• Home
• Canon Text
• Romanized
• śāstrapiṭaka
• madhyamaka
• tṛtīyaḥ paricchedaḥ

tṛtīyaḥ paricchedaḥ

Technical Details

 

tṛtīyaḥ paricchedaḥ

tattvajñānaiṣaṇā

 

yasya jñānamayaṃ cakṣuścakṣustasyāsti netarat |

yatastasmād bhaved dhīmāṃstattvajñānaiṣaṇāparaḥ ||1||

paśyatyandho'pi matimān didṛkṣurviprakṛṣṭakān |

sūkṣmavyavahitānarthāstrailokyāhatadarśanaḥ ||2||

sahasreṇāpi netrāṇāmanetro buddhivarjitaḥ |

svargāpavargasadbhūtamārgāmārgāsamīkṣaṇāt ||3||

dṛṣṭādṛṣṭaviśiṣṭeṣṭaphalāśāviṣakaṇṭake |

pravartate na dānādau prajñonmīlitalocanaḥ ||4||

trimaṇḍalaviśuddhe hi dānādāvabhiyujyate |

kāruṇyāt sarvavittvāya tatrāpyasthitamānasaḥ ||5||

prajñāmṛtaṃ tṛptikaraṃ dīpo'pratihataprabhaḥ |

mokṣaprāsādasopānaṃ kleśendhanahutāśanaḥ ||6||

sā ca satyadvayāpekṣā dvividhābhimatā matiḥ |

tathyasaṃvṛtibhūtārthapravivekānuguṇyataḥ ||7||

dānādipuṇyajñānākhyasaṃbhāraparipūraṇe |

taddhetuphalasaṃbandhalakṣaṇādiviniścaye ||8||

mahāmaitrīkṛpābhyāsasattvasaṃgrahapācane |

prajñā sāṃketikī jñeyā dvādaśāyatanāśrayā ||9||

aśeṣakalpanājālapratiṣedhavidhāyinī |

śāntapratyātmasaṃvedyanirvikalpanirakṣare ||10||

vigataikatvanānātve tattve gagananirmale |

apracārapracārā ca prajñā syāt pāramārthikī ||11||

tattvaprāsādaśikharārohaṇaṃ na hi yujyate |

tathyasaṃvṛtisopānamantareṇa yatastataḥ ||12||

pūrvaṃ saṃvṛtisatyena praviviktamatirbhavet |

tato dharmasvasāmānyalakṣaṇe suviniścitaḥ ||13||

abhiyujyeta medhāvī samādhānāya cetasaḥ |

tathā śrutamayajñāne tadanyajñānahetutaḥ ||14||

na paśyati yathā vaktraṃ kaluṣapracale jale |

tathāsamāhite citte tattvaṃ nivaraṇāvṛte ||15||

nibadhyālambanastambhe smṛtirajjvā manogajam |

unmārgacāriṇaṃ kuryāt prajñāṅkuśavaśaṃ śanaiḥ ||16||

anityatāmanaskārairuddhataṃ śamamānayet |

vipulālambanābhyāsāt saṃkṣiptaṃ vipulātmatām ||17||

vikṣiptaṃ saṃharet kṣiptanimittādīnavekṣaṇāt |

vīryānuśaṃsadarśitvāllīnamuttejayedapi ||18||

rāgadveṣamohapaṅkamalīmasamasaṃyatam |

kṣālayedaśubhāmaitrīpratītyotpādavāriṇā ||19||

viviktamacalaṃ śāntamālambanaparāyaṇam |

karmaṇyaṃ mṛdu ca jñātvā tatra samyagupekṣayet ||20||

samāhitamatiḥ paścāt prajñayaivaṃ parīkṣayet |

yo'yaṃ svabhāvo dharmāṇāṃ gṛhyeta vyavahārataḥ ||21||

vicāryamāṇastu dhiyā kimayaṃ paramārthataḥ |

yadi syāt tattvamevāyamato'nyaścet sa mṛgyate||22||

na pakṣapātasaṃtaptaḥ śāntimarhati ca kvacit |

saṃskṛtāsaṃskṛtā dharmāḥ skandhāyatanadhātavaḥ ||23||

kleśāvaraṇahānāya śrāvakāṇāṃ prakāśitāḥ |

kleśajñeyāvṛtimalaprahāṇāya kṛpātmanām ||24||

audārikatvāt prathamaṃ rūpaskandhaḥ parīkṣyate |

tatrāpi pūrvaṃ bhūtāni yathoktādeva kāraṇāt ||25||

atra bhūtasvabhāvaṃ hi norvyādi paramārthataḥ |

kṛtakatvād yathā jñānaṃ hetumattvādito'pi vā ||26||

kharasvabhāvā na mahī bhūtatvāt tadyathānilaḥ |

dhāraṇaṃ na bhuvaḥ kāryaṃ kṛtakatvād yathāmbhasaḥ ||27||

kharasvabhāvā yadyurvī tattvato'pyasatī matā |

yoginastatra yujyete nonmajjananimajjane ||28||

dhyāyināṃ dhyānasāmarthyānna yuktā dravatā kṣiteḥ |

svabhāvasyānapāyitvānna vāsyāḥ kaṭhinātmatā ||29||

evaṃ jalānilāgnīnāṃ na dravādisvabhāvatā |

yujyate nāpi tatkāryaṃ saṃgrahavyūhapaktayaḥ ||30||

na hi tulyaguṇā neṣṭāḥ saṃvṛtyā pavanādayaḥ |

kāyendriyopalabhyatvād bhūtatvād vāpi bhūmivat ||31||

dravyasanna pṛthivyādi sāmagryaṅgāgrahe'grahāt |

yad yathoktaṃ na tad dṛṣṭaṃ dravyasat tadyathā vanam ||32||

dravyasadviṣayā ceyaṃ na kṣityādimatirmatā |

sakāraṇatvānnāśād vā tadyathā kānanādidhīḥ ||33||

dravyābhidhāyako neṣṭo dhvaniḥ kṣityādivācakaḥ |

śrāvaṇatvād yathā neṣṭo dhvaniḥ senādivācakaḥ ||34||

nānaikāntikatā hetościttacaitasabuddhibhiḥ |

jāyate sādhyatulyatvaṃ tadvattatpratiṣedhataḥ ||35||

nārambhakā vanasyeṣṭāḥ palāśaspandanādayaḥ |

hetumattvādihetubhyastadyathā caraṇādayaḥ ||36||

palāśādibhirārabdho na vano'vayavī mataḥ |

pratyekamasamāptatvāt teṣu yadvat karādibhiḥ ||37||

ato dṛṣṭāntadoṣo'pi na pakṣa upapadyate |

dvitīye'pi yathā nāsti tathedamabhidhīyate ||38||

nānekāniyatadravyasaṃkhyāvṛttirvanadhvaniḥ |

viśiṣṭabuddhihetutvād ghaṭakuṇḍādiśabdavat ||39||

na cakṣurindriyagrāhyaṃ rūpaṃ hi paramārthataḥ |

saṃghātatvād yathā śabdo bhautikatvāt tathāpi vā ||40||

na cakṣuḥ prekṣate rūpaṃ bhautikatvāt svarūpavat |

sukhādyutpattihetutvād vācyatvād vā rasādivat ||41||

tathā na bhautikaṃ rūpamutpatterjvalanādivat |

hetumattvādihetubhyaścittavad veti lakṣayet ||42||

etena varṇasaṃsthānasaṃcitatvādilakṣaṇaḥ |

sūkṣmaudārikabhedaśca yāvān rūpasya kalpitaḥ ||43||

pratiṣiddho'vaboddhavyo yathāyogaprayogataḥ |

śabdagandharasasparśapratiṣedhe'pyayaṃ nayaḥ ||44||

na cakṣurindriyaṃ rūpamīkṣate paramārthataḥ |

cittacaitasikānyatvāt tadyathā rasanendriyam ||45||

na rūpamīkṣate cakṣurathavā paramārthataḥ |

avijñānasvabhāve satyanutpattestvagādivat ||46||

na varṇaviṣayo rūpaprasādaścakṣurindriyam |

kṛtakatvādihetubhyo dṛṣṭāntāśca tvagādikāḥ ||47||

na cakṣū rūpaviṣayaṃ svarūpāgrahaṇānmatam|

