• Home
• Canon Text
• Romanized
• sūtrapiṭaka
• mahāyānasūtra
• Vajrasattvaniṣpādana Sūtra

Vajrasattvaniṣpādana Sūtra

Technical Details

vajrasattvaniṣpādana sūtra ( vajrasattvasādhana)

namo vajrasattvāya||

buddhayānābhisamayagotrāḥ prāvacanikāḥ kalyāṇamitraprasaṅgādvajrayān-

māruhya kalpitadevatāyogasamādhisamāpannāḥ ṣaṭkoṭivyākhyābahirmukhā

vajrācāryamārādhya yathārutaśabdārthadvāreṇa śrīguhyasamājamahāyogatantraṁ

śrutvā bālaprabodhanārthaṁ tantrāduddhṛtya yathāprāptopadeśānusāreṇa kalpitade-

vatāyogasya nānāśabdaracanāviśeṣeṇa sādhanāṅgānyapi kurvanti||

tatra kecidvajrācāryāścandravajrakrameṇa vajrasattvaniṣpattiṁ kalpayanti|

kecidbhavotpattikrameṇa| kecitpañcākārābhisambodhikrameṇa| kecijjhaṭitikrameṇa vajrasattvaniṣpattiṁ kalpayanti||

māṇḍaleyadevatāstu kecittrayodaśecchanti| kecidūnaviṁśati| kecitpañcaviṁśatidevatānyāsamicchanti||

evamasmintantre nānākāraṇamāśritya vajrasattvādidevatāmūrtiṁ niṣpādayanti| tadanusāreṇāpi ṭikāṁ pañjikāṁ ca kṛtvā vineyajanebhyo deśayanti||

(3)

tatra vajrayānābhiprasannāḥ śraddhānusāreṇa tattatsampradāyaṁ prāpya śrutacintā-

bhāvanākrameṇa kalpitadevatāyogamabhyasyanti||

imamarthavaśaṁ jñātvā mayā śrīnāgārjunapādaparamparayā samājavyākhyā-

tantrānusāreṇa ṣaṭkotivyākhyādvāreṇa tantraṁ śrutvā kramadvayamadhigamya nānāprakārotpattikramābhiniviṣṭānāmutpattikramasādhananiḥ sandehārtham ā saptadaśapaṭalādastavyastavajrasattvaniṣpattisūtraṁ krameṇoddhṛtya melāpakaḥ kriyate||

tatra tāvatsādhanaśravaṇānupūrvīkramaḥ pradarśayate-

mantrāvadhāraṇaṁ pūrvaṁ dvitīyaṁ nyāsadeśanā|

vyavastholistṛtīyā tu caturthaṁ tattvadarśanam||

ityanenānukrameṇa sādhanopayikāṁ śrutvā vajragurorājñāṁ prāpya sveṣṭadevatāyāḥ purato'rdhaṁ dadyāt| tataḥ sādhako mahāṭavyādimano'nukūlapradeśe pūrvobhimukhaḥ sattvaparyaṅkeṇopaviśya sarvasattveṣu ma-

(4)

hākaruṇācittamutpādya svaparahitahetorvakṣyamāṇakrameṇa vajrasattvapadaṁ sādhayet| asya sūtraṁ dvādaśapaṭale-

mahāṭavīpradeśeṣu phalapuṣpādyalaṅkṛte|

parvate vijane sādhyaṁ sarvasiddhisamuccayam||

iti||

tadanantaraṁ sādhakaḥ śūnyatādhimokṣeṇa prākṛtāhaṅkāramapanīya jhaṭityātmānaṁ mahāvajradhararūpaṁ śuklavarṇamadhimuñcet| asya sūtraṁ tṛtīyapaṭale-

ākāśadhātumadhyasthaṁ bhāvayedbuddhamaṇḍalam|

raśmimeghamahāvyūhaṁ buddhajvālāsamaprabham||

iti||

tataḥ prathamapaṭaloktajñānapradīpavajrasamādhinyāyena vajradhṛgiti mantramuccārya tenokṣobhyarūpaṁ kṛṣṇavarṇaṁ trimukhaṁ ṣaḍbhujamātmapuraḥsthaṁ dṛṣṭvā punastaṁ svakāye kṣīrodakanyāyenānupraveśyendranīlavarṇamātmānaṁ dve-

(5)

