidhānavaiphalyāc
ca vaktuḥ||

(30)

tadetadagatyobhayathāpyanumānatvamāgamasyopavarṇitam- varamāgamāt
pravṛttāvevaṁ pravṛttīriti| na khalvevamanumānamanapāyam anāntarīya-
katvādarthaiḥ śabdānāmiti||

atra cāptavacanaṁ gṛhītvāvisaṁvādo'numīyate| anumite tasmin
paścāt tata evāvisaṁvādādāptavacaso'numānatvaṁ bhavati| anumānaśa-
bdaś cātra liṅge vartate anumīyate'neneti kṛtvānumitikāraṇatvād
vā| avisaṁvādaḥ punarāptavacaso'rthakāryatvāt| tat punaḥ pratipattura-
bhiprāyānurodhāt na tu vastuvaśāt||

tathā hyāhetyanena svamataṁ śāstrāntareṇa saṁsyandayati| āptāḥ
pratyakṣataḥ svargādīnāṁ svabhāvaṁ gṛhītvā sañjñāṁ praṇayanti| upalakṣaṇa-
mātraṁ ca sañjñākarma veditavyam| sarvameva hi te'rthadarśanapūrvakeveva
vyāharanti| anyathāptā eva na syuḥ| tasmāt teṣāṁ sarvameva vaco
'visaṁvādi| ataś cānumānamiti||

anayā diśeti| pradhānādibhiradṛṣṭasambandhatvāt talliṅgānāmāga-
mikā eva pradhānādaya iti pūrvānusāreṇa vācyam||

(31)

anumeye'tha tattulya iti| athaśabdaḥ samuccayārthaḥ tattulye ce-
tyarthaḥ| upalakṣaṇaṁ cānvayasya tattulye saddhāvo veditavyaḥ| yathā
kākād dadhi rakṣyatāmityatra kākaḥ sarvasya śvāderupaghātakasya|
etaduktaṁ bhavati- anvayaś ca dvitīyaṁ rūpamiti| evaṁ ca śrāvaṇatva-
syāpyanityatve hetos trairūpyaṁ pratipāditaṁ bhavati na tvanyathā| na hi
tasya tattulye saddhāvo'sti| anvayas tu vidyate| anvayo hi nāma
liṅge liṅgino bhāva eva| sa cāsti śrāvaṇatvasya| tathā hi- yatra
śrāvaṇatvam tatrānityatvaṁ bhavatyeva| anyathā śrāvaṇatvameva nopapadyata
iti pratipādayiṣyāmaḥ||

nāstitāsatītyatrāsacchabdena na kevalaṁ tattulyābhāva ucyate
api tu tato'nyas tadviruddhaś ca tadākāravivekāditi veditavyam|
vyatirekopalakṣaṇaṁ vāsati nāstitvaṁ draṣṭavyam| vyatirekaś ca tṛtīyaṁ
rūpamiti vākyārthaḥ|

(32)

iha kevalayordharmadharmiṇoḥ siddhatvādanumeyatvaṁ nopapadyate| samudā-
yo'pi yāvaddharmo na sidhyati tāvan na sambhavatyeva| na hyasannivi-
ṣṭena buddhau dharmaṇa viśiṣṭo dharmī yujyate| siddhe tu dharmiṇi paścāt
samudāyo jāyate| tadā cāsya sādhyatvaṁ nivartate siddhatvāt| tasmā-
danumeye hetoḥ sattvaṁ na sambhavatyeveti kasyacic codyamāśaṅkyāha-
anumeyo hītyādi| atra yadyapi dharmaśabdaḥ sāmānyavācī tathāpi
sādhanādhikārād yadarthaṁ sādhanamanviṣyate pratyāsattes tatraiva vartate|
kaḥ punarasau| jijñāsito viśeṣalakṣaṇo dharmaḥ| na hyajijñāsite
dharmiṇo dharme kaścit prakṣāvān sādhanaṁ pratyāhriyate| tasmāt siddhisa-
ttāke dharmiṇi yatrākṛṣṭaṁ sādhanam sa eva jijñāsito dharmo dharmaśa-
bdena pratyāyyate| tena viśiṣṭo'rthāntarād vyavacchinna ityarthaḥ| tata-
ś cāyamevārtho bhavati- jijñāsitaviśeṣo dharmī iti| tathā hi-
yo yena jijñāsitena viśiṣṭo bhavati tasyāsau jijñāsito viśeṣo
bhavati| samudāyaḥ sādhya ityapi vacanaṁ jijñāsitadharmāpekṣayaiva
veditavyam||

(33)

uttarakālasiddhibhājā dharmeṇa pratinirdiśyate dharmaviśiṣṭo
dharmīti| na tu liṅgadarśanakāle dharmaviśiṣṭatvamasti asaṁviditatvā-
ddharmasyetyapare| jñāpakasya hetoradhikārāj jñānamarthākṣiptamiti
niścityāha- tatra darśanamityādi| tatretyanumeye| pratyakṣata iti
dhūmādeḥ| sadhūmaṁ hi pradeśamarthāntaraviviktarūpamasādhāraṇātmanā
dṛṣṭavataḥ pratyakṣeṇa tadbalenaiva yathādṛṣṭabhedaviṣayaṁ niścitaṁ sa evāyamiti
smārtaṁ liṅgajñānamuttarakālamutpadyate| na ca tat pramāṇam anadhi-
gatārthakriyāyogyavastvanadhigamāt| ādyameva tu pramāṇam ato
viparyayāt etallakṣaṇatvāt pramāṇasya| kuta etat| vastvadhiṣṭhānatvāt
pramāṇavyavasthāyāḥ| etadapi kutaḥ| arthakriyāyogyaviṣayatvāda-
rthipravṛtteḥ| etena dharmidharmādivikalpasyāprāmāṇyaṁ veditavyam| tataś
ca ye codayanti- liṅgādijñānasya pratyakṣānumānānantarbhāvāt
pramāṇāntaratvaṁ prāpnotīti te jāḍyamevātmanaḥ khyāpayanti||

anumānato veti kṛtakatvādeḥ kādācitkatvādinā liṅgenānumī-
yamānatvāt| uttarakālamiti pratyekamabhisambadhyate- pratyakṣata
uttarakālamanumānato vottarakālamiti| anumānaśabdaś cātra li-
ṅgajñāne vartate| yathoktam- tadetat sākṣāt pāramparyeṇa vānumitikā-

(34)

raṇatvādubhayamapyanumānaṁ karaṇaṁ kārakaṁ kṛtveti| dharmasya sāmānyarū-
peṇeti| sāmānyarūpagrahaṇamasādhāraṇarūpanirāsārtham tenānumā-
nāsambhavāt| na ca tat pratyakṣādipṛṣṭhabhāvinā viṣayīkartuṁ śakyate
jñānena tasya savikalpakatvād vikalpānāṁ ca sāmānyaviṣayatvāt||

tajjātīye ceti| atrāpi sāmānyarūpeṇeti sambandhanīyam| nanu
dharmiviśiṣṭasyānyatra vṛttivirodho'viśeṣaṇe vā nānumeyadharmatā
syāt| na ayogavyavacchedena viśeṣaṇāt yathā caitro dhanurdhara
iti| yadi tarhi sādhanadharmasya viśeṣo'numānānumeyavyavahāraṁ pratya-
nupayogīti sāmānyameva liṅgaṁ parigṛhyate sādhyadharmasyāpi tadeva
grāhyam| na hi tasyāpi viśeṣas tatropayujyate|  sāmānyasādhane ca
siddhasādhyatā syāt| naiṣa doṣaḥ| sāmānyameva sādhyamayogavyavacche-
dena| na ca siddhasādhanam ayogavyavacchedasyāsiddheḥ||

ekadeśagrahaṇena sapakṣāvyāpino'pi hetutvaṁ darśayati| kuta
etaditi| anumeyatattulyayos tulye sadbhāvavacana ekatra sarvatra
sadbhāvo'nyatraikadeśe'pītyetat kuto hetorlabhyata iti pṛcchati|

(35)

vyavacchedaphalatvād vākyānāmiṣṭataś cāvadhāraṇādetal labhyata
ityāha- tattulya evetyādi| anenānyayogavyavacchedenātrāvadhāra-
ṇamāśritam yathā pārtho dhanurdhara iti darśayati| yadyevaṁ sādhyadharmi-
ṇyavṛttiriti cet na anyaniṣedhārthatvāt| tatra vṛttau labdhāyāṁ
samuccīyamānāvadhāraṇamanyad vyavacchinatti

naraṁ ca nārāyaṇameva cādau svataḥ sutau dvau janayāṁ babhūva
iti yathā||

na tarhi vaktavyamiti| ata evāvadhāraṇāt tadarthasya gatatvāditi
manyate| etat punarityādi| niyamyate'neneti niyamaḥ| sādharmya-
vān vaidharmyavāṁś ca prayoga ucyate| prayogavākyena hi pramāṇaṁ
prakāśayatā kimayaṁ nitya uta neti pareṣāṁ saṁśayadolārūḍhā buddhira-
nitya evāyamityarthāntarād vyavacchidyānitya eva vyavasthāpyate|
tasmāt prayogo niyamaḥ| tadarthaṁ tṛtīyaṁ rūpaṁ vaktavyam| anvayavya-
tirekayorniścitavyāptikamekamapi rūpaṁ prayuktamarthād dvitīyaṁ gamayatī-
tyekasyāpi prayogaḥ syāditi| dvirūpaṁ tarhi liṅgaṁ prāptam| na anva-

(36)

yavyatirekayoḥ pṛthagrūpatvāt| te tvekenāpi vākyena śakye darśayitu-
miti prayogasamāsa ucyate na rūpasamāsaḥ| tathā hyuktam- arthā-
pattyā vānyatareṇobhayapradarśanāditi||

syādetat- asati nāstitā nopapadyata eva asato'dhikaraṇa-
tvādyayogāt| śaktiprabhāvitāni hi kārakāṇi asataś ca sarvasā-
marthyavirahādityata āha- asatveva nāstiteti| nipāto bhinna-
kramaḥ| asati nāstitaivetyevaṁ draṣṭavyaḥ| atha vā yathānyāsamevāstu||

nanvevaṁ sati sattāvati nāstitā na prāpnoti| naiṣa doṣaḥ iha nā-
stitāsatīti lakṣaṇavākye'sati nāstitaivetyavadhāraṇasyeṣṭatvāt|
niyamavatī nāstitoktā| tatas tāmadhikṛtyaivamuktam| tadasyāyama-
rthaḥ- asati nāstitaiva vastupratiṣedharūpā bhavati na tvastitāvidhi-
rūpā vidherasatyayogāt| etat pramāṇaphalam| nānyatreti|
anantaramasataḥ prakṛtatvāt tadapekṣayātrānyārtho draṣṭavyaḥ| asato
'nyatra sattāvati na nāstitaiva bhavati tatra vidherapi sambhavāt|
anena niyamavatyā nāstitāyāḥ sati pratiṣedhaṁ kurvanniyamarahitā
nāstitāstītyamumarthaṁ gamayati| viśiṣṭapratiṣedhena hi tadviparītapra-
tītirbhavati nāstīha phalitaḥ palāśa iti yathā| eṣa dṛṣṭāntaḥ
parasya siddhatvāt| asati hi paro nāstitāṁ necchati na tu sati||

(37)

kiṁ punaḥ kāraṇamasati niyamavatī nāstitā bhavatītyāha- na
viruddha iti| itikaraṇo hetau| etad darśayati- yadyasati kaścid
vastudharmo vidhīyeta syād doṣaḥ vastudharmasyāsatyasambhavāt| na
cātra kiñcid vidhīyate| kiṁ tarhi| pratiṣedhamātraṁ kriyate| na cāsan
vandhyāsutādirnāstitāyā viruddhaḥ| tasmāt sā tatra sambhavatīti|
yo nāstitāyā na viruddhaḥ tatrāsau sambhavati| tad yathāsati|
aviruddhaś cāsanvastudharmapratiṣedhalakṣaṇāyā nāstitāyāḥ| svabhā-
vaḥ| adhikaraṇādivyavahāras tu na vastunibandhana eva| pareṇāpyetad
abhyupetaṁ nāsati nāstiteti bruvāṇenetyabhiprāyaḥ||

jñānagrahaṇamityādi| jñānaṁ gṛhyate yena taj jñānagrahaṇam
yatnāntaram| etaduktaṁ bhavati- tathā yatnāntaraṁ kartavyam yathā liṅga-
viṣayajñānaṁ labhyate| anyathājñātādapi dhūmāderuddiṣṭadeśaviśeṣe
vahnyādāvanumitiḥ syāditi||

jñānamapyāttamityādinā sāmarthyākṣiptatvāj jñānasya na tad
yatnāntarapratipādyamiti darśayati||

(38)

ekaikadvidvirūpaś cetyādi| ekaikaṁ dvedve ca rūpe yasya sa
tathoktaḥ| arthasambandhādatra puṁliṅganirdeśaḥ| arthata iti| vināpi
śabdenārthalabdhatāmasyārthasya darśayati||

yadi tarhyarthalabdha evāyamarthaḥ kimarthamākhyāyate| arthato'yamartho
mayā pratipādito vināpi śabdenetyevamākhyāyamānenāpyākhyāto
bhavati| na cārthalabdhasya punarvacanena pratipādanaṁ phalavat||

satyametat tathāpi mandabuddhivyutpādanārthamayamarthalabdho'pyartha
ākhyāyate na tūddhaṭitajñāpekṣayeti| atra codyam- tattulya eva
sadbhāva ityanenānvayaḥ pratipādyate| sa ca na vyatirekamantareṇa|
nāstitāsatītyanenāpi vyatirekaḥ| so'pi na vinānvayena| tat
kathamevamuktam- tattulye'sti nāpi tadabhāve nāsti| tadabhāve
nāsti na tattulye'stītyādi| naiṣa doṣaḥ| na hyetadanvayalakṣaṇaṁ
vyatirekalakṣaṇaṁ ca prakṛtarūpamadhikṛtyoktam| kiṁ tarhi| sapakṣe
sadbhāvamātraṁ vipakṣe ca nāstitvamātraṁ niyamarahitam| chandato'pi vā-
cāṁ pravṛttiḥ arthas tu parīkṣyaḥ| ayaṁ cātrārtho vivakṣitaḥ- yasyā-
nvayavyatirekau na staḥ sa satyapi pakṣadharmatve na hetuḥ| yasya ca

(39)

pakṣadharmatvaṁ nāsti so'pi satyapyanvayavyatirekavattve na heturiti| sa
cānenāpi prakāreṇa śakyata eva pratipādayitumiti||

anāsthāvacanaṁ prati mūrtatvānnityaḥ śabda iti vaiśeṣikamatena
nityamūrtaparamāṇuvyapekṣayaikarūpaḥ| evaṁ nityaḥ śabdaḥ aprame-
yatvāditi vipakṣād vyāvṛtterekarūpaḥ| nityaḥ śabdaḥ amūrta-
tvāditi dvirūpaḥ sādhāraṇaḥ| nityaḥ śabdaḥ śrāvaṇatvādityasā-
dhāraṇo'yaṁ dvirūpaḥ yadi śabdatvaṁ nityaṁ nābhyupeyate| anityaḥ
śabdaḥ cākṣuṣatvāditi dvirūpo'yamasiddhaḥ yadi jātayaś cakṣurgrā-
hyā neṣyante||

arūpo'pyasti| tad yathā nityaḥ śabdaḥ cākṣuṣatvādityevamā-
dikaḥ| sa tvanayaiva diśā gamyata iti vṛttau noktaḥ| sūtre tv
ekaikadvidvirūpaś cetyatra caśabdas tatsamuccayārtho draṣṭavyaḥ| anye
tvāhuḥ - arūpo nopanyastaḥ liṅgābhāsatvābhāvāt| yatra hi kaści-
drūpaikadeśo 'sti sa tadvadābhāsamāno buddhiṁ viparyāsayatīti sa
evātrocyata iti||

(40)

anumeyo hi dharmaviśiṣṭo dharmī ityuktam| ye tvanyathecchanti
tanmataṁ nirākartumupanyasyati- atra tvityādi| avyabhicārata iti
hetuḥ| yena yasyāvyabhicāro na kathyate na tat tasya sādhyam| tad
yathā dhūmasya jalam| na ca sādhyadharmeṇa hetoravyabhicāro na kathyata
iti vyatirekiṇaṁ svabhāvaṁ manyante||

siddhatvāditi| yat siddham na tat sādhyam uṣṇo 'gniriti
yathā| siddhau ca kevalau dharmadharmiṇāviti svabhāvaviruddhamāha||

liṅgaṁ dharme tu siddhaṁ cediti| yo hi kevalaṁ dharmaṁ sādhyamicchati
tenāvaśyaṁ tatraiva liṅgaṁ draṣṭavyam| anyathā taṁ na pratyāyayet| na hyanya-
tra viditaṁ liṅgamanyaṁ pratyāyayati mā bhūdatiprasaṅga iti| tataś ca
liṅgagrahaṇakāla eva liṅgino gatatvāt kimaparamanumīyeta yadarthaṁ
sambandhaḥ smaryeta||

athāgnisambaddhe deśa iti sambaddhagrahaṇamatiprasaṅgaparihārāya| sa
eva deśo'gnimattvena kiṁ neṣyata ityevaśrutiḥ kevalasya dharmasya

(41)

sādhyatvavyavacchedāya| evaṁ kevalo dharmaḥ sādhyatvena yujyate yadi
dharmī nāsyadhāratveneṣyate| anyathā yatra dharmiṇi liṅgamupalabhyate
tatrādhāra āśrīyamāṇe samudāya eva sādhyaḥ syāt| tataḥ sa evai-
ṣṭavyaḥ| niyogataś caitadevamabhyupeyam| dharmamātre hi sādhye sattāsya
sādhyā syāt| tac cāyuktam tasyāḥ siddhitvāt yadāha- na hya-
gnisattā na pratīteti| tadanena- yat siddhim na tat sādhyamityā-
dikaṁ pūrvoktaṁ svabhāvaviruddhamāha||

sambandhe'pi dvayaṁ nāstīti| dvayaṁ sādhyadharmaḥ sādhanadharmaś ca|
na hyagneḥ pradeśasya ca saṁyogalakṣaṇe sambandhe vahnidhūmau vidyete| yadi
tatra dvayaṁ nāsti kimiti tasya sādhyatvaṁ na bhavatītyāha- evaṁ ca
kriyata ityādi| anumānakāle hi yatratatraśabdābhyāmanumeyaparāma-
rśibhyāmanumānaṁ kriyate| atra yadi pradeśaḥ sādhyaḥ syāt yujyeta
tābhyāṁ tasya pratyavamarśaḥ| anyathāgnidhūmau svaśabdena nirdiṣṭau prade-
śo'pi nānumeyaḥ| sambandhe'pi dvayaṁ nāstīti nirviṣayau tau
syātām| tadanena- yatrāgnidhūmau na staḥ na sa dhūmenānumeyaḥ ja-
lavat- na staś cāgnidhūmau sambandha iti viruddhavyāptamāha||

(42)