śravaṇādīndriyaṃ yadvad rūpitvād vā rasādivat ||48||

tadvad vācakṣuṣo draṣṭudarśanaṃ nānidarśanam |

kathaṃ vādraṣṭṛrūpasya yujyate rūpadarśanam ||49||

kathaṃ vādraṣṭṛrūpasya yujyate rūpadarśanam |

draṣṭaiva ced bhavecchrotā śrotṛtvaṃ tasya kiṃkṛtam ||50||

na cādeyaviśeṣatvādiṣṭe tajjñatvanityate |

na caikatvaṃ dvirūpatvād dehāntaraśarīravat ||51||

rūpopalabdhau karaṇaṃ neṣyate cakṣurindriyam |

amanastve sati draṣṭuranyatvācchravaṇādivat ||52||

na cāsya draṣṭṛtā yuktā cakṣurādivyapekṣaṇāt |

manovat pariṇāmitvāt pratibimbodayāt tathā ||53||

akṣāntareṇa vādṛṣṭermanovad draṣṭṛtā katham |

manasastattvato neṣṭamātmavad rūpadarśanam ||54||

adravyasattvāt sāmagryāstadvad vā nāsti darśanam |

dharmāntarābhinirvṛtterghaṇṭāvat kartṛtāstu vā ||55||

na cakṣū raśmivad yuktamakṣatvāditarākṣavat |

naktaṃcarākṣyadhiṣṭhānaṃ dṛśyaṃ dṛśyaṃ na hīkṣaṇam ||56||

na sukhādyātmakaṃ cakṣurvastutvāt tadyathā pumān |

nāpi sarvagataṃ cakṣuḥ sattvāt tadgolakādivat ||57||

athavāsarvagantrakṣi pārārthyāt tadyathā ghaṭaḥ |

rūpopalabdhihetutvād yathā rūpaṃ tatheti vā ||58||

na cakṣustejaḥsaṃyuktamindriyatvāt tvagādivat |

tejo'dhikaṃ mahābhūtaprasādādyātmakaṃ na ca ||59||

na prāptaviṣayaṃ cakṣurindriyatvād yathā manaḥ |

rūpavat kāraṇatvād vā hetumattvāt tathāpi vā ||60||

bāhyārthagrahaṇāt sākṣādatītānāgatāgrahāt |

na prāptaviṣayagrāhi ghrāṇādīṣṭaṃ yathekṣaṇam ||61||

sādhyatulyaniṣedhācca nānekāntastvagādibhiḥ |

nayenānena boddhavyaṃ pratyuktaṃ śravaṇādyapi ||62||

trayaṃ nāprāptaviṣayaṃ manaḥśrotrākṣilakṣaṇam |

indriyatvād yathā ghrāṇaṃ cittahetutvato'pi vā ||63||

darśanenaiva boddhavyā yathākathitavistarāt |

śravaṇaghrāṇarasanatvagindriyanirākriyāḥ ||64||

 

 sgra dang dri dang ro dang reg /

dgag pa'i tshul yang de yin te//

mkhas pas gzu bo'i blo dag gis/

ci rigs par ni shes par bya // 65 //

 

na yuktā paramārthena vedanānubhavātmikā|

vijñānasaṃprayuktatvāt tadanye caitasā yathā ||66||

 

sukhānugrāhikā neṣṭā sparśajatvāt tadanyavat |

yathoktahetorvijñeyā na duḥkhā pīḍanātmikā ||67||

neṣṭāduḥkhāsukhā tadvat tṛṭphalatvād yathetarā |

vivakṣitād vā vijñānasvabhāvapratiṣedhataḥ ||68||

 

etena saṃjñā vyākhyātā saṃskārāścobhayātmakāḥ|

 mkhas pas gzu boi blo dag gis/

ci rigs par ni shes par bya //69//

 

na vastuprativijñaptisvabhāvaṃ tattvato manaḥ |

sālambanatvāt saṃjñāvannāśitvād vā pradīpavat ||70||

 

phung po lnga po rnam dpyad pai/

sgrub paji skad bstan pa des //

skandhaistu dhātavo jñeyā jñeyānyāyatanāni ca ||71||

 

naibotpādādayo yuktāḥ saṃskṛtatvena lakṣaṇam |

saṃskṛtatvāddhi lakṣyasya bodhyatvācca tadanyavat ||72||

 

nāpi lakṣaṇasadbhāvād bhāvānāṃ sātmatā matā |

viruddho'pi hi hetuḥ syādasiddhārtho'pi vā yataḥ ||73||

 

kāṭhinyaṃ lakṣaṇaṃ mahyā na mahītvena yujyate |

kāyavijñānahetutvādagnitve lakṣaṇaṃ katham ||74||

 

blang gi mtshan nyid glang nyid kyis/

nog dang lkog shal songs mi 'dod//

khyad par can gyi blos brtag phyir /

dper na bong bu'i mtshan nyid bshin //75//

 

gcig na ji ltar mtshan nyid yin/

des ni de nyid mi mtshon phyir//

gshan na ji ltar mtshan nyid yin/

gshan gyis gshan nyid mi msthon phyir //76//

 

agate paramārthena na gatiḥ saṃpratīyate |

adhvatvād gatyabhāvād vā tadanyasmin yathā gate ||77||

 

gatāgatavinirmuktagamyamānānirūpaṇāt|

na gamyamāne gamanaṃ jñāyate paramārthataḥ ||78||

 

gatāgatatvāvācye'pi gamyamāne gatirna ca |

adhvatvāt tadyathātīte yathā vānāgate'dhvani ||79||

 

gatyasiddherna gantāsti nāgatirgacchatīṣyate |

aganturna gatiryuktā gatyayogād yathā purā ||80||

 

svato'rthāntarasaṃbandhe gantetīyaṃ matirmatā |

daṇḍivannānvayābhāvād buddhiśabdānuvṛttitaḥ ||81||

 

nirantaradigutpādisaṃskāraprasarāśrayā |

jvālādivad gatibhrāntiḥ sāṃvṛtī sā na tattvataḥ ||82||

 

adravyatvāt kalāpasya nirīhatvādathāpi vā |

na gantṛkalpanā nyāyyā kāpilaiḥ paramārthataḥ ||83||

 

dravyasan samudāyaścet samudāyyagrahe'grahāt |

tadātmavadayuktaṃ tat teṣāmadravyasattvataḥ ||84||

 

śeṣakriyāniṣedhe'pi digeṣā pratipāditā |

saṃsāramokṣasadbhāvādiṣṭā cet sasvabhāvatā ||85||

 

yathāvikalpitaṃ rūpaṃ yadaiṣāṃ nāvadhāryate |

tadā nirūpya rūpāṇāṃ bandhamokṣau kutaḥ katham ||86||

 

yujyete niḥsvabhāveṣu māyāsvapnopameṣu tu |

svahetupratyayavaśād viśiṣṭeṣvātmalābhiṣu ||87||

 

nāmarūpasya saṃsāro na yuktaḥ paramārthataḥ |

saṃskṛtatvāt pṛthivyāderyathā bāhyasya neṣyate ||88||

 

na mucyate nāmarūpaṃ kathaṃcit paramārthataḥ |

utpattimattvānnāśād vā yathā bāhyaṃ jalādikam ||89||

 

na pudgalaḥ saṃsarati mucyate na ca tattvataḥ |

prajñapyatvād yathā veśma vācyatvād vāpi gandhavat ||90||

 

niṣpudgalā vā saṃskārā hetumattvād yathā ghaṭaḥ |

utpattimattvānnāśitvājjñeyatvād vāpi loṣṭavat ||91||

 

dravyasannāpyavācyatvād gandhavat pudgalo mataḥ |

śyāmagauratayāvācyavandhyāputreṇa saṃśayet ||92||

 

evaṃ nirātmakāḥ skandhā nirjīvāḥ sattvavarjitāḥ|

mkhas pas gzu bo'i blo dag gis/

ci rigs par ni shes par bya //93//

 