ṣavajrarūpaṁ dhyāyāt| asya sūtraṁ prathamapaṭale- sarvatathāgata-

kāyavākcittavidyāpuruṣo'kṣobhyamahāmudrāsaṁyogaparamapadena kṛṣṇasita-

raktākāreṇa sarvatathāgatakāyavākcittavajrasya sarvatathāgatakāyavākcitta-

vajre niṣīdayāmāseti||

evaṁ dveṣavajrasamādhistho mantrī dīrghahūṁkāramuccārtha tajjanita-

yamāntakādidaśakrodhān trimukhaṣaḍbhujān nānāpraharaṇavyagrahastān 

daśadigvyavasthitān duṣṭatarjanatatparān vicintayet| asya sūtraṁ trayodaśapaṭale-

krodhā dveṣālaye jātā nityaṁ māraṇatatparāḥ|

sidhyanti māraṇārthena sādhakasyāgradharmiṇaḥ||

iti||

tato nisumbharājamadhaḥsthāne dvitīyaṁ nisumbharājaṁ nirmāyāgatya

svapuraḥ sthaṁ kiṅkararūpeṇājñāṁ mārgayantaṁ vicintya caturdaśapaṭa-

(6)

loktacaturhūṁkāramantreṇājñāṁ dadyāt| tatrāyaṁ mantraḥ - oṁ sumbha nisumbha

hūṁ gṛhṇa gṛhṇa hūṁ gṛhṇāpaya gṛhṇāpaya hūṁ ānaya ho bhagavanvidyārāja hūṁ phaṭ||

tato nisumbharājaṁ daśadiśo gatvā devādivighnādhipatī-

naṅkuśonākṛṣya pāśena galake baddhānīya daśakrodhānāṁ patipādayantaṁ

vicintayet| tato'mṛtakuṇḍalimuttaradvāre dvitīyanirmāṇaṁ saṁsthāpyātmānaṁ daśakīlarūpākāramabhinirmāya daśavighnādhipatīnāṁ śirasi

nipatitaṁ vicintayet| tato nisumbharājaṁ vyutthāya vajramudgareṇa mantramāvartyākoṭayantaṁ dhyāyāt| tatrāyaṁ mantraḥ- oṁ gha gha gha gha

ghātaya ghātaya sarvaduṣṭān phaṭ phaṭ kīlaya kīlaya sarvapāpān phaṭ

phaṭ hūṁ hūṁ hūṁ vajrakīla vajradharo ājñāpayati| sarvavighnānāṁ kāya-

(7)

vākcittavajraṁ kīlaya hūṁ hūṁ phaṭ phaṭ| asya sūtraṁ trayodaśapaṭale-

vajrāmṛtamahākrodhaṁ vajrakīlaṁ vibhāvayet|

nikhaneddaśadiśāgre tu sphuliṅgajvālasuprabham||

iti||

tataṣṭakkirājamantreṇa lohajalāgnivāyuprākāracatuṣṭayaṁ yathākramaṁ

bāhyato vicintayet| tatrāyaṁ mantraḥ- ṭakki hūṁ jaḥ| tato bhrūṁkāreṇopari vajrapañjaraṁ caityamiva lohaprākāropari vyavasthitam tryakṣareṇa ca kavacam hūṁkāreṇa viśvavajramayaṁ bhūbhāgaṁ vicintayet||

evaṁ diksīmābandhavajraprākārapañjarādividhipūrvakaṁ rakṣācakraṁ dhyāyāt|

asyānuśaṁsāsūtraṁ trayodaśapaṭale-

(8)

dhyānajena samādānaṁ yatra sthāne samācaret|

anena dhyānayogena tiṣṭhanbuddhairadhiṣṭhyate||

iti||

tato dvitīyapaṭaloktayā bodhicittagāthayā rakṣācakraṁ traidhātukaṁ ca tathatāyāṁ praveśayet| tatreyaṁ gāthā-

abhāve bhāvanā'bhāvo bhāvanā naiva bhāvanā|

iti bhāvo na bhāvaḥ syādbhāvanā nopalabhyate||

iti| iyamapi paramā rakṣā||

tata ākāśadhātumadhye yaṁkāreṇa dhanvākṛti vāyumaṇḍalaṁ

hūṁkāradvayena pārśvayorvajradvayāṅkitaṁ vicintya tadupari raṁkāreṇa

trikoṇāgnimaṇḍalaṁ vajradvayāṅkitam punastadupari vaṁkāreṇa vartulaṁ

vāruṇamaṇḍalaṁ vajradvayāṅkitaṁ vibhāvya tadupari laṁkāreṇa caturasraṁ māhe-

(9)

ndramaṇḍalaṁ vajradvayāṅkitaṁ vibhāvya maṇḍalacatuṣṭayaṁ saṁhṛtya pṛthivīmaṇḍalamātraṁ dhyāyāt| asya sūtramekādaśapaṭale-