ṣaṣṭhī śrūyeteti| sambandhavivakṣāyāṁ hyagniśabdaḥ ṣaṣṭhyantaḥ syāt
yathāgneruṣṇaḥ sparśa ityatra| prathamāntas tu śrūyate'gniratreti| tato
ganyate- nātra sambandho vivakṣita iti| nanu ca svārthānumānādhikā-
ro'yam| tatra kaḥ prasaṅgaḥ ṣaṣṭhyāḥ| naiṣa doṣaḥ| ṣaṣṭhīśravaṇābhāvena
parārthānumāne sphuṭamupalabhya sambandhābhāvaṁ svārthānumāne'pi pratipā-
dayati| tadetaduktaṁ bhavati- yatrāgniśabdaḥ prathāmāntaḥ na tatra sambandhasya pratiyogino vivakṣā| tad yathā sambandhāvivakṣāyāṁ prayu-
kte'gniśabde| prathamāntaś cāgniratretyatrāgniśabda iti kāryaviruddhaḥ||

syādetat- abhikaraṇavibhaktyaiva sambandha uktaḥ| tat kutaḥ ṣaṣṭhī-
prasaṅga iti| yadā tarhyanityaḥ śabda iti prathamāntayoreva dharmadharmiṇoḥ
prayogaḥ tadā kā kalpanā| na cāgniratretyukte ādhārādheyabhāvaḥ
sādhyatvena pratīyate| kiṁ tarhi| agnireva| tasyāpi ca sambaddhasya
pradeśe sādhyamānatvāt sa eva samudāyaḥ sādhya ityāpannam||

avācyaḥ svadharmeṇeti sambandhanaṁ hi sambandha iti bhāvarūpeṇa
sambandhaśabdenābhidhānāt| bhāvaś cānyena sambandhinā yujyata iti

(43)

sambandhyantarākāṅkṣā jāyate- kasya sambandha iti| tataś ca samba-
ndhyeva sa bhavatīti na svarūpeṇa sambandho'bhidhīyate| na caivamanumeya
ityabhyupetabādhāmāha| pakṣavacanasya hi sādhanatvamicchatābhyupetamanu-
meyasya vācyatvam| tat sambandhānumeyatve hīyate||

yadi śabdavācyo na bhavati kathaṁ tarhi pratīyata ityāha- arthagṛ-
hītaḥ syāditi| agniratretyagnyadhikaraṇabhāvena pradeśaḥ śabdena
pratyāyyate| sati cāgnisaṁyogitve pradeśasyādhikaraṇasaktiḥ| ataḥ
saiva pratīyamānā nāntarīyakatvāt saṁyogaṁ gamayatītyarthagṛhīta ityu-
cyate adhikaraṇaśaktisvakāryonnīyamānatvāt||

nanvevamanumeya eva syāt| dhūmādiliṅgasādhyātātivṛttis tasya
vivakṣitā nāśeṣaliṅgisādhyatātivṛttirityavirodhaḥ| yadapyuktam-
kāryānumeyaḥ sambandha iti tadapi svakāryānumeyatvāduktam na tu
dhūmādiliṅgānumeyatvāt| etaduktaṁ bhavati- yadi nāma sambandho'sti
svakāryeṇaivānumīyate na tvanyena dhūmādineti| yadāha- na tu dhūme-
nānumīyata iti| pūrvebhyo hetubhya iti| sambandhe'pi dvayaṁ nāsti
ṣaṣṭhī śrūyeta tadvati avācya ityetebhyaḥ||

(44)

na cāsau liṅgasaṅgata iti nāvinābhāvalakṣaṇena sambandhena
liṅgena sambaddha ityarthaḥ| yasya yenāvinābhāvitvaṁ na pradarśyate na sa
tenānumīyate yathā dhūmena jalam| na pradarśyate ca sambandhena dhūma-
syāvinābhāvitvam| viruddhavyāptaḥ| apradarśanaṁ tu arthāntarasya
tadakāryatvenāvinābhāvasyāsattvāt| naiṣa ityādinānekāntamāha||

anyatreti sāmānyena sarvatra mahānasādau| sa kimarthaṁ pradarśyate|
yatra pradeśādāvagnyādiḥ sādhayitumiṣṭaḥ tatra prasiddhaṁ dhūmādiliṅgaṁ yena
dharmeṇa tadavinābhūtamanalādinā tatsambaddhaṁ pradeśādikaṁ dharmiṇaṁ gama-
yiṣyatītyevamartham||

yas tvanyatreti dhūmavatpradeśasāmānye| so'nyatretyādi| ayama-
nyatraśabdo dharmiṇi sādhye pradeśādau vartate| dhūmamātradarśane 'pīti|
mātraśabdo'gnidarśanavyavacchedārthaḥ agnāvadṛṣṭe'pītyarthaḥ| atha vā
mātraśabdenedaṁ darśayati- vināpi dharmiṇānugamadarśaneneti||

eṣa samāsārthaḥ- dharmaviśiṣṭasya dharmiṇo'numeyatve'pi yo'gninā
dhūmasyāvinābhāvo mahānasādau pradarśyate sa upāya eva pradeśasyā-
gnimattvaprasādhanāyeti kṛtvā| tathā hi- yatra dhūmaḥ tatrāgniriti
niścayādanyatra dhūmamātraṁ dṛṣṭvā deśamagnimantaṁ pratipadyate| tato dharmeṇā-
vinābhāvitvamavaśyaṁ pradarśayitavyamiti| dharmiṇā tu viśeṣeṇa vāvi-

(45)

nābhāvaḥ pradarśyeta sāmānyena vā| tatra na tāvad viśeṣeṇa pradarśa-
yitavyaḥ anyatra tasyābhāvitvenāśakyatvāt yadāha- anyathā
hītyādi| dharmisāmānyena tu sambhavatyavinābhāvaḥ sa ca tena prada-
rśitaḥ yadāha- ādhārasāmānyena tvityādi| ādheyenāvinā-
bhāvitve darśyamāna ādhāreṇāpi darśitaṁ bhavati ādheyatantratvādādhāra-
sya||

atha vā yatra dhūmaḥ tatrāgniriti nānena dhūmasyāgnimātreṇāvinā-
bhāvitvaṁ kathyate| kiṁ tarhi| ādhārasāmānyaviśiṣṭena| tasmādādhāra-
sāmānyenāpi tad darśitameva| sambandhena tu sarvathāvinābhāvitvasyā-
darśanamevetīdamuktam- viṣama upanyāsa iti| tadevaṁ sāmānyenāpya-
vinābhāvitvāpradarśanaṁ heturabhimatam| na ca tasya vipakṣe vṛttiriti
nānekāntaḥ||

dharme'pi tu vicāro'nya iti| pūrvamanumeyagato vicāra uktaḥ
idānīṁ tu sādhyadharmagato vicāraḥ| liṅgataś ca pradarśyate| tuśabdo
vicārasya sambhavaṁ dyotayati| sa punarvicāro yāveva liṅgaliṅginau
dharmivadanekadharmakau yathāgnidhūmau tatraiva pratyāyyapratyāyakāṁśanirūpa-

(46)

ṇāya bhavati na tu kṛtakatvānityatvādau| tatrānekadharmakatvāsambhavāt
kenāṁśena gamyagamakabhāva ityāśaṅkā na sambhavatyeva||

anubaddhasya vicchedamiti| anubadhnātītyanubaddhaḥ| yoṁ'śo vahni-
manugacchati dravyatvādi tasyānyato vipakṣād vicchedaṁ vyāvṛttiṁ
gamayati| ke punarviśeṣā anubaddhā ityāha- yān antarenāgnirna
bhavatīti| nanu ca dhūmasya sūcakatvād yān antareṇa dhūmo na
bhavatīti vaktavyam| tat kimityevamāha| ayamevārtho'nena prakāreṇa
kathyata ityadoṣaḥ| tathā hi- yānantareṇāgnirna bhavati dhūmo'pi
tairvinā na bhavatyeva||

atha vā ye tvanubaddhā iti dhūmasyaivānubaddhā iti yojyam| dhūmameva
ye'nubadhnanti tāneva darśayitumāha- yānantareṇetyādi| ta eva hi
dhūmamanubadhnanti yānantareṇāgnirna bhavati| anubaddhānāmanyato
vyāvṛttiṁ gamayatītyatrodāharaṇamāha- yathāgneranagninivṛttimātra-
miti| kasmānnivṛttimātraṁ pratyāyayati na viśeṣamityāha- svasa-
mbandhānurūpyādityādi| kāraṇaheturayam na liṅgam| tathā hyasā-
viti tatsambandhānurūpyamāha| sarvatrānagnau na dṛṣṭa ityanena vyatire-
kasya prādhānyaṁ vipakṣe sarvatrādarśanena khyāpayati| anyatrāpi ca dṛṣṭa
iti| apiśabdena kvacin na dṛṣṭo'pīti dyotayannanvayasyāprādhā-
nyam| tadevaṁ yasmādanvayopasarjano vyatirekapradhānaḥ sambandhaḥ sa ca

(47)

sāmānyenaiva sambhavati na viśeṣeṇa tasmāt tadānurūpyād vyatire-
kamukhenāgnirevātrānagnirna bhavatītyanagninivṛttimātraṁ pratipādayati
na viśeṣam| yathā cāgnitvena sambandhaḥ tathā dravyatvaguṇitvā-
dibhirapīti| teṣāmapyadravyatvādinivṛttimeva pratipādayati||

vyāvṛttimukhena heturgamayatītyatra hetvantaramāha- guṇatvagandhasau-
rabhyatadviśeṣairityādi| ekavṛddhyetyekaikavṛddhyetyarthaḥ| guṇatvenā-
dravyāditi| dravyamidam guṇatvāditi guṇatvenādravyavyavaccheda
utpalādau kriyate| tathā hi- tat sarvatrādravye na dṛṣṭam dravye
dṛṣṭam| tatrādravyavyavacchede prathamenāstyekavṛddhiḥ yadapekṣayā gandhenai-
kavṛddhyā vyavacchedaḥ kriyate| tatpradarśanārthaṁ tu guṇatvenādravyādityu-
ktam| ata eva ca guṇatvasyāpyekavṛddhyā vyavacchedakaraṇaṁ pratyaṅgabhāvo
'sti| yadi hi tenādravyavyavacchedo vidhīyate evaṁ gandhenaikavṛddhyā
vyavacchedaḥ kriyate nānyathā| evaṁ ca śloke dvandvasamāsāntaḥ pātitvaṁ
guṇatvaśabdasyāviruddhaṁ bhavati tulyakakṣyatvāt padāntaraiḥ| gandhatve-

(48)

nāpārthivādadravyāc ceti| pārthivamidaṁ dravyaṁ ca gandhatvādityapā-
rthivādadravyāc ca vyavacchedaḥ kriyate| saurabhyeṇāsurabhisādhāraṇā-
diti| gandhavadetat saurabhyāditi saurabhyeṇa pūrvakābhyāmasurabhisādhā-
raṇāc ca vyavacchedaḥ kriyate| surabhergandhaviśeṣasya sādhāraṇaṁ sāmā-
nyaṁ surabhisādhāraṇam gandhatvamātramiha vivakṣitam| avidyamānaṁ
surabhisādhāraṇaṁ yasya tat tathoktam nirgandhamityarthaḥ| surabhivi-
śeṣa utpalādigandhaviśeṣaḥ| tadevamadravyādivyavaccheda ekaikavṛddhyo-
tpalādiṣu guṇatvādibhiḥ kriyamāṇo dṛṣṭaḥ||

sa kathaṁ yujyate yadi vipakṣavyāvṛttimukhena hetuḥ pratyāyayati
nānyathā dṛṣṭavat| vidhimukhena hi sarveṣu sarveṣāṁ darśanasyāviśiṣṭatvāt
tulyā pratītiḥ syāt| tasmād vyāvṛttidvāreṇaiva heturgamayatītyabhyu-
peyam| ye tu tan necchanti tān pratyāha- dṛṣṭavadityādi| dṛṣṭena
tulyaṁ dṛṣṭavat yathā pūrvaṁ sambandhakāle liṅgam upalabdham tathā
yadi prakāśayedityarthaḥ| vidhimukhena- agniratra bhavatīti na vyā-

(49)

vṛttimukhena- agnirevātra nānagniriti| evaṁ sarvatrādarśanān na syāt
prakāśanamiti jñeyam prakāśayediti prakrāntatvāt||

yadi hi yathāgnau dṛṣṭa ityādi| yadyevamabhyupagacched vidhivādī-
yasmād vahnāveva dhūmo dṛṣṭaḥ nāgnyabhāve tasmādgamayatīti evaṁ
sati pratiṣedhadvārakameva prakāśanaṁ syāt| tasmāt tenaivamabhyupeyam-
yasmādagnau dṛṣṭa eva na tvadṛṣṭaḥ tasmāt sa taṁ gamayatīti| tataś ca
naiva prakāśayet| na hi sarvatra so'gnau dṛṣṭaḥ digdaśādibhinne sarvatra
vahnau darśanāsambhavāt||

yadi ceti doṣāntaramāha| yadā hi dhūmo'gnau dṛśyate tadā
dīptādīnāṁ viśeṣāṇāmanyatamena yukta eva dṛśyate| tataś ca tānapi
prakāśayet| na caivam| tasmān na darśanamātramanumeyapratipattihetuḥ
satyapi tasmin tadabhavāditi| nanu pratiṣedhavādino'pi darśanamiṣṭa-
meva| tathā hi- kāryatvenāvinābhāvitvāddhūmo hutabhujo hetuḥ| kārya-
kāraṇabhāvaś ca darśanādarśanābhyāṁ sahitābhyāṁ sidhyati na kevalā-
dadarśanādityāha- yatastvityādi| etad darśayati- yasmāddhūmo'gniṁ

(50)

sāmānyarūpeṇaiva prakāśayati na viśeṣarūpeṇa dīptādinā tasmāt
kāryakāraṇabhāvasiddhaye vidhināpi tadevāsya rūpaṁ dṛṣṭamiti gamyate
na viśeṣarūpam kāryakāraṇavyavahārasiddhihetutvenetyabhiprayaḥ| na hi
dīptādiviśeṣadarśanaṁ kāryakāraṇavyavahārasiddhihetuḥ tadabhāve'pi dhū-
masya darśanāt| aṁśena janyajanakabhāva iti cet na tajjanyaviśe-
ṣagrahaṇe'bhimatatvāt sarvathā janyajanakabhāvasya| aviśiṣṭasāmānya-
grahaṇe vyabhicārānneṣyate||

syādetat- sāmānyavastvekameva vyaktiṣu tadvyatiriktamavyatiriktaṁ
vāsti| tasya ca prativyakti sarvātmanā parisamāptatvādekasyāmevāgni-
vyaktau darśanopapattiḥ| tasmāt sarvatrādarśanān na syāt prakāśana-
mityayuktametadityāha- sāmānyaṁ yadyapītyādi| yadyapītyanena nā-
styeva tat| abhyupetya tu doṣa ucyata ityetad darśayati||

na tāvadagnitvamastīti| yadi vyakteranyat sāmānyaṁ syāt
bhedena buddhau pratibhāseta na ca pratibhāsate| tasmāt svabhāvānupala-
mbhatiraskṛtasattākaṁ nāstyeva tat| athānanyat evamapi vyaktivat
tat sāmānyameva na syāt| tathāpyabhyupagamya taddarśanāsambhavaṁ prati-

(51)

pādayitumāha- satyapi tasminnityādi| yadanekāśrayasādhāraṇama-
gṛhītasakalāśrayam na tad draṣṭuṁ śakyam yathāgṛhītasakalāśrayaṁ
dvitvādi| tathā cāgnitvam| vyāpakaviruddhaḥ| nāpi sādṛśyasyeti|
āśrayādavyatirekitvāt sādṛśyaṁ pṛthagupanyastam| atrāpyayameva
prayogo vācyaḥ| athaikāśrayagrahaṇe'pi samastaṁ gṛhyate evaṁ sati
tasya pratyekaṁ sarvātmanā parisamāptatvādguṇavadanekatvaṁ syāt| na hyayaṁ
sambhavo'sti- yadekatra sarvātmanā parisamāptam tadanyatrāpīti|
yadanekatra pratyekaṁ sarvātmanā parisamāptam tadanekam guṇavat|
tathā ca sāmānyam| svabhāvaḥ prasaṅgaḥ| avayavino'pyanenaiva prati-
ṣedhān nānekāntaḥ| anekatvāc ca tat sāmānyameva na syāt
āśrayavat| sāmānyaṁ hyekamiṣyate||

tathetyādinā prākpratijñāte liṅge vicāraṁ darśayati| aṅgyate gamya-
te'numeyamanenetyaṅgaṁ liṅgamucyate| nātivartata iti na vyabhicaratī-
tyarthaḥ| anekadharmāpīti sāmānyaviśeṣadharmaiḥ||

dhūmatvapāṇḍutvādineti| pāṇḍutvamiha dhūmasambandhyeva vivakṣi-
tam na tu dadhiśarādivṛtti tasya vyabhicārāt| dravyatvādayo'pi
tarhi yadā dhūmopādhayo gṛhyante tadā tairapi kimiti na pratyāyayati|

(52)

pratyāyayatyeva nātrānyathābhāvaḥ| aviśiṣṭasāmānyagrahaṇaṁ tvabhisa-
ndhāyedmuktam- na dravyatvādibhiriti| dhūmatvapāṇḍutvādineti|
ādiśabdena kaṭukatvādayo viśiṣṭā gṛhyante||

uktamevārthaṁ saṅgrahaślokābhyāṁ saṅgṛhṇāti sukhapratipattaye- gamyante
liṅgatas te'pīti| te'pyanubandhino dravyatvādayo gamyante nāgni-
tvādika eva dharmaḥ yas tadānīṁ boddhumiṣṭa ityapiśabdasyārthaḥ| vya-
bhicāriṇa iti liṅgāt| dīptādiviśeṣāpekṣayā tasya vyabhicāri-
tvam||

liṅgānubandhinas tvarthā ityaviśiṣṭā dravyatvādayaḥ sāmānya-
dharmāḥ| viśiṣṭās tviti dhūmatvādayaḥ| te cāviśiṣṭadravyatvādisā-
mānyāpekṣayā viśeṣā ityucyante na tvasādhāraṇarūpāpekṣayā||

nanu dvigatatvāditi| sambandhaḥ sarva eva dviṣṭhaḥ| tasya ca sambandhi-
noraviśeṣeṇa vṛttiḥ| tataś ca yathāyaṁ saṁyogitve saṁyoginornāsti
viśeṣaḥ tathā liṅgaliṅginorapi na syāt| evaṁ ca liṅgasāmānyamapi
gamakaṁ syāl liṅgiviśeṣo'pi ca gamyaḥ syāt sambandhasyāviśe-

(53)

ṣāditi| yāvekasambandhāśrayau tāvabhinnadharmāṇau saṁyogivat|
tathā ca liṅgaliṅginau| svabhāvapratirūpakaḥ||

sambandho yadyapi dviṣṭha iti| naiva sambandho dviṣṭhaḥ| tathā hi- a-
vinābhāvitvaṁ sambandhaḥ| tac ca liṅga eva vartate na liṅgini| abhyu-
petya tu dviṣṭhatvaṁ sāhabhāvye satyuttaramucyata iti darśayati| ādhārā-
dheyavaditi| ādhārādheyayoriva vṛttis tasya liṅgaliṅgisamba-
ndhasya na tu saṁyoginoriva||

na kadācidādhāra ityādi| ādheyasya dharma ādhārāyattasthiti-
tvam| ādhārasya dharma ādheyasthāpanam| ādhārādheyayorekasamba-
ndhāśrayatve'pi nābhinnadharmatvamityanaikāntikatvamāha| tathā na kadā-
cidityādi| na liṅgiliṅge parasparadharmake bhavata ityarthaḥ| saṁyogī
tvityādinā saṁyogibhyāṁ liṅgaliṅginorvisadṛśatvamāha||

tathā hītyādinaikasambandhāśrayatvasyāsiddhatāmudbhāvayan pūrvoktameva
gamyagamakabhāvaṁ samarthayate| tathā hi- liṅgaliṅginoravinābhāvaḥ sa-