śarīrendriyasaṃghāto nirātmā tattvato mataḥ|

hetumattvād yathā stambhaḥ pracayād vāpi nākuvat ||94||

 

smaraṇapratyabhijñānajñānotpādādihetubhiḥ |

ātmasattāpratijñāne hetūnāṃ syādasiddhatā ||95||

 

sendriyaḥ sātmako deha ityevaṃ cet prasādhyate |

asādhāraṇataivaṃ syād hetūnāmanvayādṛte ||96||

 

ātmaśabdo yathārtho'yaṃ kvacit tadupacārataḥ |

tadyathā siṃhaśabdaścennaivamātmā prasidhyati ||97||

 

atha vijñānaviṣayo yathārtho'nyatra sādhyate |

nityasarvagatatvādivirodhāt syād viruddhatā ||98||

 

bandhamokṣāvato neṣṭau kasyacit paramārthataḥ |

song dang ma song bgom pa yis/

de dshin semsla lhag ma bshad//99//

 

utpannaṃ hi yadā ceto vināśābhimukhaṃ tadā |

rañjanaṃ kasya keneṣṭaṃ raktaṃ naṣṭaṃ na ceṣyate ||100||

 

rajyate jāyamānaṃ cet tat kiṃ janmonmukhaṃ yadi |

nirāśrayakriyāyogāt tadajātasya neṣyate ||101||

 

skye bshin skyes dang ma skyes par /

brjod pa min la'ang chags pa med//

avācyamapyavācyatvāccittaṃ raktaṃ na rāgavat ||102||

 

saktyākāreṇa cejjātaṃ cittaṃ raktamitīṣyate |

raktasphaṭikadhīvat syāt tadbuddhiraktatā katham ||103||

 

tadevaṃ rañjanābhāvāt sāṃvṛtī rāgakalpanā |

 'dod chags bshin du chos rnams kun /

ci rigs par ni shes par bya //104//

 

bhāvo dravyāśrayo yuktaḥ sa ca tasmānna bhidyate |

rāgasyeva na te raktiścetaso'pi prasajyate ||105||

 

na rāgasyānyatā yuktā raktasyāgrahaṇe'grahāt |

raktātmavat pṛthaktve'pi nānyavat tena raktatā ||106||

 

na vastuprativijñapte rāgād bhedo'sti cetasaḥ |

ālambanāditulyatvānna cānyad bhedakāraṇam ||107||

 

tasmāt samudayasyeṣṭa ekena samudāyinā |

svotpattyapekṣo nirdeśo yathā kusumite tarau ||108||

 

tatprahāṇānna nirvāṇaṃ yujyate tadayogataḥ |

mya ngan 'das pa don dam du /

dngos dan dngos med

mtshan nyid min //109//

 

bhāvo hi yadi nirvāṇaṃ bhāvatvāt saṃskṛtaṃ hi tat |

saṃskṛtatvād vipakṣo'pi na saṃskṛtanirodhavat ||110||

 

abhāvo yadyabhāvatvānnāśitvād yaḥ parāśrayāt |

neṣṭaśca pratipakṣo'sau nāśitāvat parāśrayaḥ ||111||

 

asaṃskṛto'pyayukto'sau pūrvoktapratiṣedhataḥ |

citerviśeṣāḥ kaścāsya muktāt sāṃkhyaprakalpitāt ||112||

 

svarasakṣayinaḥ kleśā vikalpāraṇisaṃbhavāḥ |

teṣāmasaṃciteḥ keṣāṃ kṣayānmokṣo'stu te'kṣayaḥ ||113||

 

ajātānāṃ tathāsattvāt kalpanāyāḥ samo nayaḥ |

vada kasya kṣayānmokṣaḥ kṣayino'kṣayino'pi vā ||114||

 

svabhāvaśūnyatābodhānnivṛttestanmaterapi |

akṣayākṣayidharmatvaṃ prāpnotyaprāptiyogataḥ ||115||

 

nātmakāmāḥ śrayantīmā yathābhūtaparīkṣakāḥ |

kudṛṣṭyāmayadurgandhasaktodgārā girastataḥ ||116||

 

na viparyāsasadbhāvāt sadbhāvastasya yujyate |

rāgatulyavicāratvāt tatklṛptirapi sāṃvṛtī ||117||

 

prāgeva cittacaittānāṃ svabhāvapratiṣedhataḥ |

rāgo rāgasvabhāvena na ca yat tena rajyate ||118||

 

etena dveṣamūḍhādi pratyuktaṃ pratibhāvayet |

tataśca bandhanāsiddheracalā niḥsvabhāvatā ||119||

 

neṣṭā mahyātmano'nanyā pṛthivī paramārthataḥ |

hetumattvād yathā vāyurvastutvād vāpi bodhavat ||120||

 

nānyat pṛthivyā salilaṃ gṛhyate paramārthataḥ |

utpattimattvādurvyātmā yathorvyā na pṛthak tathā ||121||

 

nāpi taddhvanidhībhedāt kṣityādīnāṃ matānyatā |

kāryalakṣaṇabhedād vā sādhyadharmāsamanvayāt ||122||

 

rūpasyātmetyabhede'pi vyapadeśācca saṃśayaḥ |

parikalpyasya cāsiddherasiddhārtho bhavedasau ||123||

 

śabdādibhedabhinne'pi tasmāt te vyabhicāriṇaḥ |

viśeṣaṇābhidhāne'pi nivāryante virodhinā ||124||

 

ubhayatvaṃ virodhānna yathāgneruṣṇaśītate |

anyānanyatvapakṣoktaniṣedhād vā tadapyasat ||125||

 

dvyātmakatve'pi sarvasya prasiddho'śo nidarśanam |

dṛṣṭāntanyūnatā tasmānna paraṃ prati jāyate ||126||

 

āpekṣikī ca tatsiddhirmanorathavikalpitā |

dvayoranyatarasyāpi prāgasiddherna sidhyati ||127||

 

sarveṣūbhayavādeṣu pratiṣedhe'pyayaṃ nayaḥ |

evaṃ yathoktavidhinā niṣiddhā sasvabhāvatā ||128||

 

ityete saṃskṛtā dharmāḥ sāhasena vicāritāḥ |

asaṃskṛtā nirodhau dvāvākāśaṃ tathatā tathā ||129||

 

pratisaṃkhyānirodho hi na bhāvaḥ paramārthataḥ |

nityāvikṛtarūpatvād vandhyātanayamūrtivat ||130||

 

ajātatvādabhedatvādakāryatvādathāpi vā |

saṃskṛtāsaṃgrahād vāpi nirodhāsaṃbhavādapi ||131||

 

yacca kāryaṃ mataṃ yasya na hi tat tasya kāraṇam |

ajātatvādihetubhyo hastimastakaśṛṅgavat ||132||

 

ajātakāraṇaṃ neṣṭaṃ kāryamityavasīyate |

kāryatvāt tadyathā kṣudraṃ na khapuṣpādikāraṇam ||133||

 

etena vyomatathatādikkālātmādi buddhimān |

pratiṣiddhaṃ vijānīyād yāvat kiṃcidasaṃskṛtam ||134||

 

dravyapradhānajīvādi jñeyaṃ yat tīrthyakalpitam |

yathāyogaṃ niṣeddhavyaṃ yuktyāgamaviśāradaiḥ ||135||

 

iti svaparasiddhāntakalpitātmanirātmatām |

vidvān vibhāvya bhāvānāṃ tattvajñānāmṛtaṃ pibet ||136||

 

