- (626) 571-8811 ext.321
- [email protected]
Dvādaśakāranayastotram
Technical Details
- Text Version:
Romanized
- Input Personnel:
Miroj Shakya
- Input Date:
2018
- Proof Reader:
Miroj Shakya
- Supplier:
Nagarjuna Institute of Buddhist Studies
- Sponsor:
University of the West
- Other Version
N/A
Dvādaśakāranayastotram
namaḥ śākyamunaye buddhāya
(1)
upāyakauśalyakṛpāluśākya-
vaṃśyaṃ hatānyāhatamārasenam|
suvarṇamerūpamacārukāya-
menaṃ hi śākyādhipatiṃ namāmi||
ādau samutpāditabodhicitto
yo jñānapuṇyobhayasaṃbhṛtaḥ san|
udāralīlābhirihādya kāle
jātaṃ jagannāthamahaṃ stavīmi||1||
(2)
devān vināyyātha vinītakālaṃ
jñātvā'vatīryāpi ca devalokāt|
kukṣiṃ viśantaṃ gajavad hi māyā-
devyā vilokyaiva kulaṃ namāmi||2||
(3)
janiṃ bhajantaṃ khalu lumbinīvane
śākyātmajaṃ vai daśamāsapūrtau|
brahmendravandyaṃ varalakṣaṇaṃ ca
bodheḥ kule taṃ niyataṃ namāmi||3||
nṛsiṃhamaṅge magadhe ca śilpaṃ
pradarśayantaṃ balinaṃ kumāram|
nigṛhya cāhaṃkṛtinaḥ samastān
atulyakarmāntakaraṃ namāmi||4||
(4)
dharmānuvṛttyai jagato hyavadya-
hānyāyupāye kuśalatvapūrvam|
antaḥpure yaḥ kṛtasaṃnivāsaḥ
taṃ rājyarakṣāpravaṇaṃ namāmi||5||
niḥsāratāṃ sāṃsṛtikīṃ vilokya
tyaktvā gṛhaṃ vyomapathena gatvā|
pravrājayantaṃ nijamātmanā taṃ
viśuddhacaityābhimukhaṃ namāmi||6||
(5)
matvodyamenaiva hi bodhisiddhiṃ
varṣāṇi ṣaḍ duṣkaracāriṇaṃ tam|
nairañjanānte khalu vīryapāraṃ
dhyānottamaprāptamahaṃ namāmi||7||
anādikaṃ sārthayituṃ prayāsam,
bodhidrumānmāgadhikād adhastāt|
paryaṅkabaddhaṃ hyacalābhibodhim
sambodhisamprāptikaraṃ namāmi||8||
(6)
śīghraṃ jagat kāruṇiko'valokya
vārāṇasītyādivarasthaleṣu|
vineyakān vartitadharmacakraṃ
praveśayantaṃ trinaye namāmi||9||
ṣaṭ tīrthyaśāstṝnatha nigrihītuṃ
yo devadattādyaparān kudṛṣṭīn|
vārāṇasīye'damayad hi māraṃ,
muniṃ jayantaṃ samare namāmi||10||
(7)
guṇaiḥ pradarśya tribhave'tulārhaṃ
śrāvastike prātihāryam mahad yaḥ|
supūjito devamanuṣyayonibhiḥ|
taṃ śāsanasyarddhikaraṃ namāmi||11||
kusīdinaḥ prerayituṃ suśīghraṃ,
pravitrakauśīnagarīyabhūmau|
tyaktvāmaraṃ vajrasamānakāyaṃ
namāmi yātaṃ parinirvṛtiṃ tam||12||
(8)
samyaktayā santamapi hyamartyaṃ,
puṇyaṃ labheranniti bhāvisattvāḥ|
vikṛtya tatkālamanekadhātūn
aṣṭāṃśadhātūn dadataṃ namāmi||13||
evaṃ prakārairbhagavat praśāstṛ-
līlāsamāsastutijātapuṇyaiḥ|
(9)
samastasattvācaraṇaṃ hyapīdaṃ
yathaiva bhūyāt sugatasya caryā||14||
(10)
The rights of the materials herein are as indicated by the source(s) cited. Rights in the compilation, indexing, and transliteration are held by University of the West where permitted by law. See Usage Policy for details.
Our Address
Newsletter
Subscribe to our newsletter for latest updates about the canon text of our project