(54)

mbandhaḥ| sa ca liṅga eva vartate na liṅginītyamunāvadhāraṇadvayena
pratipādyate| kathaṁ kṛtvā| yasmāl liṅge liṅgī bhavatyeveti||

kathamavadhāraṇaṁ yujyate| yadi- yatra yatra liṅgam tatra tatra liṅgī
bhavati| liṅginas tvanyatra vṛttiranena na pratiṣidhyate liṅge tadabhāva-
mātravyavacchedaphalatvādavadhāraṇasya| tataś ca liṅgini nāvinābhāvi-
tvaṁ vartata ityuktaṁ bhavati liṅgādanyatrāpi tadbhāvasūcanāt| yathāgnitvaṁ
dhūme bhavatyeva tathā dravyatvādayo'pi| tasmāt teṣāmapi dhūmo gama-
kaḥ na tu dīptādīnām| na hi te dhūme bhavantyeva yadāha- tasmād
yuktamityādi| liṅginyevetarat punarityanenāpi liṅga evāvinābhā-
vaḥ pravartata iti sūcayati liṅgino'nyatra liṅgaṁ na bhavatītyarthagateḥ|
liṅginas tu liṅgādanyatra bhāvo na pratiṣidhyate| yathā ca dhūmatvamagnau
bhavatyeva tathā pāṇḍutvādayo'pi viśeṣāḥ| tasmāt te'pi gamakāḥ
na tu dravyatvādayaḥ| na hi te'gnau bhavantyeva yadāha- tasmād yukta-
mityādi| evaṁ hītyādinottarārdhaṁ vivṛṇoti||

(55)

nanu pūrvaṁ liṅgasya liṅgini sadbhāva uktaḥ tattulye sadbhāva iti
vacanāt| iha tu liṅgino liṅge sadbhava ucyate liṅge liṅgī bhava-
tyeveti vacanāt| tat kathaṁ na virodhaḥ| naiṣa doṣaḥ| liṅgaliṅginore-
kādhikaraṇatve yathā liṅge liṅgī bhavati evaṁ liṅgamapītaratra| kevala-
mavadhāraṇavaiparītyena liṅga eva sambandho vartata iti pratipādanāyeda-
mucyate| yadi tarhi liṅga eva vartate kathaṁ sambandho liṅgaliṅgino-
rityuktam| liṅga eva vartamāno'pyasau liṅginaṁ pratiyoginamapekṣya
vartata ityevamuktam na tu dviṣṭhatvādityadoṣaḥ||

nanu cetyādinā yaduktam- niyamasya viparyāse sambandho liṅga-
liṅginoriti tad vighaṭayan liṅginyapyavinābhāvo vartata iti
darśayati||

kāmamityādinā yadyapi liṅgamapi kiñcil liṅgini bhavatyeva
tathāpi liṅgirūpeṇaiva| evaṁ ca kṛtakatvasādhyāpekṣayā hetubhūta evāni-
tyatve'vinābhāvo vartata iti darśayan svapakṣameva sthāpayati|
liṅgamapi vyāpīti| vyāpnotīti vyāpi| liṅginītyanityatve| yat
tadvyāpitvam tal liṅgiviṣayamiti liṅgini vyāpītyuktam| tad

(56)

yathākṣeṣu dhūrta iti| aṅgi tu tat tato vyāpitvāditi| anityatve
bhāva eva kṛtakatvasya vyāpitvam| tato vyāpitvāt kṛtakatvaṁ gamyameva
bhavati na gamakam| kiṁvadityāha- goviṣāṇavaditi| yathā
viṣāṇaṁ gorvyāpitvādgavāpekṣayā gamyameva sampadyate na tu gamakam
tadvaditi| yo yatra bhavatyeva sa tasya gamakaḥ| yathā gotvaṁ viṣāṇi-
tvasya| bhavatyeva ca kṛtakatvamanityatve| svabhāvaḥ||

kiṁ kāraṇamiti vyāptimasambhāvayan pṛcchati| pratiṣedhyāpracāre-
ṇetyādi| pratiṣedhyaḥ sādhyavipakṣaḥ| tatra hetorapracāro'bhāvaḥ| tena
liṅgasya yā vyāptiḥ sāpekṣyata āśrīyate tasyā eva gamakatvahetu-
tvāt| tasmāl liṅgasya liṅgiviṣayā yā vyāptiḥ sā vidyamānā-
pyakāraṇam gamakatvasya na nimittamityarthaḥ||

kṛtakatvasyetyādi| yadyapi sakalānityatvavyāpi kṛtakatvam
tathāpi na tena vyāpitvena tasya gamakatvam api tu nityatvapratiṣe-
dhena| nityatve pratiṣedho'pracāraḥ| tenaiva gamakatvam| na hi vipakṣā-
davyāvṛtto hetuḥ sādhyaṁ gamayati prameyatvavat| tathānityatva-

(57)

syetyādi| yadā kṛtakatvasiddhaye'nityatvaṁ hetutvenopādīyate tadāpya-
nityatvasyāśeṣakṛtakatvavyāpitve'pi na tena vyāpitvena gamakatvam|
kiṁ tarhi| akṛtakatvapratiṣedhena akṛtakatve vipakṣe'bhāvenetyarthaḥ|
tadevaṁ yataḥ svasādhyavipakṣavyāvṛttyā hetorgamakatvaṁ bhavati nānyathā
tasmād yadanityārthe kṛtakatvasya vyāpitvam tenākṛtakatvānava-
kāśād anityatvasyākṛtakatve'navakāśādanavasthitatvādasambhavāc
cānityatvena kṛtakatvasyākṛtakatvapratiṣedhenākṛtavyavacchedena ga-
myataiva syāt| akṛtakatvapratiṣedheneti vacanaṁ vidhimukhena pratyāya-
navyavacchedārtham| na tu gamakatvamiti yasmād vipakṣāpracāreṇa yā
vyāptiḥ sā gamakatvanimittam| na cānityatve kṛtakatvasya vyāptirvi-
pakṣāpracāreṇa| tathā hi- yadanityam tat kṛtakamiti vyāptāvupada-
rśitāyāṁ na nityāt kṛtakatvasya vyāvṛttirgamyate| kiṁ tarhi| akṛta-

(58)

katvādanityatvasya| tato'nityatvamevākṛtakatve'navakāśamityakṛta-
katvapratiṣedhena gamyataiva kṛtakatvasyānityatvena yujyate na gama-
katvamityuktārthasaṅgrahaṁ ślokābhyāṁ karoti||

nāśinaḥ kṛtakatvenetyādi| anityasya kṛtakatvena vyāpterani-
tyatvādakṛtakaṁ na tadityayamartho'prasuta eva gamyate| itikaraṇo
luptanirdiṣṭaḥ| yas tu prakṛto nityatvābhāvo'nityatvam sa tayā
vyāptyā kṛtake'rthe na pradarśyate||

asyaivārthasya spaṣṭīkaraṇāya dvitīyena ślokena dṛṣṭāntamāha-
aviṣāṇitvaṁ nivartayediti viṣāṇitvaṁ gamayedityarthaḥ| nāgavārtha-
nivartakamiti na gavārthasya sādhakamityarthaḥ||

(59)

nāntarīyakārthadarśanaṁ tadvido'numānamiti| yo'rtho yamantareṇa na
bhavati sa tasya nāntarīyakaḥ yathāgnerdhūmaḥ| tasya darśanamanumā-
nam anumīyate'neneti kṛtvā| anumeyārthajñānaṁ tu phalam| anena
vyabhicāridarśanaṁ nirastam| sambandhasmṛtyapekṣatāṁ liṅgadarśanasya darśa-
yitum- tadvida ityuktam| yas taṁ vetti- nāntarīyako'yamiti
tasyānumānam nānyasya||

nānatarīyakatvenaiveti| tasya hi nāntarīyakatvameva sva ākāro
bhavati| na vācyam- tadvida iti sāmarthyalabdhatvādasya| na hyata-
dvido nāntarīyako'yamiti darśanaṁ sambhavati| itikaraṇo luptani-
rdiṣṭa iti| vinā hi tena svarūpapadārthakatvaṁ na vijñāyeta| anyadeva
kiñcit tadvido na vācyamityarthagatiḥ syāt| nirdeśo nirdiṣṭam|
luptaṁ nirdiṣṭaṁ yasya sa tathoktaḥ| lopas tu tasya vākyasya svarūpa-
pratyāyane vivakṣite prasaktasyādarśanameva prasaktasyādarśanaṁ lopa iti
kṛtvā| anenaitat sūcayati- svarūpapadārthakaṁ tadvida ityetad vedita-

(60)

vyam| itikaraṇas tu tadarthanirdeśārho'pi vṛttabhaṅgabhayān na nirdiṣṭa
iti||

anyena yadi vācyaṁ kathaṁ kva veti| anekākāratvāt tasya
vaktavyam- kenākāreṇa darśanaṁ kva vā sthāne| anucyamāne hi
tasmin sthāne niyamo na syāt| tataś ca ghaṭe cākṣuṣatvadarśanāc
chabde'pyanityatvaṁ pratipadyate||

nanu pūrvasminnapi vikalpe kva darśanamiti vācyamityetac
codayituṁ yuktameva| tat kimihaiva codyate| evam manyate- nāntarīya-
katvena darśane yamantareṇa sa na bhavati tatraiva darśanamityanuktamapi
gamyata eva tasya pratyāsatteriti||

artha iti śiṣyata iti arthagrahaṇamatiricyata ityarthaḥ| tathā
hi- nāntarīyako'rtha eva bhavati| kimarthagrahaṇena| tasmād darśana-
viśeṣaṇārthaṁ taditi pratyeyam| tena liṅgasyākāragrahaṇamanumānam|

nanu svākārasya vyabhicāritvān na tenānumānaṁ sambhavati| evaṁ
manyate- dhūmādirūpeṇaiva grahaṇamarthagrahaṇam| anyathā sāmānyā-
nuyāyitvād grahaṇamātrametat syāt| tataś ca vṛthārthagrahaṇaṁ syāt
arthākāragrahaṇamātrasya nāntarīyakagrahaṇenaiva labdhatvāditi| sādhyaś

(61)

ca prakṛta iti| vicāraṇāyāmiṣṭo'rthaḥ pakṣa iti atha vā sādhyā-
bhidhānaṁ pratijñetyatra| tasmāt sādhye darśanamiti pratīyate||

kiṁ hi pūrveṇeti| arthadarśanaṁ nāntarīyakatvavida ityukte yo hi
nāntareṇāgnyādimayaṁ dhūmādirbhavatīti vetti tasyaivaṁviduṣo nāntarīya-
kārthadarśanameva tad bhavati| atha vārthadarśanaṁ nāntarīyakatvavida ityukte
yasyārthasya sādhye darśanam tannāntarīyakatvavida  ityarthaḥ pratīyate|
tataś ca kiṁ pūrveṇa nāntarīyakagrahaṇena||

agnyādiṣu ceti| agnibījānityatvānāmanumeyatvenodāharaṇād
dharmamātramanumeyatvebhimatamiti gamyate| tathā hi- vartamānādibhe-
denaitadudāharaṇatrayaṁ vakṣyate| na ca dharmaviśiṣṭasya dharmiṇaḥ sādhyatā-
yāmayaṁ bhedaḥ sambhavati sarvatra dharmiṇo vartamānatvāt| tataś
cāgnyādau dhūmādidarśane niścitā evāgnyādayo bhavantīti kimanyat
tadvidānumeyam| etena yaduktam- sādhye darśanamiti tasyāyuktatva-
māha||

(62)

kathaṁ tad vettyanuktamityanenāpyasphuṭīkaraṇadoṣo'pīti||

(63)

naiyāyikānāṁ tvityādi| pratyakṣānumānopamānaśabdāḥ pramāṇā-
nītyuddiśya pratyakṣalakṣaṇe'bhihite tadanantaraṁ prāptāvasaramanumānalakṣa-
ṇamāha- tatpūrvakamityādi| tadanantaraṁ prakṛtaṁ pratyakṣaṁ pūrvaṁ yasya tat
tathoktam| pūrvaṁ yasya pratyakṣeṇa liṅgaliṅginau prasiddhau tatsambandho vā
sa evottarakālaṁ liṅgamātradarśanāl liṅginamanumimīta iti pratyakṣa-
pūrvaṁ tad bhavati||

pūrveṇa tulyaṁ pūrvavat| yathā sambandhakāle pratyakṣeṇādhigataṁ vastu
tathaivottarakālaṁ liṅgadarśanādapi tatra jñānamupajāyate| tasmāt tat
pūrvavat| śeṣeṇa pratyakṣeṇa tulyaṁ śeṣavadvastu| tadviṣayamapi jñānaṁ
śeṣavat| yathā phalamekaṁ rasataḥ pratyakṣīkṛtya śeṣāṇyapyevaṁrasāni
pratyakṣarasena tulyatvāt tadvaditi rasānumānam| nanu ca pratyakṣāditarac
cheṣaṁ bhavati na tu śeṣavat| atas tadviṣayaṁ jñānaṁ kathaṁ śeṣavadviṣayaṁ
bhavati| parasparāpekṣaṁ śeṣatvamiti pratyakṣamapītarāpekṣayā śeṣaṁ tena
cetarasyāpi tulyatvāc cheṣavattvamityadoṣaḥ||

(64)

atha vā pūrvaṁ kāraṇam| tadasyāstīti pūrvavat kāryam| tadviṣaya-
mapi jñānaṁ pūrvavat yat kāraṇāt kāryānumānam| śeṣaṁ kāryam|
tadasyāstīti śeṣavat kāraṇam| tadviṣayamapi jñānaṁ śeṣavat yat
kāryāt kāraṇānumānam||

sāmānyato dṛṣṭam yadanyasādṛśyādanyatrātyantaparokṣe jñānam|
yathā caitrasya gatipūrvikāṁ deśāntaraprāptimupalabhya tatsāmānyena ravera-
pi gatipūrvikāstagiriprāptiranumīyate| nirdeśādeva tritve siddhe trivi-
dhagrahaṇamekasya pūrvavadanumānasya trikālaviṣayatvena trividhyajñāpanā-
rtham| tatra nadīpūrād vṛṣṭo deva ityatīte'numānam| pipīlikāṇḍasa-
ñcārād varṣiṣyatītyanāgate| kekāyitādatra mayūra iti vartamāne| atra
matupā pūrvavattvaṁ na sambhavatīti vatinā yojayitavyam||

sambandho nendriyagrāhya iti| bhūtaguṇavat sambandhibhyo bhedenāpra-
tibhāsanāditi manyate| ya indriyajñāne na pratibhāsate nāsāvindri-
yagrāhyaḥ indriyavat| tathā ca sambandhaḥ| vyāpakābhāvaḥ||

nāpi sarvatreti cakṣurvijñānendriyādīnāmindriyeṇa grahaṇāsambha-
vāt| sarvatragrahaṇam agnidhūmādīnāṁ pratyakṣagrahaṇasambhavāt|
anenāvyāpitāmāha| atha vā sarvatraiva sambandhināvapratyakṣāvityayama-

(65)

rthaḥ sāmānyarūpatvāt tasya cāpratyakṣatvasya pratipāditatvāt| tataś
cāsambhavādalakṣaṇametat| nāpi liṅgaliṅginau pratyakṣāvityetāvataiva
vivakṣitārthapratītāvapi sarvatreti grahaṇaṁ keṣāñcidagnidhūmādiṣu pratyakṣā-
bhimānanirāsārtham||

na vatiḥ sarvasambhavāditi| sarveṣāṁ pūrvavatva ekasyaiva pūrvavattvaṁ
bruvatetarayos tan nāstīti pratijñātam| tac ca siddhena pūrvattvena
bādhyate| sambandhāntareṇa cāyamiti| sambandhāntaraṁ sambandhaviśe-
ṣo'vinābhāvaḥ| tadbalena pūrvavadartho'dhigamyate| tasyānirdeśādani-
rdiṣṭamevānumānam||

matup tarhyayamastu| na ca yathoktadoṣāpattiḥ| na hi sarvamanumānaṁ
kāraṇāt kāryaviṣayaṁ bhavati| sambandho'pi cātra nirdiṣṭa eva kārya-
kāraṇabhāvapradarśanādityata āha - na matup vyabhicāritvāditi|
kāryakāraṇabhāvena hi kāryasyaivāvinābhāvo bhavati na kāraṇasya|
tathā hi- satyapi kāraṇe sahakārivaikalyāt kāryaṁ na bhavati|
yathā satyapi meghe kṛṣīvalānāṁ dharmābhāvād vṛṣṭiḥ| satyapi ca kāra-
ṇāntarasamādhāne  viruddhenādharmādinā pratibandhāt||

(66)

nanu viśiṣṭāvasthāprāptasyaiva bījadermukhyaṁ kāraṇatvam| na ca tasya
pratibandhaḥ śakyate kartum| tat kuto vyabhicāritvam| na| taddarśanāt
sambandhasmṛtyapekṣādanumeyapratipattāviṣyamāṇāyāṁ sambandhasmṛteḥ prāk
kāryamevotpannaṁ pratyakṣībhavati| na cāpratyakṣe kārye tathāvidhakāraṇāva-
gatiḥ yataḥ kāraṇāt tat pratīyeta| tasmān na kāraṇāt kārya-
siddhiḥ||

śeṣavatyapi ced vatirityādinātrāpyanantaroktameva doṣamāha| na
hyavaśyamityādi| nāyaṁ niyogaḥ - tulyarūpādinā tulyarasena bhā-
vyam| etāvat tu syāt- evaṁsvabhāvānyetatsamānahetūni caivaṁrasā-
nīti| na tu rūpasāmyamātrādanumānam vyabhicārāt||

matup cedagatau na syādityādi| agatirapratītiḥ| kasya|
kāryatāyāḥ yasmāt kāryādidaṁ kāraṇānumānam| ataḥ kāryarūpe-
ṇāpratītau satyāṁ liṅgasyānumeye kāraṇe'vinābhāvi-
tvagrahaṇādavagatirna syāt| sā ca dṛṣṭā||

(67)

nanu cārthāntarasya kāryakāraṇabhāvasiddherevāvinābhāvaniścayaḥ| ta-
t kathaṁ kāryatāmagṛhītvāvinābhāvitvaṁ śakyate niścetum| śāstradṛṣṭakā-
ryatāgrahaṇātikramo'tra vivakṣitaḥ na tu lokaprasiddhakāryatāgrahaṇā-
tikrama ityadoṣaḥ| śāstre hi jaladhārāvayavinaḥ sajātīyairevāpyaiḥ pa-
ramāṇubhirārabhyante| jaladās tu paramāṇvākarṣaṇaṁ prati nimittatvamupa-
yanto vṛṣṭikāraṇavyapadeśabhājo bhavantīti vyavasthā| na caivaṁvidhaṁ kā-
ryakāraṇabhāvaṁ lokaḥ pratyeti| kiṁ tarhi| jaladeṣu satsu vṛṣṭidarśanāt
tadabhāve cādarśanādeva sākṣādeva vṛṣṭer jalādā eva kāraṇamityevaṁ darśa-
nādarśanābhyāṁ kāryakāraṇabhāvamavasyati| śāstradṛṣṭas tu kāryakāra-
ṇabhāvo nopapadyata eva nityānāṁ paramāṇūnāmasiddheḥ siddhāvapyavi-
kāritvādākraṣṭumaśakyatvāt ākṛṣṭānāmapi kramayaugapadyābhyāṁ kāryā-
rambhāyogāt avayavikāryasya ca vastusato dhīmadbhir vistare-
ṇānyatra niṣiddhatvādityalamatiprasaṅgena||

tathā yat kṛtakatvādibhiriti| matuppakṣasyāvyāpitāmāha| na
hi kṛtakatvādīnāmanityatvādibhiḥ kāryakāraṇabhāvo'sti||

anyeṣāṁ darśanam - ekasyāvayavinaḥ śarīrāderekasmādavayavāduda-
rādeḥ pratyakṣādhigatād yo'nyo'vayavaḥ pṛṣṭhādiḥ sa śeṣaḥ| tadviṣayaṁ