athavā kalpanājālaprasaro hyevamādikaḥ |

jātabhāvāśrayo bālamākulīkurute balāt ||137||

 

vidvān vidyāpradīpena yathābhūtaṃ parīkṣate |

jāterniṣedhāt tacchānteḥ prapañcopaśamastadā ||138||

 

tatra tāvat svato janma saṃvṛtyāpi na yujyate |

sātmakatvād yathā dadhnaḥ svato janma na vidyate ||139||

 

notpannāḥ svātmato bhāvā bhāvatvāt tadyathā pumān |

nāpi cātmāstyajātānāmajātatvāt khapuṣpavat ||140||

 

khapuṣpābhāvavācyaṃ hi khādi yadyapi te matam |

na khapuṣpaṃ tad ityasmāt pakṣe'pi nyūnatā na naḥ ||141||

 

kāryasya kāraṇaṃ svātmā tasya janma tato matam |

svato janma tato'bhīṣṭaṃ bhāvānāmiti cenmatam ||142||

 

svātmavat tadananyatvāt kāraṇaṃ syādakāraṇam |

ajātatvācca kiṃ kasya kāraṇaṃ syādakāraṇam ||143||

 

satyātmani ca bhāvasya vṛthā kāraṇakalpanā |

tasmādeva tadutpannaṃ caikyaṃ janakajanyayoḥ ||144||

 

dadhibhāvena payaso'vasthānāccedabādhakam |

putratvenānavasthānāt piturna hi na bādhakam ||145||

 

vipakṣāsaṃbhavādiṣṭā nāpi hetorviruddhatā |

evaṃ tāvat svato janma bhāvānāṃ nopapadyate ||146||

 

svabhāvāsaṃbhavāccāpi kaḥ kasmāt para iṣyate |

na gośṛṅgādriśṛṅgatvaṃ vājiśṛṅgaṃ paraṃ matam ||147||

 

na pare paramārthena pratyayāścakṣurādayaḥ |

cakṣurvijñānajanakāḥ paratvād vīraṇādivat || 148||

 

na vivakṣitanetrādikāraṇā rūpadhīrmatā |

paratvāt prāgasattvād vā yathā ghaṭapaṭādayaḥ ||149||

 

ajātasya paratvaṃ ca sāṃvṛtaṃ na tu tattvataḥ |

parasmādapi janmaivamayuktamiti gṛhyate ||150||

 

anirdeśyasya cotpattirutpannasya nirarthikā |

nāpi jātirajātasya khapuṣpavadajātitaḥ ||151||

 

jāyamānasya cotpattau tulyaparyanuyogitā |

avācyasyāpyavācyatvāt tadanyavadasaṃbhavaḥ ||152||

 

vikalpitātmanā śūnyāstattvataścakṣurādayaḥ |

kṛtakatvād vināśād vā yathā māyāmayaṃ payaḥ ||153||

 

sādhyatulyaniṣedhācca saṃśayo netarātmanā |

akalpito'pi māyātmā vitathastattvato mataḥ ||154||

 

svātmābhimatihetutvād yathāsau kalpitātmatā |

pratītāṃśena tatsiddherdṛṣṭāntanyūnatā na naḥ ||155||

 

svabhāvaśūnyā hyathavā tattvataścakṣurādayaḥ |

kṛtakatvād vināśād vā māranirmitabuddhavat ||156||

 

yaśca svabhāvo bhāvānāṃ svabhāvo'sau na tattvataḥ |

kṛtakatvād yathoṣṇatvam ambhasaḥ sthiratāpi vā ||157||

 

svātmanaiva hi bhāvānāmutpādo nopapadyate |

parabhāvena cotpādo na dṛṣṭo goḥ kharātmanā ||158||

 

hetvādipratyayebhyaśca parebhyo janma sāṃvṛtam |

nāto'bhyupetabādhitāstattvato hi na te yataḥ ||159||

 

na sato nāsato yuktaḥ pratyayaḥ sadasattvataḥ |

tadanyavadajātervā pratyayaḥ pratyayaḥ kutaḥ ||160||

 

na hetuḥ kāryajanakastacchūnyatvāt tadanyavat |

nāpi tajjanmatotpitsoḥ prāgasattvāt tadanyavat ||161||

 

nājātaṃ jāyamānaṃ vā jātaṃ vā janayatyayam |

uktadoṣādajāteśca tasmāddheturna tattvataḥ ||162||

 

jātasyālambanāyogo jāte jātirvṛthā yataḥ |

ajātasyāpyajātatvād yathānutpattidharmiṇaḥ ||163||

 

jāyamānasya yogaḥ syāt sa ca nālambanaṃ vinā |

janikriyāsamāveśo vikalāṃṅgasya neṣyate ||164||

 

athavā cittacaittānāṃ naivālambanamiṣyate |

tattvato jāyamānatvād grāhyatvād vāpi rūpavat ||165||

 

kiṃ ca sālambanasya syāt kālabhedāt sa cāpyasan |

evamālambanābhāvāt kiṃ kasyālambanaṃ bhavet ||166||

 

nājātasya nirodho'sti khapuṣpavadajātitaḥ |

na niruddhe nirodho'sti niruddhatvād yathā mṛte ||167||

 

nāniruddhe'niruddhatvād vartamānapradīpavat |

nirudhyamāne nāpīṣṭaḥ pūrvoktapratiṣedhataḥ ||168||

 

tulyakālastathāpi syād bhinnakālo'pi vā bhavet |

yukto nirudhyamānatvānnārhaccaramacittavat ||169||

 

tattvato jātyasadbhāvād bhāvasattā na yujyate |

vandhyātanayasattāvadato nādhipatirmataḥ ||170||

 

kāryeṇa śūnyo'śūnyo vā pratyayo'dhipatirbhavet |

na śūnyastena śūnyatvācchabdabuddheryathekṣaṇam ||171||

 

saṃvṛtyāpi na cāśūnyaḥ pratītirbādhikā yataḥ |

kārye ca na bhavet kāryamasat kāryaṃ ca te bhavet ||172||

 

kāryaśaktirhi kāryaṃ cet kimanyat kāraṇaṃ tataḥ |

ādhārādheyabhāvo hi tadananyasya neṣyate ||173||

 

kāryaparyāyamātraṃ vā vyomni vyomasthitau yathā |

yadāsau kāraṇaṃ kiṃ tad yenāśūnyaṃ tadiṣyate ||174||

 

sataśca saṃbhavābhāvāt kaḥ kasyādhipatirmataḥ |

asataḥ pratyayābhāvāt kaḥ kasyādhipatirmataḥ ||175||

 

jātā ghaṭādayo dṛṣṭā dṛṣṭe heturnirarthakaḥ |

dṛṣṭapratītibādhaivaṃ bādhikā bhavatīti cet ||176||

 

dṛṣṭaṃ janma ghaṭādīnāṃ bālasāmānyayā dhiyā |

pratiṣedhastathā nāyaṃ nāto doṣo yathoditaḥ ||177||

 

na rūpālambanā buddhiḥ svasaṃvedyāsti tattvataḥ |

yato no na hi tadbādhā bādhikā tadajātitaḥ ||178||

 

naiva pratyakṣadhīryuktā yathārthā paramārthataḥ |

bālabuddhiviśiṣṭatvādalāta iva cakradhīḥ ||179||

 

nāpi tadgocaraṃ vastu saṃskṛtatvād yathātmadhīḥ|

adravyatvācca rūpādeḥ pratyakṣaṃ no na bādhakam ||180||

 

vidvannītivicāraṃ ca na pratītiḥ prabādhate |

nāvidyāpaṭalāndhānāṃ tattve'dhikriyate vacaḥ ||181||

 

sato'pi janma nābhīṣṭaṃ sataḥ kiṃ janmanā bhavet |

sthaulyaṃ cenna ca satkāryaṃ sthaulyasyāsaṃbhavāt purā ||182||

 