khavajramadhyagataṁ cintenmaṇḍalaṁ sarvavajrajam|

bhrūṁkāraṁ bhāvayettatra vajrameghasamāvaham||

iti||

evamādhāramaṇḍalaṁ niṣpādya bhrūṁkāreṇa kūṭāgāram

caturasraṁ caturdvāraṁ catustoraṇaśobhitam|

catuḥsūtrasamāyuktamaṣṭastambhopaśobhitam||

hārārdhahāraracitaṁ maṇivajrārdhacandrakam|

khacitaṁ vajraratnaistu dvāraniryūhasandhiṣu||

kumbhastambhamahāvajraṁ kramaśīrṣastu pakṣiṇī|

ghaṇṭāpatākasaṁśobhaṁ cāmarādivibhūṣitam||

iti| asya sūtramaṣṭamapaṭale-

(10)

yojanaśatavistāraṁ caturasraṁ suśobhanam|

catūratnamayaṁ caityaṁ svacchaṁ prakṛtinirmalam||

iti||

evaṅguṇaviśiṣṭaṁ devamanuṣyātikrāntaṁ prāsādavaraṁ pṛthivīmaṇḍalo-

pari vicintya candrasūryādyāsanaṁ saṁsthāpya svayaṁ prākṛtāhaṅkāramapanīya

jhaṭiti mahāvajradhararūpamātmānamindranīlavarṇaṁ trimukhaṁ ṣaḍbhujaṁ dakṣiṇe

vajraṁ cakraṁ padmaṁ vāme ghaṇṭāṁ cintāmaṇiṁ khadgaṁ sampuṭayogena madhyamaṇḍale padmacandrāsane sattvaparyaṅkeṇopaviṣṭaṁ vicintayet||

tataḥ pūrve vairocanam dakṣiṇe ratnasambhavam paścime'mitābham uttare'moghasiddhim agnikoṇe locanām nairṛtyāṁ māmakīm vāyavyāṁ pāṇḍaravāsinīm aiśānyāṁ tārāṁ garbhamaṇḍale pravicintya dvitīyapuṭe'gnikoṇe rūpavajrām nairṛtyāṁ śabdavajrām vāyavyāṁ gandhavajrām aiśānyāṁ rasavajrām madhye sparśavajrāṁ va-

(11)

jrasattvaṁ samāliṅgya sthitāṁ cintayet| tathā tṛtīye puṭe pūrvapa-

ṭṭikāyāṁ maitreyaṁ kṣitigarbham dakṣiṇapaṭṭikāyāṁ vajrapāṇiṁ khagarbham

paścimapaṭṭikāyāṁ lokeśvaraṁ mañjughoṣam uttarapaṭṭikāyāṁ sarvanivara-

ṇaviṣkambhiṇaṁ samantabhadram pūrvadvāre yamāntakam dakṣiṇadvāre'parājitam

paścimadvāre hayagrīvam uttaradvāre'mṛtakuṇḍalim

agnikoṇe'calam nairṛtyāṁ ṭakkirājam vāyavyāṁ nīladaṇḍam

aiśānyāṁ mahābalam ūrdhvamuṣṇīṣacakravartinam adho nisumbharājaṁ 

dhyāyāt| asya sūtram prathamapaṭale-

svacchaṁ ca tatsvabhāvaṁ ca nānārūpaṁ samantataḥ|

buddhameghasamākīrṇaṁ sphuliṅgagahanākulam|

svacchādimaṇḍalairyuktaṁ sarvatāthāgataṁ puram||

iti||

evaṁ bāhyamaṇḍale dvātriṁśaddevatānirmāṇamadhimucya punareṣāṁ sva-

(12)

kāyamaṇḍale skandhasvabhāvena pañcabuddhāndhātusvabhāvena vidyādevatā 

rūpādiviṣayasvabhāvena rūpavajrādikā āyatanasvabhāvena bodhisattvāna-

vayavasvabhāvena krodharājānvinyaset| asya sūtraṁ saptadaśapaṭale-

pañca skandhāḥ samāsena pañca buddhāḥ prakīrtitāḥ|

vajrāyatanānyeva bodhisattvāgramaṇḍalam||

pṛthivī locanākhyātā abdhāturmāmakī smṛtā|

tejaśca pāṇḍarākhyātā vāyustārā prakīrtitā||

rūpaśabdādibhirmantrī devatā bhāvayetsadā||

iti| imamarthavaśaṁ jñātvāha bhagavān sarvabuddhasamāyogaḍākinījāla-

saṁvaramahāyogatantre-

(13)

atattvāśayayogānāṁ devatālambanaṁ prati|

pratibimbamayo yogo niṣiktādiṣu jāyate||

sutattvāśayayogānāṁ devatālambanena kim|

ātmayogasvasamayātsidhyate paramākṣaram||

ātmā vai sarvabuddhatvaṁ sarvasauritvameva ca|

tasmātsarvaprayatnena hyātmānaṁ pūjayetsadā||

iti||

evaṁ bāhyamaṇḍalaṁ kāyamaṇḍale'nupraveśya sarvatathāgataparamāṇu-

parighaṭitaṁ svakāyamaṇḍalamadhimucya punaḥ kāyamaṇḍaladevatānskandha-

dhātvāyatanasvabhāvān yathānukrameṇa linānparamārthamaṇḍale praveśya 

tṛtīyapaṭalokta-oṁ śunyatājñānavajrasvabhāvātmako'hamitimantreṇa 

dharmakāyaṁ dṛḍhīkuryāt| asya sūtraṁ saptamapaṭale-

(14)