(68)

jñānaṁ śeṣavat| tac ca na vyabhicarati| na hi kadācidapi kukṣiḥ pṛ-
ṣṭhādinā vinopalabdhapūrva iti| atrāpi sarvasambhava eva| sarvatraiva hyanu-
māne pratyakṣārthavyatirikta evārtha sampratipattiḥ| na hyagṛhītāl li-
ṅgāt kvacidapyanumānamupajāyate| vyabhicāro'pi cāstyeva śṛṅgādya-
vayavasambhave'pi lāṅgūlādyavayavābhāvāt||

pūrvavatyapi ceti| pūrvavadityatra vatipakṣe viṣāṇādiliṅgena gavā-
rthānumāne samavāyaḥ sambandhaḥ| sa cehabuddhiliṅgāvaseyo varṇyate| iha-
buddheś ca tena sambandhāsiddheḥ pratibandhābhāvāc cāliṅgayoga iti na
tataḥ sa sidhyati| tataś ca sāsnāder liṅgād gavārthānumānaṁ na
syāt| tac ca dṛṣṭam| tathā hi- ekasāmagyradhīnasāsnādyavayavā-
tmako gauriti yuktyā vimṛśanto'vinābhāvaṁ niścitya sāsnāder li-
ṅgād gavārthe'numānaṁ kurvanti| dhūmādagnyanumāne saṁyogaḥ sambandhaḥ|
tasyāpyagrahaṇe pratītir na syāt| sā ca dṛṣṭā| tathā hi- dhūmamātraṁ
dṛṣṭvāgniravinābhāvaniścayapūrvakamanumīyate| na ca tadāgṛhītasakalāśra-
yo'nekārthasādhāraṇatvād dvitvādivat saṁyogaḥ paricchidyate||

(69)

matuppakṣe tu meghādīnāṁ kāryakāraṇabhāvo vṛṣṭyādibhiḥ saha samba-
ndhaḥ||

śeṣavatyapi ced vatiriti vatipakṣe rūpasya rasenaikārthasamavāya
ityete yathoktāḥ| ante'padiṣṭatvāditi| śeṣavati matuppakṣo vicā-
rasyāntas tatrāpadiṣṭatvādasya||

kāraṇatvādīnāṁ ca sambandhitva iti| kāraṇatvādīnāṁ kāryatvādi-
bhiḥ saha liṅgaliṅgabhāvena sambandha iṣyamāṇe kāraṇatvādeḥ kāryatvādi-
mātrāpekṣatvāt tato liṅgini kāryatvādyākārameva jñānaṁ syāt na vṛ-
ṣṭyādyākāram| kiṁ kāraṇamityāha- sambandhamātradvāreṇetyādi| na
hi sambandhamantareṇa liṅgāl liṅgijñānam utpadyate| liṅgaṁ ca yathā
yena saha sambaddham tathā tameva gamayati nānyamanyathā mā bhūdati-
prasaṅga iti| kāraṇatvādinā ca meghādayaḥ kāryatvādinā vṛṣṭyādīnāṁ sa-
mbaddhā iti tanmātragatiḥ syāt||

(70)

syādetat- sarvātmanā teṣāṁ kāryakāraṇabhāvādayaḥ sambandhāḥ
nāṁśena| tato'yamaprasaṅgaḥ viśeṣāṇāmapi sambandhitvādityāha- sa-
rvākāragrahaṇaṁ cetyādi| sthūlabindukā vṛṣṭiraśanimatītyādyapi grahaṇaṁ
syāt evamādibhirapyākāraiḥ saha kāraṇakāryādibhāvāt| asmākaṁ
tu yadyapi sarvathā janyajanakabhāvaḥ tathāpi nāyaṁ prasaṅgaḥ tathā ni-
ścetumaśakyatvāt| parasya ca niścayātmakaṁ pratyakṣamiṣṭaṁ tadviṣayaś cā-
navayavaḥ| tato yadi tad gṛhṇāti sarvathā tena sa grāhyo na vā katha-
ñcidityuktam| atas tasyaivāyaṁ doṣaḥ||

pūrvatra ye'bhihitā doṣāḥ- sambandhāntarato gatiḥ kāryamātrādyanu-
mānaṁ sarvākāragrahaṇaṁ cetyādayaḥ tān sāmānyato dṛṣṭe'pyatideṣṭumā-
ha- sāmānyadṛṣṭamapyevamiti||

kathamityāha- tadapi hītyādi| kas tarhi pūrvābhyāṁ tasya viśeṣa
ityāha- atyantaparokṣa iti||

sarvatra ceti pūrvavadādiṣu triṣvapi| pūrvavac cheṣavaditi bruvatānume-
yajñānaṁ pramāṇamuktam| tadeva cārthādhigamaḥ| na cānyat phalamasti|

(71)

tataśa cābhyupetahānam| syādetat- hānopādānāpekṣābuddhayaḥ phala-
miti| naitadasti tāsāṁ hitāhitasmaraṇahetukatvāt| na hi tadevedaṁ
hitamahitaṁ cetyādyasmaratas tāḥ kasyacit samupajāyante| syādetat
- phalameva nābhyupetamityāha- na cetyādi| yat karaṇam tat ka-
rmaṇi kriyāphalam paraśuvat| tathā cānumānam| svabhāvaḥ||

siddhasādhyatāmāśaṅkyāha- liṅgajñānamityādi||

vyapadeśo na sidhyatīti yasmādanumeyameva mukhyaṁ pūrvavaccheṣava-
t jñānaṁ tūpacāreṇa| tadviṣayatvāt tathā vyapadiśyata iti varṇitam|
na ca liṅgajñānaṁ tadviṣayam yatas tathā vyapadeśo'sya syāt liṅga-
sya pūrvavaccheṣavattvenāsaṁvarṇitatvāc chāstra ityabhyupetahāniḥ||

yac cetyādināpyabhyupetahānimevāha| tathā hi- tatraivoktam-
ekaikasya vā traividhyajñāpanārthamuktaṁ trividhamiti| ko hetuḥ| ayameva
- traikālyagrahaṇād iti| idamapi matuppakṣe naivopapadyate kāraṇāda-

(72)

nāgatasyaiva kāryasya grahaṇāt| nāpi śeṣavataḥ anāgatānumānāsa-
mbhavāt| na hi prāk kāraṇāt kāryasambhavo'sti||

pakṣilas tvāha- dravyādipadārthapratiṣedhāc chabde guṇatvasampratipa-
ttiḥ śeṣavaditi| atrāpi sambandhānirdeśādanumānatvameva tasya durla-
bham kutaḥ punas traividhyam| pratipāditaṁ prapañcena śabdaguṇatvasyā-
pyāgamikatvam āptasañjñāvidhānenetyādinā| tato na śabde guṇatva-
pratipattiranumānaṁ||

na ca tatra vatāviti| pūrvavatyanumāne sambandhanirdeśa eva nāsti|
atas tasyānumānatvamanirdiṣṭameveti kuto'sya traividhyam| na hi pūrve-
ṇa tulyamityākāramātranirdeśān nirdiṣṭaṁ bhavati smṛtyādiṣvapi pū-
rvadad grahaṇāt| tathā śeṣeṇa pratyakṣeṇa tulyamityatrāpi naiva samba-
ndho nirdiṣṭa iti|

(73)

vaiśeṣikāṇāmapītyādi| asya sambandhaḥ- yogiṇāṁ pratyakṣajñānavi-
dhiruktaḥ| laiṅgikamidānīṁ vakṣyāmaḥ| āha- kimidaṁ laiṅgikaṁ nāme-
ti| ucyate- ālocitādhyavasānamālocitānyānugamanaṁ ca| tatra
yat sākṣādālocanamarthānāṁ yathā gaurevāyamaśca evāyamiti tat pra-
tyakṣam| yat tvanyadālocyānyasyānugamanam tan no laiṅgikam| ta-
sya tvatiprasajyamānasya liṅgaliṅginiyamāya sāmayiko lakṣaṇanirdeśaḥ
kriyate| samaye bhavaḥ sāmayikaḥ samayakṛta ityarthaḥ| tad yathā-
asyedamityādi| asyeti liṅgamāha idamityanumeyam| yadā kha-
lvasyedaṁ prasiddhamasandigghaṁ ca bhavati- asya kāraṇasya jñāpane bhā-
vane va samarthasyedaṁ vyaṅgyamabhinirvartyaṁ vā kāryamiti athāsya kāra-
ṇālocanādagṛhyamāṇe'pi kārye'nuvyavasāyo bhavati yathā dinakaro-
dayadarśanād ghaṭābhivyaktau| tantūn vātānavitānāvasthitāṁs tantu-
vāyādhiṣṭhātān dṛṣṭvā bhāvini paṭe||

(74)

evam- yadāsyedaṁ prasiddhamasandigdhaṁ ca bhavati- asya kāryasya
vyaṅgyasya nirvartyasya vedaṁ kāraṇamiti athāsya kāryālocanādi-
tyādi yathāyogaṁ vācyam||

sambandhi dvividham- saṁyogi ca yathā dhūmo'gneḥ samavāyi
ca yathā viṣāṇaṁ goḥ||

ekārthasamavāyyapi dvividham- kāryaṁ kāryāntarasya kāraṇaṁ
kāraṇāntarasya| tatra kāraṇasyaikārthasamavāya ekasthārtheṣu samavā-
yaḥ kāryasya punarekasminnarthānāṁ samavāya iti vigrahabhedāt| tatra
kāryāt kāryāntare'numānam tad yathā rūpāt sparśe kāraṇāt
kāraṇāntare tad yathā pādāt pāṇau||

virodhi caturvidham- abhūtaṁ bhutasya tad yathāvidyamānaṁ va-
rṣakarma sato vāyvabhrasaṁyogasya tasmin sati varṣakarmābhāvāt| bhūta-
mabhūtasya tadeva varṣakarma vidyamānaṁ tasyaiva vāyvabhrasaṁyogasyātivṛtta-
tāṁ pravṛttyabhāvaṁ gamayati| bhūtaṁ bhūtasya dravatvaṁ setubandhasya| dravatva-
kāryeṇa syandanena virodhād dravatvena virodho darśitaḥ| abhūtamabhūta-

(75)

sya ativṛttā śyāmatā ghaṭe pākajarūpotpattāvativṛttasya ghaṭāgni-
saṁyogasya||

kāryakāraṇe nānumitihetū ityuktamiti parābhimate ityabhiprā-
yaḥ| nanu ca janyajanakalakṣaṇe tatra kāryakāraṇe niṣiddhe na vyaṅgya-
vyañjakalakṣaṇe| naiṣa doṣaḥ| vyaṅgyavyañjakabhāvo hi janyajanakabhāva e-
va| tathā hi- sahakāriṇiḥ prakāśādupādānāpekṣāj jñānajananayo-
gyakṣaṇāntarotpattireva ghaṭādīnāṁ vyaktiḥ anyathānapekṣa tatkṛ-
tamupakāraṁ jñānotpādanaprasaṅgāt| paras tūtpattivyatiriktāmeva rūpa-
mapi jaḍato ghaṭāderabhivyaktiṁ manyate| na ca tasyāḥ svarūpamavadhārya-
te||

jñānajananasāmarthyamabhivyaktiriti cet evaṁ tarhi ghaṭādirevābhi-
vyañjakena kriyata ityāpannam sāmarthyasya tadātmabhūtatvāt arthā-
ntaratve ghaṭādyanupakāraprasaṅgāt| sāmarthyāc ca jñānotpatter nityaṁ gha-
ṭādīnāmagrahaṇaprasaṅgaḥ syāt| na hyakāraṇaṁ viṣaya upapadyate| tasyā-
pi tatra sāmarthyamiti cet kevalo'pi janayet| sahakāriṇamapekṣa

(76)

janayati na kevala iti cet keyamanupakāryasyāpekṣā| jñānamabhi-
vyaktiriti cet nityaṁ ghaṭāderagrahaṇaprasaṅga ityādi sarvaṁ punarāvartate|
tan na paraparikalpitābhivyaktirupapadyate| tato na tasya liṅgaliṅgi-
bhāvaḥ||

nāpi tantvādibhyo'vayavebhyo'nyadevayavidravyaṁ paṭādikamavadhāryate|
tataḥ svabhāvānupalambhatiraskṛtasattākaṁ nāstyeva tat| tat kutas
tais tasya tena vā teṣāmanumānam| sattve'pi tasya na kāraṇādanumi-
tir yuktā vyabhicārādityuktam||

syādetat- samagreṇa kāraṇena kāryasya sambhavo'numīyata ityayu-
ktametat niścayātmakasya pratyakṣasyābhyupagamāt| kāraṇaṁ hi jana-
kameva vā syādasambhavatpratibandham ajanakameva vā niryatpratibandha-
m| pūrvakalpe tat tena rūpeṇa pratyakṣeṇa niścitamiti tato viśiṣṭakā-
ryotpādānumānameva syāt| na ca bhavati| yathā hi kāraṇāt kāryaṁ pa-
ricchidya tadarthaṁ pravartamānā vipralabhyamānā dṛśyante| dvitīye tu pakṣe
kāraṇameva tan na bhavatīti niścaye sati kutas tataḥ kāryasambhavānu-

(77)

mānam| na hi śītasyāgnira hetur na bhavatīti niścaye sati kaścid-
gninā śītasambhavo'numīyate| tadevaṁ paramatena kāryakāraṇe nānumi-
tihetū||

saṁyogo nāgatau siddheriti| yasminnagṛhīte'pi yatrānumitiḥ
nāsau tadanumitihetuḥ| tad yathā jalasyānalaḥ| agṛhīte'pi cā-
gnidhūmasaṁyoge dahanānumitir bhavati| vyāpakaviruddhaḥ||

kathaṁ punas tadagatau siddhirityāha- dṛṣṭo hītyādi| saṁyogasya
hi dviṣṭhatvād dvitvavat sarvāśrayadarśanapūrvakameva grahaṇaṁ bhavati| anu-
mānakāle cāśrayasya sarvasyādarśanāt saṁyogasya grahaṇaṁ na sambhavatye-
va| atha cāvinābhāvitvasmaraṇādagnir dhūmenānumīyate| syādetat
- avidita evāsāvanumitihetur bhaviṣyatītyāha- jñānakāraṇatve-
naivetyādi svaviṣayajñānahetutvenetyarthaḥ| sarva eva hi jñāpakaḥ svavi-
ṣayaṁ jñānamupajanayan jñāpyamarthaṁ jñāpayati pradīpavat| anyathā'gṛ-
hītādapi dhūmādagnau pratītiḥ syāt||

saṁyogasya cetyādi| yaḥ saṁyogāśrayaḥ sa dvitīye pratiyogini
pratītihetuḥ| tad yathā dhūmaḥ| tathā cāgniriti svabhāvaṁ prasaṅgamāha|

(78)

syādetat - iṣyata evaitadityāha- dṛṣṭaś cetyādi| nanu ca dhūma-
syāpi vāsagṛhādiṣvanagner bhāvo dṛṣṭa eva| tat ko'nayor viśeṣaḥ
yenaikatrābhivyañjakatvaprasaṅgaś codyate netaratra| evaṁ manyate- dhūmasya
saṁyogitvaṁ yadyapi vartamānaṁ nāsti bhūtapūrvaṁ tu vidyata eva naimitti-
kasya nimittāvyabhicārāt| utpadyamāna eva dhūmo'gninā saṁyujyate|
agnis tu nimittaṁ tasya| na cāvaśyaṁ nimittāani naimittikavanti bha-
vanti| atas tasya kasyāñcidavasthāyāṁ bhūtapūrvamapi saṁyogitvaṁ na sa-
mbhavatīti| tadevam- yataḥ kadācidagnir dhūmasya nimittaṁ kadācid-
nimittam tasmād vyabhicāritvān na tasya dhūmaṁ pratyabhivyañjakatva-
m| saṁyoge tvanumitihetāviṣyamāṇe tat prāpnotīti codyate||

apavādādityādi| sandigdhaśrutyānaikāntikamāha sandehahetu-
tvāt| kathaṁ punas tulye saṁyogitve vahneranaikāntikatvam na dhūmasye-
tyāha- na hi so'vaśyamityādi||

abhedata iti| saṁyogo hi prāptiḥ| na ca tasyā bhedo'sti| tata-
ś ca yathaikasya prāptiḥ tathā dvitīyasyeti| naikatrāgnāvakāraṇaṁ yu-
ktaḥ| syādetat- saṁyogasya kaścidāśrayo vyabhicārī yas taṁ vya-
bhicarati| kaścidavyabhicārī yo na vyabhicarati| tatra yo'syāvya-

(79)

bhicāryāśrayaḥ sa eva liṅgatveneṣyate netaraḥ| tasmān na saṁyogo
gṛhīta ityevānumitihetuḥ| hiṁ tarhi| yadāyamasyāśrayo vyabhicārī
ayamavyabhicārītyevaṁ punar vyabhicāryavyabhicāryāśrayatvena vicārapūrva-
kaṁ gṛhyate tadaivāvyabhicāriṇyāśraye gamakatvam ādadhmaḥ| tatas te-
naivāvyabhicāriṇānumānaṁ kartavyamiti nāsti yathoktadoṣāvakāśa
ityāha- na hītyādi| sakṛdasakṛd vā gṛhyamāṇaḥ saṁyogo na kañca-
nātmātiśayaṁ pratipadyate yenāsakṛd gṛhyamāṇasya tasyānumitikāra-
ṇatvaṁ syāt| yadi ca sa gṛhīto'pi san punarapi vyabhicāryavyabhicā-
ryāśrayatvena grahaṇamapekṣate evaṁ satyanya evāvinābhāvitvasamba-
ndho'ṅgīkṛtaḥ syāt na saṁyogaḥ| tasmāt tadaṅgīkaraṇe sakṛdevāsya
grahaṇaṁ pramāṇayitavyam| tataś ca kuto'sya vyabhicāryavyabhicāri-
tvena vicāraṇeti||

yasyāpyavinābhāvitvaṁ sambandhaḥ tasyāpi kathamayaṁ doṣo na bha-
vatītyāha- yasya tvityādi| avaśyaṁgrahaṇaṁ kṛtakatvānityatvādāva-
vinābhāvitvasyāpyubhayatra vṛtteḥ||

na ca kenacidityādinā| yad rūpamagner dhūmasaṁyogi tad dhū-
magamyam agnyādirūpavat| tathā ca dīptādirūpam| tathā yad dhūma-
sya rūpaṁ vahnisaṁyogi tadagner gamakam dhūmatvādirūpavat| tathā ca

(80)

dravyādirūpamiti svabhāvaprasaṅgadvayamāha| dīptādiśrutyā cātra tadvada-
gnirūpamevoktam na tu guṇasāmānye tayoḥ saṁyogitvāsambhavāt||

yathā cetyādi| yathoktaṁ doṣaṁ sambandhāntare'tidiśati||

virodhiṣu tu sambhavāditi| sambhavagrahaṇena- bhūta eva virodhi-
nyayaṁ prasaṅgaḥ na tvabhūte tasya sāmānyaviśeṣānupapatteriti darśaya-
ti||

liṅgasyetyādi| liṅgasya dhūmāderanyena yat sāmānyaṁ dravyatvādi-
rūpaṁ ye ca viśeṣā dīptādayaḥ tadubhayamapi dyotakadyotyaṁ na bhavati|
atra ca vyavahitaḥ sambandho draṣṭavyaḥ - liṅgasyānyena sāmānyaṁ vi-
śeṣāś ca liṅgino na dyotakadyotyamiti| vṛttānurodhād vaivaṁ paṭhi-
tam| anyeṣāṁ tu vaiśeṣikādīnāṁ sarvathā prasajyate dyotakadyotyam
saṁyogādeḥ sambandhasyāviśiṣṭatvāditi||

saṁyogimātrādhigamaprasaṅga iti saṁyogyākāramātreṇa grahaṇamanu-
meyasya prāpnotītyarthaḥ| kuta etadityāha- anyathetyādi| samba-
ndhānurūpyeṇa hi liṅgaṁ liṅginaṁ gamayati| ataḥ saṁyogavaśena liṅgaṁ
pratyāyayat saṁyogirūpeṇa gṛhītaṁ tenaiva rūpeṇa pratyāyayet saṁyogya-