kiṃ ca yaccakṣuṣaḥ sthaulyaṃ na tat tatpratyayaiḥ kṛtam |

prāgasattvād yathā kuṇḍaṃ jñeyatvād vāpi bhoktṛvat ||183||

 

sāmānyena ca saṃvṛtyā bhoktrādyabhimataṃ hi naḥ |

nāto dṛṣṭāntadoṣo'pi kvacidatropapadyate ||184||

 

abhivyakteradoṣaścet kiṃ kena vyajyate yathā |

yathā ghaṭaḥ pradīpena nābhivyaktiḥ sato yataḥ ||185||

 

saṃvṛtyāpi pradīpena prakāśasahito ghaṭaḥ|

kriyate tanmatirvāpi pratipakṣodayo'pi vā ||186||

 

vyajyate nānabhivyaktamavyaktatvāt khapuṣpavat |

svanītyā vā yathā bhoktā pradhānaṃ ceti nirdiśet ||187||

 

na vā sarvagato bhoktā nāhetuścetano na ca |

yadi tasyāpyabhivyaktiravyaktatvaṃ ca hīyate ||188||

 

kāryaṃ pariṇataṃ yacca pradhānaṃ vaḥ prasajyate |

vyaktipradhānarūpeṇa kāryatve'vikṛtiḥ katham ||189||

 

vyañjakā yasya ye ceṣṭā na te tadvyañjakā matāḥ |

kāraṇatvādihetubhyo dadhnastantvādayo yathā ||190||

 

tantvāderapi tacchakterdṛṣṭāntanyūnateti cet |

tanna tantvādibhāvena na te tadvyañjakā yataḥ ||191||

 

svaparasmānna janmeṣṭaṃ na ca sadasadātmanaḥ |

yato nobhayavādo'sti yuktitaḥ prāk parīkṣitaḥ ||192||

 

saṃvṛtyāpi na kāryasya pratyayairvyaktiriṣyate |

tadbhedānuvidhāyitvād ghaṭasyeva mṛdādibhiḥ ||193||

 

saṃvṛtyāpi hi nākasmājjātaṃ cakṣuritīṣyate |

sāmānyena ca tadyogād viśeṣeṇa ca kuṇḍavat ||194||

 

kāryatvāt kramajanmatvād vināśāt pariṇāmataḥ |

hetupratyayanaiyamyājjātitaśceti lakṣayet ||195||

 

jātyantaraniruddho hi notpannaḥ śivako mataḥ |

nāśitvāt tadyathā kuṇḍaṃ kāryatvād veti cenmatam ||196||

 

na kuṇḍaṃ kuṇḍarūpeṇa niruddhaṃ jāyate yathā |

tathā cecchivako'bhīṣṭa iṣṭameva prasādhyate ||197||

 

atha niruddhahetutvaṃ hetorevaṃ viruddhatā|

saṃtatyā cedanaṣṭasya syādevaṃ vyabhicāritā ||198||

 

asti garbhādibuddheḥ prāganantaraniruddhadhīḥ |

jñeyabhedena tadbhedād dhītvād vāpi tadūrdhvavat ||199||

 

caitrasya śabdabuddhiryā rūpabuddhiśca jāyate|

jñeyabhedāt tayoraikyaṃ bhinnasaṃtānayoryathā ||200||

 

dṛṣṭāntāsaṃbhavastasyā naikatvājjāyate dhiyaḥ|

dhītvānnāpi tadekatvaṃ vyabhicārād dhiyānyayā ||201||

 

bālasya cyuticittaṃ cet sādhyate'pratisaṃdhikam|

nāstikaiḥ cyuticittatvādarhaccaramacittavat ||202||

 

syādanaikāntiko heturatītacyuticetasā |

jātismarādisadbhāvāduktanītyāpi tacca sat||203||

 

cyuticittaṃ ca janakaṃ bhavatyevānyacetasaḥ |

sāvidyatvādanāryasya cittaṃ tajjanakaṃ yathā ||204||

 

svakarmajanitā neṣṭāḥ śarīrendriyabuddhayaḥ |

vināśitvād yathā kuṇḍaṃ paraloko'styato na cet ||205||

 

tenaiva tasyākaraṇāt tadanyenāpi cākṛteḥ |

nānyasvakarmajanito deha ityatra kiṃ hi naḥ ||206||

 

akarmajanitatve ca vidyate na nidarśanam |

shing la sogs padus skye ba /

sems can las kyi dban gis te //207//

 

sems dmyal gnas dang mtho ris na/

mtshon dang dpag bsam shing skye bshin //

bhūtebhyaśca kathaṃ buddhistadatyantavilakṣaṇā ||208||

 

acetanānāṃ bhūtānāṃ caitanyaṃ madaśaktivat  |

sūryakāntāgnivad vāpi jāyate jātimattvataḥ ||209||

 

madaśakteracaitanyād dṛṣṭāntanyūnatā hi te |

atulyajātihetutvāddhetoścāpi viruddhatā ||210||

 

nādhyātmikāni bhūtāni boddhṛṇīti pratīyate |

kaṭhinādisvabhāvatvād bhūtatvād hi tadanyavat ||211||

 

ato garbhādivijñānaṃ vijñānāntarapūrvakam|

vidvadbhiravaboddhavyaṃ grāhakatvāt tadūrdhvavat ||212||

 

vatsaḥ pūrvakṛtābhyāsājjātasyāhārameṣate |

āhārārthaṃ parispandād yathā pariṇatendriyaḥ ||213||

 

nānaikāntikatā hetorayaskāntopalādibhiḥ |

tadāhārābhyavahṛterdṛṣṭatvānnāpyasiddhatā ||214||

 

kasyacit prītihetutvālloko neśvarakartṛkaḥ |

vidadhāno yathā prītiṃ neśa īśvarakartṛkaḥ ||215||

 

ahetutvādajātervā neśo viśvasya kāraṇam |

yathākāśasya kusumaṃ neṣṭaṃ viśvasya kāraṇam ||216||

 

aśeṣasyāsya jagato neśvaraḥ kāraṇaṃ param |

cittavattvād yathā gopo na jagatkāraṇaṃ param ||217||

 

sāmagryā bhāvanirvṛtteḥ kaścinneko'sti neśvaraḥ |

na caikakartṛkaḥ kaścinnānaikāntikatāpyataḥ ||218||

 

seśvaraṃ cakṣurādīṣṭaṃ bahutvād yadi dāsavat |

ajātaikeśvarādiddherīśaḥ syāt tadviparyayaḥ ||219||

 

sakartṛkamathābhīṣṭaṃ racitatvād ghaṭādivat |

anirdiṣṭaviśeṣeṇa kartā cet siddhasādhanam ||220||

 

atha nityaikasūkṣmādiviśeṣeṇa na te'nvayaḥ |

anityamūrtajātatvadoṣāpattiśca tasya va ||221||

 

sattvabhājanasaṃkhyātalokavaicitryakāraṇam |

karmeśvaraścet saṃvṛtyā siddhameva prasādhyate ||222||

 

etena kālapuruṣapradhānaparamāṇavaḥ |

kāraṇaṃ nāsya jagato viṣṇurveti niṣedhayet ||223||

 

dṛṣṭyandhakāravidhvaṃso buddhotpādo yatastataḥ |

tadvadāyatanotpād iṣṭaścedasaduttaram ||224||

 

adhvābhāvādanutpāde kasya kā dṛṣṭiriṣyate|

tadabhūtasya bodhāya buddhotpādasya kartṛtā||225||

 

asuraścet surānnānyaḥ kathamevamaśāśvatam |

asuraścet surādanyo'nucchedo yujyate katham ||226||

 

avācyatve'pi ghaṭavat kathamucchedavarjanam |

sadasattve'pi nirvāṇe netarasyāstyatikramaḥ ||227||

 

