Digital Sanskrit Buddhist Canon
- (626) 571-8811 ext.321
- [email protected]
Dharmagaveṣīti 38
Technical Details
- Text Version:
Romanized
- Input Personnel:
DSBC Staff
- Input Date:
2008
- Proof Reader:
Milan Shakya
- Supplier:
Nagarjuna Institute of Exact Methods
- Sponsor:
University of the West
- Parallel Devanāgarī version धर्मगवेषीति ३८
buddho bhagavānsatkṛto gurukṛto mānitaḥ pūjito rājabhī rājamātrairdhanibhiḥ pauraiḥ śreṣṭhibhissārthavāhairdevairnāgairyakṣairasurairgaruḍaiḥ kinnarairmahoragairiti devanāgayakṣāsuragaruḍakinnaramahoragābhyarcito buddho bhagavān jñāto mahāpuṇyo lābhī cīvarapiṇḍapātaśayanāsanaglānapratyayabhaiṣajyapariṣkārāṇāṃ saśrāvakasaṅghaḥ śrāvastyāṃ viharati jetavane 'nāthapiṇḍadasyārāme|| ācaritametadanā
tataścatasraḥ parṣado bhagavataḥ sakāśātsaṃmārjanasyeti pañcānuśaṃsānupaśrutya prasādajātāḥ prītisaumanasyaprasannacittāḥ svasvāsanādutthāya yena bhagavāṃstenāñjaliṃ pragṛhya bhagavattametadūcuḥ| vayaṃ bhagavanbhagavata upasthāpakāḥ sarvaṃ jetavanaṃ sadā saṃmārṣṭumicchāmo 'smākamanugrahaṃ kuru| tato bhagavāṃstāsāṃ tūṣṇībhāvenādhivāsayati|| tatastāścatasraḥ parṣado bhagavato 'dhivāsanāṃ viditvā saṃmārjanīrgṛhītvā sarvaṃ jetavanaṃ saṃmārṣṭu pravṛttāḥ| sarvaṃ jetavanaṃ cārāmamārgaparyattaṃ saṃmārjya bhagavato dharmadeśanāṃ śrotumekātte niṣaṇṇā ādarayuktāḥ||
anāthapiṇḍado gṛhapatirapi taṃ pradeśamanuprāptaḥ| tena śrutaṃ yathā bhagavatā mahāśrāvakasahāyena svayameva jetavanaṃ saṃmṛṣṭamiti| bhagavatā deśitānsaṃmārjane pañcānuśaṃsānupaśrutya vipratisārībhūta iti cittitavān| kimarthaṃ mayā bhagavato vihāre tasminpuṇyakṣetre| yatrādyaivāropitaṃ bījamadyaiva phalaṃ saṃpadyate svalpasyānattaṃ phalaṃ niṣpadyate| tathāgatasaṃmukhībhūte sarvaśrāvakasaṃvāsite 'tīvamanoramabhūmau sarvadevāsuramanuṣyagandharvagaruḍakinnaramahoragāṇāṃ manoharṣāspadībhūte sarvabhūtapretapiśācayakṣarākṣasanārakadrohiṇāmanavakāśe sarvamāramārakāyikānāṃ devānāṃ manuṣyāṇāṃ cānavakāśabhuvane bhagnābhibhavajāte rāgadveṣamohamātsaryerṣyāmānaduṣṭasattvānāmavidi
tato 'nāthapiṇḍado 'patrapamāṇanūpo lajjāparigatahṛdayastatrāvasthāne sthitaḥ|| jānakāḥ pṛcchakā buddhā bhagavattaḥ| tena bhikṣavaḥ pṛṣṭāḥ ka eṣa iti|| bhikṣava ūcuḥ| anāthapiṇḍado bhadatta bhagavato lajjāyamānanūpo 'patrāpyaparigatahṛdayo necchati bhagavataḥ sakāśamatropariṣṭātpādanyāsenopasaṃkramituṃ yatra nāma bhagavatā mahāśrāvakasahāyena svayaṃ jetavanaṃ saṃmṛṣṭamiti|| tatastaṃ bhagavānāha| gṛhapate