(81)

ntarāpekṣatvāt saṁyogitvasya| tathāpyuktam- yadāsyedaṁ saṁyogi prasi-
ddhamasandigdhaṁ ca bhavati  athāsya sambandhino grahaṇādagṛhyamāṇe'pi
sambandhinyanuvyavasāyo bhavatīti||

syādetat- agnirūpeṇaiva saṁyogaḥ| tatas tadrūpeṇāpyadhigamaḥ|
yat punaruktam- athāsyetyādi tatra sambandhinītyanena viśeṣa eva
parāmṛṣyate na tu saṁyogisamavāyirūpamātramityāha- na cātretyā-
di||

atha vānāśaṅkya pūrvapakṣe doṣāntaramevānenāha| yadi dhūmena saṁyo-
gināgnisattā sādhyeta syādagnidhūmasaṁyogasyānumitāvaṅgabhāvaḥ| na
cāsau sādhyate| kuta ityāha- tasyāḥ pratītatvāditi| kiṁ tarhiṁ|
sādhyata ityāha- yatra tvityādi| kuta etat| atreti vacanāt|
atraśabdena hyatra deśasyādhāratvaṁ pratipādyate||

nanu cādhārasāmānyamatreti vacanena pratipādyate| tatra kutas tato
viśeṣagatirityāha- anyathā hītyādi| etenāsambhavadarthāntaratvaṁ
viśeṣaṇaṁ sūcayati| yatrāsambhavadarthāntaramatretyetad vacanam tatra pra-

(82)

deśādhāravivakṣā yathātra kūpa iti vākye| asambhavadarthāntaraṁ cāgni-
ratretyasminnatreti vacanam| kāryam||

nanu cāsiddhaṁ viśeṣaṇam dhūmasyaivātretyanena vivakṣitatvādityāha
- dhūme'gnirityādi| pratijñārthaikadeśatvaṁ tu sādhyadharmiṇa eva hetutve-
nābhidhānāt| nanu ca viśeṣaḥ pratijñārthaikadeśaḥ sāmānyaṁ hetuḥ| tat
kuto'yaṁ doṣaḥ| evaṁ manyate- agnidhūmayoḥ saṁyogaṁ sambandhamicchatā
heturapi viśeṣa eva svalakṣaṇātmako'bhyupeyaḥ na sāmānyam a-
nyathā saṁyogo na sambhavet dravyayoreva parasparaṁ yasmādasau śāstra
iṣyate| tataś ca bhavati pratijñārthaikadeśo hetuḥ| atrāpi caitad va-
ktavyameva - na cātrāgnisattā sādhyate tasyāḥ pratītatvādityādi|
tan nāmottaraṁ vācyam yatra yathokto doṣo nāvatarati| iha tu dhūma-
viśeṣe'pyagnau sādhye sa doṣas tadavastha eva| tato nedamuttaramiti||

yadi tarhi dravyayoreva mithaḥ saṁyoga iti samayaḥ nanvevamagnirapi
viśeṣa eva svalakṣaṇaparyāyaḥ sādhyatvenābhyupeyaḥ| tataś ca sādhyasā-
dhanayoḥ svalakṣaṇātmakatvāt sarvo heturasādhāraṇaḥ syāt dṛṣṭāntaś

(83)

ca sādhyasādhanavikalaḥ| satyametat| ata evāha- tasmān na li-
ṅgaliṅginoravaśyaṁ saṁyoga iti| atrābhyupeya ityadhyāhāryam| ya-
smādevaṁ saṁyoge sambandhe doṣaḥ tasmāl liṅgaliṅginor naiva saṁyogaḥ
sambandho'bhyupagantavyaḥ avaśyaṁgrahaṇena hyavadhāraṇaṁ darśitam| kiṁ
tarhi| avinābhāvitvameveti tasyādoṣatvāt||

nanu ca tadapi sadoṣameva avyāpitvāt| na hi tat sarvadā liṅga-
sya sambhavati| tathā hyagniśūnyayorapi deśakālayoḥ kadācid dhūma
upalabhyata ityāha- deśakālavyapekṣaṁ tvityādi| yāvati deśe dhū-
mo'gnimantareṇa na dṛṣṭaḥ tadapekṣayāvinābhāvitvaṁ bhavati| yāvatā
vā kālenāraṇinirmathanādyavasthāyām ādhiśabdādanyasyāṁ cāva-
sthāyāṁ sannihitadahanāyām dhūmo'gnināvinābhāvyupalabdhaḥ ta-
dapekṣayāvinābhāvitvam||

samavāyo'pītyādi| yo nopalabdhaḥ sambandhaḥ na so'pyanumi-
tikāraṇam yathā kayościdaprasiddhaḥ kāryakāraṇabhāvaḥ| aprasiddhaś
ca samavāya iti vyāpakābhāvamāha| sambandho hītyādi dṛṣṭāntaprakā-

(84)

śanam| na hītyādyasyaiva vivaraṇam| avyutpannasyāpi ceti| ya-
syāpi samavāyaviṣayā vyutpattir nāsti tasyāpi viṣāṇādāvavi-
nābhāvitvasmaraṇād gavādeḥ sampratipattir dṛṣṭā| tato'vinābhāvi-
tvamevānumiter hetuḥ tadbhāvābhāvayos tadvattvāt bījamivāṅkurasya||

atrāpyetadevetyādinaikārthasamavāyasya samavāyadoṣavattāmāha a-
trāpi cetyādināpi saṁyogadoṣavattām| syādetat- asan sandi-
gdhaś cānapadeśa ityapavādo'sti| tato na rūpasya sparśād vāyā-
vanumitirityāha- vyabhicāritve cetyādi||

kāraṇakāraṇāditi| śarīrasya kāraṇaṁ śiraḥ| tasyāpi kāraṇaṁ
svāvayavo lalāṭam| tato'pi kāraṇakāraṇāt kāryakārye śarīre
sampratyayo dṛṣṭaḥ| kathaṁ punaḥ śarīrasya śiro'vayavasya caikārthasama-
vāyaḥ yāvatā vigrahabhedād dvividhamekārthasamavāyi darśitam ekā-
rthena samavāya iti vigrahāntarasamāśrayāt| tathā hi- śira e-
ko'rthaḥ| tena ca tayorubhayorapi samavāyaḥ| yathāheti| tadvacanameva
jñāpakamāha| yasyaitat prasiddhamasandigdhaṁ ca bhavati- te śiraḥ prabhṛta-

(85)

yo nānārabdhaśarīrāḥ sambhavanti| na caitannāśe śarīrānāśasambhavaḥ|
na ca mūrdhāderanāśe tadavayavā vibhaktā bhavantīti tasyaivaṁvidhaḥ sampra-
tyayo bhavati- abhūc charīram yasyāyamavayavāvayava iti| tato
nāvadhārayitavyaṁ dvividhameveti| nanu ca tata eva dṛṣṭavinaṣṭāc chirasaḥ
sampratyayaḥ na tadavayavāt| ata evoktam- abhūtāditi| na a-
sato hetutvāyogāt atyantābhāvavat||

virodhasyānumitihetutvanirāsāyāha- yad virodhītyādi| vā-
yvabhrasaṁyogo hi varṣakarmaṇā virodhīti tayoḥ sahānavasthānāt|
na cātra varṣakarma liṅgamiti tadviruddhadharmasādhanāt| kiṁ tarhi| ta-
dabhāva iti vayvabhrasaṁyoge sati varṣakarmābhāvāt| na ca varṣakarmā-
bhāvavāyvabhrasaṁyogayor virodha iti sahāvasthānāt| syādetat-
varṣakarmaṇo yo'bhāvaḥ sa tasyaivāvasthāviśeṣaḥ| tato varṣakarmaivāva-
sthāprāptaṁ liṅgamiti| kathaṁ punarabhāvaḥ sato viśeṣaḥ| tadviśeṣatve vā-
bhāva eva na syāt viśeṣasya bhāvātmabhūtatvāt| arthāntaratve vā sa
eva doṣaḥ - yad virodhi na tal liṅgamityanuttarametat||

(86)

evamanyatrāpi vācyamiti| yatrābhūtasya liṅgam tatrāpi| vā-
yvabhrasaṁyogābhāvo hi varṣakarmābhāvena virodhī| na cātra varṣakarmābhāvo
liṅgam| kiṁ tarhi| varṣakarma| na ca varṣakarmavāyvabhrasaṁyogābhāvayor
virodhaḥ| evaṁ bhūtaṁ bhūtasyetyatrāpi| dravatvakarma syandanaṁ setubandhena
virodhi| na ca syandanaṁ liṅgam| kiṁ tarhi| tadabhāvaḥ| tathā'bhūtama-
bhūtasyetyatrāpi| śyāmatāgnisamyogayor virodhaḥ| na cātra tayor li-
ṅgaliṅgibhāvaḥ| kiṁ tarhi| tannivṛttyoḥ|

yac coktamiti| sadanityaṁ dravyavat kāryaṁ kāraṇaṁ sāmānyaviśe-
ṣavaditi dravyaguṇakarmaṇāmaviśeṣa iti vacanāc chāstre dravyaguṇakarma-
ṇāmeva kāraṇabhāva uktaḥ| iha cābhūtaṁ bhūtasyetyevamādinābhāvasya
kāraṇābhidhānāt praśnaḥ- kathamabhāvo bhāvasya liṅgamiti| na brūmaḥ
- abhāvo bhāvasya liṅgam| kiṁ tarhi| abhūtādipratipattiḥ| kutaḥ|
prasiddhapūrvakatvādapadeśasyeti| yasya dhūmo'gneḥ saṁyogīti pūrvaṁ sa-
mbandhagrahaṇakāle prasiddho bhavati tasyaiva dhūmadarśanādagnāvanumānam

(87)

netarasya| tasmād dhūmādipratipattireva liṅgam| tadviṣayasya tu liṅga-
tvamaupacārikam yathā candanatuleti||

asambandhān na liṅgadhīriti| yasya yena saha sambandho nāsti
na tat tasya liṅgam yathā ghaṭaḥ paṭasya| nāsti ca liṅgino liṅga-
dhiyā sambandha iti vyāpakābhāvamāha||

sambandhārthaṁ ceti| prasiddhiliṅga ātmetyukte pareṇoktam- na pra-
siddhirātmano liṅgamanyatvāt| na hyarthāntaramarthāntaraṁ gamayati a-
tiprasaṅgāt| ata idaṁ sūtramupanyastam| etaduktaṁ bhavati- na sarvama-
rthāntarasya liṅgam| kiṁ tarhi| yadeva kāryakāraṇādisambaddhānāmanyata-
mena sambaddham tadevāpadeśa iti||

laiṅgikatvena nirdeśāditi| laiṅgikamiti vacanādasmin sūtre li-
ṅgajñānaṁ laiṅgikatvena nirdiṣṭamiti tasya liṅgatvapratijñāne'bhyupetabādhā||

atha manyase - anumeyajñānamatra laiṅgikatvena nirdiṣṭam na liṅgajñāna-
mityāha- anumeyajñāne hītyādi| yadi liṅgajñānaṁ laiṅgikamiṣyate

(88)

evamanumeyajñānamasya vyatiriktaṁ phalaṁ bhavati| anumeyajñānasya tu
laiṅgikatve tadutpattāvadhigataḥ so'rtha iti phalābhāvaḥ| tataḥ saivābhyu-
petabādhā| syādetat- liṅgajñānaṁ liṅgam sambandhasmaraṇaṁ laiṅgikam|
anumeyapratītis tu phalamiti| ata āha- smṛtimātra ityādi|
yadi sambandhasmaraṇaṁ pramāṇam evaṁ sati yo'pi liṅgaṁ na paśyati
tasyāpi dhūmasambandhasmaraṇādagnipratītiḥ syāt| mātraśabdo dhūmada-
rśanavyudāsāya| tatsahitaṁ hi sambandhasmaraṇamanumānamiṣyata eva
yadāha- tadetat sākṣāt pāramparyeṇa cānumitikāraṇatvādubhayamapyanu-
mānamiti||

itikaraṇanirdeśāditi virodhi ceti sūtrānta itikaraṇapāṭhāt|
asyedaṁ kāryamityādi yaj jñānam taditikaraṇo dyotayati| yadi
tarhi liṅgajñānaṁ laiṅgikam avyutpannasyāpi liṅgadarśanamātrādadhiga-
tiḥ syāditi| ata āha - sambandhasmṛtyapekṣamiti| sambandhasmṛ-
tyapekṣatvaṁ tu tasya prasiddhapūrvakatvādapadeśasyetyasmāl labhyate||

kāraṇaṁ kṛtveti| liṅgaśabdo'yaṁ kāraṇaparyāyaḥ anekārthatvād
dhātūnāṁ liṅgyate janyate kāryamaneneti vyutpatteḥ| liṅgapratipattiś

(89)

cānumeyapratipattera hetur bhavati| ataś ca yaduktam - asambandhān
na liṅgadhīr liṅgamiti asya siddhasādhyatā kāraṇahetor viva-
kṣitatvāditi| tac ca netyādinā nirākaroti| anumeye cihnabhūta-
syeti jñāpakasyetyarthaḥ anumeyaṁ cihnyate jñāyate'neneti kṛtvā|
anyathā hīti| yadi janakasyāpi liṅgasyādhikāraḥ syāt ā-
tmendriyamano'rthasannikarṣā api vaktavyāḥ syuḥ| te'pi hyanumeya-
jñānahetava iti| na coktāḥ| tasmān nātra janakasyādhikāra iti|
syādetat- anumeyajñānaṁ prati liṅgajñānasya sākṣātkāraṇatvam nā-
nyasya| ato mukhyakāraṇatvāl liṅgajñānamevoktamityāha - na ca
sākṣādityādi| kathaṁ netyāha- sambandhasmṛtyantaritatvāditi||

sambandhasmṛtisiddhiḥ syāditi| ato vacanāt sambandhasmṛtiḥ
sidhyet na tu sambandhini dhūmādau pratipattiḥ| tathā hi bhāṣyam-
yasya dhūmādināmagnyādibhiḥ sambandhaḥ siddha ityādi| yathā va-
kṣyatītyatrārthe jñāpakamāha| yasmāt tatraivoktam - kathamavagamyate -
prasiddhapūrvaka evāpadeśa iti| ucyate - satyarthāntarabhāve yasmād a-
prasiddho'napadeśaḥ| katham| yasya hi dhūmādīnāmagnyādibhiḥ sambandho

(90)

na prasiddhaḥ taṁ prati dhūmādayo'napadeśā iti tasmādajñāpakamidaṁ
liṅgajñānasya laiṅgikatve||

kāryatvādi na sūtritamiti| śāstre kāryatvāt kāraṇato vikā-
rāt saṁyogād vibhāgāc chabdāc ca śabdaniṣpatter anityaḥ śabda
iti kāryatvādayaḥ śabdānityatvahetava uktāḥ| tathā sadakāraṇavan
nityamiti nityatvasiddhaye sadakāraṇavattvamuktam| teṣāṁ kāryatvādīnāṁ
liṅgatvaṁ noktamiti lakṣaṇanyūnatā| tatraitat syāt- tānyapi kārya-
tvādīni kāryādiṣvantarbhavantītyāha- na hyeṣāmityādi| eṣāmani-
tyatvādiliṅgānāmanyatamadityekamapītyarthaḥ||

nanu kāryatvaṁ sadakāraṇatvaṁ caikārthasamavāyitve'ntarbhavati ekasmi-
nnarthe śabdādau kāryatvānityatvayor nityatvasadakāraṇatvayoś cātmādau
samavāyāt| naitadasti| ekārthasamavāyi hi kāryaṁ kāryāntarasya kā-
raṇaṁ kāraṇāntarasyetyuktam| na cātra kāryakāraṇabhāvaḥ sambhavati||

(91)

vyaṅgyavyañjakatveneti| anityatvaṁ vyaṅgyatvāt kāryam| kāryatvaṁ tu
vyañjakatvāt kāraṇamityevamanyatrāpi veditavyam||

śeṣamavyañjakaṁ prāptamiti| anyathā pṛthaṅnirdeśa eva na syāt| sa
cāsti| tan na vyaṅgyavyañjakatvenātra kāryakāraṇatvamabhipretamiti pratī-
yate||

vyarthaḥ so'pyanyato gateriti| vyartho vigataprayojanaḥ| anyata
ityavinābhāvāt| avinābhāvitvena hi dhūmāder liṅgādanumeyamavaga-
myāyamasya vyañjaka iti manasā kalpyate| tasmād vyarthamasyānu-
mitikāraṇatvaṁ kalpitamiti śeṣaḥ| kalpayatīti vā prakṛtamihāpi
sambandhanīyam niṣprayojanameva paro'syānumitikāraṇatvaṁ kalpaya-
tītyarthaḥ||

anye punarāhuḥ - avinābhāva eva sambandho'numitikāraṇamiha
śāstre nirdiṣṭaḥ| anumānabhedapradarśanārthaṁ tu kāryakāraṇabhāvādisamba-
ndhopādānam| tataś ca sarvadoṣābhāva iti| tadayuktam kāraṇasyā-

(92)

pi liṅgatvena nirdeśāt tasya cāvinābhāvāt sambhavānumānasyāpi pa-
ramatenāsambhavāditi||

(93)

sāṅkhyānāmapītyādi| vistareṇānumānaṁ vidyeteti sthite tataḥ sva-
rūpaparijñānāya pareṇa - kimidamanumānaṁ nāmetyukta āha - samba-
ndhādekasmādityādi||

saptavidhaḥ sambandha iti| saptavidhatvaṁ sambaddhānāmarthānāṁ svasvā-
mibhāvena vetyādibhāṣyavacanāt| sambaddhānāmarthānāmiti ca nirdeśāt
sūtre karmasādhanaḥ sambandhaśabdo jñeyaḥ||

svasvāmibhāvena veti rājabhṛtyavat pradhānapuruṣavac ca| udāhara-
ṇadvayaṁ lokaśāstraprasiddhivaśena| evamuttaratrāpi vijñeyam| svasvāmi-
bhāvaḥ parasparāpekṣayā| svasya svāminaṁ prati bhāvas tadyogyatā| evaṁ
svāmino'pi svaṁ prati bhāvaḥ| prakṛtivikārabhāvena vā dadhikṣīravat
pradhānamahadādivac ca| prakṛtiravibhaktaṁ kāraṇam| vikāras tasyāḥ

(94)

pāriṇāmiko dharmaḥ| kāryakāraṇabhāvena vā parasparopakāralakṣaṇena ra-
thāṅgavat sattvādivac ca śabdādibhāvena pariṇatau| nimittanaimittika-
bhāvena vānyataropakāralakṣaṇena kulālaghaṭavat puruṣapradhānavṛttivac
ca| mātrāmātrikabhāvena vāvayavāvayavibhāvalakṣaṇena śākhādivṛkṣavat
śabdādimahābhūtavac ca| sahacaribhāvena vā cakravākavat sattvādivac
ca| vadhyavadhakabhāvena vāhinakulavadaṅgāṅgisattvādivac ca| sattvādīnāṁ
hi yasyāṅgitvam tenetarābhibhavaḥ| eṣa saptavidhaḥ sambandhaḥ||

tena yathāsambhavaṁ sambandhādekasmād iti| yathāha - kaścidarthaḥ
kasyacidindriyasya pratyakṣo bhavati| tasmādidānīmindriyapratyakṣāda-
rthāt purastāt samūhe kṛtasambandhād buddhiraviśiṣṭasyārthasyāstitvaṁ pra-
tipadyate| tad yathā puro dhūmāgnyoḥ sambandhaṁ dṛṣṭvā dhūmadarśanādagnerapi
sattvaṁ pratipadyata iti||