samayātkṣaredretaṁ vidhinā pibetphalakāṅkṣayā|

mārayettāthāgataṁ vyūhaṁ sutarāṁ siddhimāpnuyāt||

evaṁ śūnyatālambanena sakalakleśamalaṁ prakṣālya tasmādātmānaṁ

vajrasattvamahāmudrārūpaṁ niṣpādayedanena krameṇa| tatrāyaṁ kramaḥ

- paramārthasatyātsūryamaṇḍalam tadupari candramaṇḍalaṁ punastadupari

raktāṣṭadalapadmaṁ padmopari oṁ āḥ hūṁ ityakṣaratrayamuparyupari

vinyasya sarvaṁ saṁhṛtya paripūrṇacadramaṇḍalākārapariṇataṁ cittamātraṁ

dhyātvā tasmiñjagatsthāvarajaṅgamamantarbhāvya tṛtīyapaṭalokta-oṁ dharma-

dhātusvabhāvātmako'hamitimantreṇa svacittaratnaṁ dṛḍhīkuryāt| ityayaṁ 

prathamo yogaḥ||

imamarthaṁ dyotayannāha saṁvare-

jñānamātrasamāpattiryoga ityabhidhīyate||

iti||

tataścandramaṇḍalopari tryakṣaram tasmādvajram vajrānmahāvajradhara-

(15)

rūpamātmānaṁ śuklavarṇaṁ dhyāyāt|

vajrasattvo mahārājā vairocanasamaprabhaḥ||

iti pañcadaśapaṭale vacanāt| dvitīyo'nuyogaḥ||

asya sūtramekādaśapaṭale-

trivajrākṣaramantrāgrairmahāmudrāvibhāvanam|

kartavyaṁ jñānavajreṇa sarvabodhisamāvaham||

iti||

evaṁ yogānuyogakrameṇātmānaṁ sambhogakāyaṁ sampādya carama-

bhavikavatsattvārthaṁ prati skandhadhātvāyatanānupraveśena nirmāṇakāyamātmānaṁ

niṣpādayedenena krameṇa| tatrāyaṁ kramaḥ - oṁkāraṁ śuklavarṇaṁ 

vairocanātmakaṁ mastake vinyasya rūpaskandhaṁ praveśayet| evamāḥkāraṁ

raktavarṇamamitābhātmakaṁ mukhe vinyasya sañjñāskandhaṁ praveśayet|

hūṁkāraṁ kṛṣṇavarṇamakṣobhyātmakaṁ hṛdaye vinyasya vijñānaskandhaṁ prave-

(16)

śayet| svākāraṁ pītavarṇaṁ ratnasambhavātmakaṁ nābhau vinyasya vedanā-

skandhaṁ praveśayet| hākāraṁ haritavarṇamamoghasiddhyātmakaṁ pādayorvinyasya

saṁskāraskandhaṁ praveśayet||

moharatīti locanāṁ pṛthivīdhātusvabhāvena dveṣaratīti māmakī-

mabdhātusvabhāvena rāgaratīti pāṇḍarāṁ tejodhātusvabhāvena vajraratīti

tārāṁ vāyudhātusvabhāvena vinyasya kharatvaṁ dravatāmauṣṇyaṁ preraṇatvaṁ prakalpayet||

thlīṁ kṣitigarbhaṁ cakṣurāyatanasvabhāvena oṁ vajrapāṇiṁ śrotrā-

yatanasvarūpeṇa oṁ ākāśagarbhaṁ ghrāṇāyatanarūpeṇa oṁ lokeśvaraṁ

jihvāyatanasvarūpeṇa hūṁ mañjuśriyaṁ mana āyatanasvarūpeṇa oṁ sarva-

nivaraṇaviṣkambhiṇaṁ kāyāyatanasvarūpeṇa vinyasya divyalocanādīnpra-

kalpayet| maiṁbījaṁ maitreyaṁ snāyusvabhāvena nyaset| saṁbījaṁ samantabhadraṁ

sarvaśarīrasandhisvabhāvena nyasediti||

evaṁ mantrādhiṣṭhāne skandhadhātvāyatanamāpūrya dīrghahūṁkārāndaśa-

(17)