buddhavacanaṃ* * * * *praveṣṭavyaṃ| kasmāt| saddharmagauravā hi buddhā bhagavatto dharmo hyarhatāṃ gururiti|| tato 'nāthapiṇḍado gāthābhigītena gāyanyena bhagavāṃstenopasaṃkrāttaḥ| upasaṃkramya bhagavataḥ pādābhivandanaṃ kṛtvā purastādekātte niṣaṇo dharmakathāśravaṇāya|| tato bhagavatā dharmyayā kathayā saṃdarśitaḥ samādāpitaḥ samuttejitaḥ saṃpraharṣitaḥ| so 'nekaparyāyeṇa bhagavatā dharmyayā kathayā saṃdarśitaḥ samādāpitaḥ samuttejitaḥ saṃpraharṣitaḥ saṃprakāttaḥ||
tadā bhikṣavaḥ saṃśayajātāḥ sarvasaṃśayacchettāraṃ
bhūtapūrvaṃ bhikṣavo 'tīte 'dhvani vārāṇasyāṃ nagaryāṃ brahmadatto nāma rājā rājyaṃ kārayati ṛddhaṃ ca sphītaṃ ca kṣemaṃ ca subhikṣaṃ cākīrṇabahujanamanuṣyaṃ ca praśāttakalikalahaḍimbaḍamaraṃ taskararogāpagataṃ śālīkṣugomahiṣīsaṃpannamakhilamakaṇṭhakamekaputramiva rājyaṃ pālayati| sa ca rājā śrāddho bhadraḥ kalyāṇāśaya ātmahitaparahitapratipannaḥ kāruṇiko mahātmā dharmakāmaḥ prajāvatsalaḥ sarvapradaḥ sarvaparityāgī niḥsaṅgaparityāgī ca mahati tyāge vartate|| so 'pareṇa samayena devyā sārdhaṃ krīḍati ramate paricārayati| tasya krīḍato ramamāṇasya paricārayataḥ kālāttareṇa sā devī sattvavatī saṃvṛttā dohadaścāsyāḥ samutpannaḥ subhāṣitaṃ śṛṇuyāmiti| tayā rājñe niveditam| rājñā naimittikānāhūya pṛṣṭāsta ūcurdevāsya sattvasyānubhāva iti|| tatastena rājñā saubhāṣaṇikasyārthe suvarṇapiṭako grāmanagaranigamarāṣṭrarājadhānīṣu paryaṭito na ca tatsubhāṣitamupalabhyate|| yāvatparipūrṇairnavabhirmāsaiḥ sā devī prasūtā| dārako jāto 'bhinūpo darśanīyaḥ prāsādiko gauraḥ kanakavarṇaśchattrākāraśirāḥ pralambabāhurvistīrṇalalāṭa uccaghoṣaḥ saṃgatabhrūstuṅganāsaḥ sarvāṅgapratyaṅgopetaḥ| tasya jātau jātimahaṃ kṛtvā nāmadheyaṃ vyavasthāpyate kiṃ bhavatvasya dārakasya nāmeti| amātyā ūcuḥ| yasmādayaṃ dārako 'jāta eva subhāṣitaṃ gaveṣate tasmādbhava
sa pituratyayādrājye pratiṣṭhitaḥ amātyānājñāpayati| subhāṣitena me grāmaṇyaḥ prayojanaṃ gaveṣata me subhāṣitamiti|| tatastairamātyaiḥ sakale jambūdvīpe hiraṇyapiṭakāḥ subhāṣitahetoḥ saṃdarśitā na ca subhāṣitamāsāditam| tataste rājñe niveditavattaḥ|| tataḥ sa rājā subhāṣitaśravaṇahetorutkaṇṭhati paritapyati||
śakrasya devānāmindrasyādhastājjñānadarśanaṃ pravartate| sa paśyati rājānaṃ subhāṣitaśravaṇahetorvihanyamānam| tasyaitadabhavat| yannvahaṃ rājānaṃ mīmāṃseyeti|| atha śakro devānāmindro guhyakanūpadhārī bhūtvā vikṛtakaracaraṇanayano rājñaḥ purastādrāthāṃ bhāṣate|
dharmaṃ caretsucaritaṃ nainaṃ duścaritaṃ caret|
dharmacārī sukhaṃ śete asmilloke paratra ceti||