(95)

siddhiheturiti| liṅgajñānaṁ sambandhasmṛtyapekṣaṁ tadviśeṣasyāpratya-
kṣasya sambandhinaḥ siddhihetuḥ| siddhis tu phalam| sūtre tu kāreṇe
kāryopacārāc cheṣasiddhiranumānamityuktam||

liṅgajñānaṁ tu kiñcidaniścitamapi syāditi bāṣpādisādhāraṇaṁ
pāṇḍutvādimātraṁ dṛṣṭavataḥ - kimayaṁ dhūma uta bāṣpādiriti sandehāt|
ayathārthaṁ ceti bāṣpādau dhūma iti grahaṇāt| viśeṣaṇārthamuttara-
mārabhata iti| yaduktam- ekasmāt pratyakṣāditi tasyaitad viśe-
ṣaṇam| pratyakṣaṁ cānavadhāritaṁ ceti| sāmānyataḥ śrotrādivṛttyā gra-
haṇāt pratyakṣam viśeṣataḥ saṁśayaviparyayābhyāmanavadhāritam| vi-
śeṣadarśanāditi| viśeṣayantīti viśeṣāḥ| dhūma eva ye vartante vi-
śiṣṭāḥ pāṇḍutvādayaḥ taddarśanād viśeṣeṇa pratipadyate - dhūma evā-
yamityevam| sarvamityanena śeṣaṁ granthaṁ sūcayati| sa punaḥ - tad yathā

(96)

mandamandaprakāśe gavāśvocite deśe gopramāṇamārupaṁ dṛṣṭvā sandihānā
buddhir viśeṣadarśanād viśeṣeṇa pratipadyate - gauraśva iti ceti|
ārūpaṁ dṛṣṭveti īṣadrupaṁ dṛṣṭvā saṁsthānamātraṁ dṛṣṭvetyarthaḥ||

evaṁ ceṣyamāṇa iti sāmānyato gṛhītasya punar viśeṣeṇa grahaṇa
iṣyamāṇe| svārthālocanamātratvāditi śabdādisvalakṣaṇānubhava-
mātratvādityarthaḥ| mātraśabdaḥ sāmānyaviśeṣagrahaṇanirāsārthaḥ| na hi
śrotrādivṛtterityādi| arthontarāpekṣau hi sāmānyaviśeṣau| ato
'rthāntarāpekṣayāsyānena sārūpyamasya vāto viśeṣa iti bhavati| na
ca śrotrādivṛtterevaṁ grahaṇe sāmarthyam avikalpakatvāditi nendriyavṛ-
tteḥ sāmānyaṁ viśeṣo vā viṣayaḥ|

ayathārthatvāditi sāmānyaviṣayāyā indriyadhiyaḥ| tathā hyuktam
- sāmānyataḥ khalvapi pratyakṣaṁ cānavadhāritaṁ ceti| saiva viśeṣya
vaktavyeti yathārthā śrotrādivṛttiḥ pratyakṣamiti| yathānyatreti nyāya-
sūkṣme| evaṁ hyucyamāne pratyakṣalakṣaṇaṁ cādoṣaṁ bhavatīha ca viśeṣaṇaṁ na

(97)

kartavyaṁ jāyate anavadhāritasya liṅgasyāpratyakṣatvādevāliṅgatvaprasa-
ṅgāt||

atra kecidāhuḥ - yadyapi svārthālocanamātratvaṁ pratyakṣasya tathāpi
naiva sāmānyaviśeṣaviṣayatvābhāvaḥ śabdāderanarthāntaratvāt sāmānya-
viśeṣayoḥ sarvathaiva śabdāderindriyaviṣayatvāditi| tadayuktam svavi-
ṣayaviniveśavyāghātaprasaṅgāt| yac chabdavṛtti sāmānyam tadeva
rūpādāvapi vartate| yathā ca tac chabdādananyat evaṁ rūpāderapīti
tasya śrotravṛttyā grahaṇe rūpāderapi grahaṇamanuṣajyate| anekasmāc ca
rūpāderananyatvāt sāmānyasyānekatvaṁ rūpādīnāṁ ca tata ekasmādana-
nyatvādekatvamiti||

pratyakṣaphalaṁ pratyakṣamiti| yaduktam- evaṁ ceṣyamāṇa ityādi
tasyāyaṁ parihāraḥ vikalpikatvān manovṛtteḥ sāmānyaviśeṣaviṣaya-
tvāt| tadapyayuktamiti| pratyakṣaphalatvaṁ yadi manovṛtteḥ syāt syāt
tathāvyapadeśaḥ| tac ca nāsti bhinnaviṣayatvāt| etac ca prāgevo-
ktam| tasmādayuktaṁ pratyakṣaśabdavyapadeśyatvam| tad darśayati- na
cānyasyetyādi pratyakṣāt tatphalād vānyasya viṣayopacārahetvabhā-
vāt||

(98)

atha vā kecidevaṁ vyācakṣate - ekasmāt pratyakṣāditi pratyakṣaśa-
bdo'yaṁ prasiddhatvamupalakṣayati| pratyakṣāt prasiddhādityarthaḥ| tena pratya-
kṣāt pratyakṣaphalāc cānyasyāpi jñānasya viṣaye liṅge pratyakṣavyapade-
śo bhaviṣyatīti| ata āha- na cānyasyetyādi| evaṁ manyate-
prasiddhatvaṁ hi pramāṇena syāt pratyakṣādinā| tatra pratyakṣeṇa tāvat tan
nopapadyate yathoktād vidhānāt| anumānenāpi naiva anavasthāpra-
saṅgāt| yena hi liṅgena dhūmo'numīyate tatsādhanāyāparaṁ liṅgamanve-
ṣyam| tatsiddhaye'pyaparamityanavasthāprasaṅgaḥ| āgamo'pi naiva sadā
liṅgagrahaṇe vyāpriyate| na hi siddhāntasamayānāśritā liṅgamāgamena
paricchindanti| kaścidarthaḥ kasyacidindriyasya pratyakṣo bhavatīti
bhāṣyavacanāc cāyuktametaditi||

bhavatu nāma kathañcit pratyakṣavyapadeśa ityabhyupagamya doṣāntarābhi-
dhitsayāha- idaṁ ca vaktavyamityādi| svādeḥ sambandhinaḥ svatvādi-
rūpeṇaiva vā grahaṇaṁ syād rūpāntareṇa vā| yadi svatvādirūpeṇa sva-
mityevaṁ gṛhyate evaṁ sati svāmisambandhitvāt svasya svāminamanta-
reṇa svatvānupapatter niyataṁ svāmyapekṣatvāl liṅgadarśanāt pūrvameva
svāmipratipattyā bhāvyam| na hyanyathāsyedaṁ svamityevaṁ grahaṇaṁ bhavati|

(99)

tataś cottarakālaṁ sambandhasmaraṇamanarthakaṁ syāt svāminaḥ pūrvame-
va siddhatvāc cheṣānupapatteḥ śeṣasiddheś cānumānatveneṣṭatvāt||

athānyathākārāntareṇa grahaṇamiṣṭam tan noktamityasampūrṇatā
lakṣaṇasya| liṅgagrahaṇe tulyamiti| yadyavinābhāvitvena liṅgagrahaṇa-
m avinābhāvitvaṁ ca pratiyogyantarāpekṣameveti prāgeva liṅgagrahaṇāt
sādhyapratītyā bhāvyam evaṁ ca sādhye pratiyogini siddhe sambandhasma-
raṇānarthakyam| athānyathā tan noktamiti samānam| na ta-
syetyādi| anumeye sadbhāva iti vacanād dharmiṇi dhūmādeḥ sadbhāva-
mātraṁ gṛhyate na tu sambandhitvam| kadā tarhi tad gṛhyata ityāha-
paścādityādi|

avyutpannasya tadgateriti svasvāmisambandhādyanabhijñasya śeṣaga-
terityarthaḥ| kathaṁ punas tadgatirityāha - dṛṣṭo hītyādi| kāryakāraṇa-
bhāve tu sambandhe yathā śāstre vibhajyate kāryakāraṇabhāvaḥ sambandhaḥ
tathaivāvyutpannatvamatra vivakṣitam na tu sarvatheti veditavyam| śāstre
hyekasyaiva vastunaḥ svarūpamavijahataḥ pariṇāmena kāryakāraṇabhāvo
vyavasthāpyate| ye'pi ca tathā kāryakāraṇabhāvasambandhaṁ na pratipadya-
nte te'pi prakārāntareṇa taṁ pratipadyāvinābhāvitvamātropalambhā-
danumeyaṁ niścinvanti||

(100)

śāstradṛṣṭas tu kāryakāraṇabhāvo nopapadyata eva| ekatve hi kārya-
kāraṇayoridaṁ kāryamidaṁ kāraṇamityetadeva na syāt| athāsti tayoḥ
kaścit svabhāvātiśayaḥ yenaivaṁ bhavati bhedaprasaṅgaḥ| sattvādiṣvapi
hi bhedavyavasthāyāḥ svabhāvabheda eva nibandhanam| satyapi kāryakāra-
ṇatvena bhede traiguṇyajātyabhedādaikyamiti cet| na kāryakāraṇavyatire-
keṇa traiguṇyasyānupalakṣaṇāt| na ca nityasya krameṇa yogapadyena vā
pariṇāmaḥ sambhavati tat kutas tannibandhanā kāryakāraṇavyavasthe-
tyalaṁ prasaṅgena||

syādetat - agṛhīte eva so'numitikāraṇamityāha - na
cetyādi sugamam||

na cāvaśyamityādi| nanu svāmyapekṣyaiva svasya rūpaniṣpattiḥ|
tat kuto vyabhicāraḥ| evaṁ manyate - anumitikāla eva vā svatvena
gṛhītaṁ liṅgaṁ pratiyoginaṁ gamayet prāg vā sambandhagrahaṇakāle tathā
paricchinnaṁ sadanumānakāle'nyathāpyupalabhyamānamiti| yadyanumāna-
kāla idamasya svamityevaṁ niścitaṁ gamakamiṣyate atrokto doṣaḥ-

(101)

svāmisambandhāt svatvamityevamādinā| tasmād dvitīyaṁ darśanama-
bhyupeyāt| tataś ca vyabhicāraḥ| svasvāminoḥ paryāyeṇa viparyaya-
bhāvasambhavān na śakyamevamanumānaṁ kartum- idaṁ mayā tasya prāk
svatvena gṛhītam| tasmād yatredaṁ tatrāsya tena svāminā bhavitavyami-
ti vināpi pārthivādinā cchatrādeḥ kevalasyāsvāmikasya ca darśana-
sambhavāditi| evamanyatrāpi yathāsambhavaṁ vyabhicāro'bhyūhyaḥ||

syādetat - na sarvaṁ svasvāmibhāvādinā sambaddhaṁ gamakam| kiṁ ta-
rhi| yadavyabhicārīti| ata āha- na hyupalabdhasambandhasyet yādi|
yadi yathokte sambandhe gṛhīte'pi liṅgasya punar vyabhicārya-
vyabhicāritvamakṣyate tato'vinā bhāvitvamevānumitihetuḥ syā-
t na svasvāmibhāvādayaḥ sambandhāḥ||

syādetat - avinābhāvo'numitihetuḥ| sa tu yathokte sambandhe
sati bhavati| atas tannirdeśa iti| tadayuktam tadbhāve'pi tadabhā-
vāt||

sambandhasyāviśiṣṭatvāditi| dviṣṭo hi nimittanaimittikasamba-
ndhaḥ| sa caikatra yathā dvitīye'pītyubhayatra gamyagamakabhāvaḥ syāt||

(102)

vadhyavadhakabhāvas tvasambandha eveti liṅgaliṅginorityabhiprāyaḥ|
ata evāha - na hi tau liṅgaliṅgināviti| itare sambandhāḥ parābhi-
prāyeṇa liṅgaliṅginoḥ sambhavanti| vadhyavadhakabhāvas tu paramatenāpi
na sambhavati| ahinakulayor hi vadhyavadhakabhāvaḥ na ca tau liṅga-
liṅgināviṣyete vyabhicārāt api tvahijayanakulaparājayau| na
ca tayor vadhyavadhakabhāvaḥ| evamanyatrāpīti kākolūkādiṣu||

yat punaravadhāritamityādinā lakṣaṇāvyāpitāmāha pradhānapuru-
ṣasamprayogapratipattihetoranumānasyāsaṅgrahāt| anvayādibhiriti|
ādiśabdena parimāṇakāryakāraṇabhāvaśaktipravṛttivaiścarūpyāṇi gṛhya-
nte| pradānāstitvādyadhigama ityatrāpyādigrahaṇenaivatvārthavattvapārā-
rthyādayaś cūlikārthāḥ| tadā katara iti saptasveko'pi na sambhava-
tīti pṛcchati| cintyamiti dvaividhyasambhavāt||

na pṛthagvācya iti| asti pradhānam bhedānāṁ darśanādityevaṁ vaktavya-
m na tu bhedānāmanvayadarśanād iti||
bhedā eva hi naimittikā iti utpādyatvāt| nimittaṁ pradhāna-
miti utpādakatvāt||

(103)

ananyatvāditi| anvayo'pi bhedānāmātmabhūtaḥ taddharmatvād dha-
rmadharmiṇoś cānanyatvāt| ato bhedavat tasyāpi naimittikatvamupapa-
nnam| evaṁ parimāṇādīnāmapi veditavyam||

na pañcadheti| bhedātmabhūtatvādanvayādīnāṁ bhedā evaiko vītaḥ syā-
t||

na ca kaścidityādinā- ye bhedānāṁ nirvartakāḥ pradhānadharmāḥ te
tadgamyāḥ ekatvādivat| tathā ca niravayavāmūrtatvādayaḥ| tathā ye
pradhānena nirvartyā bhedadharmāḥ te tasya gamakāḥ anvayādivat| ta-
thā ca sattvavibhutvādaya iti svabhāvaprasaṅgadvayamāha||

nanu yadyapi sarvathā nimittanaimittikabhāvaḥ tathāpi tathā'niśca-
yān na sarvathā gamyagamakatvaprasaṅgaḥ| sāmānyataḥ khalvapi pratyakṣaṁ
cānavadhāritaṁ cārthaṁ viśeṣadarśanād viśeṣeṇa pratipadyata ityādivaca-
nāl liṅgajñānasya niścayātmakasyeṣṭatvādaniścitābhimatānāṁ ca liṅga-
dharmāṇāmananyatvādanuttarametat||

(104)

syādetat- iṣyata eva tathā gamyagamakabhāva ityāha - bhedānā-
mityādi| yasmādanvayādaya eva śāstre hetutvena gṛhyante na tu sanmā-
trādayaḥ pradhānasya cāstitvādaya eva sādhyatvena na tu niravayavatvā-
dayaḥ tasmān nāyaṁ nimittanaimittikabhāvaḥ pradhānāstitvādyadhi-
gamahetuḥ||

kathaṁ punaḥ pradhānasya niravayavatvam yāvatā sattvādayas tasyāva-
yavāḥ santyeva| tadvyatiriktāvayavābhāvān niravayavatvamityadoṣaḥ|
daśa cūlikārthā iti|

astitvamekatvamathārthavattvaṁ pārārthyamanyatvamakartṛbhāvaḥ|
yogo viyogo bahavaḥ pumāṁsaḥ sthitiḥ śarīrasya ca śeṣavṛttyā||

ityete veditavyāḥ| tasmād yo'trānurūpa iti yogyaḥ| sa cāvinā-
bhāva eva||

nanu nimittanaimittibhāvena so'pyākṣipta eva naimittikasya ni-
mittāvinābhāvitvāt| satyam ākṣiptaḥ| pareṇa tu nimittanaimitti-

(105)

kabhāvena sambaddhaṁ liṅgaṁ gamakamicchatā nimittasyāpi gamakatvamaṅgīkṛ-
tam tasyāpi tena sambandhāt| sarvathā ca gamyagamakatvaṁ sarvathā ni-
mittanaimittikabhāvādityatas tasyedamaniṣṭamāpadyate| yadi punar ni-
mittanaimittikabhāvena yasyāvinābhāvas tad gamakamityabhyupeyāt
sarvathā ca nimittanaimittikabhāvo na syāt na kiñcidaniṣṭaṁ syāt||

tathetyādinetareṣvapi sambandheṣu yathoktaṁ doṣamatidiśati| bhāge-
naiveti kenacidākāreṇetyarthaḥ| asambandhatvamākhyātamiti| a-
sambandhatvamiti paryudāso'yam anumeyādhigamahetoḥ sambandhasya
yat sambandhatvam tasmādanyat sambandhatvamākhyātamityartho vedita-
vyaḥ| anyathā sambandhānāmasambandhatvānupapatter virodhaḥ syāt||

nanu ca svasvāmibhāvādayaḥ sambandhāḥ prakāśakāḥ| tatas taddvāreṇa
liṅgaṁ prakāśayat svasambandhānurūpyāt kenacideva bhāgena prakāśaya-
tīti yuktam| tat kutaḥ sarvathā gamyagamakabhāva ityāha - svasvā-
myāditvamātreṇetyādi| svadarśanād rājādau svāmitvākāreṇaiva pratī-
tiḥ syāt na śrīharṣādiviśeṣarūpeṇa| kuta ityāha- anyathā jñā-
na ityādi| yadi svasambandhānurūpyavyatirekeṇa grahaṇaśaktiriṣyate
sa eva sarvathā gamyagamakabhāvaḥ syāt||

(106)

svatvabhāgenāpītyādi| svatvabhago hi svāmitvamātreṇa sambaddhaḥ|
tato yadi sambandhānurūpyāt tenaiva tasyaiva prakāśanamiṣyate svā-
mitvamātraṁ liṅgini gamayet| kuta ityāha- na hītyādi samba-
ndhanirapekṣasya pratyāyane'tiprasaṅgaḥ syāditi bhāvaḥ| tadatikrama
ityanantaroktārthātikrame| yadi svasambandhadvāraṁ muktvānyathākārā-
ntareṇāpi svārthaṁ pratyāyayituṁ śaktiḥ syāt na tu svasambandhānu-
rūpeṇeti yāvat| alaṁ prasaṅgeneti| svasvāmyādayo liṅgaliṅginaḥ
prasaṅgenopāttā iti darśayati||

vyaṅgyavyañjakabhāveneti| yadi vyaṅgyavyañjakabhāvena nimittanaimitti-
kabhāva iṣyate| tato na nimittanaimittikabhāva evaiko vyañjako vakta-
vyaḥ| kuta ityāha - sa saptadheti||

gamyagamakabhāvo hi vyaṅgyavyañjakabhāvaḥ| saptabhirapi ca sambandhaira-
numeyaṁ gamyate| tataḥ sa eva saptadhetyabhyupeyam| anyathānyeṣāmavya-
ñjakatvaṁ syāt| tato bhinnatvāditi nimittanaimittikabhāvādanyatvāt|