yadyutpādo niruddhasya kathamevaṃ na śāśvatam |

anutpāde niruddhasya kathaṃ nocchedavāditā ||228||

 

saṃtānādravyasattvācca kasmāducchedaśāśvataḥ

tadabhāvādanutpādo yukto'nucchedaśāśvataḥ ||229||

 

anutpādāya duḥkhasya buddhānāṃ dharmadeśanā |

atastatphalasadbhāvādutpādo'bhimato yadi ||230||

 

pūrvavat tadanutpādāt kasyānutpāda iṣyate |

nānutpādaḥ phalaṃ tasya tatparijñā tu tatphalam ||231||

 

tenaiva tasyākaraṇāt svakṛtaṃ tanna yujyate |

anyenānyakriyāyogānna cānyakṛtamiṣyate ||232||

 

na svasaṃtānajaṃ duḥkhamiṣṭaṃ sattvādyasaṃbhavāt |

adravyatvādabhedācca duḥkhaṃ tannāpi saṃtateḥ ||233||

 

utpādinaḥ prasādyante saṃskārāścakṣurādayaḥ |

sattvasaṃjñābhidheyatvād buddhavad yadi tattvataḥ ||234||

 

notpādadharmo buddho no nātastadvat tadudbhavaḥ |

ātmavat tadasattvād vā māyāvad vāstu saṃbhavaḥ ||235||

 

rūpaṃ na buddho bodhyatvādudayād vāpi loṣṭavat |

parābhāsātmabhāsatvād vijñānaṃ nendrajālavat ||236||

 

na buddho rūpiṇaḥ skandhāḥ skandhasaṃgrahato matāḥ |

udayavyayadharmitvājjñeyatvād vāpi rūpavat ||237||

 

tannāśe nāśadoṣācca skandhā buddho na yujyate |

nānyo'nyalakṣaṇābhāvādātmavat sa kathaṃ ca naḥ ||238||

 

avācyo'dravyasanneṣṭaḥ pūrvavat tannirākṛteḥ |

ghaṭavad vāpyavācyatvāt kathaṃ tadbuddhatā matā ||239||

 

na pratītyasamutpādadṛṣṭeḥ saṃbuddhadarśanāt |

iṣṭa āyatanotpādaḥ pūrvavat tannirākṛteḥ ||240||

 

na san nāsan sadasato na nityānnāpyahetutaḥ |

nāpyasmānnāpyanasmācca śāśvatocchedavarjitaḥ ||241||

 

na san nāsanna sadasannutpādo'taḥ sakīdṛśaḥ |

darśanaṃ darśanāt tasya kathaṃ śāstuḥ pratīyate ||242||

 

svabhāvavādināṃ vādaḥ svasmādiṣṭavighāṭakaḥ |

māyotpādavadutpādo yasya tasya tu yujyate ||243||

 

uktadoṣamalāpāyāt saddharmolkāprakāśanāt |

kriyopakārarūpeṇa sāṃvṛtaṃ buddhadarśanam ||244||

 

māyopamasyābhūtatvāt tattvatastannidarśanam |

apratarkyamavijñeyamanirūpyānidarśanam ||245||

 

nirnimittaṃ nirābhāsaṃ nirvikalpaṃ nirakṣaram |

paśyato buddhiboddhavyaṃ taddarśanamadarśanāt ||246||

 

tadevaṃ paramārthena na svataḥ parato na ca |

nobhayasmādakasmād vā na sad vāsanna cānyathā ||247||

 

na keśaveśapuruṣapradhānāṇvādikāraṇāt |

jāyate vyajyate vāpi bhāvaḥ kaścit kathaṃcana ||248||

 

tatra svabhāvakāritvalakṣyalakṣaṇasaṃśrayaḥ |

ekatvānyatvasaṃkleśavyavadhānakriyāśrayāḥ ||249||

 

yathākāśe kaśāghāto vicitraṃ citrakarma vā |

bījāni vā na rohanti tathāsmin sarvakalpanāḥ ||250||

 

timirāpagame yadvad viśuddhāmalalocanaḥ |

nekṣate keśamaśakadvicandraśikhicandrakān ||251||

 

kleśajñeyāvṛtitamastimirāpagame tathā |

na paśyati budhaḥ kiṃcit samyagjñānāmalekṣaṇaḥ ||252||

 

yathā prasuptaḥ putrastrīvimānabhavanādikam |

paśyet siddhavaśāt tatra pratibuddho na paśyati ||253||

 

saṃvṛtyādhigatāṃstadvad unmīlitamatīkṣaṇaḥ |

ajñānanidroparamāt pratibuddho na paśyati ||254||

 

niśi bhūtānyabhūtāni yathā tamasi paśyati |

pronmīlitākṣo'bhyudite ravāvapi na paśyati ||255||

 

na paśyati tathā vidvāṃścittacaitasagocaram |

samyagjñānaravidhvastasamastājñānavāsanaḥ ||256||

 

svabhāvāpariniṣpatterajātervā svabhāvataḥ |

māyebhavanna bhāvānāmīkṣate satsvabhāvatām ||257||

 

utpattimattvāt saṃvṛtyā hetumattvādathāpi vā |

māyebhavanna bhāvānāmīkṣate satsvabhāvatām ||258||

 

na santi bhāvā iti vā yathārthā na matirmatā |

kalpanādvāranirvṛtteḥ sthāṇoḥ puruṣabuddhivat ||259||

 

asadbuddhyupalabhyo vā bhāvātmā vitatho mataḥ |

kalpanājñānagamyatvānmarīcyudakabuddhivat ||260||

 

sadasadbuddhiboddhavyaniṣedhādevameva tu |

jāyate'jātiyogena nirvikalpā matiḥ satām ||261||

 

śūnyatvāt sarvadharmāṇāṃ tadaśūnyatvato'pi vā |

na niṣkalpā matirneṣṭā prāgvat tatpratiṣedhataḥ ||262||

 

śūnyatādisvabhāvena yataḥ śūnyā hi śūnyatā |

na paśyati tato vidvāñchūnyatetyapi śūnyatām ||263||

 

nirābhāso'pi bhāvātmā niṣkalpamatigocaraḥ |

ālambyatvād yathārtho na jalendāviva candradhīḥ ||264||

 

nirvikalpārthaviṣayā nirvikalpāpi dhīrmṛṣā |

 anātmādisvabhāvatvāt tadyathā savikalpadhīḥ ||265||

 

jñeyasya sarvathāsiddhernirvikalpāpi yatra dhīḥ |

notpadyate tadatulyaṃ tattvaṃ tattvavido viduḥ ||266||

 

tadbodhāducyate buddho yo'sāvanudayo dhiyaḥ |

abodhabodhato mukhyo vikalpasvapnasaṃkṣayāt ||267||

 

abhijñeyādiniṣṭhātaḥ samatābodhato'pi vā |

nirmāṇairvāpi bhavyānāṃ budhyambujavibodhanāt ||268||

 

vilakṣaṇānāṃ dharmāṇāmanutpādyānirudhya vā |

samatvenāpi samatāṃ samaṃ vā svaparātmanoḥ ||269||

 

anālambyaiva saṃbodhālloke'smin sanarāmare |

ukto'saṃbodhasaṃbodhādeṣa saṃbuddha ityapi ||270||

 

aprakṣepānnirutkṣepād dharmāṇāṃ dharmatā yathā |

tathaiva sa gato yasmāt tasmāt sa ca tathāgataḥ ||271||

 

gantavyaṃ sarvathāśeṣamantapātavivarjyatā |

agatyāpi kāyagatyā sugataḥ sugato yataḥ ||272||

 

so'meyo'meyabodhyatvādasaṃkhyeyo'pi vāgrahāt |

acintyo'cittagamyatvādanidarśyo'nidarśanāt ||273||

 

anirūpyo'nirūpyatvādidaṃ taditi sarvathā |

nirañjano'ñjanābhāvācchivaścopadravātyayāt ||274||

 

sarvathāpyavikalpena nirābhāso'tadātmanaḥ |

nityatvānnitya ityuktaṃ nityaṃ cārthaprasādhanāt ||275||

 