tato rājā vismayotphulladṛṣṭistaṃ guhyakamuvāca| brūhi brūhi guhyaka tāvanme etāṃ gāthāṃ śroṣyāmīti|| tato guhyako rājānamuvāca| yadi yadbravīmi tanme kariṣyasi evamahamapi yadājñāpayiṣyasi tatkariṣyāmīti|| rājovāca| kimājñāpayiṣyasīti|| guhyaka uvāca| saptāhorātrāṇi khadirakāṣṭhairagnikhadāṃ tāpayitvā tatra padyātmānamutsrakṣyasi tataste 'haṃ punargāthāṃ vakṣyāmīti|| tacchravaṇācca rājā prītamanāstaṃ guhyakamuvāca| evamastviti|| tato rājñā guhyakaṃ pratijñāyāṃ pratiṣṭhāya sarvavijite ghaṇṭhāvaghoṣaṇaṃ kāritam| saptame divase rājā subhāṣitaśravaṇahetoragni
tato 'nekeṣu prāṇiśatasahasreṣu saṃnipatiteṣu gaganatale cānekeṣu devatāśatasahasreṣu saṃnipatiteṣu bodhisattvasyādhyāśayaśuddhitāmavagamyādbhutabhāvaṃ ca draṣṭumihāvatasthuḥ|| atha sa guhyaka ākāśamutpatya bodhisattvamuvāca| kriyatāṃ mahārāja yathāpratijñātamiti|| tato rājā jyeṣṭhaṃ kumāraṃ rājye 'bhiṣicyāmātyānnaigamajānapadāṃśca kṣamayitvā janakāyaṃ cāśvāsyāgnikhadāsamīpamupagamya imāṃ gāthāṃ bhāṣate|
eṣāṅgārakhadā mahābhayakarī jvālārkaraktopamā
dharmārthe prapatāmi niścitamanā nissādhvaso jīvite|
eṣā cāgnikhadā bhaviṣyati śubhā puṇyānubhāvānmama
śītā candanapaṅkavāsitajalā padmākulā padminī||
ityuktā bodhisattvastasyāmagnikhadāyāṃ patitaḥ patitamātrasya cāsyāgnikhadā padminī prādurbhūtā|| tataḥ śakro devānāmindrastadatyadbhutaṃ devamanuṣyāvarjanakaraṃ prātihāryaṃ dṛṣṭvā yakṣanūpamattardhāpya svanūpeṇa sthitvā gāthāṃ bhāṣate|
dharmaṃ caretsucaritaṃ nainaṃ duścaritaṃ caret|
dharmacārī sukhaṃ śete loke 'smiṃśca paratra ceti||
atha bodhisattvena tāṃ gāthāmudgṛhītvā suvarṇapatteṣvabhilikhya kṛtsne jambudvīpe grāmanagaranigamarāṣṭrarājadhānīṣu paryaṭitā||
bhagavānāha| kiṃ manyadhve bhikṣavo yo 'sau tena kālena tena samayena rājā babhūvāhaṃ saḥ| tadāpi me subhāṣitaśravaṇahetoḥ svajīvitaṃ parityaktaṃ prāgevedānīm| tasmāttarhi bhikṣava evaṃ śikṣitavyaṃ yaddharmaṃ satkariṣyāmo gurukariṣyāmo mānayiṣyāmaḥ pūjayiṣyāmo dharmaṃ satkṛtya gurukṛtya mānayitvā pūjayitvopaniśritya vihariṣyāma ityevaṃ vo bhikṣavaḥ śikṣitavyam||
idamavocadbhagavānāttamanasaste bhikṣavo bhagavato bhāṣitamabhyanandan||
The rights of the materials herein are as indicated by the source(s) cited. Rights in the compilation, indexing, and transliteration are held by University of the West where permitted by law. See Usage Policy for details.
Our Address
Newsletter
Subscribe to our newsletter for latest updates about the canon text of our project