krodhānbhujādyavayave vinyasedanena krameṇa- tatra dakṣiṇabhuje yamā-

ntakam vāmabhuje'parājitam mukhe hayagrīvam guhye'mṛ-

takuṇḍalim dakṣiṇabāhāvacalam vāmabāhau ṭakkirājam 

dakṣiṇajānau nīladaṇḍam vāmajānau mahābalam mūrdhnyuṣṇīṣacakra-

vartinam pādayorni sumbharājaṁ vinyasya daśadiśo'nupraveśayediti|

asya sūtraṁ prathamapaṭale - mahāvidyāpuruṣamūrtiṁ sarvatathāgata-

mantrādhiṣṭhānamadhiṣṭhāpayāmāsa| samanantarādhiṣṭhitamātre sa eva bhagavānbo-

dhicittavajrastathāgatastrimukhākāreṇa sarvatathāgataiḥ sandṛśyate smeti|

tṛtīyo'tiyogaḥ||

evaṁ sādhako yogatrayeṇātmanaḥ prākṛtāhaṅkāramapanīya śrīvajra-

sattvarūpaṁ niṣpādya punarghaṭamānaniṣpannadevatāvikalpāpanayanārthaṁ caturthaṁ

mahāyogaṁ kuryāt| tatra oṁkāraṁ śuklavarṇaṁ mastake dhyātvā ta-

jjanitalocanāvyūhamādhipatyaprayogeṇa gaganakuhare vicintayet|

tato jhaṭiti vairocanavyūhamādhipatyaprayogeṇāntarīkṣe dṛṣṭvā dvādaśapaṭa-

(18)

loktagāthādvayenādhyeṣayet| tatreyaṁ gāthā-

buddhakāyadharaḥ śrīmāṁstrivajrābhedyabhāvitaḥ|

adhiṣṭhānapadaṁ me'dya karotu kāyavajriṇaḥ||

daśadiksaṁsthitā buddhāstrivajrābhedyabhāvitāḥ|

adhiṣṭhānapadaṁ me'dya kurvantu kāyavajriṇaḥ||

adhyeṣaṇānantaraṁ devatāvyūhamanyonyānurāgaṇapūrvakaṁ paramānandasukhama-

nubhūya śvetaśmisvabhāvena jñānasattvavadvairocanadvāreṇa praviśya jñānabhūmiṁ

prāpya samastakāyamāpūrya prīṇayantaṁ vicintya saptamapaṭaloktagāthayā dṛ-

ḍhīkuryāt| tatreyaṁ gāthā-

yatkāyaṁ sarvabuddhānāṁ pañcaskandhaprapūrītam|

buddhakāyasvabhāvena mamāpi tādṛśaṁ bhavet||

iti| tataḥ ṣaṣṭhapaṭaloktamantreṇādvayāhaṅkāraṁ kuryāt- oṁ sarvatathā-

gatakāyavajrasvabhāvātmako'hamiti||

(19)

vākcittayorapyanenaiva krameṇādhiṣṭhānaṁ kuryāt| tatrāyaṁ kramaḥ-

āḥkāraṁ raktavarṇaṁ mukhapadmopari vinyasya tajjanitapāṇḍaravāsinī-

vyūhairgaganamāpūrya pūrvavadamitābhavyūhaṁ dṛṣṭvādhyeṣayedanayā gāthayā-

dharmo vai vākpathaḥ śrīmāṁstrivajrābhedyabhāvitaḥ|

adhiṣṭhānapadaṁ me'dya karotu vāgvajriṇaḥ||

daśadiksaṁsthitā buddhāstrivajrābhedyabhāvitāḥ|

adhiṣṭhānapadaṁ me'dya kurvantu vāgvajriṇaḥ||

evamadhyeṣite pūrvavaddvayendriyasamāpattyā mahārāgānalena vyūhadvayaṁ 

dravībhūya raktaraśmirūpeṇa mukhe praviśyāśeṣavāgaiśvaryamāpādayantaṁ 

vicintya dṛḍhīkuryādanayā gāthayā-

yadeva vajradharmasya vācā niruktisampadaḥ|

mamāpi tādṛśī vācā bhaveddharmadharopamā||

(20)

iti| tato'nena mantreṇādvaidhīkārāhaṅkāraṁ kuryāt| tatrāyaṁ mantraḥ-

oṁ sarvatathāgatavāgvajrasvabhāvātmako'hamiti||

tataḥ svahṛdi vajravaraṭake kṛṣṇavarṇaṁ hūṁkāraṁ vicintya tajjanita-

māmakīvyūhaṁ gaganakuhare vicintya pūrvavajjhaṭityakṣobhyavyūhaṁ cāntarīkṣe

dṛṣṭvā prārthayedanayā gāthayā-

vajracittadharaḥ śrīmāṁstrivajrābhedyabhāvitaḥ|

adhiṣṭhānapadaṁ me'dya karotu cittavajriṇaḥ||

daśadiksaṁsthitā buddhāstrivajrābhedyabhāvitāḥ|

adhiṣṭhānapadaṁ me'dya kurvantu cittavajriṇaḥ||

prārthanānantaraṁ pūrvavadvyūhadvayaṁ mahārāgānalena dravībhūya kṛṣṇaraśmirūpeṇa

hṛdaye praviśya cittaiśvaryaṁ sampādayantaṁ vicintya dṛḍhīkuryādanayā gāthayā

yaccittaṁ samantabhadrasya guhyakendrasya dhīmataḥ|

mamāpi tādṛśaṁ cittaṁ bhavedvajradharopamam||

(21)