śāntaḥ svabhāvaśūnyatvādanimitto'svabhāvataḥ|

nimittatvānupagamādanimittatayāpyayam ||276||

 

animitto nirābhāsānnirābhāsatayāpi hi |

ānimitto nirābhāso didṛkṣūṇāṃ kṛpātmanām ||277||

 

apratiṣṭho nirātmatvānnirvikalpo'pratiṣṭhiteḥ |

niṣprapañco'vikalpatvānnirālambastadagrahāt ||278||

 

nirutpādaṃ nirākāraṃ nirvikāraṃ prabhāsvaram |

samāsamamaparyantaṃ nirvikalpamalakṣaṇam ||279||

 

vyomavad ye mahātmānamīkṣante tamanīkṣaṇāt |

nirvikalpanirābhogavihārāmalalocanāḥ ||280||

 

namaskāramanaskāravyāhārādinirākṛtāḥ |

namasyanti hi ye nāthaṃ namastebhyo'pi bhāvataḥ ||281||

 

buddhādyuktisamāropāt pratipattyanuguṇyataḥ |

sarvathāpyavikalpatvādavācyastattvato mataḥ ||282||

 

atra vāco nivartante cittasyedamagocaraḥ |

nivartate ca saṃkalpo jñānamaunaṃ ca jāyate ||283||

 

anantapuṇyarāśīṇāmameyajñeyavedinām |

buddhānāṃ dharmakāyo'yaṃ prapañcopaśamaḥ śivaḥ ||284||

 

na māṃsacakṣuṣā dṛśyo na dṛśyo divyacakṣuṣā |

savikalpāvikalpena jñānenāpyeṣa durdṛśaḥ ||285||

 

pāpātmanāmiva svargaḥ saraṇānāmivāraṇā |

jātyandhānāmivādityaḥ tārkikāṇāmagocaraḥ ||286||

 

na sannāsanna sadasannānyastebhyo na cānyathā |

nāṇīyān na mahān naiko na dūre nāpi cāntike ||287||

 

kiṃcit kathaṃcinnāpyasmājjāyate vyajyate'pi vā |

nātrāvatiṣṭhate kaścinnāpi kaścit pralīyate ||288||

 

idaṃ tat paramaṃ brahma brahmādyairyanna gṛhyate |

idaṃ tat paramaṃ satyaṃ satyavādī jagau muniḥ ||289||

 

āryāvalokiteśāryamaitreyādyāśca sūrayaḥ |

anupāsanayogena munayo yad upāsate ||290||

 

tataḥ svabhāvāsaṃbhedāt tena bodhitatattvataḥ |

kāyastathāgatasyeṣṭo nānyasya tadabodhataḥ ||291||

 

etadabhyasyato hyasyānupalambhavihāriṇaḥ |

sajyate mānasaṃ kutra dviṣyate muhyate'pi vā ||292||

 

iṣṭāniṣṭaviyogādisaṃbhavo'sya kuto rujaḥ |

na lipyate lokadharmairvāriṇeva saroruham ||293||

 

na nirgataśca saṃsārāt saṃsārācca gatavyathaḥ |

asaṃprāptaśca nirvāṇaṃ nirvāṇa iva ca sthitaḥ ||294||

 

na ca kleśāgnisaṃtāpo vyomavat kleśavānapi |

acittako na cācittaḥ samāpattisamāśritaḥ ||295||

 

sa prajñāmeruśikharamāruḍhaḥ karuṇāvaśāt |

aśokaḥ śokasaṃtaptaṃ prekṣate duḥkhitaṃ jagat ||296||

 

sa tadā karuṇārdreṇa lokamālokya cakṣuṣā |

vikalpaśilpasaṃbhūtakalpanājālasaṃvṛtam ||297||

 

janmamṛtyujarārogaśokaśalyavraṇāturam |

dīnaṃ kṛpaṇamasvasthamanāthamaparāyaṇam ||298||

 

mahāduḥkhaughapatitaṃ duḥkhopaśamavāñchayā |

pravṛttaṃ mūḍhamanasaṃ duḥkhahetuvivṛddhaye ||299||

 

śive prapañcopaśame śaradgagananirmale |

tattvāmṛte nirālokadhīpracāramalocanam ||300||

 

pepīḍyamānaḥ kṛpayā taddhitādhānadīkṣitaḥ |

vajraśailamahāsārasattvaḥ sattvottamaḥ kṛtī ||301||

 

dānaśīlakṣamāvīryadhyānaprajñāniyogavān |

yathākālaṃ yathāśaktiḥ prajñāsmṛtipuraḥsaraḥ ||302||

 

dānādiśailaprabhavāḥ puṇyāmalajalāḥ śubhāḥ |

sarvasattvahitāyaiva pravartayani nimnagāḥ ||303||

 

sarvebhyaḥ sarvadā sarvabāhyādyātmikavastunā |

arthibhyaḥ sarvadāridryayācñāduḥkhānapohati ||304||

 

arthināṃ pūrayannāśāḥ pratikṣaṇamanoramaḥ |

sarvadā cākṣayaphalo dhanyaḥ kalpadrumāyate ||305||

 

sugatāveva janmāsya parasaukhyahitodayam |

icchayā vā tadanyatra parasaukhyahitoditeḥ||306||

 

bhaktaśuddhopadhānāntaparivāro gatau gatau |

samudravad bahumukhaiḥ puṇyaughaiḥ paripūryate ||307||

 

dakṣāvikṣiptacittaśca jñeyādhigamavijñayā |

yuktaḥ sahajayā buddhyā tiṣṭhet kalpān yathepsitān ||308||

 

samādhyāptyā ca dhīmattvamasaṃkhyeyāprameyayā |

anantalokadhātūnāmalaṃkārairalaṃkriyā ||309||

 

śilpakarmābhisaṃskārakarmapākapradarśanam |

yathābhīṣṭopapattiśca jagaddhitavidhitsayā ||310||

 

darśanaṃ lokadhātūnāṃ pūrṇānāṃ buddhavigrahaiḥ |

yatheṣṭakālāsaṃbodhabuddhakṣetrapradarśanam ||311||

 

darśanaṃ jñeyatattvasya sarvasya jñānacakṣuṣā |

dharmavyavasthāveditvaṃ nāmādīnāṃ ca lābhitā ||312||

 

prakampanamanantānāṃ lokānāmṛddhijṛmbhaṇāt |

yugapat kramaśo vāpi kāyajvalanavarṣaṇam ||313||

 

sarvāsāmapyanantānāṃ svābhayā sphuraṇaṃ diśām |

saṃvegāya surādīnāṃ nirayādipradarśanam ||314||

 

aprameyādbhutācintyaguṇaratnojjvalatviṣām |

darśanaṃ lokabandhūnāṃ buddhānāṃ caiva parṣadaḥ ||315||

 

suvarṇamaṇivaiḍūryamuktāvajrendranīlatām |

vāñchan mahāmahīdhrāṇāṃ karotyagneśca śītatām ||316||

 

udāreṇa śarīreṇa vajrādiṣvapyasaṅginā |

kṣaṇāt karoti sāścaryaṃ sarvadikṣu gatāgatam ||317||

 

svakāye paramāṇau vā saṃpraveśanadarśane |

anantalokadhātūnāṃ sattvapīḍāṃ vināpi ca ||318||

 

lokadhātūnaṇostulyānaṇorvā tatpramāṇatām |

saṃkṣepaprathane vāñchan karotyūrdhvamadho'pi vā ||319||

 

tatpramāṇaprabhāvarṇasvareryapathasaṃpadā |

brahmādyāḥ parṣado'bhyeti vineyavininīṣayā ||320||

 

