- (626) 571-8811 ext.321
- [email protected]
Trayoviṃśatitamaparivartaḥ
Technical Details
- Text Version:
- Input Personnel:
- Input Date:
- Proof Reader:
- Supplier:
- Sponsor:
- Parallel version त्रयोविंशतितमपरिवर्तः
pañcamaviśiṣṭakuśalamūlasamanvāgamātmakavṛddhyarthamāha | tena khalu punarityādi | bālajanottrāsakalatvādākāśagambhīratayā gambhīrā | hetuphalabhāvarahitatvena yathākramaṃ viviktatvāddudṛśā śūnyatvādduranubodhā | darśanabhāvanāviśeṣamārgotpādanārthaṃ yathāsaṃkhyaṃ śikṣiṣyante,pratipatsyante,yogamāpatsyanta iti vācyam | saṃvarasattvārthakriyākuśaladharmasaṃgrāhakatrividhaśīlaskandhānāṃ vipakṣadharmarahitatvādakhaṇḍenetyādi padatrayam | teṣāmevānukūladharmasadbhāvātparipūrṇenetyādyaparaṃ padatrayamiti kecit | kāyikavācikamānasāvidyābhāvādakhaṇḍācchidrākalmāṣaḥ | śrutacintābhāvanājñānasampannatvātparipūrṇaḥ pariśuddho'śavalaḥ śīlaskandha ityapare | kṣāntisampannā ityādi padatrayaṃ duḥkhavāsanāditrividhakṣāntibhedāt | ālabdhavīryā ityādipadacatuṣṭayamālambhaparikarmapratyavekṣāpratipattivīryabhedāt | dhyānārāmā ityādi ṣaṭpadāni | anāgamyadhyānāntaraprathamadvitricaturthadhyānābhidhamayogāt | pūrvavattatkasya hetorityāśaṅkyāha | yo hi bodhisattva ityādi | ṣaṣṭhasarvadevanikāyopasaṃkramasvabhāvavivṛddhyarthamāha | evaṃ śikṣamāṇañca prajñāpāramitāyāmityādi | ahamapīti śakraḥ | notpatsyanta iti | tathāgatādyadhiṣṭhānāditi bhāvaḥ ||
abhisamayālaṅkārālokāyāṃ prajñāpāramitāvyākhyāyāṃ śakraparivarto nāma trayoviṃśatitamaḥ ||
The rights of the materials herein are as indicated by the source(s) cited. Rights in the compilation, indexing, and transliteration are held by University of the West where permitted by law. See Usage Policy for details.
Our Address
Newsletter
Subscribe to our newsletter for latest updates about the canon text of our project