(107)

uktaṁ prāgiti vyarthaḥ so'pyanyato gaterityanenāyamarthaḥ prāgevoktaḥ|
nimittanaimittikabhāva iti ca na vaktavyamiti| yadyubhayor nimi-
ttanaimittikayor gamakatvaṁ syāt yujyetaivaṁ vaktum| na cobhayor gama-
katvam api tu naimittikasyaiva| tad darśayati - yasmādabhivyañjaka-
matra nimittatvamiti| atra hyanumānānumeyavyavahāre nimittatvam
evābhivyañjakam| kiṁ punaridaṁ nimittatvaṁ nāma| nimittasya dhūmādeḥ
svasādhyāvinābhāvaḥ| yena pravṛttinimittena tatra nimittaśabdaḥ pravarta-
te tan nimittatvam| na naimittikatvamiti vyañjakamityanena samba-
dhyate| atrāpi sādhyasya yoṁ'śo gamyaḥ tan naimittikatvam| ka-
smāt punar naimittikatvaṁ na vyañjakamityāha - vyaṅgyatvāditi sā-
dhyatvādityarthaḥ| siddhasya hi gamakatvaṁ bhavati na sādhyasya| tasmān
nimittabhāva ityeva vaktavyam na tu nimittanaimittikabhāva iti||

syādetat - naivaṁ vijñāyate - nimittanaimittikayor bhāvo nimitta-
naimittikabhāva iti| evaṁ hi vijñāyamāne naimittikagrahaṇamanarthakaṁ
syāt nimittabhāvasyaiva gamakatvāt| kathaṁ tarhi nimittasya naimitti-
kena bhāva iti| sa punaravinābhāvo bhavati| asmāt sādhyasiddhini-

(108)

mittamityabhidhānaṁ pratyayaś ceti kṛtvā nimittabhāva itīyatyucyamāne
na jñāyate - kena saha nimittabhāvo'vinābhāvalakṣaṇa iti| ataḥ pra-
tiyogipratipattaye naimittikaśabdopādānamiti||

naitadasti nimittasya hi niyamena naimittikāpekṣatvādevamanucya-
māne'pi pratiyogipratipattiriti naimittikagrahaṇaṁ niṣphalam|

yac coktamiti| darśanāntare dūṣaṇamatidiśati| sahacaribhāvas
tvanvayādīnāṁ pradhānamantareṇābhāvaḥ| na ca sahacaribhāva iti| a-
nvayādibhiḥ pradhānadyatīndriyārthādhigamaḥ| śeṣavac cānumānamatī-
ndriyārthādhigamaheturuktaḥ śāstre| sahacaribhāve ca sambandhe pradhānānva-
yādīnāṁ naitac cheṣavad yujyate| na hi sahacaribhāvaḥ kāryakāraṇabhā-
vaḥ pṛthag nirdeśāt| kiṁ ca dvayor hi vyavasthitayoḥ sahacaribhāvo
bhavati cakravākavat| na ca kāryakāraṇayor yogapadyaṁ samasti kārya-
kāle kāraṇasya tirobhāvāt| tat kutas tataḥ sahacaribhāvādatī-

(109)

ndriyārthādhigamaḥ| anvayādibhiratīndriyārthadhigamo'bhyupetaḥ| sa
sahacaribhāve sambandhe na yujyata ityabhyupetaṁ hīyate| tasmān naita-
deveti| aparo'pyeṣṭavyaḥ yato'nvayādibhiḥ pradhānādisiddhir bhava-
ti||

dvividhamanumānamiti| tatra viśeṣadṛṣṭam yadāgnidhūmasambandhaṁ dṛṣṭvā
tenaiva dhūmena tasyaivāgneḥ punaḥ punarastitvaṁ pratipadyate - sa evāyamagni-
riti| sāmānyato dṛṣṭam yat kvacid dhūmāgnisambandhaṁ dṛṣṭvottarakālaṁ
dhūmamātradarśanādagnisāmānyānumānam| etadapi sāmānyato dṛṣṭamanu-
mānaṁ dvividham- pūrvavac cheṣavac ca| tatra pūrvavat yadā kāraṇama-
nyūnaṁ dṛṣṭvā bhaviṣyattvaṁ kāryasya pratipadyate| tad yathā meghodayaṁ dṛṣṭvā bha-
viṣyattvaṁ vṛṣṭeḥ| śeṣavat yadā kāryanirvṛttiṁ dṛṣṭvā bhūtatvaṁ kāraṇasya pra-
tipadyate| tad yathā navavṛddhajalāṁ nadīṁ dṛṣṭvā bhūtatvaṁ meghasya| tatra pūrva-
vadanumānaṁ vyabhicāri śeṣavat savicāramavyabhicāri| teṣāṁ yadeta-
t sāmānyato dṛṣṭamanumānaṁ śeṣavat eṣa heturatīndriyāṇāṁ bhāvā-
nāṁ samadhigama iti||

(110)

smṛtiḥ seṣṭetyatropapattimāha- na hītyādi| anena - yat pūrvā-
nubhūtaṁ tadevedamiti pratyavamṛśati tat smṛtyātmakam yathā sa e-
vāyaṁ dhūma iti jñānam| yathoktadharmakaṁ ca viśeṣadṛṣṭamiti svabhāvamā-
ha||

kāryakāraṇābhyāmityādi| sāmānyato dṛṣṭameva dvividhamityava-
dhāraṇasya hyanyadvaividhyavayavacchedaḥ phalam| tataś ca kāryakāraṇā-
bhyāṁ punaḥ punaranumānābhāvaprasaṅgaḥ punaḥ punaranumānaṁ viśeṣadṛṣṭami-
ti kṛtvetyabhyupetahāniḥ| athetyevamādināpyabhyupetahānimevāha ya-
smāt sāmānyato dṛṣṭaṁ dvividhamevetyavadhāraṇasya saṅkhyāntaravyudāsaḥ
phalam| tataś ca svasvāmyādisambandhais tatprathamamanumānābhāvaḥ|
tatprathamagrahaṇam punaḥ punaranumāne viśeṣadṛṣṭasambhavāt| kasmāt
sāmānyato dṛṣṭābhāva ityāha- na hyeṣu kāryakāraṇabhāvo'stīti|
kāryakāraṇabhāvāc ca sāmānyato dṛṣṭamiṣṭam| kathaṁ viśeṣadṛṣṭābhāva
ityāha- na viśeṣagrahaṇamiti| dvitīyādiṣu kṣaṇeṣu viśeṣagrahaṇaṁ sa-
mbhavati sa evāyamiti tadbhāvākhyeti viśeṣagrahaṇāt na tu prathame
kṣaṇe||

sambandhāḥ saptavidhā nirdiṣṭā iti svasvāmibhāvādayaḥ| anumā-
naṁ dvidhaiveti sāmānyadṛṣṭaviśeṣadṛṣṭābhyāmanyasyāpi sambhavāt| e-

(111)

kas tuśabdo yasmādarthe dvitīyas tasmādarthe| yasmād dvividhamevā-
numānam tasmāt prathamato'numeyādhigame svasvāmyādibhis tribhir
yad anumānatrayam tat kva viniveśyatām naiva kvacit tasyā-
ntarbhāva iti bhāvaḥ| trayagrahaṇam prakṛtivikāranimittanaimittikamā-
tramātrikabhāvānāṁ kāryakāraṇabhāva evāntarbhāvāt||

anugrāhyānugrāhakatvāditi upakāryopakāraka tvādityarthaḥ| na
hyupakāryopakārakabhāvamantareṇa svasvāmibhāvaḥ sambhavati| anyathā
hyatiprasaṅgaḥ syāt||

anayā diśā sahacaribhāvavadhyavadhakasambandhayorapi kāryakāraṇa-
bhava unnīyata iti pṛthag noktaḥ| tathā hi- na vinopakāreṇa sahaca-
ribhāvo'sti cakravākayor maithunasukhopasaṁhārādinā parasparopakā-
radarśanāt| vadhyavadhakabhāvo'pyahijayanakulaparājayayoḥ kāryakāra-
ṇabhāva eva parasparahetutvāt sattvādīnāmiva śabdādibhāvena pariṇa-
tau||

sambandhāntarābhāvaprasaṅgāditi| kāryakāraṇasambandha evaikaḥ
syāt na sambandhāntaram| na hyupakāryopakārakatvena vinā sambandhaḥ

(112)

sambhavati atiprasaṅgāt| kathaṁ punaḥ sambandhāntarābhāva ityāha-
sarvatretyādi| saptabhirapi sambandhairanumāne kartavye pratyāyyapratyāya-
kābhyāṁ sambandhibhyāṁ kṛtaḥ parasparasyānyatarasya vā yathāsambhavamupa-
kāro vidyato| anyathā tayoḥ sambandha eva na syāt||

atha vā- anumīyate'nenetyanumānaṁ saptavidhaḥ sambandhaḥ| tasmi-
nnanumāne| nimittārthā saptamī| saptavidhasambandho nimittam| pratyā-
yyapratyāyakābhyāmityādi śeṣaṁ pūrvavat| asmin vyākhyāne yadetac
codyam- nanu kāryakāraṇabhāvaḥ pratyāyanāyāśrīyate| anyathāvidi-
tasambandhādapi liṅgāt prathamadarśane'numānaṁ bhavet| tat kathaṁ sa e-
vopakāra ityucyata iti tasyāvatāra eva nāsti yato nātra pratyā-
yanamupakāro'bhisaṁhitaḥ| kiṁ tarhi| sambandhinorātmabhūto'nugrahaḥ||

dvidhā doṣa iti| ayamevobhayapakṣabhāvī| phalābhāva iti arthā-
ntaravyavacchedaphalatvād vākyānām||

kiṁ hyasyetyādinā tameva phalābhāvaṁ darśayati| nanu cāviditadvai-
vidhyapratipādanameva vākyasya phalaṁ syāt| kimatrārthāntaravyavacchedena

(113)

kartavyam| ayuktametat| arthāntaravyavacchedena hi tatsvarūpaṁ pratīya-
te svabhāvāntaravyāvṛttarūpatvāt tasya| rūpāntaraṁ cena na vyavacchi-
nnam kutas tatsvarūpapratītiḥ| na cāviditaṁ dvaividhyam kāryakāra-
ṇānumānaprastāvāt| tatra punarvacanaṁ niyamārthaṁ vijñāyate|

tadayuktamityatra hetumāha- sambandhino vyabhicāritvāditi|
pratibandhādisambhava iti| pratibandho vidhurapratyayopanipātaḥ| ā-
diśabdāt sahakārivaikalyasambhave||

liṅgyata iti gamyata ityarthaḥ nātropacāro yukta iti upacāra-
nibandhanasyābhāvāt| athetyādi| yo hi kiñcit kāraṇamupajanita-
kāryaṁ dṛṣṭvānyadapi tajjātīyaṁ paśyan sādṛśyaskhalitamatiretadapi ni-
yataṁ tat kāryaṁ janayiṣyatītyadhyavasyati tasya kāraṇāt kāryajñānaṁ
bhavati| kadāciditi vacanān na bhavatyapi| yasmād bhavati ta-
smādanumānakāraṇatvādanumānamucyate| yasmāt kadācin na bhavati
tasmād vyabhicārītyucyate| evamanumānatvaṁ vyabhicāritvaṁ coktami-
ti||

tan na tadā tasyākāraṇatvāditi| tadāpi naivānumānopacāro
yuktaḥ anumānakāraṇatvābhāvāt| naiva hi sa tadānumānamiti
yo'sāvayathārthaḥ pratyayaḥ| atas tatkāraṇe nānumānopacāro yujya-

(114)

te| yadāpi ca yathārthaḥ tadā vyabhicāritvābhāvaḥ| ato nāsti tade-
kam yadanumānaṁ syād vyabhicāri ca||

nanvanumā nābhāsakāraṇamapyamānamucyate| tathā hi- vaktāro
bhavanti - yadanenānumānamupanyastam tan mayā dūṣitamityapi ca-
vyabhicārīti| etāvato'rthasya vivakṣitatvādadūṣaṇametadityāha- ya-
di cetyādi| yadi kāryakāraṇajñāne satyapi punas tato'dhikaṁ vya-
bhicāryavyabhicāritvamapekṣyate sambandhāntaramāgatamityabhyupeta-
hānam||

yasyaivāvyabhicāritāpekṣyata iti yasyaivāvyabhicāritāsvarū-
pamapekṣyata ityarthaḥ| svarūpamityetat kutaḥ| yato'vinābhāvitvasya
nānyāvyabhicāritāsti tasyāvyabhicāritārūpatvāt||

sarvānumāneṣvityādinā punarvacanānarthakyamāha| atha niyamārthaṁ
tad vacanam evamapi - sāmānyataḥ khalvapītyāderānarthakyaṁ syā-
t||

sattve cāsau vicāraṇeti| sattvaśabdo'tra svarūpābhidhāyī|
kāryakāraṇasambandhe hyanumitihetutvenābhyupete liṅgasvarūpameva vicāra-
yituṁ yuktam - kimidaṁ kāryaṁ syān na syāditi| tad yathā nadīpūra

(115)

iti| tatra hi svarūpagata eva vicāraḥ - kimayaṁ nadīpūro vṛṣṭikṛta
āhosvin neti| yadā tvasau phenakalilapāṁsulodakādibhiś cihnair
niścitasvarūpo bhavati tadā na punaravyabhicāritve vicāramapekṣyate|
na hi vṛṣṭikāryatve niścite tatra vyabhicāritvamāśaṅkyate kāryasya kāra-
ṇāvyabhicārāt| etadeva darśayannāha- avicaritamapītyādi||

tasmān na yuktamavadhāraṇamiti anyato'pyatīndriyārthādhiga-
māt| nanu ca naivamavadhāryate - sāmānyato dṛṣṭamevātīndriyārthadarśana-
heturiti kathaṁ tarhi - sāmānyato dṛṣṭamatīndriyārthopalabdhihetureveti|
evaṁ cānumānāntarasyātīndriyārthasamadhigamahetutvāpratiṣedhādadoṣaḥ|
naitadasti| sarveṣāṁ hyanumānānāmapratyakṣādhigamahetutvāt sāmānyato
dṛṣṭasyāpi tadadhigamahetutvaprāptau punarvacane tadviparītapratiṣedharupo ni-
yamo vijñāyate pañca pañcanakhā bhakṣyā iti yadvat| anumānadvayāc ca
sāmānyato dṛṣṭaṁ pṛthakkṛtyātīndriyārthādhigamahetutvenopādīyate| tato-
'pi tasyaiva tad vijñāyate| tad yathā - kṛṣṇā gavāṁ sampannakṣīrata-
meti kṛṣṇāyā eva sampannakṣīratamatvam||

tatsadbhāvasyaiva kāraṇatvāditi pradhānasadbhāvasyaiva| tadbhāvamātre-
ṇa hi pradhānaṁ bhedahetuḥ naikatvādibhir dharmaiḥ| evaṁ manyate - asato

(116)

hyupajanaḥ pratiṣidhyate vikāraṇām- nedaṁ vyaktamasata utpadyata iti|
ataḥ pāriśeṣyāt pradhānasadbhāvādevotpadyante bhedāḥ| sadrūpānuvidhā-
nāc ca bhedānāṁ sadrūpameva kāraṇam| sadrūpaṁ ca tasyātmadhāraṇaṁ svā-
bhāvikameva| na tu sattāsaṁsargakṛtam sattāyāḥ prāk pariṇāmādasa-
mbhavāt| tathā hyāha- niḥ sattāsatteti| yathā ca tadā sattā nāsti
tathaikatvādayo'pi| kutas teṣāṁ kāraṇatvam| pradhānasadbhāvasyaiva ca pu-
ruṣautsukyavinodanāya pravṛttiḥ| atas tasyaiva kāraṇatvamiti||

yadyevam kathaṁ taduktam-

na ca kaścit pradhānasya bhedo nirvartako na ca

ityādi| tat parābhiprāyeṇaivaivamuktam| yadi paro'nanyatvamaṅgīkṛtya
pradhānapuruṣārthagatān daśa cūlikārthān sādhayet sarvathā gatiḥ
syāt| idaṁ tu svābhiprāyeṇa - tatsadbhāvasyaiva kāraṇatvaṁ yuktamiti
kṛtvā||

(117)

tasya ca bhedebhya eveti pradhānāstitvasya||

sattvasya bahutvasya vetyādinā sarvathāśabdasyārthamācaṣṭe| vāśa-
bdāt samuccayārthādekatvādeḥ| bhedenābhedena veti sattvena vaikenākartṛka-
tvādibhir vā atha vaikena vā vītena pañcabhir vā atha vā yadi puru-
ṣādastitvādayo bhinā athāpyabhinnāḥ sarvathānavagama ityabhyupeta-
hāniḥ| yadakāraṇam na tac cheṣavadanumānāvaseyam atyantābhāva-
vat| tathā ca puruṣaḥ| vyāpakābhāvaḥ| ye tu - śabdākārapariṇate-
ndriyavṛttinirbhāsāyāṁ manovṛttāvupajātāyāṁ puṁso'pi tadākāravṛttiru-
pajāyate tasmād vṛttyākārapariṇāmī puruṣa itīcchanto'siddhatāṁ
hetorudbhāvayanti teṣāṁ pradhānarūpaḥ pumān prapnoti| tathā hi manovṛ-
ttis triguṇātmakā| tadākārā ca puruṣasya vṛttiḥ| tataś cāsāvapi
triguṇātmakaiva syāt| evaṁ ca vṛttivṛttimatorananyatvāt puṁso'pi tri-
guṇātmakatvamāpannam| triguṇasvabhāvatvāc ca so'pi pradhānameva syā-
t| tatra cokto doṣaḥ| pradhānasya caikatvamabhyupetaṁ hīyata ityasārame-
taditi||

(118)

anumānādīnītyādi| ādiśabdena śābdopamānārthāpattayo gṛhya-
nte| pratyakṣapūrvakatvāt tadvadeveti| yathā pratyakṣaṁ dharmaṁ pratyanimitta-
m tathānumānādīnyapi| kutaḥ| pratyakṣapūrvakatvāt| ata eva caitāni
na sūtritāni| pratyakṣādīni hi pramāṇāni kimarthaṁ parīkṣyante| coda-
nālakṣaṇo dharmaḥ na pratyakṣādilakṣaṇa iti jñāpayitum| pratyakṣasya ca
dharmaṁ pratyanimittatve jñāpite - anyadapi yat pratyakṣapūrvam tad dharm-
parijñānanimittaṁ na bhavatīti jñāyata eveti kiṁ tena sūtritena||

kathaṁ tarhi ṣaṭ pramāṇāni mīmāṁsāyāṁ pratītyānītyāha - vṛttikā-
rairityādi||

tatretyādinā dūṣaṇamāha| nanu ca sūtre pratyakṣapūrvakatvamasūtritatve he-
tutvenopāttam| vṛttau tu pramāṇatvaparijñāne - yadi yat pratyakṣapūrvaka-
m tat pramāṇatvena vijñāsyata ityabhidhānāt tat kathaṁ vṛtteḥ sū-
trārthānugamanam| sūtre pratyakṣapūrvakatvamasūtraṇasya pāramparyeṇa hetutveno-
pāttam na sākṣāt| tadeva ca pāramparyaṁ darśayitum- yadi yat pra-
tyakṣapūrvakamityādikaṁ vivaraṇaṁ kṛtamityadoṣaḥ| yadi punaḥ pramāṇapa-