āvirbhāvatirobhāvāvajñātastatra kenacit |

paravyabhibhavaṃ caiva karoti karuṇeritaḥ ||321||

 

gatisthānoktiṣu vaśaṃ jagat sthāpayatīcchayā |

pratibhānavihīnānāṃ pratibhānasukhapradaḥ ||322||

 

niraye duḥkhataptānāṃ śāntaye raśmimokṣaṇam |

karoti sa surendrādisabhāgāgamanāni ca ||323||

 

yathāvineyaṃ nirmāṇairnirmāṇaiḥ pūrayan diśaḥ |

karotyalaukikīṃ prītiṃ deśanāratnavṛṣṭibhiḥ ||324||

 

tryadhvāpramāṇakāyatvaṃ saṃbuddhakṣetrasaṃpadam |

ameyalokadhātūnāṃ saṃvartanavivartane ||325||

 

svakāye sugatakṣetraṃ tad vā svaṃ kāyamātmani |

svakṣetre saugataṃ kāyamicchayā cādhitiṣṭhati ||326||

 

raśmibhyo romakūpebhyasturyebhyo vāntarikṣataḥ |

nirmāṇebhyaśca niścārya śravaṇotsavabhūtayā ||327||

 

vyāptāparyantayā spaṣṭakalaviṅkamanojñayā |

gambhīrodāranādinyā lokānāpūrayan girā ||328||

 

adhimuktīndriyavaśāt praśamaikarasaṃ śivam |

vinayāya vineyānāṃ vakti dharmamanekadhā ||329||

 

kliṣṭaṃ sānuśayaṃ śuddhaṃ sukhaduḥkhādiyogi ca |

hīnaṃ madhyaṃ praṇītaṃ vā samyakpraṇihitādi ca ||330||

 

yeṣāṃ yatra yathā yāvaccittaṃ bhavati dehinām |

teṣāṃ tatra tathā tāvad bahūnāmapi vetti tat ||331||

 

divyanirmitasūkṣmāṇi tadviparyayabhāñji ca |

sarvatra sarvarūpāṇi divyacakṣuḥ sa paśyati ||332||

 

divyāryadhananirmāṇadivyāñchabdān samānuṣān |

dūrasthān viparītāṃśca divyaśrotraḥ śṛṇotyasau ||333||

 

pūrve nivāsaṃ sarvatra sattvānāṃ svātmano'pi vā |

smarati smārayatyanyān nāmagotrādibhedataḥ ||334||

 

nānāgatiṣvaniṣṭeṣṭacitrakarmaphalasthitān |

cyavamānāṃścyutān jātān vetti sarvatra dehinaḥ ||335||

 

lokadhātuṣvameyeṣu vineyān vinayatyayam |

tuṣitacyutyavakrāntisaṃbodhādipradarśanaiḥ ||336||

 

ākāṅkṣamāṇo'paryantalokadhāturajaḥsamān |

buddhakṣetreṣu tāvatsu svakṣetrādacalo'pi san ||337||

 

nirmāya svecchayā kāyānekaikasmiṃśca tāvataḥ |

pāṇīn mūrdhnaśca tajjihvāḥ pratyekaṃ cāpi tāvatīḥ ||338||

 

gandhapuṣpapuṭaiścitrairjāhnavīsikatopamaiḥ |

merumātraiḥ sphuradgandhasphītottamasugandhibhiḥ ||339||

 

saṃbuddhebhyo vibuddhebhyo jagaddhitavidhau pare |

pūjāṃ vidhatte bhaktyārdraḥ stutibhiḥ staiti cāsakṛt ||340||

 

ratnacchatravitānādyairmuktājālapariṣkṛtaiḥ |

apramāṇaiḥ sphuradratnakiraṇāṅkuradanturaiḥ ||341||

 

ramyaharmyojjvalastambhairmuktāhāravilambibhiḥ |

vicitrodāraratnaughaghaṭitaiścitrakarmabhiḥ ||342||

 

kūṭāgārairjvaladratnaprabhādīpaśatojjvalaiḥ |

abhraṃlihaiśca kurvadbhiḥ svaprabhāśavalā diśaḥ ||343||

 

sa tebhyo'nekaparyāyāṃ deśanāṃ cāsakṛt kṛtī |

śṛṇoti vakti cānyebhyo'nyūnādhikapadākṣarām ||344||

 

ameyakalpāsaṃkhyeyapuṇyajñānacayocchritaḥ |

gatvā pāramitāpāramityevaṃ puruṣottamaḥ ||345||

 

bhūtvā saṃbuddhasavitā bhavyabuddhyambujākaram |

bodhayatyuktikiraṇairamalairmalahāribhiḥ ||346||

 

tuṣārahāraśītāṃśucandanādhikaśītalaiḥ |

manaḥkleśāgnisaṃtāpaṃ dehināṃ hanti vāgjalaiḥ ||347||

 

janmāvartād duḥkhavīcermṛtyugrāhād bhavodadheḥ |

tārayatyāśu janatāṃ yānatrayamahāplavaiḥ ||348||

 

svasubhāṣitaratnaughairatyantaṃ tṛḍvighātibhiḥ |

nihanti guṇadāridryaṃ jagato'nādikālikam ||349||

 

dravantaṃ bhavakāntāramavidyādharmadeśikam |

janaṃ nayanti nirvāṇaṃ prajñonmīlitacakṣuṣam ||350||

 

saṃkleśāśīviṣairdaṣṭaṃ svahitādhāramūrcchitam |

cikitsati yathābhūtaṃ jñānavidyāgadairjagat ||351||

 

ciramajñānaśayitānanāthān prāṇino bhave |

prabodhayati kāruṇyād deśanāpaṭahasvanaiḥ ||352||

 

tṛṣṇānigaḍabaddhānāṃ ciraṃ saṃsāracārake |

karoti bandhanirmokṣaṃ caturmāraparājayāt ||353||

 

hutāśavadatṛptānāṃ viṣayairdivyamānuṣaiḥ |

karoti dehināṃ tṛptiṃ prajñāmṛtarasaiḥ śubhaiḥ ||354||

 

durdāntatīrthyamātaṅgajñānamānamadāpaham |

parṣatsu śūnyatāsiṃhamahānādaṃ nadatyapi ||355||

 

mahendracāpasaṃkāśavyomābhāpariveṣiṇā |

deśasthottaptasaṃpūrṇalakṣaṇavyañjanaśriyā ||356||

 

lakṣmyalaṃkārabhūtena manonayanahāriṇā |

rūpeṇāpratirūpeṇa sarvaśobhābhibhāvinā ||357||

 

saprātihāryayā caiva saṣaṣṭyākārayā girā |

surāsuranarādīnāmāvarjayati mānasam ||358||

 

sa cintāmaṇikalpena vapuṣā vacasāpi ca |

vineyārthavaśād datte viśveṣo viśvarūpatām ||359||

 

ityevamādyasaṃkhyeyāmeyādbhutaguṇākaram |

māhātmyaṃ labhate vidvānetāṃ pratipadaṃ śritaḥ ||360||

 

tattvajñānaiṣaṇā nāma tṛtīyaḥ paricchedaḥavyomābhāpariveṣiṇā |

deśasthottaptasaṃpūrṇalakṣaṇavyañjanaśriyā ||356||

 

lakṣmyalaṃkārabhūtena manonayanahāriṇā |

rūpeṇāpratirūpeṇa sarvaśobhābhibhāvinā ||357||

 

saprātihāryayā caiva saṣaṣṭyākārayā girā |

surāsuranarādīnāmāvarjayati mānasam ||358||

 

sa cintāmaṇikalpena vapuṣā vacasāpi ca |

vineyārthavaśād datte viśveṣo viśvarūpatām ||359||

 

ityevamādyasaṃkhyeyāmeyādbhutaguṇākaram |

māhātmyaṃ labhate vidvānetāṃ pratipadaṃ śritaḥ ||360||

 

tattvajñānaiṣaṇā nāma