iti| tato'nenādvaidhīkārāhaṅkāraṁ kuryāt- oṁ sarvatathāgatacittava-

jrasvabhāvātmako'hamiti||

evaṁ kulatrayapraveśena kāyavākcittaṁ pṛthagadhiṣṭhāya punastrivajrā-

bhedyasvabhāvena mahāvajradharādhiṣṭhānaṁ kuryādanena krameṇa- oṁ sarva-

tathāgatakāyavākcittavajrasvabhāvātmako'hamiti| asya sūtraṁ dvitīya-

paṭale- utpādayantu bhavantaścittaṁ kāyākāreṇa kāyaṁ cittākāreṇa

cittaṁ vākpravyāhāreṇeti| prathamapaṭaloktasamayodbhavavajrasamādhinyāyena

niṣpannatvātsamayasattva ityucyate||

evaṁ trimukhaṁ ṣaḍbhujaṁ samayasattvaṁ niṣpādya tasya hṛdaye jñānasattvaṁ

dvibhujaṁ raktavarṇaṁ sampuṭayogena sarvaśarīraṁ prīṇayantaṁ vicintya svamukuṭe'dhipati dhyāyāt| asya sūtraṁ dvādaśapaṭale-

sarvākāravaropetaṁ svakāyavākcittavajriṇam|

hṛdaye jñānasamayaṁ mukuṭe vajrāgradhāriṇam||

(22)

prīṇanaṁ sarvabuddhānāmidaṁ samayamuttamam|

kartavyaṁ samayāgreṇa sarvasiddhikaraṁ param||

evaṁ samayasattvahṛdaye jñānasattvaṁ vicintya jñānasattvasyāpi  hṛdaye

hūṁkāraṁ samādhisattvākhyaṁ satatodayaṁ bṛhatpradīpasadṛśamajñānāndhakāra-

vidhamanārthamālokapuñjākāraṁ dhyāyāditi| asya sūtramekādaśapaṭale-

buddhamaṇḍalamadhyasthaṁ vajrākṣobhyaṁ prabhāvayet|

hūṁkāraṁ hṛdaye dhyātvā cittaṁ bindugataṁ nyaset||

iti| mahāyogaḥ||

evaṁ yogacatuṣṭayenātmānaṁ trisattvātmakaṁ svārthasampatsvabhāvaṁ 

samādhirājāgrīṁ niṣpādyedānīṁ parārthasampattaye maṇḍalarājāgrīsamādhipra-

darśanāya pīṭhikāvatāryate| bhagavāñchākyamuniḥ sarvaṁ kṛtvā tuṣitava-

rabhuvanādavatīrya vītarāgarūpamabhinirmāya śrāvakagotrāñchāvakamārge

pratiṣṭhāpya punarmahāyānikabodhisattvānāṁ pāramitāmārgaṁ prakāśya

(23)

gambhīrādhimuktikānāṁ rāgajabodhipradarśanārthametat| tatra prathamapaṭalo-

ktamahārāganayaṁ nāma samādhiṁ samāpannastathā ghaṭamānayogināpyā-

diyogaṁ kṛtvā rāgacaritasattvānāṁ kāmamokṣapradarśanāya saptadaśapaṭaloktasarvakāmopabhogasamādhinā vihartavyamanena krameṇa| tatrāyaṁ kramaḥ -- sarvalakṣaṇopetāṁ bāhyāṅganāṁ mantratantrasuśikṣitāmādāya purato'va-

sthāpya pañcakulakalāpinīṁ kuryāt| tato vajrapadmasaṁskārapūrvakaṁ dvaye-

ndriyasamāpattiṁ kṛtvā bodhicittādakṣobhyādimaṇḍalacakramabhinirmāya ta-

ttatsamādhinā sattvānāṁ dveṣādikleśānviśodhya punarānīya svakāyama-

ṇḍale praveśayet| atha vā svahṛdayājjñānamudrāmabhinirmāya tayā saha 

samāpattiṁ kṛtvā mantraikanirmāṇātsattvārthaṁ kuryāt|

hṛdayasthā mahādevī yogināṁ yogavāhinī|

(24)