(119)

rijñānamevāsūtraṇaheturavyavahita ucyeta pramāṇaparijñānahetur noktaḥ
syāt| tataś ca - smṛtīcchādveṣayatnādi pramāṇamanuṣajyata itya-
sya dūṣaṇasyāvatāro na syāt| tasmād dūṣaṇāvakāśadānāya pratyakṣa-
pūrvakatvādityuktam||

nanu naiva mīmāṁsāyāṁ pratyakṣapūrvakatvena pramāṇatvamuktam api tu
dharmaṁ pratyanimittatvameṣāmākhyātam yadāha- pratyakṣapūrvakatvāc cānu-
mānopamānārthāpattīnāmapyakāraṇatvamiti| upavarṣeṇāpi prasiddhatvān
noktānītyuktam| pratyakṣādīni hi pramāṇāni prasiddhānīti naiṣa do-
ṣaḥ| iha prasiddhatvaṁ nāsti teṣāmiti jñāpitametat - bahavaś ca vi-
pratipannā ityanena| na ca teṣāṁ lakṣaṇamuktam yataḥ svarūpāvasāyaḥ
syāt| pratyakṣapūrvakatvāc ca dharmaṁ pratyanimittatānumānādīnāṁ vijñā-
yata eva| tato noktānīti vṛttikārair vākyakārābhiprāyamudbhāvayadbhiḥ
- pratyakṣapūrvaṁ yat tat pramāṇatvena vijñāyata eva| tato noktānītya-
yamapyabhiprāya utprekṣita iti sambhāvyate| anyathā pūrvako'pyabhiprā-
yo na syāt| na hyavijñāya pramāṇāntarāṇāṁ svarūpaṁ dharmaṁ pratyanimi-
ttatā śakyā vijñātum yataḥ svarūpaparijñānārthaṁ vaktavyāni syuḥ| na
coktāni| tasmān nūnam- yat pratyakṣapūrvakam tat pramāṇatvena vi-

(120)

jñāyata eva| tato noktānītyayamapi vṛttikārair vākyakārābhiprā-
yo'bhyūhita ityāśaṅkyate| tataś ca smṛtyādīnāmapi pratyakṣapūrvaka-
tvāt pramāṇatvaṁ prasajyata iti||

anumānopadeśādīti| ādiśabdenopamānārthāpattigrahaṇam|
upadeśo dvividhaḥ pauruṣeyo'pauruṣeyaś ca| iha pūrvasya grahaṇam|
itaras tu pareṣāmapi naiva pratyakṣapūrvakatvenābhimataḥ||

asādhāraṇaviṣayetyuktamiti| dharmiṇo'nekarūpasyetyatra prati-
pāditamindriyadhiyo'sādhāraṇaviṣayatvam| sambandhaś cānekāśraya
ityādinā sādhāraṇatvaṁ sambandhasya darśayan- yat sādhāraṇam na tat
pratyakṣasya viṣayaḥ sāmānyavat| tathā ca sambandha iti vyāpakaviru-
ddhamudbhāvayati| sāmānyasya cādarśanapratipādanam - sāmānyaṁ yadya-
pītyādinā| avyāptiratra nāśaṅkanīyā| indriyabuddhir hi vastuviṣa-
yeṣyate| asādhāraṇaṁ ca vastu na sādhāraṇam| sambandhaś ca sādhā-
raṇaḥ| tasmān na vastu| tato nendriyadhiyo viṣayaḥ| sambandhinaś
cetyādi| yadi sambandhinaḥ saṁyogisamavāyyāditvena sambandhirūpeṇa
gṛhyante evamanumānādyupakāriṇo bhavanti| ādiśabdādupamānā-

(121)

dyupakāriṇaḥ| anyathā yo'pyanagnisambandhitvena prathamamavyutpannāgni-
dhūmasambandho dhūmaṁ gṛhṇāti tasyāpi tato'gneranumānaṁ syāt| na ca te
tathā pratyakṣā iti sambandhāpekṣatvāt sambandhitvasya sambandhasya
cāpratyakṣatvāt| arthālocanamātratvāc cendriyadhiyaḥ sandhānaṁ pratya-
sāmarthyāt sambandhirūpeṇa grahaṇaṁ pratyakṣeṇa teṣāṁ na sambhavati||

dṛṣṭasāmānyatodṛṣṭādibhedāditi| dṛṣṭam yatra liṅgaliṅginoḥ sa-
mbandho dṛṣṭaḥ| sāmānyato dṛṣṭam yatra kvacit sambandhadarśanāt ta-
tsāmānyākāreṇātīndriyārthādhigatiḥ| ādiśabdena pūrvavadādayo nai-
yāyikoktā gṛhyante| tatretyādinā - samavāyādīnāṁ tadvatāṁ ca sama-
vāyyādīnāṁ samavāyasamavāyyādirūpeṇāpratyakṣatvābhyupagamāt parama-
tenāpi tadāśrayasyānumānasya pratyakṣapūrvakatvaṁ nāstīti darśayati| ta-
nmatena tviti| tanmatagrahaṇam svamatena saṁyogasaṁyoginorapyapra-
tyakṣatvāt| tadabhyupetyeti| tanmataṁ tacchabdena sambadhyate||

na heturanumāyāś ceti| caśabdo bhinnakramo'vadhāraṇārthaś ca
draṣṭavyaḥ naiva heturityarthaḥ||

(122)

dvayoraviśeṣādityādi| dvayorapi sambandhinoraviśiṣṭaḥ saṁyogaḥ|
tataś cobhayorapyagnidhūmayor gamyagamakabhāvaḥ syāt sarvathā ca
sarvātmanā saṁyogāt||

saṁyoginau ca na| svarūpeṇādhigantavyāviti| svarūpam ya-
daviditasambandhenāpi gṛhyate dhūmādirūpam| tena nādhigamanārhau||

kasmādityāha- na hyanumāna ityādi| sambandhirūpeṇa tarhi ta-
yor adhigatayorupakāro bhaviṣyatītyāha- na cetyādi| na hī-
ndriyadhiyo yogo viṣayo nāpi tadyuta ityanena  - saṁyogirūpeṇa
saṁyoginoḥ pratyakṣatā na bhavatītyuktam||

syādetat - na nāma pratyakṣapūrvakatvamanumānādīnām| lakṣaṇaṁ tu te -
ṣāṁ yadiṣṭam tadanavadyam yatas tasya pratiṣedho nocyata ityāha-
anumānopadeśopamānāmityādi| kathaṁ punaḥ svābhiprāyeṇa nokta-
mityāha- sambandhāntarasyānirdeśāditi| na hi vaiśeṣikādyabhima-
tasambandhebhyo'nyaḥ kaścana sambandho nirdiṣṭaḥ| yadapīdaṁ śabareṇa
svābhiprāyeṇa kilānumānamuktam - anumānaṁ jñātasambandhasyaikadeśa-
darśanādekadeśāntare'sannikṛṣṭe buddhiḥ| tad dvividhaṁ pratyakṣadṛṣṭasambandhaṁ

(123)

sāmānyato dṛṣṭaṁ ceti tadapi vaiśeṣikīyānumānameva yadi ta eva sa-
mbandhā vivakṣitāḥ| athānye teṣāṁ svarūpaṁ na nirdiṣṭamityanirdiṣṭame-
vānumānam| smṛtirapi caikadeśadarśanādekadeśāntare pūrvādhigate jāya-
ta iti sāpyanumānaṁ syāt| sambandho'pi nendriyagrāhya ityuktam|
tat kutas tasya pratyakṣadṛṣṭasambandhatetyayuktametat||

arthāpattyabhavayos tu pratiṣedha ucyata iti tayoḥ svābhiprā-
yeṇa vidhānāt||

sthālyādyadhiśrayaṇādyarthagṛhītamiti| ekenādiśabdena cūrṇīda-
rvyādayaḥ sādhanaviśeṣā gṛhyante dvitīyena codakopasaṁhārādayo vyā-
pāraviśeṣāḥ| arthagṛhītatvaṁ tu pākasya tata utpatteḥ| na hi tair vi-
nā pākaniṣpattir bhavati| tato'nyathānupapattyā tat sarvamarthagṛhīta-
meva| kathaṁ punaranumānam yāvatā trirūpāl liṅgato'rthadṛg anu-
mānamuktamityāha- pacatiliṅgādeva gamyata iti| pāka eva hi
sthālyādīnāmavinābhāvatvāl liṅgam| avinābhāvas tu tata utpa-
tteḥ| tato dhūmādagnyanumānaval liṅgajatvādanumānān na bhidyate||

(124)

anye tu bhāvābhāvābhyāṁ kāryakāraṇapratipattimarthāpattim iccha-
nti tāmevānye yuktyākhyaṁ pramāṇāntaramiti| yathā sati cakṣuṣi ca-
kṣurvijñānaṁ bhavati asati na bhavati| tasmāc cakṣureva tasya kāra-
ṇamiti| na hīdamanumānaṁ yujyate dṛṣṭāntābhāvāat| pramāṇāntarasi-
ddho hi dṛṣṭānto bhavati| na cātra pramāṇāntareṇa dṛṣṭāntasiddhiḥ| tathā
hi - yadapīdaṁ bījāṅkurādi dṛṣṭāntatveneṣyate tatrāpyanenaiva siddhaḥ
kāryakāraṇabhāvaḥ| na caitad yuktam yenaiva sādhyaṁ sādhyate tenaiva dṛ-
ṣṭānto'pīti nidarśanānavasthāprasaṅgāditi| sāpi naiva pramāṇāntaram|
na hyatra kāryakāraṇabhāvaḥ sādhyate sādhyasādhanayorabhedāt| na hi
bhāvābhāvābhyāmanyo hetuphalabhāvaḥ| na ca tenaiva tasya sādhyatvamupapa-
dyate| tasmādatra mūḍhaṁ prati jananakhyātyā pitṛtvavad viṣayadarśanene vi-
ṣayiṇo vṛttasambandhasya smaraṇād vyavahāraḥ sādhyate| yādṛśe viṣaye
tvayānyatra kāryakāraṇavyavahāraḥ pravartitaḥ tādṛśa evāyam| tasmād-
trāpi sa pravartyatāmiti| vyavahāre ca sādhye sambhavati dṛṣṭānta itya-
numānameva| prayogas tu- yatra tadbhāvabhāvitvam tatra kāryakāraṇavya-
vahāraḥ kartavyaḥ| tad yathā yatra pūrvaṁ pravartitaḥ kāryakāraṇabhāvo bī-
jāṅkurādau| tadbhāvabhāvitvaṁ ca cakṣurvijñānayoriti svabhāvaḥ||

(125)

śabaras tvāha- arthāpattirapi dṛṣṭaḥ śruto vārtho'nyathā nopapadyata
ityarthaparikalpanā yathā jīvati devadatte gṛhādarśanena bahirbhāva-
syādṛṣṭasya kalpaneti| atra gobalīvardanyāyena śabdādavagatasya śru-
taśabdena pṛthagupādānād dṛṣṭaśabdaḥ pramāṇāntaropalabdhe vartate| yathā
jīvatītyabhāvapūrvikāyā arthāpatterudāharaṇam| gṛhādarśanena bahirbhā-
vasyeti jīvato devadattasya gṛhādarśanamabhāvapramāṇopalabdhaṁ bahirbhāva-
mantareṇa nopapadyata ityarthaḥ||

atra yadi jīvato devadattasya gṛhādarśanaṁ bahirbhāvādanyathā na dṛ-
śyata ityanyathā nopapadyata ityucyate evaṁ sati bahirbhāvāavinābhūta-
mapi tan na dṛṣṭamiti tathāpi nopapadyate| atha jīvato devadattasya gṛ-
hādarśanaṁ bahirbhāva eva sati dṛṣṭaṁ tadabhāve ca na dṛṣṭamityanyathā nopapa-
dyata ityabhidhīyate tadā tadbhāvabhāvitvamevānyathānupapannatvamuktaṁ syā-
t| tac cānvayavyatirekiṇyevārthe bhavatīti nārthāpattiranumānād
bhidyate| prayogas tu- upalabdhilakṣaṇaprāpto gṛhe na dṛśyate jīvati
ca sa bahir bhavati| yathā yathoktaprakāro bahirupalabhyamāno yajñada-
ttaḥ| yathoktadharmakaś ca śabdāvagatasattāko devadatta iti svabhāvaḥ||

(126)

saṁśayakāraṇatvāditi| yat saṁśayakāraṇam na tat pramāṇam
prameyatvavat| tathā ca prakrāntārthāpattiriti vyāpakaviruddhamāha||

gehe'bhāvān na caitrasyetyādi| na hi gehe'bhāvamātreṇa caitrasya
bahirbhāvapratītir bhavati anyathā śaśaviṣāṇasyāpi syāt| geha-
śabdas tu tatra vākye prayuktas tasya bahirbhāvaṁ gamayati||

gehaśabdasya prayoge hi vākyametan niyamavantamabhāvaṁ khyāpayati
tathāvidhārthavivakṣāyāmevaivaṁvidhavākyaprayogāt| yadāha- yadi tu gehe
bahiś ca na syāt nāstītyevocyeteti| tasmād vākyametadubha-
yamākṣipati gehābhāvaṁ ca bahirbhāvaṁ ca ekasyāpi niyamayogakhyāpa-
kasya dvitīyākṣepanāntarīyakatvāt| na tu kevalo'bhāvo bahirbhāvamā-
kṣipati niyamavāṁś ca na kevalaḥ niyamasyobhayarūpatvāt| tasmān
nāsti gehe caitra iti nābhava evocyate api tu bahiś ca bhāvaḥ|
tasmādarthāpattirevābhāva iti| yathā hi sthālyādikamantareṇa pāka-
sya niṣpattir na bhavatīti nāntarīyakatvāt sā tadākṣipati evaṁ pra-
tiṣedhaniyamavivakṣāyāṁ gṛhaśabdasya prayogo bahirbhāvamantareṇa na bhava-
tīti nāntarīyakatvāt sa tamākṣipati| tataś ca yathā pacatiḥ sthā-
lyāder liṅgam evamevaṁvidhavākyasamavāyī gehaśabdo'pi bahirbhāva-
syeti tata eva tadgatiḥ||

(127)

śabaras tvāha - abhāvo'pi pramāṇābhāvo nāstītyarthasyāsannikṛ-
ṣṭasyeti| pratyakṣādipramāṇapañcakābhāva indriyeṇāsannikṛṣṭasyārthasya
nāstītyabhāve niścayahetur bhavati| tasmādabhāvaḥ pramāṇamiti vā-
kyārthaḥ||

tamevānye'nupalabdhiśabdena vyapadiśantaḥ pramāṇāntaravādina ā-
huḥ-

upalabdhyā yayā yo'rtho jñāyate tadabhāvataḥ|
nāstitvaṁ jñāyate tasyānupalabdhiriyaṁ matā||

iti| atrāpi pramāṇābhāvo'gṛhīto vastvabhāvagrahaṇakāraṇaṁ na bhavati|
atha grahaṇāpekṣaḥ sa vastvabhāvagrahaṇe vyāpriyate anavasthā syāt|
yathā hi ghaṭābhāvaḥ pramāṇābhāvena gṛhyate tathā pramāṇābhāvo'pyapare-
ṇa so'pyapareṇetyanavasthitiḥ| ekasyāpi cāgrahaṇe sarveṣāmagrahaṇa-
miti kutas tasya prāmāṇyam| agṛhītasyāpīndriyavad grahaṇakāra-
ṇatvaṁ syāditi cet na abhāvasya sarvasāmarthyavirahalakṣaṇatvāt|

(128)

anyathā bhāva eva syāt arthakriyāsāmarthyalakṣaṇatvād bhāvasyeti
nābhāvaḥ pramāṇam||

tavāpi tarhyanupalabdhir na syāt pramāṇaṁ yathoktādeva doṣāt| naita-
dasti na hi mayaivaṁvidhānupalabdhiriṣyate api tu upalabdhilakṣaṇa-
prāptasyānupalabdhiḥ| upalabdhilakṣaṇaprāptirupalambhapratyayāntarasāka-
lyaṁ svabhāvaviśeṣaś ca  yaḥ svabhāvaḥ satsvanyeṣūpalambhapratyayeṣu san
pratyakṣa eva bhavati| tatropalabdhiḥ kartṛsthā vā kriyā syāt karmasthā
vā| pūrvakalpa upalabhamānasya dharmo jñānamupalabdhiḥ| tato'nyopala-
bdhiranupalabdhiḥ vivakṣitopalabdheranyatvādabhakṣyāsparśanīyavat| yadā
tu karmasthā kriyopalabdhiśabdenocyate tadopalabhyamānasyaiva dharmaḥ
svaviṣayajñānajananayogyatālakṣaṇa upalabdhir viṣayasvabhāva eva
yogyatāyā bhāvarūpatvāt| tasmādanya upalambhayogya eva tadekajñā-
nasaṁsṛṣṭasvabhāvo'nupalabdhiḥ| sa cāyaṁ yathopavarṇito dviprakāro'pya-
nupalambhaḥ pratyakṣeṇaiva sidhyatīti nāsmākaṁ yathoktadoṣasambhavaḥ||

(129)

bhavatu nāmaivaṁvidhānupalabdhiḥ pramāṇam| sā punaḥ kathamanumānam|
kathaṁ ca na syāt| dṛṣṭāntānapekṣaṇāt| na hyasyāṁ kaścid dṛṣṭānto
'sti| pramāṇasiddho hi dṛṣṭānto bhavati| anyathā yadyanupalabdhisiddha
eva dṛṣṭāntaḥ syāt evaṁ sati yathā ghaṭābhāvo dṛṣṭāntena sādhyate
tathā dṛṣṭānto'pi nirupākhyaṁ vyomakusumādyapareṇa dṛṣṭāntena sādhyeta|
so'pyapareṇetyanavasthā prasajyeta| atha dṛṣṭānto dṛṣṭāntena vināpi
sidhyati ghaṭābhāvo'pi sidhyet| tataś ca pramāṇāntaramevānupala-
bdhiḥ syāt dṛṣṭāntānapekṣaṇāditi||

naiṣa doṣaḥ| na hyapalambhenābhāvaḥ sādhyate| kiṁ tarhi| abhāvavya-
vahāraḥ| nimittaṁ hyasadvyavahārasyopalabhyānupalabdhiḥ| sā svasannidhā-
nāt svanimittamenaṁ sādhayatīti svanimittasāmagrībhāvī sarve'tra dṛ-
ṣṭāntaḥ| sadvyavahārapratiṣedhe'pi sādhye dṛśyānupalabdhyetarayā ca ni-
mittavaikalyābhāvino'ṅkurādayo'pi dṛṣṭāntaḥ na kevalaṁ nirupākhya-
meveti na pramāṇāntaratvaprasaṅgaḥ||

kiṁ punaḥ kāraṇamabhāva eva na sādhyate| bhedābhāvāt| tathā hi-
upalabdhireva dṛśyātmanāṁ sattā anupalabdhiś cāsattā| kathaṁ kṛtvā|

(130)

yadā tāvad yathoktā svaviṣayajñānajananayogyatopalabdhiḥ tadā yo-
gyatāyāḥ svabhāvabhūtatvādupalabdhiḥ satteti siddhametat| yadāpi kartṛ-
dharmo jñānamupalabdhiḥ tadāpi sā dṛśyasyārthasya sattānibandhanatvāt
tadvyāptyavyatirekābhyāṁ tatsvabhāvāviśiṣṭeti sattāvadupacārāt sattaiva|
tadevamubhayathāpyupalabdhiḥ sattā| tadabhāvaś cāsattā paryudāsavṛttyā
pūrvavat| saiva cānupalabdhiriti nāsti sādhyasādhanayor bhedaḥ| ten
nābhāvo'nupalabdhyā sādhyate| tasmān nimittopadarśanena nāstītya-
nupalabdherasadvyavahāraḥ sādhyate muḍhaṁ prati jananakhyātyā pitṛtvavat|
adṛśyānupalambhenāpi nimittābhāvād vyavahārapratiṣedha ajanana-
khyātyāpitṛtvavaditi||

yātra parapakṣapratiṣedhenetyādi| yaduktaṁ bhāṣyakāreṇa - parapakṣapra-
tiṣedhena svapakṣasiddhiriti tatpratiṣedhaḥ sāṅkhyīyāvītapratiṣedhādeva
kṛto veditavyaḥ ayamapyāvītaprayoga eveti kṛtveti||

dvitīyaḥ paricchedaḥ samāptaḥ||

(131)