jananī sarvabuddhānāṁ vajradhātvīśvarī smṛtā||

iti sarvarahasyatantre vacanāt| asya sūtraṁ saptamapaṭale-

tāṁ ṣoḍaśābdikāṁ prāpya yoṣitaṁ kāntisuprabhām|

pracchanne prārabhetpūjāmadhiṣṭhānapadaistribhiḥ||

tāthāgatīṁ mahābhāryā locanāṁ vā vibhāvayet|

dvayendriyasamāpattyā buddhasiddhimavāpnuyāt||

iti||

evaṁ bāhyādhyātmikamudrāṁ niścityedānīṁ pañcakulakalāpinīkramaḥ 

pradarśyate| oṁkāraṁ śirasyāḥkāraṁ mukhe hūṁ hṛdaye svā nābhau hā pāda-

yornyaset| caturdhātusvabhāvena locanādīrnyaset| rūpādiviṣaya-

svabhāvena rūpavajrādīrnyaset| punastasyā bhujādyavayaveṣu krodharājñī-

rnyaset| tatra dakṣiṇabhuje vajravetālīṁ vāmabhuje'parājitāṁ mukhe bhṛ-

(25)

kuṭiṁ guhya ekajaṭāṁ punardakṣiṇabāhau viśvavajrīṁ vāmabāhau viśvaratnīṁ 

dakṣiṇajānau viśvapadmīṁ vāmajānau viśvakarmīṁ mūrghni gaganavajriṇīṁ pādayo-

rdharaṇīndharīṁ nyasediti| asya sūtramaṣṭamapaṭale-

stanāntaraṁ yāvacchikhāntamadhye

caraṇāntare cāpi nyasedvidhijñaḥ|

nābhikaṭīguhya jinātmajānāṁ

nyāsaṁ prakuryātkulapañcakānām||

iti||

evamabhisaṁskṛtya prākṛtastrībhāvamapanīya vajrapadmasaṁskāraṁ kuryādanena

krameṇa| hūṁkāreṇa svaliṅgaṁ pañcasūcikaṁ vajraṁ vicintya madhyasūcau praṇavaṁ

nyasediti vajrasaṁskāraḥ| āḥkāraṁ tasyā dharmodaye vinyasya tajjanita-

raktāṣṭadalapadmaṁ dhyāyāditi padmasaṁskāraḥ| asya sūtraṁ saptamapaṭale-

hūṁkāraṁ ca oṁkāraṁ ca phaṭkāraṁ ca vikalpayet|

pañcaraśmisamākīrṇaṁ vajraṁ padmaṁ ca bhāvayet||

(26)

iti||

tato ratnasambhavāhaṅkāravānanyonyānurāgaṇapūrvakamāliṅganacumbanā-

dikaṁ kṛtvā ṣaṣṭhapaṭaloktamantreṇādvayāhaṅkāraṁ kuryāt| tatrāyaṁ mantraḥ

- oṁ sarvatathāgatānurāgaṇavajrasvabhāvātmako'hamiti ratnasambha-

vādhiṣṭhānam| tato hūṁkāragītamudāharan yoṣitkarmastho bhavet|

kṣaraṇāvasthāyāṁ phaṭkāramantramuccārayet| tataḥ kāyamāṇḍaleyadevatāḥ para-

mānandasukhamanubhūya nāḍīvivarādbindurūpeṇa padmamadhye nipatanti| asya sūtraṁ prathamapaṭale - sarvatathāgatakāyavākcittahṛdayavajrayoṣidbhageṣu 

vijahāreti| evaṁ bodhicittāvasthāyāmamoghasiddhyadhiṣṭhānamadhimucya ṣaṣṭhapa-

ṭaloktapūjāmantreṇādvayāhaṅkāraṁ kuryāt| tatrāyaṁ mantraḥ- oṁ sarvata-

thāgatapūjāvajrasvabhāvātmako'hamiti||

evaṁ pañcatathāgatānupraveśenātmānamadhiṣṭhāya samādhyabhiṣekapūjā-

paryantaṁ sarvakulātmakāhaṅkāraṁ kṛtvā parārthasampattaye bhavotpattikrameṇa

(27)

maṇḍalacakramutsṛjet| tatrākṣobhyasamādhinā sattvānāṁ dveṣakleśa-

viśuddhiṁ karoti| evaṁ vairocanasamādhinā mohaviśuddhim| ratna-

sambhavasamādhinā mānaviśuddhim| amitābhasamādhinā rāgaviśu-

ddhim| amoghasiddhisamādhinerṣyāviśuddhim| sa eva bhagavānlo-

canāsamādhinā sattvānāṁ śāntiṁ karoti| māmakīsamādhinā

puṣṭim| pāṇḍaravāsinīsamādhinā rakṣām| tārāsamādhinā vaśyaṁ

karoti| sa eva bhagavāntrūpavajrādikā bhūtvā sattvānāṁ sukhasaumanasya-

māpādayati| sa eva bhagavānkṣitigarbhādibodhisattvasamādhibhiḥ 

sattvānāmāyatanaviśuddhiṁ karoti| sa eva bhagavān yamāntakādikrodha-

samādhibhirdaśadigvighnagaṇāṁstarjayati|

sarvayogo hi bhagavānvajrasattvastathāgataḥ|

tasyopabhogaṁ sarvaṁ vai traidhātukamaśeṣataḥ||

iti vacanāt| maṇḍalarājāgrī nāma dvitīyaḥ samādhiḥ||

evaṁ dvātriṁśaddevatācakramabhinirmāya sūkṣmayogaṁ bāhyādhyātmikajāpaṁ 

(28)

ca kṛtvā punarātmānameva tathatāyāṁ praveśayet| tato locanādica-

turdevyo maṇḍalamadhye mahāsukhamapaśyantyo virahakhedavaśāt tvaṁ vajra-

cittetyādigītikābhirmahāsukhaṁ prabodhayanti| tatreyaṁ gītikā-

tvaṁ vajracitta bhuvaneśvara sattvadhāto

trāyāhi māṁ ratimanojña mahārthakāmaiḥ|

kāmāhi māṁ janaka sattvamahāgrabandho

yadīcchase jīvitu mhya nātha||

tvaṁ vajrakāya bahusattvapriyāṅkacakra

buddhārtha bodhiparamārtha hitānudarśī|

rāgeṇa rāgasamayāṁ mama kāmayasva

yadīcchase jīvitu mahya nātha||

tvaṁ vajravāca sakalasya hitānukampī

lokārthakāryakaraṇe sada sampravṛtta|

(29)

kāmāhi māṁ suratacarya samantabhadra

yadīcchase jīvitu mahya nātha||

tvaṁ vajrakāma samayāgra mahāhitārtha

sambuddhavaṁśatilakaḥ samatānukampī|

kāmāhi māṁ guṇanidhiṁ bahuratnabhūtāṁ

yadīcchase jīvitu mahya nātha||

evaṁ sadbhūtaguṇena sañcodite sati pūrvapraṇidhānasāmarthyādvyutthitasya

tathāgatāścākṣobhyetyādistotrarājaiḥ stuvanti| tatreyaṁ stutiḥ-

akṣobhyavajra mahājñāna vajradhātu mahābudha|

trimaṇḍala trivajrāgra bhāṣa guhyaṁ namo'stu te||

vairocana mahāśuddha vajraśānta mahārate|

(30)

prakṛtiprabhāsvarāndharmān deśa vajra namo'stu te||

ratnarāja sugāmbhīrya khavajrākāśanirmala|

svabhāvaśuddha nirlopa bhāṣa guhyaṁ namo'stu te||

vajrāmitamahārāja nirvikalpa khavajradhṛk|

rāgapāramitāprāpta bhāṣa vajra namo'stu te||

amoghavajra sambuddha sarvāśāparipūraka|

śuddhasvabhāvasambhūta vajrasattva namo'stu te||

tadanantaraṁ buddhajñānaṁ prakāśya maṇḍalacakramanurāgya pūrvavatsvakā-

yamaṇḍale praveśyopasaṁhāraṁ kuryādanena krameṇa| svahṛdayasthaṁ hūṁkāramu-

ccārya tena sakalasattvadhātūnmahāvajradhararūpapariṇatānvicintya tanmana-

sikāreṇa viharediti| asya sūtraṁ daśamapaṭale-

ākāśadhātumadhyasthaṁ bhāvayedvyūhamaṇḍalam|

(31)

hūṁkāraṁ tatra madhyasthaṁ svabimbena prakalpayet||

iti||

evamādikarmikeṇa pratiṣṭhāpitasamayasaṁvareṇābhiṣekaprāptena prākṛtā-

haṅkārāpagatena catuḥsandhyādevatāyogābhyāsena svaparārthasampādano-

tsukena śāntikarmādiviśiṣṭataramapi kartavyam| sādhanoktakrameṇā-

hāraśodhanaṁ kaṇṭhaśodhanaṁ hṛdayaśodhanaṁ ca kṛtvāhārakṛtyaṁ kuryāt

sukhena pariṇamati| bāhyādhyātmikahomena tryakṣareṇa mālāmantreṇa vā

mantrauṣadhiyogenenāpi padmavajrasamāyogena ca sarvakarma prasādhayet| iti 

karmarājāgrī nāma tṛtīyaḥ samādhiḥ||

śrīguhyasamājamahāyogatantre bhavotpattikrameṇa vajrasattvaniṣpādanasūtraṁ samāptam|| ||

kṛtiriyamācāryacandrakīrtipādānām|| ||

(32)